سبب وجودي في المحاورات

[Salwa]

مساء الخير ..

موضوعك يااسكوربيو بيعيدنا للايام البعيدة ..الجميلة ..

يااااه....بتفكرنى بالاكتشاف الجميل ..

قبل ما احكى احب اشكر ياشو جدا جداا على كلامها الجميل ...وفعلا اسعدتنى بقولها ان اول موضوع شجعها على الاشتراك معانا هو موضوعى ....وانا ايضا اعتز بك وبكم جميعا ...ويارب تفضل المحاورات دايما منورة بناسها .

سبب وجودى فى المحاورات ....

كان لى مدة قبلها ادخل على النت لقراءة الجرائد .....وفى يوم وانا اقرأ جريدة الوفد فوجئت بوصلة للمحاورات ...وبدون تفكير (( لغيتها ))...!!!

تانى يوم حصل نفس الشئ ....وبرضه (( لغيتها )) ...!!!.....تالت يوم فوجئت ان نفس الوصلة تظهر مرة اخرى ...فتحت اشوف ايه ده ؟؟ ..........كانت الساعة الثالثة بعد الظهر .....فوجئت ان الساعة اصبحت الخامسة

وانا اقرأ فى مواضيع عجيبة وارى شخصيات قريبة جدا جداجدااا من نفسى !!..

كانت اول مداخلة قرأتها لعمرو (2003)....شاب فى سن ابنى ...

وفى يوم 15 يناير 2003 ...قررت اشترك ....كان اول موضوع والسبب لاتخاذى هذا القرار بالانضمام لهذه الباقة الجميلة

..كان موضوع ...كم يساوى المصرى ؟؟ ......كان موضوع للابن الفاضل سى السيد ..

بصراحة عند قراءتى للموضوع ....شعرت ان كل هؤلاء يتحدثون نفس لغتى ....ناس محترمة بجد....مكان فيه فكر راق ...حتى الاختلاف ( اختلاف بكل احترام ) ...

http://www.egyptiantalks.org/invb/index.ph...ic=4036&hl=

واقول لكم ايه ؟

انا فعلا بحب المكان ده....وبحب كل الاخوة والابناء ..

ربنا يخليكم لسلوى...

وبرضه يخللى لكم سلوى ..........مش كدة والا ايه ؟؟

[ابو محمود]

انا اسمى محمود مصطفى مسجل اسمى من سنة وانقطعت من شهور عن الكتابة لانى كنت مشغول ومعنديش وقت ولاكنى دخلت اليوم واتمنى ان اواظب على الكتابة والاطلاع او الردود واتمنى ان يكون ما أكتب اساهم بة فى المحاورات ولو بحرف او كلمة مفيدة صحيح انا تقريبا نسيت بعض السادة الزملاء ولاكنى افتكر الاخ الشاعر والأخت شعنونة وبنت مصرية وسى السيد واوتاكا وانا اكيد مشتاق لكتاباتهم هم وكل من فى المحاورات ولكنى سوف افتح مواضيعهم لكى اقرأها حتى ارجع مافات واتمنى ان اكون مساهم ومفيد للمحاورات وارسل سلامى لكل الاخوة والاخوات الاصدقاء واما عن سبب معرفتى فهى لأنى دائما ابحث فى المواقع وكانت فى متصفح جوجل وكتبت المصريين واذ بى بينهم كما الأن فاهلا بكم كجدد وارجو ان تضمونى اليكم صديق وزميل للمحاورات لى بعض الاسهامات من مواضيع على اللة تعجبكم وانا احب المواضيع الجادة والخفيفة والضحك وعدم الكأبة وان أصف ما بداخلى من مشاكل او حولى بشيء من الفكاهة على فكرة فى ناس انا نسيت اسمهم منهم خضر وناس كتير بس محدش يزعل منى انا بحبكم كلكم بس دماغى مدووشة وبنسى كتير سامحونى اذ كنت نسيت حد

[ليالي الغربة]

السلام عليكم بصراحة انا لسه جديدة هنا ولكن كان بقالي فترة بقرا المنتدى هذا ولكن ليس فترة طويلة ولكن احسست بصراحة انه يحتوي على مواضيع جيدة ومحترمة وانا بشكل عام لا اشارك بالمنتديات فهذا ثاني منتدى اشارك فيه فقط وليس لدي الوقت للاسف لكنني احسست بأن المواضيع المطروحة محترمة ومهمةكما ان اختيار قسم خاص للمغتربين فكرة حلوة وبما انني مغتربة فلقد كان هذا بصراحة اهم الأسباب لاشتراكي معكم .

