ملف كامل للمخللات

[inas]

اخي الكريم كمبورا

البصل المخلل موجود في مخلل الخضار المشكل وممكن يكون بصل بس بالاستغناء عن باقي الخضار

ويخلل البتنجان فنفس الصفحه موجود الف شكر نتمنى ان ينال رضاكم جميعا

[Advisor]

موضوع ممتاز ، و أنا اعرف أن الفاضل بودا عنده موسوعة كاملة ربما تغطى كل المسائل المتعلقة بالطبخ لكنها غير مفهرسة !! ليته يبذل بعض الجهد فى إما تقسيم هذه الموسوعة أو وضع موضوعات تحمل روابط بعض مختارات الموسوعة ، أظننى رأيت أمس أو أول أمس موضوع عن السلطات كله روابط من موسوعة الفاضل بودا.

قرأت هنا عن إضافة كلوريد الكالسيوم و قد سأل عنه الفاضل سكوربيون و جاءه الرد "لو مش موجود مش مهم" ، ليتك تقولى لنا أهميته و من أين يشترى و ما هو الإسم التجارى له ؟ لأننا لو فشلنا سنلقى باللوم أو ربما تقومى أنت بإلقاء اللوم علينا لأننا لم نضيف كلوريد الكالسيوم.

أنا أعرف من أيام الثانوى إنى لو أحضرت طوبة "حجر جيرى" و أضفت عليها حامض الإيدروليك المركز سيتصاعد غاز و يتبقى كلوريد الكالسيوم ....... أكيد لاتقصدى هذه الطريقة للحصول على كلوريد الكالسيوم.

[inas]

أنا أعرف من أيام الثانوى إنى لو أحضرت طوبة "حجر جيرى" و أضفت عليها حامض الإيدروليك المركز سيتصاعد غاز و يتبقى كلوريد الكالسيوم ....... أكيد لاتقصدى هذه الطريقة للحصول على كلوريد الكالسيوم.

:lol:

لا طبعا كدا بقى معمل كمياء

اسمو كلوريد كالسيوم ويتجاب من عند العطار ووظيفتو انو بيخلي الحاجه مقرمشه لفتره اطول ليس الا كما ذكرت سابقا

وفي حجات كتير بنجبها من عند العطار زي كربونات الكالسيوم ودا مفيد في عمل الحمص والترمس عشان ينضج اسرع وايضا لعمل الفلافل الي هيا الطعميه عشان تنفش

وفي النشادر للبسكوت

وفي الشينكار او جينكار ايضا لعمل المش والحفاظ عليه من الاصابه بالدود مع الترمس المر

شكرا جزيلا لتواجدك وشكرا على تعليقك واهتمامك

[Folana]

سلام عليكم ورحمة الله ...

ايناس يابنتى...اللهى يطعمك ما يحرمك.....اللهى يخلى لك الافندى والاولاد قادر ياكريم....

وبالمناسبة السعيدة دى تسمحى استخبى ورا كلام استاذى العزيز عادل واقولك ايون فعلا ايه كلوريد الكالسيوم ده؟

انا كنت منحرجة أسألك علشان انا ضيفة عندك....وكمان سألت العطار بص لى حتة دين بصة...وضربنى قلم واتوصى... :wub: وقالى روحى اسالى عليه فى الجمعية....

ماعلينا..نرجع لموضوعنا على رأى الحاج ياسو....

نونكن اكتب وصفة مكلل البصل...

مخلل البصــــل

البصل اللى حنستخدمه هو البصل الصغير...اسمه بصل قاورمة...

نجيب نصكيلوبصل مثلا ..او كيلو بقى انتم وامكاتياتكم المادية...

كام قرن فلفل احمر حامى

خل ...ماء...كام عود كرفس

ممكن ملعقة كسبرة ناشفة صحيحة

حنغلى شوية مية ونرمى فيهم البصل خمس دقايق كده....علشان القشرة يبقى سهل تقشيرها...ومانقشرهوش بالسكينة

بعد كده ...نضعه فى ماء بارد ...ونصفيه...

تعالوا نشوف باقى المكونات ...حنخرط الكرفس ونضيفه على الخل والكزبرة...وممكن نغلى الخل ونضيف عليه الاشياء دى...وممكن نستخدمه بارد...بس الغليان حيدى نكهة اعلى شوية...

نضع البصل مع الفلفل الاحمر بعد تقطيعه قطع فى البرطمان ...ونضيف الخل والكرفس والكسبرة ...ونغطى البرطمان

بيستوى بعد اسبوع تقريبا ...

ملحوظة:

ممكن نستغنى عن الكرفس والكسبرة...

