طهأن زهقان مضايق .. مجروح مخنوق مش فايق

[بنت النيل]

طهأن زهقان مضايق مجروح مخنوق مش فايق

انا ايه اللى رمانى الرمايه دى .. كان مالى ومال الدنيادى

خنقتنى وسدت نفسى ما انا كنت مدلع نفسى .. ولوحدى وعايش رايق

حنيت لحياة العزوبيه ما انا كنت فى جنه لوحديا ولاحديشيلنى همومه ولاحد بيتحكم فيا :wub:

ما انا كنت بنام واصحى براحتى ليه بس يا احلامى سرحتى

طهأن زهقان مضايق مجروح مخنوق مش فايق :sad:

طبعا واضح من كلمات هذه الاغنيه لمطرب اسمه" ريكو " الموضوع اللى عوزين نكلم فيه

وعلى فكره كنت كتبت هذا الموضوع لى فى احد المنتديات (للتوضيح فقط) وحبيت اننا نناقشه هنا

واعتقد ان الكلمات فيها كل اللى بيشتكى منه بعض الازواج بل اغلب الازواج

والغريب انك تلاقى واحد متزوج من فترة وبرده بيقول كدا حاجه غريبه فعلا

ياترى ايه اللى ممكن او يؤدى الزوج الى قول هذه الكلمات

هل الزوجه مثلا ؟؟

او تحمل المسؤلية ؟؟

هنا دعوة للرجال عشان نسمع وجهة نظرهم فى هذا الموضوع وايضا السيدات تستطيع الرد على مداخلات الرجال

اومال مش لازم ندافع عن الستات برده :wub:

[التونسى]

أعتقد أن الموضوع ده نقدر نلوم فيه الزوجات أكثر ((مش تحيز لجنس الرجال)) :D .. مش مسألة تحمل مسئوليه .. او مشاكل ماديه او خلافه .. دى اكيد عوامل مساعده بتخللى الازواج يغنوا مع ريكو بكل حماس ومصداقيه وقهر ... لكنها ليست الاساس .. ياما أزواج كثير حالتهم الماديه صعبه ومسئولياتهم عظيمه ومع ذلك ناجحين جدا وسعداء وراضيين فى حياتهم الزوجيه .. لنجاح الزوجات فى الوقوف بجانبهم ودعمهم من الناحيه المعنويه والعاطفيه

وبعدين بقى المرأه المصريه لها خصوصيتها وشخصيتها المستقله اللى بتتفرد بيها على نساء العالم .. وفى الشخصيه دى جوانب سلبيه .. دعتمها وأصلتها الموروثات الثقافيه والاجتماعيه اللى بتكستبها من المجتمع والناس من حولها ((خصوصا الأم)) :angry2: .. وفيه معتقدات خاطئه تؤمن بها المرأه المصريه . خاصة فى اسلوب صرفها ((الجانب الاقتصادى)) ..مما يؤدى الى وجود أزمات ماديه بدون لازمه.. :blush: وأيضا فى طبيعتها المزاجيه ((واللى احيانا كثيره بتؤدى الى تفشى النكد بالحية الزوجيه)) :wub: ..مما يؤدى بالزوج الى الهروب ... اما بالنوم او بالذهاب الى المقهى او النادى .. او حتى يعنى يروح حفله من حفلات ريكو عشان يغنى معاه وبكل حمااااس ((طهقان زهقان مضايق )) :wub:

يمكن انا كلامى عام جدا ولم أعطى امثله

لكن بقى البركه فى من سياتى بعدى من ازواج بأمثلتهم التى أتوقعها ساخنه :D ... وانا عن نفسى والحمد لله مبغنيش الاغنيه دى كثير :wub:

طبعا هو الموضوع مصنف على انه خفيف ولكل مقام مقال :sad:

وشكرا

تم تعديل 25 يناير 2007 بواسطة التونسى

[CAMPS]

من النهارده دي اغنيتي المفضلة ...

المشكلة ان الزوجة دايما خانقه زوجها ولو تأخر شوية تفتح المحضر

فعلا الاول كان براحته وعلى حريته

ولكن كل شىء بتمنه عشان يتزوج ويدخل القفص لازم يتنازل عن حريته

تم تعديل 25 يناير 2007 بواسطة CAMPS

[النسر المصري]

لية كده يابنت النيل بس :huh:

انا لسه ماطهقتش :huh:

[yasovinas]

انتم بتتكلموا جد ؟؟؟؟؟!!!!

