رحلتي من العالم " الوردي الحالم " إلى .... " المطبخ " .. !!!

[مصرية الهوى]

وحشتوووووني جدا جدا ..

ايه التغييرات دي .. هو انا غبت كتير كده :unsure: ..

الله ايه الوردة الجميلة دي .. بس ده عيب ووزارة الصحة هتزعل smk:

نجي للمهم ..

- - - - - - - - - - - - - - - - - - - - - -

الله بقى اللخبطة دي ليه :blink: .. !!

طب وحدة وحدة :blink: ... !!

كانت بنت كميلة رقيقة تعيط لما تشوف دبانه طايرة في الهواء وجاية ناحيتها " متصدقوش اوي " عاشت في أحلامها الهادئة ورسمت لها عالم وردي رقيق كل شيء فيه مضيء ومشرق ومتوشح بألوان الربيع الباسمة .. وصحيت !!!

طخ طب طم .. حاسبي الحلة وقعت mfb: !!!!!!

هنا وعلى هذه الصفحة المشرقة سأكتب لكم عن رحلتي الجميلة من عالم " بنت بنوت" إلى عالم " ربة بيت " .. !!!

بس والله عالم يجنن وجدت نفسي فيه .. وخصوصا في المطبخ .. واكتشفت إني أنفع ربة منزل وأنا اللي كنت فاكرة نفسي خايبة اوي ...

سأتحدث في هذا الموضوع عن الأكلات اللي عملتها ونجحت واهو نستفيد ونفيد ..

وأوعدكم بإذن الله إني سأعود لاتواصل معكم زي أيام زمان وهأكمل موضوع مصر بإذن الله .. بس طولوا بالكم علي ..

[وليد صفوت]

ياااااااااااااااااااااااااااااااااااااااااااااااااااااااااااااااااه ! :blink: :blink:

ميييييييييييييييييييييييييييييييييييييييييييييييييييييين ! :unsure:

ج ج !! :wub: تشعالى يا بنتشى هنا :vian: أصل نظرى بقى على قدشى mfb:

ايه الغيبة دى يا ج ج ؟؟ smk:

كده بقى عليكى غرامة تأخير زائد تأخير فى دفع الإشتراك بالمحاورات بقالك خمس سنين يبقى كله على بعضه عشرين جنيه. prt: ... هاتيهم الأول و بعدين نتكلم

[سهيلة]

موش معقول

جيجى

حبيبة قلبى

فينك من زمان

وحشتينا جدااااااااااااااااااااااااااا

نورتى المحاورات

الا قوليلى

هوة الجواز بياخد الناس من بعضها كدة؟؟؟

وش واحدة خايفة اوى لانها داخلة على المرحلة دى قريب

يلا احكيلنا بسرعة على جيجى ف المطبخ

وهية متلخبطة وواقعة ف شبر مية

بسرعة يا جيجى ولا هتردى علينا بعد خمس اشر سنة

[bentmasria]

مليون حمد لله على السلامة ياعروستنا

جى جى نورتى بيتك الكبير وفرحتينا برجوعك الجميل

فى انتظار مغامراتك المطبخية وآثار التحول الكبير الايجابية طبعا :unsure:

ربنا يسعدك ويهنيكى ويفرحك بالذرية الصالحة باذن الله

:blink:

[se_ Elsyed]

والله خايف أقول حمد الله عالسلامه .. أحسن تغيبي لك فيها شهرين كمان

[Folana]

السلام عليكم ورحمة الله .....

مش معقول...ج.ج. عادت من المعتقل؟؟؟...حمدلله على السلامة....مشتجين جوى يا دميل الحقيقة يعنى...

وفى انتظار صولاتك وجولاتك المطبخية ..ما تتأخريش بقى احنا سبنا كل اللى ورانا وقاعدين مستنين ...

