الحب لا يحب .................الكذب والمجاملات

[بنت النيل]

الحب كلمة جميلة ومعنى اكبر والبعض يعتقد ان الحب المقصود فيه واحد وواحدة

وبالرغم من ان المجتمع الاسلامى يرفضون مايسمى بعيد الحب valantineDay وانا معهم طبعا وشخصيا لا احتفل بغير عيدين جعلهم لنا الله سبحانه وتعالى (عيدالفطر وعيد الاضحى )

ولكن اذا ناقشنا موضوع الحب فطبيعى ان لكل انسان اشخاص كثيرون يحبهم بداية يحب الله سبحانه وتعالى ورسوله الكريم صلى الله عليه وسلم ويحب والديه وابناءه وبناته ويحب زوجته وتحب زوجها .

وهنا سنقف قليلا عند حب الزوجه لزوج وحب الزوج للزوجة واثر هذا الحب فى العلاقات الزوجية والاسريه فى المجتمع.

عندما يحب شخص واحدة حبا بريئا بهدف الزواج تُجرى بعض المناقشات ومواضيع مهمه فى الحياه الزوجية ومحاولة تقريب وجهات النظر وذلك اثناء فترة الخطوبه وهذا شيىء جميل ،، ولكن للاسف كثير مايحدث خلال هذه الفترة المجاملات ويكثر الكذب والمحاولة اظهار اجمل الصور لشخصهم من كلا الطرفين .

وذلك للمحافظة على العلاقة بينهم حتى يتم الزواج ولكن هذا مرفوض تماما لان الزواج ليس مؤقتا او من اجل الحصول على حاجه معينه ومن هنا تأتى المشاكل بعد الارتباط لان طبيعى لم يستطع احد ان يرسم نفس الصورة على طول ولابد من انه سيكون على طبيعته وحقيقته التى اخفاها فى البدايه ..ولذلك فأن الابتعاد عن الكذب والمجاملات فى هذه الفترة اعتقد سيكون زواجا وارتباطا ناجحا ويتفادى المجتمع مشكلة الطلاق او حتى تقليل نسبته.

ومن هذا النقاش نستطيع ان نسأل هل الحب قبل الزواج افضل من بعد الزواج

فهناك عدة اراء حول هذا الموضوع .

البعض يقول ان امهاتنا وابهاتنا عاشوا متزوجين فترة طويلة مع بعض حتى الوفاه ولا كان فيه حب ولا حاجة من دى فالحب يأتى بعد الزواج ،،

ولكن فى هذه الحالة يأتى ايضا سؤال وهو هل أتى الحب بينهم بعد الزواج فعلا ام انه مجرد تعود على شخص معين من خلال المعايشة فى بيت واحد والاعتماد عليه فى كل شىء والحمايه الشخصية والاعتماد المادى مثلا .

هل هذا هو الحب او التعود على هذا الشخص (الزوج ) ؟ ونتيجة هذا التعود ممكن ان تظهر نوع من المشاعر بالتعلق به وقد يُفسر على انه الحب بعد الزواج .

فى النهايه اقول انه لابد من الحب سواء قبل الزواج او بعد الزواج فمن الصعب ان تحيا الحياه بدون وجود الحب بيننا او حتى التعود الذى يظهر هذا الحب

وسؤالى لكم هل تقبلين او تقبل الارتباط تحت مسمى الحب يأتى بعد الزواج اذا كان هذا الزوج او الزوجه صالحه اوصالح او انسان على خلق ؟

ام تفضل او تفضلين الحب قبل الزواج ؟

مع تمنياتى لكل الاسرة بحياه سعيده مليئه بالحب

تم تعديل 10 فبراير 2007 بواسطة بنت النيل

[memo2007]