[white rose]

...تحت

تم تعديل 16 أبريل 2007 بواسطة white rose

[white rose]

صباح الخير

إزيكو وحشتوووني أووي

أنا مريوم المصرية بس مش عارفة ايه اللي حصل في الباسوورد ماعرفتش أدخل تاني

فعملت عضوية جديدة،،ما علينا

أول مرة أدخل هنا كنت برضو بدور على حاجة ف جوجل

ودخلت هنا بالصدفة

كان في موضوع في المغتربين المصريين مش فاكرة إسمه

بس كان عن المصريين في الغربة وليه السعوديين بيكرهونا وبيحتقرونا،الصراحة الكلام استفزني جدا،بما إني مغتربة كنت في المدينة وأساسا مولودة هناك،،ورحت مكة من سنتين قمت علطول سجلت عضوية ودخلت

بعد كده قعدت أتجول في المنتدى وقرأت مواضيع كتيير وحسيت اني أعرفكو قبل كده يمكن عشان مصريين زيي؟معرفش

،وحبيتكو أووييي،و عجبني جدا جدا العلاقة اللي بين الأعضاء واحترامهم لبعض وان تقريبا مشاكلهم وهمومهم واحده،وجمعنا حبنا لمصر وخوفنا عليها

يمكن يا جماعة أكون صغيرة عليكو بس والله بفهم،وبحبكو خالص

يا ريت تقبلوني معاكو :pasha:

تم تعديل 16 أبريل 2007 بواسطة white rose

[امانى]

موضوع شيق وجميل سكوربيون

انا بقى جديدة على المنتدى بقالى حوالى شهرين وسبب وجودى فى المنتدى اولادى لانهم اعضاء فيه مرة سالت واحد فيهم ايه المنتد

ى ده فقلى على فكرته بغد كدة الفضول اخدنى وقلت اجرب اشترك فيه ودخلت زيك بالظبط فى الاول معنديش الجراة اكتب لكن قريت

مواضيع كتيرة وانبهرت باراء كتيرة واحسن حاجة لفتت نظرى هى الاحترام المتبادل بين الاعضاء وخفة دمهم ده خلانى اشارك فى الردود

على بعض الموضوعات وشجعنى اكتر انى اخنار مواضيع اتكلم فيها وهو بحاول اكون عند حسن ظن الجميع واقدم مواضيع جديدة ان شاء ا

الله

[semsema]

جميل اوي الموضوع ده

من خمس شهور تقريبا فتحت جوجل وكتبي:

اسوأ عشر شخصيات مصريه لعام 2006 وكان الموضوع ده بيتكلوا عنه في المنتدى فعجبتني اوي ردود الاعضاء ومن بعدها بقيت ادخل كزائره والحمد لله من اسبوع سجلت فيه

[kokomen]

شكرا سكوربيون

بالصدفة البحتة دخلت المنتدى ... كل أنواع الدردشة والشات بتحس فيها بعدم الصدق وللأسف فيها مواضيع كثيرة لاتستحق المشاركة فيها

أما محاورات المصريين فقد جذبني اليها موضوعتها المتنوعة الجميلة ..ومشاركات متميزة من الأعضاء بمختلف اتجاهتهم . وهي مشاركات

بناءه تثرى الفكر وتعطى الأمل في شباب وشابات مجتمعنا المصري الواعد .. واراء الرجال والنساء الجميلة المفيدة ..كل هذا شجعنا على التسجيل

في المحاورات ..حتى اننا نجد فيها البسمة الجميلة . والضحكة الصافية .. والترفيه المحترم ..شكرا لكل المشاركين ونتمنى للجميع التوفيق بأذن الله

أخوكم أبوأحمد الاسكندراني

[bentmasria]

