زراعة الطماطم بالحليب والسكر .

[kokomen]

معلش كوكو واوا

نسيت أقولك أحنا في مصر حنزرع الطماطم دي ازاي

أحنا مش لاقين السكر والحليب نستخدمه في الشاي والقهوة .... ههههههههههههه

الاسكندراني :sad: :unsure: :unsure: :lol:

[kokowawa1979]

كوكومن كتب :

معلش كوكو واوا

نسيت أقولك أحنا في مصر حنزرع الطماطم دي ازاي

ماهو إنت يا أبو أحمد ياخويا لو دققت في خطي الصغير هاتلاقي إن أنا اتكلمت إنها بتزرع في مصر فعلا - وبتزرع من أجل التصدير فقط !! وبسم الله ماشاء الله عائدها مجزي جدااااااااااااااا وربنا يبارك لصديقي اللي زرعها - بس طبعا كان متفق على التصدير قبل زراعتها .

علاوة على شكل الحقل الجميل اللي يفتح النفس قبل جمعها مباشرة .

دراسة الجدوى بالكامل موجودة عندي لو حبيت تزرع لك 10 فدادين ودي ببلاش ياعم علشان خاطر نشاطك في المنتدى . كدة اقدر آخد أجازة والاقي كوكو تاني قايم بالواجب وزيادة شوية fty::

[kokowawa1979]

وهذه تجربة لبنات الإمارات لبيان مدى تأثير الأصوات على نمو النبات :

فقد وجدن أن تأثير القرآن على النبات يجعله أسرع في النمو عن النباتات الأخرى - وقد سبق وأن جاء في إحدى النشرات الإخبارية أن أحد أصحاب المزارع الكبرى في النمسا يقوم بتشغيل موسيقى هادئة وصاخبة للنباتات عنده ( طبعا لم يقم بتجربة اذاعة القرآن ) وقد كانت النتيجة مذهلة - حيث أن الموسيقى الهادئة أدت إلى زيادة في إنتاجية النبات والموسيقى الصاخبة ادت غلى هروب الحشرات

الجديد هنا ان القرآن فاق ذلك كله

تجربة رائدة في مدرسة إماراتية

صوت القرآن الكريم يضاعف نمو النباتات

المنطقة الغربية - صديق عبدالنبي:

نظمت طالبات الصف الثاني عشر العلمي بمدرسة قطر الندى للتعليم الثانوي بمدينة زايد في المنطقة الغربية مشروعاً مبتكراً من حيث الفكرة والمحتوى تحت عنوان (أثر الأصوات المختلفة على معدل نمو النباتات)، شارك في المشروع في التحضير والاعداد والتنفيذ عدد من الطالبات وباشراف ومتابعة هناء شحادة معلمة الاحياء بالمدرسة والتي أكدت ان المشروع الذي قدمته الطالبات جديد في فكرته ويدل على قدرتهن، مشيرة الى أن النظام التعليمي الجديد يطلق العنان للطالبات للابداع والبحث والابتكار.. وحول فكرته تقول هناء انه يتمثل في تعويض أربع من النباتات متشابهة في جميع صفاتها من حيث النوع والحجم، التربة وكمية السماد الذي تحتويه حيث تم وضع اللبنة الأولى في ظروف طبيعية دون أي مؤثر صوتي، والثانية وضعت تحت تأثير موسيقا هادئة، والثالثة تحت تأثير موسيقا صاخبة، اما النبتة الرابعة والأخيرة فقد تم وضعها تحت تأثير صوت القرآن الكريم، بعد شهر من التجربة كان معدل نمو النبتة التي تعرضت للموسيقا الهادئة اكبر من النبتة التي لم تتعرض لأية مؤثرات، والتي وضعت تحت تأثير الموسيقا الصاخبة كما أن النبتة التي تعرضت للموسيقا الصاخبة ظهرت عليها بعض العوامل السلبية مثل اصفرار الأوراق وتساقط العديد منها، أما النبتة التي تعرضت لتأثير صوت القرآن الكريم فقد جاء معدل نموها أكبر إضافة الى ذلك فقد اتجه ساقها جهة القبلة[/quote]

[مصري بالوراثة]

السلام عليكم ورحمة الله وبركاته

الأخ الفاضل كوكو واوا .. كلامك سخن الموضوع في دماغي جداً .. ياريت لو أقدر أحصل على دراسة الجدوى لهذا المشروع .

وإذا وددت عمل هذا المشروع -ولو على نطاق غير واسع- فكيف أتصل بالشركة الأسبانية أو المصدّر ، وكذلك هل فيه إشراف على الزرراعة؟

وجزاكم الله خيراً

[kokowawa1979]

أخي العزيز مصري :

تلك هي الأرقام التي يمكن الاستناد عليها عند زراعة الطاطم الشيري للتصدير :

تكلفة فدان طماطم شيري للتصدير

م البند

سعر الوحدة الإجمالي

1 البوص 6000 جنيه

2 10000 بذرة ( شتلة) 0,5 يورو 5000 يورو

( 43300 جنيه )

3 العمالة 20,000 جنيه

4 المواد الطبيعية المغذية 650 يورو 5200 جنيه

5 N. P. K عضوي 1000 جنيه

6 المبيدات الطبيعية 1000 جنيه

7 شبكة الأرض 3000 جنيه

الإجمالي

79,500 جنيه

الإنتاجية 35 طن للفدان

سعر الكيلو جرام ( تصدير ) 1,2 يورو 42000 يورو

للفدان

حوالي 360000 جنيه

طبعا هناك مصاريف أخرى لكنها بسيطة .