في اغنية بتقول كده ؟؟!!!!! -_-

والله عال دا كده الحكاية بقت تماام :huh:

والمغني اسمه ريكو ؟؟؟ دا مصري بقى ولا اجنبي :huh:

معلش انا اصلي مش متابع الحركة الفنية في مصر

اخري الواد بتاع المسابقة اللي كانت بتتذاع على التليفزيون حتى مش فاكر اسمه (ايوة حاجه عطية) في مغني في الدنيا اسمه عطية ؟؟؟؟

طيب ممكن حد يجيب الاغنيه دي هنا نسمعها لو ممكن يعني

نيجي بقى للموضوع

انا شخصيا لا اتفق مع المعنى المقصود والذي يتعلق بان الزوج يشعر بانه مخنوق من الجواز او انه اتورط بل بالعكس في كثير من الاحيان وانا جالس اراقب زوجتي الحبيبة وهي تقوم بكل ما تقوم به اشعر بانها هي التي تورطت في الزواج والاولاد والبيت وكووول هذا

حقيقي الزوجه نعمه والحياة الزوجيه والاسريه لا يشعر بقيمتها الا من يفتقدها

وعلى راي المثل الشامي

اعذب دهر ؛؛؛؛؛؛؛؛ ولا ارمل شهر

تحياتي ؛؛؛؛؛؛؛؛؛؛

قال ريكو ؛؛؛قال :huh:

[مصرية يعني مصرية]

الله ........الله

عليك يا حاج ياسو

حقيقي

حقيقي

[بنت النيل]

ايه ده معقول يا حاج ياسو متعرفش المطرب ريكــو :P

ده اشهر من نار على العلم :) ومصرى طبعا

ده بقى اللى بيقول شبرا وبنات شبرا

وعوزين نختشى دولارات وخلى الشعب يعيش

واناااابيب بيب بيب :sad: :wub:

امبوبه للمحبه انبوبه للغرام ;) :D :D

كل ده وتقول مش عارفه

عموما نحاول نجبلك اغانيه عشان تتعرف بيه ولا يكون عندك فكره

عموما جرب الرابط ده يمكن يظبط معاك وتسمع ريكــو

ريــكــو

تم تعديل 26 يناير 2007 بواسطة بنت النيل

[مصرية يعني مصرية]

إبسط يا عم ياسو

أهي بنت النيل جابت لك ريكو كلو

على فكرة

أنا بحب أغنيته

و هكذا.......أنا بادي وأدي.....البنت الصبية

[ابو ايمان]

ياترى ايه اللى ممكن او يؤدى الزوج الى قول هذه الكلمات

هل الزوجه مثلا ؟؟

او تحمل المسؤلية ؟؟

---------------------------------

كل شاب عندما يفكر فى الزواج بيكون حاسب كل شيئ وعلى حسب امكانياته ويجب عليه ان يشارك زوجه المستقبل قبل الارتباط بهذه الظروف وطبيعة الحياه التى ستكون بينهم فى المستقبل .

فالمشاركة بين الطرفين فى بدايه مشروع الزواج بينهم يجب ان تكون واضحة ومنسقه ويجب على الزوج ان يخبر زوجته بكل ظروفه وخصوصا الماديه كما يخبرها على ماذا يحب ان يراه فى زوجته مثل ان تكون مبتسمه له عند دخوله من العمل ان تكون موفره الهدوء فى البيت بعد قدومه الى العمل ان تنتظر حتى يستريح من العمل وتناقشه فى امور جدد وخصوصا لو كان هناك اولاد .

فعلا وبجد وبكل امانه لو فيه تعاون بين الطرفين لن تسمع الزوجه هذا الكلام ابدا او يسمع الزوج كلام من زوجته مشابه لهذا الكلام .

ابما بخصوص الاجابه على السؤالين

ممكن يكون هناك عبء كبير على الزوجه كما شرحت توفير الراحه والهدوء واخيتار الوقت المناسب للحوار والمناقشة وتراعى ظروفه سواء بالعمل او ظروفه المالية .

وممكن يكون العيب من الزوج تكون الزوجه موفره كل شيئ ولكن الزوج تكون طبيعته عصبى مشتت لم يحسبها كويس ظروف عمله خصوصا لو يكون متضايق من العمل فيطلع ضيقه فى زوجته واولاده .

اما بخصوص المسؤوليه اظنه احتما ضعيف لان اللى بيقرر الزواج عارف انه سيكون مسئول عن بيت واسره وتوفير مستقبل لاولاده .

وممكن تكون المسئوليه فى حاجه واحده بس واخيره وهى ان الزوج لم يتعب فى زواجه اظن مفهومه .

ولكم تحياتى