وجيه عزيز

[nancy]

انا لسة متعرفه على الفنان العظيم ده وزعلت جدا من نفسى انى معرفهوش رغم حبى لفؤاد حداد والرحبانية ومنير طبعا حتى اغانى لسيمون

واغنية احمد ذكى فى هستريا

ان مقدرتش تضحك ماتدمعش ولا تبكيش

وان مفضلش معاك غير قلبك متخفش مش حتموت.. حتعيش

وان سألوك الناس عن ضى جوه عيونك مبيلمعش

متخبيش قول لهم العيب مش فيا .. العيب فى الضى

كل دة هو عالم وجيه عزيز عالم رائع اكتشفته حالا

اتمنى ان غيرى وكل اصدقائى فى الموقع يستمتعوا بيه

وفيه كمان شاعر من نفس التركيبه اسمه على سلامه ياريت حد ينزل اشعاره

احنا فعلا محتاجين نسمع الناس دى ونشوف النوعيه الى بتقول ان الفن لسة ماماتش

يمكن ننسى الاغانى الى كلها خناقات واستفزاز

موقع وجيه عزيز

www.wagihaziz.com

اتمنى ان تسعدوا بما ستجدون لدى هذا الفنان الكبير

واتمنى ان اى معلومات جديده تكون فتيتنى وضفلنا عنه انها تتكتب هنا فى الموضوع

[nora]

تسلم ايدك يا نانسي تعرفي اني بموت في الاغنيه بتاعت احمد زكي دي لان كلمتها بسيطه وبتلمس القلب بسرعه عموما شكرا للمعلومات الجميله دي

[amanys]

وجيه وعلى توليفه مصريه من سنين طويله اول اغنيه عملوها بتقول :closedeyes:ا لحزن قام حفر عفر عفر اسى ودموع غار الفرح غنى وصفر قال البكا ممنوع زوعملوا حاجات كثير جدا مع بعض لو سمعتيها هاتعجبك جداوعلى العموم فى كاسيت لهم فى السوق اسمه زعلان شويه ياريت تسمعيه لانه حقيقى رائع

[abofasad]

أول مرة اتعرف وأسمع الفنان وجيه عزيز كان في برنامج العاشرة مساء للإعلامية المتميزة منى الشاذلي

وقد أرسلت للأهل بالقاهرة للبحث عن ألبوماته في السوق ولكن لم يعثروا عليها

هل اطمع من الفنانين ومحبي الفن الجميل بالمنتدى أن يساعدوني على تنزيل أغانيه

انه فنان جميل من زمن الفن الجميل

شكرا مقدما