سكوب جميل الروح والقلب

لماذا نحن هنا

لانكم ببساطة هنا

هذا الجمع الواعد من المثقفين الملتفين فى عباءة حب اكبر هو حب الوطن تعبرون عنه بطرق مختلفة وجميلة وتتمنون لخيره بل وتسعون له

اما الموضوع الذى اتى بى هنا فلا تستغرب

باب الاستشارات النفسية والطبية

اثناء بحثى فى احد محركات البحث قبل عدة سنوات كنت اريد ان اتعرف الى بعض المنتديات التى تقدم الخدمات الطبية عبر الانترنت ووجدت محاورات المصريين وبدأت فى التصفح لشهور قبل ان اقوم بالتسجيل واعجبنى جدا ان اجد ركنا لهوايتى الحبيبة الكتابة وسجلت معكم قبل سنوات ومازلت هنا رغم فترات من البعد والاقتراب فهذا المكان حبيب الى نفسى وشاركنى افراده ازماتى بقلوبهم ودعواتهم وباكثر من هذا بكثير ولا زلت ادين بالفضل للكثيرين من اعضائه الكرام

سكوب

ربما نبتعد قليلا او نختلف احيانا لكن تبقى محاورات المصريين ذات ركن دافىء فى مرافىء القلب

شكرا على الموضوع الطيب اخى جميل الروح

االبنت المصرية

[islamonline]

أنتم بقي ... ايه سبب وجودكم هنا ؟

اولا شكرا ليك انك اتحتلنا الفرصة علشان نعبر عن مدى حبنا و ارتباطنا بالمنتدى

كنت بقالي فترة بفتح اي منتدى للتصفح بس و قراءة التعليقات و الاخبار و كنت اتنشق لسماع الامور الداخلية في مصر الناس فى الشوارع عايشين ازاي كنت بدور على حاجة تخليني حاسة اني لسه عايشة في مصر مسبتهاش .

بس ملقيتش و لا منتدى اداني الاحساس ده بس لقيت شوية عيال صغيرين بيهرجوا و بيعرضوا احدث افلام و اغني

بس مش فاكرة ازاي لقيت المنتدى ده و برضه شدني اسمه جدا و دخلت فيه زائرة كام يوم و لقيت انه مختلف تماما عن كل اللي اتفرجت عليه و لما لقيت فيه قسم خاص عن المصريين المغتربين اصريت اني اشترك فيه

يمكن انا لسه في الاول مليش اشتراكات في الرأي كتير لأني افضل اتابع و اراقب في البداية و لكنني على الاقل بدأت استفيد جدا من هذا المنتدي و لا استطيع الامتناع عنه ابدا و اصبحت مدمنة عليه اول حاجة بفتحها و ادور على المشاركات الجديدة و اعرف ايه اخر اخبار الناس الموجودة و حسيت انهم اخواتي كلهم .

ارجو اني مكنش طولت عليكم .

[darlengs]

انا دخلت علمنتدي بلصدفه و كنت يومها في حاله حزن مركز mfb: 00وحاسه فعلا بكابه الغربه00 wst:: و فراق بلدي 00 اول حاجه شدتني اني حسيت بروح مصريه فعلا خفه الدم و الاسلوب الظريف wst:: و عرض الافكار والمواضيع الجاده باسلوب رائع 00 و حسيت انكو فعلا اسره واحده :rolleyes: 00 و اني اعرفكو واحد واحد 00و اني فعلا لسا فمصر wst:: 00 بتابعكو من يوم موصلت الكويت wst:: 00 و ادمنت زيارة المنتدي و اخيرا تجرأت و لسا عملا عضويه من اسبوع بس wst:: 000

[duha]

السلام عليكم

انا اول مرة اشوف المنتدى كنت ابحث في غوغل عن موسيقى بحيرة البجع ولقيت البرنس موديست منزلها هنا وبقيت اتابع وكل مرة البرنس موديست ينزل حاجة جديدة وحلوة قلت لازم اسجل واشكره

طبعا مشاركاتي قليله لاني لسه بحس بغربه شويه لكن متابعه جدا مش يمر يوم من غير ما ادخل المنتدى وشوف ايه اللي بيحصل واتمنى ان اكون واحده من العيله

اللي شفته هنا ان الناس كلها محترمين وودودين جدا ويا رب يستمر المنتدى بهذه الروح

شكرا لكم على كل شئ

ضحى

[Bero]

السلام عليكم ورحمة الله

انا باة كنت على منتدى تاني مصراوي

وبعدين دخل حد violin king

اللي هو اعتقد وليد صفوت حاليا .. وقال على المنتدى ده

ودخلت وسجلت فيه .. وكنت مبهورة جدااااا بالعضاء اللي فيه وبمستواهم الفكري ..

