الحياة سنه 2052

[memo2007]

المكان : أحد أحياء القاهرة

الزمان :يوم من أيام صيف عام سنه 2052

........................((حفيده فى سن المراهقه "12 سنه " تجلس مع جدتها "70 سنه" ويدور بينهما هذا الحوار )).....................................

الحفيده :تيته ميرو إزيك .. بقى لى زمان ما قعدش معاكى .

الجده : وهو أنا عارفه أتلم عليكى خااالص .. ده أنا قاعده زهقانه قوى ومش لاقيه حاجه تسلينى . :lol:

الحفيده:وما بتفتحيش الدش ليه يا تيته .

الجده : التليفزيون بقى مما خااااالص ما فيهوش غير 9700 محطه بس ! . وأنا كمان ما بعرفش أغير المحطات ! :blink:

الحفيده:وإيه الحلاوة دى ؟ حلو البادى اللى أنت لابساه ده .. بس ده موضه قديمه قوى يا تيته !

الجده :يا بنتى أنا ست دقه قدينه وبالبس زى ما جيلنا الصاعد أتعود وحسب التقاليد القديمه بتاعتنا.

الحفيده:أيوه بس مش حاسه إنك مخنوقه وأنتى لابساه .

الجده :أبدا ده هو ده البس المحتشم اللى مفروض الكل يلبسه ويحافظ عليه .. فين أيام زمان لما كنا نلبس البادى اللى مبين البطن والظهر بس ، مع البنطلون السترتش الجلد ... كانت حاجه آخر روشنه

الحفيده: ياه يا تيته.. ده انتو كان ليكم تقاليد غريبه خالص!

الجده : وهو انتى فاكرة إن ايامكم دى ايام ؟ يابنتى ايامكم دى ما يعلم بيها إلا ربنا .. فين سنه 2002 ، هى الواحده فينا كانت تستجرى تشرب سيجاره البانجو ولا تسحب لها سطر بودى قدام أبوها ؟ طب ده الدنيا كلها تتقلب ساعتها وما تتعدلش .. أمال أيه..كان فيه حاجه اسمها أخلاق

الحفيده: معقول يا تيته ؟ للدرجه الفظيعه دى !!؟

الجده : أمال انتى فاكرة ايه..وبعدين الست من دول ما تلبسش اللبس الخليع بتاع اليومين دول ..يعنى الشيبه كان ما يقلش طولها عن شبر وربع.. وكان الستات

يلبسو فوقيها بلوزة باستمرار .. مش زى دلوقتى ! حسبى الله ونعم الوكيل !

الحفيده:يا خبر..وأيه كمان يا تيته

الجده :حأقول لك إيه ولا أيه يعنى خدى عندك مثلا .....زمان كنا بنسمع الطرب الاصيل لمطربين حقيقين زى مصطفى قمر وعمر دياب وطبعا سيده الغناء "شاكيرا" ،وكانت الاغنيه مدتها أكثر من دقيقتين متواصلين من الطرب الاصيل والموسيقى الهاديه الراسيه اللى تعمر النافوخ بصحيح كانو مطربين روشين وآخر طحن ،حسبي الله ونعم الوكيل!

الحفيده:وبعدين يا تيته

الجده :وبعدين كنا نسمع عن حاجه اسمها اسطوانات ليزر ، بس كان ليها طعم عن دلوقتى ،يا سلام لما كنا بنحطها فى الووكمان ونعلقها فى حزام البنطلون كده ونمشى فى الشارع كده ، كانت ايام جميله. حسبى الله ونعم الوكيل !

الحفيده:حكاويكى ممتعه قوى يا تيته ..ثانيه واحده بس لما اصحى سمسم صاحبى فى المدرسه لأنه بايت معايا فى الأوده من امبارح..أصل الانسان الآلى بتاع الصحيان بايظ ولازم :excl: نصلحه النهارده

الجده :طيب يا حبيبتى روحى .

.................................................((وبعد دقائق ))........................................................

الحفيده: هيه يا تيته ..وبعدين

الجده :أحلى ايام بقى كانت ايام الدراسه،الفصل كان على ايامنا رايق وعدد التلاميذ فيه مايزدش عن ستين سبعين تلميذه، وكنا ساعتها بنعرف نفهم الدرس كويس مش زى دلوقتى ،وكانت الشوارع ايامها فاضيه يعنى كانت إشاره المرور تقعد ساعه إلا ربع بس لأن مصر كان تعدادها 70 مليون مش اكتر ،تخيلى بقى الروقان اللى كنا فيه ؟ حسبى الله ونعم الوكيل !

الحفيده:70 مليون بس !!!!!!!!!!!!!!!

الجده :أمال ايه ... عشان كده كانت كل حاجه رخيصه ، يعنى مثلا كيلو اللحمه يوم ما يضربه الدم يبقى ب 25 أو30 جنيه ، وكان أتخن جذمه ب250 جنيه ، وكان الواحد بيقدر يشترى شقه تمليك ب150 ألف جنيه بس ... وكان الدولار ب 5 جنيه بس تخيلي بقى ؟

الحفيده:ما هو عشان كده الجواز على ايامكم كان سهل خالص ، احنا بقى خلصنا من العقده دى

الجده : أمال ايه ..ده احنا الواحده مننا كانت بمجرد ما توصل سن 17 سنه تفكر فى الجواز العرفى على طول، وما كانش عندنا الافكار الغريبه اللى بتعملوها دلوقتى ، انا شخصيا شايفه ان ده اوفر شويه ، ده احنا يا بنتى على ايامنا كان لايمكن البنت تتأخر بره البيت عن الساعه 4 الفجر ،طب ده حتى باباها كان ممكن يخاصمها !