:unsure:

[نانو]

يا اهلا وسهلا بالعرايس الهربانه

وحشتينا جداااااا :unsure:

فيه ايه يا جيجي ...انتي كده طولتي اوي

ربنا يهديكي وتعودي الي رشدك بقي ....انتي برضه مالكيش غير المحاورات :blink:

[مصرية الهوى]

أهلا يا وليد ازيك ؟ عامل ايه ؟

ايه يا بني التغيرات دي .. انت اتحلت عالمعاش امتى :unsure: .. ولا يهمك الدنيا كده

نزول وارتحال ....

طب يا سيدي مينفعش الفلوس دي ادفعها حلة محشي والا رز المهم تكون طبيخ :vian: ..

أهلا يا دودو ..

وأنتي وحشتيييييني خاااااااالص والله :blink: ..

بصي انا بعتلك ايميل ابقى اقريه وردي عليا .. وقوليلي تدخلي النت الساعة كم عشان ادخل معاكي ونرغي زي ايام زمان ....

أهلا بيكي يا أم مادا .. وحشتييييييييييييني والله .. ازيك وازي مادا .. بسم الله ماشاء الله اهو بقى عريس اهوه ربنا يخليه لك ويحفظه يا رب ..

س س .. ازيك ؟ عامل ايه ؟ ..

والله العظيم مشتاقة جدا لمواضيعك اللي بتفطس من الضحك ... ياااااااااه كانت أيام :blink: ...

متقلقش قول .. ممكن اغطس شهر واحد بس ...

تيته .. ازيييييييييييييييييييييك ؟؟ وحشاااااااااااااااااااااني والله mfb: .. الله يسلمك ويخليك .. هأبقى احكيليكم على كل حاجه .. بالتفصيل إن شاء الله ...

أهلا بيك يا نانو .. وحشتييييييني .. ازيك ؟؟

اه والله معاك حق النت عندي المحاورات وبس .. ربنا يخليكم يارب smk: ...

[Modest]

يا ألف و تولتميت مرحبا بعروستنا :unsure:

ما شاء الله .. جاية بعد الغياب الطويل على قسم المطبخ على طول ... شفتي بقى الجواز حلو إزاي؟ :blink:

منورة يا جيجي .. و تحياتي للمستر :blink:

[مصرية الهوى]

سبحان الله يا جماعة ... مكنتش فاكره في يوم من الأيام أني هأتغير كده ..

الزواج غيرني 180 درجة .. حاسه إن حياتي قبل الزواج كانت سراب .. حاسه إنها ماضي سحيق .. تغيرت كتير .. حياتي كلها تغيرت و تغير تفكيري وتغيرت اهتماماتي كثير ... فعلا الزواج سكن ومسئولية ...

أول مرة أحس بالمسئولية .. لما بقى عندي زوج وبيت أنا مسوؤلة عنهم في كل الأمور ....

ومن ناحية المطبخ .. بصراحة أنا كنت قبل الزواج أعمل أكلات بسيطة وخصوصا الحلويات .. وكنت فاكره إن الطبيخ ده حاجه كده لا يمكن إني أعرف أعملها في يوم من الأيام .. بس أكتشفت إنه حاجه سهلة جدا .. محتاجه نفس بس .. يا سلام لما اخش المطبخ ونفسي مفتوحة للطبخ .. بأعمل حاجات جميلة جدا وأنا مستمتعة .. وأقول أنا كنت فين زمان عن المطبخ .. بس لما بأبقى قرفانة وتبقى حاجه تأدية واجب بأكره حاجه اسمها مطبخ ..

هأبقى أكتبلكم عن الأكلات اللي عملتها وطلعت تجننننن وهتاكلوا صوابعكم وراها ... والحمد لله الباشا ربنا يخليه ساعدني كثيييير في تجاربي الناجحة والفاشلة وكل حاجه بأعملها بيقول تجننننننن ( تفتكروا دي مجاملات عرسان :unsure: ) ...

أهلا أهلا ياخالو موديست .. ازييييييك عامل ايه ؟؟

ربنا يخليك ده نورك ...

مش كنتوا تقولوا لي من زمان ان الجواز حلو

[nancy]

جيجى

حمد الله على سلامتك

ويارب تكونى سعيدة فى الجواز

وبجد ليكى وحشة يا جيجي

احنا فى انتظار كتباتك وحكياتك

[se_ Elsyed]

وكل حاجه بأعملها بيقول تجننننننن ( تفتكروا دي مجاملات عرسان :P ) ...