:lol:

[لا تعليق]

السلام عليكم ورحمته وبركته

احب اشكر كل الاخوة الموجودين بالمنتدي لانهم اخذونى الى عالم حلمت به من الاراء الصدقة والهادفة تهون ليالى الغربة

عرفت منتدي بالصدفة من احد اصدقائي وهو بيحكي عن منتدي مصريين بيتكلموا بحرية كبيرة

وقعدت سنة كاملة اتابع منتدي واقرا التعلقات كلها وانا سعيد جدا بمنتدي وبمايحدث فية

ولكني لم اجروء على اشتراك بيه

وعندما اصبحت كل يوم الصبح اتابع كل التعليقات الجديدة من اخوة الزملاء

حاست اني واحد منكم

وقررت ادخل واشارك معكم وافك كل القيود

وسعيدة جدا بيكم

اخوكم محمد

[Alshiekh]

أول معرفتى بالمحاورات كان فى أواخر عام 2000 وكانت لينك فى جريدة الوفد

وسجلت بنفس إسمى الحالى وبعدين حصل تعديلات برمجية ضاع فيها تسجيلى الأول

سجلت مرة أخرى فى مايو 2001 ، بنفس إسمى الحالى وضاع فى تعديل آخر

سجلت مرة أخرى فى يوليو 2001 ، بنفس إسمى الحالى وضاع فى تعديل آخر

سجلت مرة أخرى فى سبتمبر 2001 ، بنفس إسمى الحالى وضاع فى تعديل آخر

وأخيرا استطعت أن أسجل للمرة الأخير بإسمى الحالى والحمد لله محصلش حاجة

أما سبب تسجيلى ، فهو ببساطة ككثير من المشاركين المهمومين بالشأن المصرى والذين يحاولون أن يعبروا عن رأيهم من خلال صفحات القراء بالصحف وتتجاهلهم الصحف ،وبعد أن ظهر هذا الإختراع العجيب " الإنترنت " والذى يمكن للجميع أن يشارك ويدلى برأيه دون حلجة لتصريح من مسئول ، فقد كنت أبحث عن أى شيئ يربطنى بوطنى بينما أنا فى الغربة ، وقادنى محرك البحث حينذاك " MSN " إلى محاورات المصريين.

والحقيقة استفدت كثيرا من مشاركات الأعضاء ووجدت فيها متنفسا للتعبير عما يدور بداخلى.

[زهرة الجبل]

أولاً حمداً لله على سلامة حضرتك .. علشان بقالي فتره بشوف حضرتك تدخل المنتدى و تخرج في صمت بدون مشاركه

تفاعل حضرتك نور المنتدى يا فندم

أما بخصوص تعرفي على المنتدى فكان سنة 2007 و بالتحديد أيام قرعة الأراضي التابعه لهيئة الإسكان و التعمير

أعجبتنا الفكره أنا و أبو كريم و نوينا نقدم فيها و طبعا البحث عن معلومات عنها و نحن في الغربه لم يكن سهلاً

كنا نبحث على محرك البحث جوجل و وجدت موضوع للأخ الفاضل س س هنا يتكلم بإستفاضه عن الموضوع

طبعاً مكدبتش خبر و سجلت هنا على طول

و بصراحه أيامها زهقته أسئله :blush2:

و هو أفادنا كتير وقتها و فعلاً قدمنا .. لكن و الحمد لله لم يكن لنا فيها نصيب

كان طبيعي بعد إنتهاء الغرض تنتهي العلاقه .. لكن إللي حصل إن أجواء المنتدى أعجبتني جداً و جو الموده الذي يربط بين الأعضاء جذبني