يمثل الشركة الأسبانية في مصر صديق عزيز لي - وهو خريج سياحة وفنادق لكن عفريت - ويقوم صديقي الآخر ( مهندس زراعي ) - بالاتفاق معه على الزراعة - بحيث تكون الزراعة مخصصة للتصدير فقط - وتمت الزراعة بنجاح عامين متتاليين -

سأحاول إن شاء الله التحدث مع صديقي بشأن ظروفك وسأوافيك برأيه سواء بالموافقة أو الرفض - لإن صديقي صاحب الشركة لابد من تواجده باستمرار للإشراف على العمل لضمان الاستخدام الأمثل لمركباته وحتى لاتختلط بمواد أخرى تجعل التصدير غير ممكنا .

[badroora]

تصدق بالله يا كوكواوا انا من ساعة ماسجلت هنا واعلان الطماطم دا بيعدى من قدامى وانا بافكرة نكتة او تريكة اليوم لاقيت اسمك منور جنب الطماطم بالحليب والسكر قولت ادخل اشرب قصدى اشوف فى ايه

:lol: يا كوكوا احن لاقين ناكل لما هنزرع طماطم بالسكر واللبن

ويا ترى لما ينادو عليها هيقوولوا ايه يا متحلية بالسكر واللبن يا قووووووووووووطة

سا محنى يا كوكوا طبعا اللى زى معندوش دراية بالكنولوجيا يقول عدس

عموما ربنا يوفقك وتاتى الينا بكل ماهو جديد

بس ممكن تبقي تضيف عليها كابشتينوا عشان نوفر

وسكر دايت وحياتى عشان الوزن بس

واللهم نولنا اروروبا عشان ندوق طماطم من بتاعة كوواواوا

تحياتى

نجفة

[مصري بالوراثة]

جزاكم الله خيراً ياباشمهندس

وفي انتظار رد صاحبك إن شاء الله

:lol:

[kokowawa1979]

نجفة كتبت :

اليوم لاقيت اسمك منور جنب الطماطم بالحليب والسكر قولت ادخل اشرب قصدى اشوف فى ايه

يا بنتى طول عمرك كدة تحرجيني بذوقك - طيب أعمل فيك إيه بس :lol:

تصدقي موضوع إننا ننده على الطماطم اللي بالحليب بإيه مكانش في دماغي - طيب التانية أم 3 جنيه أقصاها للكيلو بنقول عليها مجنونة ياورد :lol:

طيب أم 20 و35 جنيه هانقول عليها إيه ؟؟؟؟

فكري لنا في إسم ولك نصيب من السبوبة :lol:

بس حقيقي والله يا نجفة موضوع الطماطم بالحليب ده حقيقي مفيش فيه أي نوع من الهزار - بس طبعا عنوان الموضوع بيوحي إنه نهريج وهو جد الجد !!

معاك قرشين استثمرهم لك في قد كرتونتين smk:

[badroora]

طبعا يا كوكواوا زى مانت عارف انى مؤلفة بس فى الخباثة اليك سيدي الاسماء بس عالله منسناش

1- يا متربية عالغالى يا قوووووووووطة

2- يا مدلعة يا قووووووووووووووووطة

3- يا معسلة بالسكر يا قوووووووووووووووطة

4- يا شاربة 17 كيلوا لبن يا قوووووووووووووووووطة

5- يا مفطوووووووووووووومة بدرى يا قووووووووووووووووطة

دا طبعا بعد ما تبطلوا تشربوها اللبن عشان تنباع قصدى بعد الحصاد

6- فطموكى بدري يا قوووووووووووووطة

7- فكهة الناس الغلابة يا قووووووووووووووووووووطة

8- حلم الغلابة يا قووووووووووووووطة

9- يا غنية بالكالسيوم يا قوووووووووووووطة

10 يا وجبة متكاملة يا قوووووووووووووووووطة

يلا يا كوكوا اختار اللى تبيه عندك عشر اسامى اهوم ورزقى ورزقك على الله

[Ghost]

جميل جدا و مش هقتنع غير لما لدوق الطماطم دية على سبيل الهدية طبعا :-)

[kokomen]

الأخ كوكوواوا

فكرة الطماطم دي هايلة .......... طبعا سمعت عن مشكلة نقص حليب الأطفال في مصر وخلط الحليب بالسراميك علشان يبلطوا بطن الطفل ؟؟؟

فرصة الله يخليك ابعتلي كيلو طماطم المتغذية على الحليب دي ..علشان أعملها رضعة للولد في الببرونة أهي تعوضه عن الحليب اللى مش لاقيينه

بدل ما يبلط بطنه بالسراميك الله يكرمك ويسهلك طريقك ويجعلك قشطة في كل طمطمايه يا قادر يا كريم .. ههههههههه

أبو أحمد الأسكندراني

smk: -_- :D

[ayman74]

موضوع جدير بالمناقشة فكرت في إرجاعة للصدارة مرة أخرى

[Ahmed el- ghamraway]

شكرا جزيلا علي الفكره الرائعه بس لو حضرتك تخلينا نقدر نتكلم مع صديق حضرتك صاحب الشركه عشان يدينا رايوه .

عشان انا فعلا عندي حتت ارض في الاسكندريه في ابيس و هي ارض رمليه و لو يقدر صديق حضرتك يشوف الارض و يقول رايه اكون شاكر جمايلك و ياريت اقابله في الاسكندريه ممكن علي اول شهر 6

[Ahmed el- ghamraway]

http://www.youtube.com/watch?v=rCV-pHl0cr8...feature=related ده video عن الشيري

[Ahmed el- ghamraway]

http://www.youtube.com/user/expertvillage و ده واحد كمان

[waly]

السلام عليكم

ايه اخر اخبار الموضوع ده

هل في حد بيشتغل فيه

وشكرا لكاتب الموضوع وياريت يوضح معلومات عن الشركه او معلومات عن وكيلها