أوسكار السينما المصرية بين الجد والعبث

[Sherief AbdelWahab]

لن أتطرق لمستوى الأفلام المصرية الحالية ..

لكني أتطرق للمسابقة الغريبة المسماة بأوسكار السينما المصرية ، والتي تقام بشكل بيولوجي كل عام على قلة فايدة ..

صحيح إن النهاردة الأفلام أكتر من كذا سنة فاتوا ، وإن الموسمية بدأت تختفي من السينما المصرية لأسباب فلكية (دخول رمضان تدريجياً في فصل الصيف) وتجارية..

لكن هل يبرر دة إعطاء جائزة مثلاً عن فيلم دم الغزال اللي معروض السنة قبل اللي فاتت؟

هوة مفيش ضوابط موضوعية لإعطاء هذه الجوائز؟

مش الأوسكار دة بيفترض إنه نقدي ومش تجاري؟

مش ليه ترشيحات أو هكذا يفترض؟ بلاش خمسة ، خليهم تلاتة لحد ما الأفلام تكتر أكتر وبعد كدة نختار؟

وليه أوسكار يعني؟

كل دولة مش ليها شخصية خاصة أو اسم خاص للجوائز ، فرنسا مثلاً ليها "سيزار" على غرار الأوسكار؟

ليه الموضوع بدأ يقلب على مهرجان القاهرة للإذاعة والتليفزيون؟

خلص الكلام

[mohamed_mido87]

بسم الله الرحمن الرحيم

انا معاك ان موضوع الجايزه بتاعه اوسكار السينما المصريه موضوع مش ظريف وانا شخصيا مش مرتاح ليه بس برضه لازم نعترف ان السينما عندنا تطورت جدا واصبح عندنا افلام كثيره فى الموسم الواحد صحيح كتير من الافلام ملوش قصه ولا معنى وفيه اسفاف بس برضه فى افلام كويسه جدا وليها مضمون فكان لازم ندى حافز للافلام الجيده بجايزه رمزيه متمثله فى اوسكار افلام مصريه ودم الغزال فيلم كويس قوى على فكره ويستحق الجايزه وعلى فكره هوه كان نازل فى اول سنه 2006 يعنى الجايزه تشمله لكن لازم يكون في ترشيحات كتير للافلام ونقد موضوع بحت

واشكرك كثيرا على الاهتمام بالموضوع ده

وننظر المزيد

[Sherief AbdelWahab]

هذه هي صفحة الفيلم في موقع "في البلد"

http://filfan.filbalad.com/movieprofile.asp?Movieid=1972

الفيلم كما نشر الموقع إنتاج 2005 ، عرض تجارياً 2006 ..

سؤال للعارفين ببواطن الأمور في الفن السابع : الفيلم بيؤرخ بسنة إنتاجه ولا نزوله؟ ولا علشان فيلم كويس برضه نديه جايزة ، ما كانت أفلام أعظم خدت الأوسكار الهوليودي!

خلص الكلام