و وجدت أنه فعلاً منتدى محاورات .. يعني حوار .. و لأنه ليس من السهل أن يسعفك الحظ دائماً بملاقاة من تستمتع بالحوار معهم .. أصبحت عضوه دائمه

و أيضاً مع الوقت إلتحق بي أبو كريم كمان _ مصري أصيل طبعاً _ و أصبحنا عائله هنا و هناك

تحيتي

و دمت بخير

أم كريم

[Scorpion]

ما زالت دعوتي الي الزملاء الأعزاء .. و اخص بالذكر الزملاء الجدد ان يشاركونا تجربة اول احتكاك لهم بالمحاورات .. و ما هو الموضوع الذي كان حافزآ لهم كي يشاركونا الرأي .... الأمر الان اصبح فضول لمعرفة كم تغيرت الامزجة و التوجهات في السنوات العشر الماضية ...

[عادل أبوزيد]

ما زالت دعوتي الي الزملاء الأعزاء .. و اخص بالذكر الزملاء الجدد ان يشاركونا تجربة اول احتكاك لهم بالمحاورات .. و ما هو الموضوع الذي كان حافزآ لهم كي يشاركونا الرأي .... الأمر الان اصبح فضول لمعرفة كم تغيرت الامزجة و التوجهات في السنوات العشر الماضية ...

أضم صوتي إلى صوتك. لاحظت في الفترة الأخيرة - عدة شهور - أن هناك زائرين كثر يتصفحون موضوعات كثيرة فقط إضغط على القائمة الكاملة ستجد في أي وقت ما يقرب من مائتي زائر يتصفحون موضوعات في محاورات المصريين. لم أظن أنا نفسي أنها موجودة

أتصور أنه مازال هناك نوعا من الخوف مغروسا تحت الجلد يمنع الكثيرين من المجازفة. حتى بالحوار عن الأفلام.

[eslam elmasre]

السلام عليكم

انا بأه مش عارف ايه السبب اللي وداني على المنتدى وبعد ما سجلت نشرت موضوع في باب هدى الاسلام ثم سافرت في نفس اليوم ورجعت بالليل ووجدت الموضوع مشعلل نار وفيه ردود وسخونة غير عادية وطبعا اتشتمت شوية شتيمة حلوين والتفاعل ده خلاني اركز شوية على المنتدى واخدت ابحث في الابواب والمواضيع وحسيت اني مع كوكبة من مثقفين مصر وان المكان يستحق اني اعطيله وقتي وطبعا الموضوع بتاعي اتفل بعد كام يوم وبعدين بعدها شوية مواضيع نشرتهم وكان مصيرهم الغلق وشعرت ان الادارة مستأصداني وبعدين بعدت شوية عن المنتدى وفضلت رايح جاي ومش مركز فيه

لكن بعد الثورة كنت مقيم في المنتدى ومع ضيق الوقت هجرت كافة المنتديات الاخرى ومكثت هنا ومازلت

دي حكايتي مع المنتدى وتقريبا الواحد يوميا لازم يفتح المنتدى ويشوف ايه الجديد لو الواحد فتح النت لكن فيه ايام كتير الواحد بيبقى مشغول

[عطر الجنة]

مساء المحاورتية كله خير

بتتكلم فى زمن و عمر

انا دخلت المحاورات ليه

عشان مدينة الشروق

كنت بدور على اسعارالاراضى هناك

كنت فى السعودية وقتها

و مكنش عندى اى معلومة عن المدن الجديدة

بحثت فى جوجل واتى لى موضوع .. حد بيدور على ارض هناك للشراء

حاولت التسجيل مرارا و افشل

الى ان سجلت عضوية

طبعا مشاركاتى الاولى اصابتنى بالاحباط

تقدر تقول استغلال لجهلى بالاسعار و ممكن مبالغتى انا شوية

المهم اول مشاركات لى فى موضوع تم ح>فه

و كانت نتيجته

موضوعى عن مدينة الشروق

الموضوع ده عرفنى على ناس من جميع انحاء العالم

موبيلى مكنش بيبطل رن

استفسارات

فى كل مرة المنتدى يقع خسر حوالى 100 الف زيارة

حاليا 266 الف زيارة

صراحة لوقت طويل لم ادرى شئ عن نفائس المنتدى

بس