تخيل الحياة بدون حواء ........

[وليد صفوت]

السلام عليكم ...

بداية لم أكن اريد التدخل فى موضوع ليس من إهتماماتى الحالية لولا فقط الرغبة فى تصحيح مفهوم وجدته أكثر من مرّة مستقر لدى الكثير من الرجال و هو ان سيدتنا حواء أم البشر هى سبب خروج سيدنا آدم من الجنّة.

أنا أريد أن أصلح هذة المعلومة المغلوطة التى بدأت بمزحة ثم بدأ الرجال يصدقوها حتى استقرت فى عقولهم كشيئ مُسلّم به... و هذا غير صحيح.

خير الكلام القرآن الكريم الذى لا يأتيه الباطل من بين يديه و لا من خلفه.... قال الله تعالى فى سورة الأعراف:

"وَيَا آدَمُ اسْكُنْ أَنتَ وَزَوْجُكَ الْجَنَّةَ فَكُلاَ مِنْ حَيْثُ شِئْتُمَا وَلاَ تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ (19) فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْءَاتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ (20) وَقَاسَمَهُمَا إِنِّي لَكُمَا لَمِنَ النَّاصِحِينَ (21) فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ (22) قَالاَ رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ (23) قَالَ اهْبِطُواْ بَعْضُكُمْ لِبَعْضٍ عَدُوٌّ وَلَكُمْ فِي الأَرْضِ مُسْتَقَرٌّ وَمَتَاعٌ إِلَى حِينٍ (24) قَالَ فِيهَا تَحْيَوْنَ وَفِيهَا تَمُوتُونَ وَمِنْهَا تُخْرَجُونَ".

و بقراءة الآيات الكريمة جيداً نجد الله تعالى بكل دقة يتحدث عن حادثة الغواية بصفة المُثنّى : ( و لا تقربـــا - فوسوس لهمــــا - ليُبدى لهمـــــا - فلمّا ذاقــــا - .......) أى أن الغواية كانت على الإثنين و ليس على حواء فقط ....

هكذا قال الله تعالى و هو أعلم بما فى النفوس و هو يقص علينا القصص بالحق.

ثم حتى لو استخدمنا عقلنا و فرضنا أن سيدتنا حواء هى التى اغوت سيدنا آدم ... فهو ايضاً أخطأ لأنه عصى أمر الله تعالى و أكل من الشجرة.

و أخيراً .... الجملة التى تقول أنه لولا حواء لكنا فى الجنة الآن ...... جملة خاطئة ايضاً لأن الله تعالى أعلن "قبل خلق سيدنا آدم" للملائكة انه سيخلق الإنسان ليجعله فى الأرض خليفة ...و ليس فى الجنّة. قال تعالى فى سورة البقرة:

"وَإِذْ قَالَ رَبُّكَ لِلْمَلاَئِكَةِ إِنِّي جَاعِلٌ فِي الأَرْضِ خَلِيفَةً قَالُواْ أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لاَ تَعْلَمُونَ (30)"

اعتذر عن المقاطعة و لكن فقط وجب التصحيح لتلك المعلومة الثابتة للأسف فى ادمغة الرجال. و الله ولى التوفيق.

تحياتى ...

[وائل كيوان]

جزاك الله خير يا اخ وليد عن التصحيح الوافى للمعلومة التى فهمت خطا لمعظم الناس وليس للرجال فقط ( رجال ونساء )

وافضيت علينا بالبرها والدليل وهى من الايات القرانية المباركه التى ليس فيها اى شك واعتقد ان الكل قرأ الايات بتمعن مفصل ولك كل الشكر .

اما بالنسبة للموضوع : الحياة بدون حواء

انا اعتقد وده لانى لسة مدخلتش دنيا الحياة مش هيكون ليها طعم ولا معنى من غير حواء وان كانوا هما زهقوا 40% من نسبة الرجال فى العالم و 10% جلهم صرع بسببهم و 25 % جلهم سكر 20% ادبحوا على ايديهم فى جرائم مختلفة على مستوى العالم فى كل دول العالم يعنى هما طبيعتهم واحده فى القارات الستة كالتقطيع فى اكياس نايلون او حرق الجثمان او وضعه فى برميل كبير ووضع خرسانه عليها علشان الجثة تختفى ونسبة 4% لا يصل العلم الحديث اين اختفوا على مستوى العالم وفضل نسبة واحده من الرجال المتزوجون وبندعى معشر الرجال وربنا يارب يكرمهم ديما علشان يفضلوا رافعين راسنا بينهم لان هما الحاجه الكويسة اللى فضله لينا وهذه النسبة استمرت واكيد علشان قدروا يسيطروا على زوجتهم ومخلوش ليهم لا حس ولا صوت ولا يعلو صوت المرأة على الرجل ودى احصائية جمعتها من كل الرجال المتزوجون من حولى وقاعدين يقلولى مثل واحد ديما مش بيتغير ( العزوبية حرية وحياة هنية واوعى يابنى تتجوز جنيه وربنا ميحكمهاش على واحد فى الريحه والجاية ومن قدم شئ بيداه التقاه ونصيحه من اخوانك المتزوجون )