ممكن نضع البرطمان بعد غلقه فى حمام مائى...واحد اخر الفصل يقولى يعنى ايه حمام يا ابلة...اقوله يعنى تجيب حلة كبيرة وتغلى فيها مية ...وتحط البرطمان فى الحلة بس طبعا مع مراعاة ان الميه ماتغطيهوش....وليه كده يا ابلة ...اقوله علشان نتخلص من فقاقيع الهواء داخل البرطمان ...

وشكرا

ربنا يخليك يا ايناس...انت بتعالجينى كده على فكرة ..أصل الحكيم كتب لى على طبختين فى اليوم . :)

[عازفه على أوتار الذهب]

انتس....فتحتي نفسي....

المخللات اوقات بتبقى اهم من الأكل نفسه.....

عايزه بقى يا مرت اخوي طريقة مخلل الفلفل الأحمر.....

تكتبيهولي هنا احسن عشان لو طلبته منك هتتشغلي وهتنسي ومش هتديهولي..... :wub:

يلآ يا انتس انا اول الطلبات....وياريت لو تبعتيهولي مخلل جاهز احسن...يبقى عين العقل... :)

يالآ انا قاعد مستنيه ...... :)

[nora]

عازفه لقيتهالك لقتهالك اخيرا بس مجربتهاش جربي انت وقوليلي :lol:

مخلل الفلفل الهندي .

كيلو من الفلفل الاخضر الحار .

4 ملاعق من مسحوق الكري .

ملعقتان من الملح .

كاسة زيت .

كاسه عصير ليمون .

نصف الكاسة خل .

الطريقة :

اغسلي الفلفل ثم ازيلي الروس وقطعي الفلفل قطع في حجم 1سم .

ضعي الزيت على النار حتى يسخن اضيفي الفلفل وقلبي حتى يزبل جيداً اضيفي الملح والكري واستمري في التقليب ثم اضيفي الليمون والخل واتركيه على النار حتى يغلي قليل ثم ارفعيه عن النار

واتركيه حتى يبرد جيدا وضعيه في قارورة من الزجاج وضعيه في الثلاجه لوقت الحاجة .

_______________________________

مخلل الفلفل مع الليمون .

المقادير :

كيلو فلفل حار احمر .

كيلو ليمون شعيري من الليمون الكبار .

3 روس توم .

4 ملاعق ملح .

كاسه عصير ليمون لليوم التالي .

الطريقة :

ازيلي روس الفلفل واغسليه جيداً ثم قطعيه قطع في حجم 1سم .

اغسلي الليمون وقطعيه مربعات صغيرة في حجم قطعة الفلفل .

فصصي التوم وحلقيه حلقات رفيعه .

اخلطي الجميع وضيفي الملح واخلطيه جيداً ثم ضعيه في قارورة محكمة الغطاء واتركيه في الخارج يوم كاما وف اليوم التالي ستجدي نصف القارورة قد امتلأت بعصير قطع الليمون الموجودة مع الفلفل .

اضيفي كاسه من عصير الليمون ورجي القارورة اقطعي حبه من الليمون الى نصفين وغطي بها فوهة القارورة ثم ضعي الغطاء واتركيها في الخارج لمدة اربع ايام.

ثم ضعيها في الثلاجه .

____________________________

مخلل الفلفل المحشو بالملفوف والجزر

المقادير:

- كيلو فلفل حلو (رومي)متوسط ويفضل الصغير الحجم

- ربع كيلو ملفوف مقطع قطع صغيرة

- ربع كيلو جزر مبروش

- أربع فصوص ثوم مقطع قطع صغيرة

- ربع كوب كزبرة خضراء مفرومة

- فلفل أخضر حار حسب الرغبة (غير ضروري)

- ملح

- خل

- ملعقة سكر

والطريقة ولا أسهل:

بنغسل الفلفل الأخضر الحلو، نقوم بإزالة البذور بحرص مع الانتباه بان يبقى رأس الفلفل(القمع) صحيح لأننا سوف نحتاج للغطاء، بعدها نخلطالجزر والملفوف والكزبرة والثوم مع الملح ، نقوم بحشي الفلفل بالخلطة السابقة

ثم نغلقها بالغطاء (القمع)، نرص الفلفل في المرطبان ، نضيف الماء والخل والملح إلى المرطبان ويحفظ لمدة اسبوعين خاصة وان الجو بارد هذه الأيام ،

عند التقديم نقوم بتقطيع وحدة الفلفل إلى أربعة أقسام وتظهر ألوان الحشو المختلفة مما تزيد من الشهية

يلا جربي وقوليلي

[عبده بيه]

رمضان جاي والمخللات ويا محلاها

كل سنة وانتم بخير