السلام عليكم ورحمه الله وبركاته

طبعا اللى بيحصل فى فتره الخطوبه ده غلط

لانها من المفروض انها فتره تعارف مش فتره غش

.......................انا عن نفسي مش اكدب لان كل اللى حوليا هايقولولوا الحقيقه المرة :P :P :P

المهم على سؤال حضرتك

انا افضل انه يكون بيحبنى

يعنى يكون شافنى قبل الخطوبه حبنى اعجب بيه المهم انه حس من ناحيتى بشعور وتقدملى وخطبنى ولو انا كمان شعرت بنفس الشعور يبقى خير وبركه

انما ان واحد يتقدملى لان ناس قرايبه قالو ليه ان البنت دى كويسه اتجوزها والحب هايجى بعد الجواز انا مش مفضله ده

بس مش معنى كلامى انى امشى معاه قبل الخطوبه ولا نتقابل ونقعد نقول كلاااااااااااااام ..............ده بالنسبه ليا مرفوض رفضا تاما

بس مش ممكن سؤال مش الموضوع ده مفروض يكون فى مواضيع شخصيه مش الاسره ةالطفل ...........ولا ايه

[عبده بيه]

الموضوع شائك المهم فترة الخطوبة وتتطويلها بحجة او غيره ده مش كويس

بيقي يكون في مؤشرات تدعوه الطرف الاول الي ان يقرر انه يريد الزواج من الطرف الثاني ومن هنا تتحول الامور للايجابية

ولكن انا لا احبذ اي نوع من انواع الخطوبة والتي تستغرق سنه او سنتين او 8 سنين ده تخلف وانحطاط خلقي لانه مش في الاسلام انه يدخل ويخرج مع البنت لزمن والاخر ماعندوش انه يعيش مش انه يفتح بيت لكن فعلا لازم من بوادر في عاطفة طبعا بدون شك

ربنا يسهل لكل بناتنا وشبابنا ان يرزقهم الله خيرا ان شاء الله

[noureldonia]

أولاً أنا شايف أن أول اسباب فشل الحياة الزوجية بين اتنين هو التمثيل في فترة الخطوبة كل واحد بيحاول يبين احسن ماعندوا علشان يتجنبوا المشاكل وتكون فترة رومنسية مع ان لو الأتنين كانوا صرحة مع بعض يمكن حتى عيوب بعض إذا عرفوها يقدروا يتأقلموا عليها ويشاركوا بعض في حلها لان مفيش حد فينا خالي من العيوب حتي اذا احد الطرفين لم يتقبل العيوب دة ومنجحش المشروع اللي بينهم فهو افضل بكتير جدا من انوا يحصل زواج ويفشل حتي وقعة النفسي على الطرفين بيكون اكبر واسوء وانا شخصياً بشوف اسهل الطرق الصراحة اياً كانت لان الصراحة في حد ذاتها بتولد ثقة واحترام بين الطرفين .

الحب مش كلام حلو الواحد يسمعوا وخلاص الحب اخلاق سامية وافعال ومواقف تدل ان الشخص او الشخصة دة فعلاً بيحب اوبتحب يعني اية فايدة الكلام الجميل تحت مسمي الحب واول موقف يثبت الشخص دة فعلاً بيحب ولا لا يتطلع الموضوع كلام وبس ، وبالتالي الأهم هو صاحب الاخلاق قبل الحب لان مادام في اخلاق واحترام يبقي اكيد هيكون في حب ، وفي حديث للرسول علية الصلاه والسلام "من جاءكم ترضون دينة وخلقة فزوجوه" . أما بالنسبة لموضوع تطويل فترة الخطوبة هو اكيد مش مستحب لانوا هو في حد ذاتة سبب لحدوث مشاكل كتير بين الطرفين والاهل على اتفه الأسباب لكن كمان الموضوع في راي ميكونش سلق بيض يعني لازم يخدوا وقتهم في التعارف علشان متكونش العواقب سيئة بعدين يعني لا التطويل مستحب ولا الاستعجال مستحب بردوا.