وده كان رايهم بس مع كل الاحصائيات البسيطة دى تؤكد طبعا ان هما اكيد مخلين للحياة طعم

[سهيلة]

يا جماعة ببساطة حوا هي نص الدنيا ممكن ناس تعتبراها النص الحلو وناس تعتبرها النص الحلو بردو دة ما يزعلناش

بس اللى متخيل الحياة احلى من غير حوا نسى ان حوا هية الاخت والام والحبيبة والابنة

هل تقدر تتخيل حياتك من غيرهم

بلاش دة تخيل وانت نازل الشارع يوم وكل اللى ماشيين ف الشارع رجالة ف رجالة

وكل اللى سايقفقين عربيات رجالة وما فيش حد يكسر عليك وانت ماشى ولا يخبط لك عربيتك

وترجع البيت بردو تلاقى رجالة

وف المحلات كل الباءعين رجال

من غير ابتسامة حلوة ف حياتك

لالالا

دة يوم دمة تقيل اوى

موش كدة لازم تعترفوااااااااا

[بنت النيل]

تحياتى لك اخى الفاضل وليد

ايواا كدا انت وينك من زمااااااااان

[وائل كيوان]

والله السؤال ده تسأليه لواحد عرف حواء أساسا :D

مش أنا اللي جتني خيبه مش عارف حتى احصل على إيشارب حواء :)

الحياة بدون حواء......كالخنتوص بدون خواء

فلا تشتموا راحة الشواء......ولن تتفشكتو الخزاء بدون كواء

أفلا البهيمة اذا مالت تستاء..وإنما للخزيقة خنق مغواء

( أبو الخلاء المكشي...أكتوبر 56 ( :blink:

حيرتنا يا نسر معدناش عارفين انت بتتكلم اى لغه

انجليزى ده يا مرسى

[Ahmad Farahat]

بالمناسبة يا شباب...........

فيه علاقة مابين............

حواء.........

و واء ............واء..............وااااااااااااااااء

[Diab]

تخيل الحياة بدون حواء ........

غريبة هو انتي جيتي هنا السعودية ولا أيه

أنا آخر مرة شوفت فيها حواء

أمتي امتي أممممممممممممممممممممم.........

:rolleyes:

مش فاكر

[se_ Elsyed]

تخيل الحياة بدون حواء ........

غريبة هو انتي جيتي هنا السعودية ولا أيه

أنا آخر مرة شوفت فيها حواء

أمتي امتي أممممممممممممممممممممم.........

:)

مش فاكر

أنا اقولك .. اصل قعدت ييجي 5 سنين مجرب الإحساس ده

أخره مره بتشوف فيها حوا في

الطيارة

ولو جاي مصر للطيران .. يبقى تعيش إنت يا حاج

لإن في رحلات بيبقى المضيفين رجالة

ونعم الرجولة

سيبك إنت وهو " معرفة الرجالة كنوز "

أنا باتخيل الحياة بدون حواء كالتالي :

1- أبرطع براحتي في الشقة ولا واحده تقولي " رص هدومك في الدولاب كويس وخليك مُنظم .. ما فيش بدلة بتتلقح بالمنظر ده على المكتب "

2- ما فيش .... قوم أنزل السوبر ماركت إشتري لنا خضار عشان طبيخ بكره

3- ما فيش .... خد الفاتورة دي إدفعها

4- ما فيش .... قوم صلح الشماعة اللي في الحمام أصل مساميرها إتلخلخت ... طب يا حبيبتي في ماتش للأهلي شغال والترسانة مبهدلنا والتلات نُقط هايطيروا مننا ... بأقولك إيه لا ترسانة ولا محله .. الشماعة أهم ولا عايز الهدوم توقع على أرض الحمام ؟

5- ما فيش كذب - أبيض والله - ولا حجج بإجتماعات عشان أورح أتغدا مع زمايلي أو أسهر على القهوة

ده أنا أبقى سلطان زماني ....