عقلي الباطل بيقولي : كلهم بيبقوا كده في الاول .. هوووب سنة وكل راجل بيلبس الوش البلاستيك وما بينطقش بكلمه حتى لو الست ولعت له صوابعها التسعة شمع ... قال على رأي المثل .. يا مآمنه للرجال .. يا مآمنه للميه في الغوربال .. قطيعه ما حدش بياكلها بالساهل ... بس برضوا جيم جيم بنتنا لسه في سكرات الزواج الأولى وبكره تذهب السكرة وتيجي الفكرة ونقعد عالحيطه ونسمع الزيطه وتدخل لنا المنتدى وهي لابسه جلابية المطبخ ورابطة دماغها بالمنديل المحلاوي وفي أيدها كبشة وفي الإيد التانية غطى حله

صور من واقع حياة عروسة جديدة

ج ج بعد شهر جواز ( عصفورة طايرة ياخواتي وهي شايلة صنية الكبسة .. عمال إيديه وحياة عينينا )

ج ج بعد 3 شهور ( العصفورة دبلت شويه ووقع منها كام ريشة ... لكن أهو ييجي منها لسه )

صورة جيجي بعد سنة ونص جواز ( عصفورة مين يابا .. يا عم قول كلام غير ده )

ج ج بعد 5 سنين جواز ... قُضي الأمر ( نقدر نقول مُجمع العصافير بمنقطة الرياض والخرج )

[Folana]

السلام عليكم ورحمة الله .....

والله يا سيد سى السيد انت مشكلة كبيرة... :P .... wst:: ........

بالنسبة لتساؤل بنت بنت بنتى ج .ج... واللى بتقول فيه....

وكل حاجه بأعملها بيقول تجننننننن ( تفتكروا دي مجاملات عرسان ) ...

أحب اقولك انها آآآآ.....آآآآ....الحقيقة مش مجاملة هو بيعنى الكلمة..لانى سمعتها كتير من زوجى ....ويبدو والله اعلم انها كانت حاجة...تجننننن فعلا.. ha) .....والمعنى فى الحلة :)

احنا منتظرين باقى التفاصيل :wub:

[أبو محمد]

ألف مبروك ياجيجى

ويا ألف نهار أبيض

ويا ألف مرحب بعودتك إلينا يا ست العرايس

وبمناسبة طلّتك علينا مع الربيع فى أبريل (نيسان) .. إسمحى لى أقدم لك الهدية دى "بعد استئذان ماجدة الرومى" :P

طلّى بالأبيض طلّى يازهرة نيسان

[shahd]

منورة يا جيجي الف حمدلله على السلامة ياجميل

[نادو]

مساء الفل عليكم اولا رحبو بيه انا لسة عضوة جديدة ودي اول مشاركة ليه في المنتدي اعرفكم بنفسي انا نادو مصرية اسكندرنية مغتربة بدبي بالامارات متجوزة من سنتين ونص وعندي بنوته. :angry: اولا احب ابارك لجيجي واحب اقولك ان كلامك اللي قولتية عن تغيرك بعد الجواز فهو فعلا عندك حق فيه واللي لفت نظري انك وانتي بتتكلمي عن المطبخ وازاي اكتشفتي نفسك فية كانك والله بتحكي عني انا فعلا بعد الجواز بقيت استاذة في المطبخ والكل بيحلف بأكلي الحمد لله . مع ان جوزي اتعذب معايا في الاول كتير دنا جرب فية تجارب وكان يا عيني بياكل ويقولي كفاية تعبك علشان تعمل الاكل كل حاجة من ايدك حلوة. brd::

ولما كنت اقولة هعمل النهاردة كذا يقولي ايه رايك نتغدي برة ؟؟.؟ وانا اللي كنت فاكراه عايز يخرجني اتاريه عايز يرتاح من اكلي :rolleyes: من وقتها عقدت العزم علي المطبخ وخلال سنة بقيت استاذة وبقي بيطلب مني الاكل حتي البيتزا مبيكلهاش برة . والحمد لله الكل بيحسدة علي اكلي اللهم دمها نعمة.