الحفيده:ياي! ده انتو كنتوا متزمتين خالص يا تيته!!!

الجده : يا بنتى احنا اتربينا على الاخلاق والفضيله والعادات والتقاليد ز يعنى كان اهل الفن محتشمين جدا وكانو دايما يطلعو بالميوهات البيكينى ، والمذيعات كانو يقعدوا جنب الضيف مش على ركبته زى دلوقتى ... هيييييييه الله يرحم دى ايام ..فكرتينى بالذى مضى ...حسبى الله ونعم الوكيل !

.....................((تمسك الجده بتليفون محمول فى حجم علبه الكبريت )).................................

الحفيده: حتكلمى مين يا تيته

الجده : الحقيقه انا كنت موصيه الجزار على اتنين كيلو لحمه واديته 600 دولار عربون وعايزه اطلبه اشوف اللحمه وصلت ولا لأ

الحفيده: (تنهض من مكانها ) تشاو سى يو تيته !

الجده :سى يو

....................وبعد مرور عدة ساعات انتابت الجده خلالها غيبوبه بسبب الشيخوخه ................................

...........وفى المساء دار هذا الحوار بين الجده والحفيده ..............

الجده :انت كنتى فين يا فتقت؟

الحفيده: اصل احنا اخدنا الولد من الحضانه ..

الجده :ولد!! ولد ايه اللى اخدتوه من الحضانه ؟

الحفيده:آه نسيت اقولك .. اصل انا جبت ولد من سمسم صاحبى

الجده :يا بنتى ومستعجلين على ايه مش لما تتجوزوا؟ حسبى الله ونعم الوكيل !

الحفيده:يا سلام عليكى يا تيته ..انت عليكى تحكيمات غريبه .. طيب ايه اللى يمنع نخلف من غير جواز انا شخصيا عملتها ونفعت

الجده : مشكلتى انى ما بعرفش ازعل منك يا فتقت يا عكروته ..وسميتوا المحروس ايه بقى

الحفيده:سميناه (دوت كوم)

الجده نعم ..دوت كوم ؟ نظام هاى تك بقى ؟ يعنى لما تعوزى تنادى عليه تدوسى (إنتر ) ولا ايه بالضبط ؟

الحفيده:هاهاها.....ايه الخفه دى يا تيته ..تصدقى فكرة ..ولما احب اقول له روح ادوس (ألت وإف 4)

الجده : واخدتوه من الحضانه وديتوه فين؟

الحفيده:وديناه النادى الصهيونى بتاع الحى

الجده : ايه ! نادى ايه ده؟

الحفيده:ده نادى جميل معمول برعايه كبار رجال الاعمال .. وتحت رعايه وزاره الزراعه وده بيعلم الاطفال حاجات ظريفه خالص ومصاريفه رخيصه جدا وبعدين الولد كويس ممكن يبعتوه يكمل تعليمه فى اسرائيل على نفقه وزاره الزراعه اصل وزير الزراعه ده راجل متفتح قوى

هه ....افتح ليكى التليفزيون على نشره الاخبار

............................. الحفيدف تضغط الريموت كنترول لنرى شاشه كبيره بطول وعرض حائط الغرفه وتظهر صوت مذيعه مصحوبا بلقطات للأنباء تقول .

المذيعه : هاي شله ، اليكم عناوين الاخبار

_أمريكا ترصد 25 مليار دولار لرأس تامر بن محمد بن أسامه بن لادن المتهم الاول فى قصر السفير الامريكى فى افغانستان

_واشنطن تتهم ليبيا بتفجير سفينه فضاء فوق كوكب المريخ

_وزير الاقتصاد يصرح : إعدام الفقراء هو الحل لخروجنا من عنق الزجاجه

_موافقه مجلس الشعب أخيرا على خصخصه معبد الكرنك

...................كيف ننتظر الحشمه والملابس الفضفاضه والخطأ يكمن فى من يربي من الاجيال السابقه.............................

ده طبعا مش تأليفي

تم تعديل 8 فبراير 2007 بواسطة memo2007

[memo2007]

انا طبعا اشرت ان الكلام ده مش تأليفي

بس سؤالى هو الكلام ده ممكن يحصل لانكم لو ركزتو شويه

هتلاقوا البنات من سنى او اصغر او اكبر هما الجده دى يعنى ممكن تكون انا فى المستقبل

الشباب دلوقتى اللى من سنى بنتميز بالإستهتار وعدم تحمل المسئوليه...يعنى ماعندناش القدره لتربيه اجيال

طب ايه الحل مادام الحياه دلوقتى كده ولو فكرنا كويس هنلاقيها فى المستقبل كده

[نبض الابداع]

ياmemo2007 انا كنت لسه حقول ان البنات حتقلع زادة والولاد حيقلوا ادبهم زيادة بسبب اللى بيعملوا البنات الا من رحم ربي طبعاً

ان شاء الله منعش ونشوف الزمن دة

لان احنا في زمن القابض على دينة كقابض على الجمر

متشكرين عل موضوع حلو ومهم

[memo2007]

متشكرة جدا على ردك الجميل ده يا نبض الابداع

وان شاء الله كل ده ما يحصلش "عندى أمل"