تحيا جمهورية الرجالة المتحدة التقدمية الوحدوية ..

[بنت النيل]

4- ما فيش .... قوم صلح الشماعة اللي في الحمام أصل مساميرها إتلخلخت ... طب يا حبيبتي في ماتش للأهلي شغال والترسانة مبهدلنا والتلات نُقط هايطيروا مننا ... بأقولك إيه لا ترسانة ولا محله .. الشماعة أهم ولا عايز الهدوم توقع على أرض الحمام ؟

:) :) احلى حاجة عجبيتنى يا سين سين

وشهد شاهدا من اهلها والاعتراف بالحق فضيله وانت طبعا فاهم قصدى على ايه :)

ياشماتت الزمالكويه فينا :lol:

[غريب الزمان]

تحيا جمهورية الرجالة المتحدة التقدمية الوحدوية ..

تحـــيــــــــــــــــــــــــــــا تحـيــــــــــــــــــــا

بس يا هل ترى العلم بتاع الجمهوريه هيبقا شكله ايه :lol:

بس فعلا تخيلوا جمهوريه رجاله

رئيس راجل راجل مش من الى كده ولا كده

مجلس شعب اخر مجدعه من غير ستات الى الواحده منهم ترفع ايديها علشان تقوم تعدل شعرها وتقعد تانى وتقول شكرا سيدى الرئيس

ولا العلاقات بين الشعب الرجولى هتبقا اخر انضباط غير بس هنحتاج قوات مكافحة شغب

ب احسن انك مع الستات لما بتتخنق منهم مبتعرفش تاخد حق ولا باطل كلام مش نافع تسمع كلام مش نافع وكمان عمرها متقعد ساكته لو انتا مخنوق منها يعنى بتحتاج تخنقها وتقول عيب ديه ست او ترميها من الشباك مثلا وتقول هي ارحم من المشنقه او او او.... لكن مع الرجاله بتاخد حق تمام الى بتجيب اخرك منه ومينفعش معاه تفاهم بتعمل ايه بتظبطه وانتا مستريح

لكن مع الستات يا حسرتاه بتكتم جواك لغايه متفرقع او تنتحر وهيا تورث

المهم هتعملوها امتى الجمهوريه ويا ترى هتتخلصوا من الستات وهل هنقدمهم للمحاكمه واعدام على طول ولا محمكه دوليه واكيد هيخدوا سجن مدى الحياه او نفى فى اى حته بعيد

طيب والعيال بصراحه لو هانت عليكم الستات مش هتهون العيال بقول ايه

يبقى الوضع كما هو عليه وعلى المتضرر اللجوء لاقرب حيط علشان يخبط دماغه فيه

نعمل ايه منهم لله الظلمه

نداء لكل شاب وفتاه خليكم فى بيوتكم احسن

مفيش احسن من الروقان صدقونى

يعنى انا مثلا بعد ما قررت اعتزال ملاعب النساء وبلعب رجالى دلوقتى :lol:

فى احسن حال

فى احسن صحه

فى احسن مزاج

فلوسى فى جيبى وبجيب بيها الى على مزاجى والى يرضينى

بخرج وقت ما احب وارجع وقت ما احب

مفيش تليفون رخم من واحده رخمه تقولك انتا فين ورايح فين وتعالى وروح

الاتفاق الى مع الراجل بيمشى زى ما هو لكن مع الست استحاله

وكتير اوى

باختصار مفيش احلى من الحريه

بقول للستات كفايه ظلم حرام انتم سبب امراض الرجاله ضغط سكر........................

[CAMPS]

الصراحة يا بنت النيل الحياة بدون حواء صعبة

مكانش هيبقى شعر رومانسي ولا زهور حمراء

واظن الرجالة هيمشوا في الشارع بالبيجامات

بس كمان لو مفيش حواء كنتوا هتلاقوني معاكم في كل لقاء من لقاءات المحاورين في الكويت مش اول لقاءوبس لآني هبقى عندي وقت

تم تعديل 26 فبراير 2007 بواسطة CAMPS

[ابو ايمان]

حياه بدون حواء صعب

لان حواء هى الحياه اصلا بكل فا فيها من حلوها وكل شيئ

انا عن نفسى لا حياه بدون حواء