مش عايزة اطول عليكم في اول مشاركة .

وان شاء الله هتابع معاكم بوصفات تجنن وتحفة خليجية وشامية وحلويات ومعجنات . وبردو مواقف وطرائف سنتين ونص جواز. clwn: باي مؤقتا

[Abdulaziz Omar]

brd:: :huh:

مساء الفل عليكم اولا رحبو بيه انا لسة عضوة جديدة ودي اول مشاركة ليه في المنتدي اعرفكم بنفسي انا نادو مصرية اسكندرنية مغتربة بدبي بالامارات متجوزة من سنتين ونص وعندي بنوته. :angry: اولا احب ابارك لجيجي واحب اقولك ان كلامك اللي قولتية عن تغيرك بعد الجواز فهو فعلا عندك حق فيه واللي لفت نظري انك وانتي بتتكلمي عن المطبخ وازاي اكتشفتي نفسك فية كانك والله بتحكي عني انا فعلا بعد الجواز بقيت استاذة في المطبخ والكل بيحلف بأكلي الحمد لله . مع ان جوزي اتعذب معايا في الاول كتير دنا جرب فية تجارب وكان يا عيني بياكل ويقولي كفاية تعبك علشان تعمل الاكل كل حاجة من ايدك حلوة. :blink:

ولما كنت اقولة هعمل النهاردة كذا يقولي ايه رايك نتغدي برة ؟؟.؟ وانا اللي كنت فاكراه عايز يخرجني اتاريه عايز يرتاح من اكلي :rolleyes: من وقتها عقدت العزم علي المطبخ وخلال سنة بقيت استاذة وبقي بيطلب مني الاكل حتي البيتزا مبيكلهاش برة . والحمد لله الكل بيحسدة علي اكلي اللهم دمها نعمة.

مش عايزة اطول عليكم في اول مشاركة .

وان شاء الله هتابع معاكم بوصفات تجنن وتحفة خليجية وشامية وحلويات ومعجنات . وبردو مواقف وطرائف سنتين ونص جواز. clwn: باي مؤقتا

هييييييييييييه

والله الرجالة غلابة

منكم لله ياللي ف بالي bsh:)

[Folana]

السلام عليكم ورحمة الله....

بأرحب بك يانادو اخت عزيزة انضمت لاسرتنا....

مع ان جوزي اتعذب معايا في الاول كتير

كلهم هذا الرجل ..لا تقلقى بس انت لحقتى نفسك بسرعة ماشاء الله ......احنا لسه بناكل بره لحد دلوقتى ...brd::. clwn: ..يعنى بقالنا 80 سنة قبل ما تسالى :angry:

منتظرين وصفاتك الجميلة يمكن نقدر نعمل حاجة..........

صباحو جميل... :rolleyes:

[مهيب]

حمدلله على سلامتك يا جيجى .. و ألف ألف مبروك ع الجواز ... كم كبير من الأخبار و الموضوعات و المغامرات و التغيرات أكيد مرت عليكى .. لا لا .. دحنا نعمللك موضوع مثبت ..

مستنيين مغامرات فى وادى الزوجات ..

مهيب

[kokomen]

تهنئة لمدام جيجي بالزواج وكل المتزوجات الجدد ... ونخبركم ان تجارب المطبخ دى اللى مريتوا بيها بتكون صعبة جداااااااااااا بس مش عليكم لكن على

الرجال الغلابة اللى مش قادرين ينطقوا ويقولوا الطبيخ وحش وخايفين على شعور زوجاتهم حتى لاتحدث لهم صدمة ... لكن للأسف معدة الزوج هي

الضحية .. أرجوكم أرحموا الأزواج من تجارب الطبيخ التى ليس لها لون ولا طعم ولا رائحة ؟؟؟ دى من مذكرات رجل مفروس من تجارب الطبخ ؟؟

أبو أحمد الأسكندراني

:)