Folana بتاريخ: 14 يناير 2007 تقديم بلاغ مشاركة بتاريخ: 14 يناير 2007 السلام عليكم ورحمة الله ..... أنا باقول كفاية كده لحمة بقى.......ونحاول نعمل اضراب شوية..اهو منها نوفر القرشينات ومنها نرتاح شوية ... كمان اخونا المسحيين فى صيامهم بيتعبوا جدا..ولى صحباتى كل شوية يتصلوا بى عايزين وصفة من غير لحمة ولا حاجة علشان الصيام...ففكرت نفتح مطبخ للوصفات النباتية..والباب مفتوح للمشاركة... ونقول بسم الله توكلنا على الله............. كبيبة القرع العســــلــى المقادير: ثمرة قرع عسلى صغيرة...تقشر وتسلق بالطريقة المعروفة...وتصفى من الماءوناخد منها مقدار 4 اكواب كده كوبيتن ونصف برغل ناعم نص كوباية دقيق حزمة كسبرة خضرا مفرومة ملعقة صغيرة من : كمون - بردقوش - كزبرة ناشفة - كركم كراوية (اختيارى) - ملح وفلفل للحشو : كوباية حمص (الانصاف ده ) مسلوق ومصفى او حمص عادى ناشف ونسلقه برضه بصلتين كبار شرائح رفيعة نصف ملعقة صغيرة كزبرة ناشفة وكمون ملح وفلفل شوية سُماق 3 ملاعق دبس رمان شوية بابريكا حامية الطريـــــــــــــــقة طبعا حنسلق القرع العسلى زى ما احنا واخدين قبل فى فصل اولى اول بتاع بودا الله يمسيه بالخير...وهو كان كاتب طريقة جميلة لتقشير القرع .. ونسلقه فى شوية مية صغيره ونصفيه ونهرسه.. نعصره بالايد علشان نتخلص من الميه اللى فيه... نضيف عليه البرغل الناشف ونعجنه مع التوابل والملح ونسيبه على جنب نجى للحشو...نشوح البصل على النار فى الزيت لحد ما يدبل شوية... نضيف عليه الحمص والتوابل ونقلب شوية كمان نرفعه من على النار ونضيف دبس الرمان والسماق ونقلب كويسونسيب المسائل دى تبرد شوية ندهن صينية فرن بشوية زيت زيتون او زيت عادى نرجع تانى للقرع العسلى والبرغل ..نضيف عليهم الدقيق ونقلب لحد ما الخليط يتماسك ..ونضيف الكسبرة الخضرا ونعجن تانى..ونقسم الخليط جزئين نرص جزء الاول فى الصينية ونفرده بالايد بسماكة نصف سم نضع الحشو ونفرده برضه وبعد كده نكمل الجزء الباقى ونفرده فوق الحشو.. نساوى بقى الوش بايدنا بشوية زيت نونو كده ....ونقطع الكبيبة بالسكينة زى الجلاش ندخل الصينية الفرن الحار لمدة 20 دقيقة او لحد ما تستوى ووشها يبقى دهبى شوية وتنشف.. نقدمها ساخنة او باردة ولنا عودة مع طبق جديد نباتى من غير لحمة برضه :D { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
عازفه على أوتار الذهب بتاريخ: 14 يناير 2007 تقديم بلاغ مشاركة بتاريخ: 14 يناير 2007 ودي وصفه هايله يا فولانه.... هي غريبه فأكيد هجربها لاني بحب اعمل كل الحاجات الجديده... وانا كمان نباتيه اكتر..فأكيد هتعجبني وصفاتك... بس انا على حد علمي ان السماق هو دبس الرمان ... ولا ده حاجه وده حاجه ياريت توضحيلي المعلومه... وتسلم الايادي الحلوه اللي بتعمل لنا الحاجات الحلوه... عازفه على أوتار الذهب ______________________________________________ ياعيني عليكي يا طيبه...لما بتضيعي منا.... لما بنصحى نلاقينا بقينا حد غيرنا...... وفعز الإحتياج لحضن يضمنا..... وفعز الإشتياق لحضن يضمنا.... قادرين إزاي ندوس على قلب حبنا... وبقينا إزاي كده....ياعيني عليكي ياطيبه...... رابط هذا التعليق شارك المزيد من خيارات المشاركة
Folana بتاريخ: 14 يناير 2007 كاتب الموضوع تقديم بلاغ مشاركة بتاريخ: 14 يناير 2007 السلام عليكم ورحمة الله ... اختى الفاضلة " عازفة على اوتار الذهب"...هه..هه..استنى شوية احسنت تعبت من اسمك..اصله مشوار طويل جدا...انا حاسميك دهب بس ايه رأيك؟..:D اولا ياجميلة السماق مش هو دبس الرمان...بصى ..السماق ده يعتبر تقريبا من التوابل لونه احمر ومزز زى ملح الليمون كده...وهو بودرة ...بيتضاف على السلطات واللحوم والفراخ المشوية... اما دبس الرمان..فده سائل لزج..زى العسل الاسود تقريبا يعنى انا باقرب لك الصورة بس..وطعمه برضه فيه مزازة شوية...وفيه دبس بلح ..وكده يعنى دبس الرمان لو انت فى مصر حتلاقيه على يمينك..قصدى حتلاقيه فى السوبر ماركت..اما السماق فاعتقد مش متوافر هنا ممكن تحصلى عليه من اى بلد عربى مثلا . ربنا يكرمك ... مادام نباتية بقى ..ماتكتبى كام وصفة كده نشد بهم الزباين...ونخليهم يقاطعوا اللحمة يمكن ترخص..:D { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
عازفه على أوتار الذهب بتاريخ: 14 يناير 2007 تقديم بلاغ مشاركة بتاريخ: 14 يناير 2007 السلام عليكم ورحمة الله ... اختى الفاضلة " عازفة على اوتار الذهب"...هه..هه..استنى شوية احسن تعبت من اسمك..اصله مشوار طويل جدا...انا حاسميك دهب بس ايه رأيك؟..:D والله انا عارفه انه طويييل بس معلش هو ده التوقيع بتاعي من زمان... عمومآ الكل هنا اختصرني لدهب... ***************************** يبقى انا اللي اعرفه السماق هو فعلآ مش موجود في مصر... ************************************************ مادام نباتية بقى ..ماتكتبى كام وصفة كده نشد بهم الزباين...ونخليهم يقاطعوا اللحمة يمكن ترخص :D :D ايه ده مين ده انا طيب بس انا كده هكتب لكم حاجات عجيبه.... هروح واجيبلك افتكاساتي بس لما تعمليها متقولييش على النتائج عالهوى ويعني ياريت لو لازم تقولي اللي فنفسك يبقى في رساله خاصه :D اوك.. :D عازفه على أوتار الذهب ______________________________________________ ياعيني عليكي يا طيبه...لما بتضيعي منا.... لما بنصحى نلاقينا بقينا حد غيرنا...... وفعز الإحتياج لحضن يضمنا..... وفعز الإشتياق لحضن يضمنا.... قادرين إزاي ندوس على قلب حبنا... وبقينا إزاي كده....ياعيني عليكي ياطيبه...... رابط هذا التعليق شارك المزيد من خيارات المشاركة
نانو بتاريخ: 14 يناير 2007 تقديم بلاغ مشاركة بتاريخ: 14 يناير 2007 انا مش نباتيه ....بس ما يمنعش انا لو عليا اقعد طول عمري اكل سلطه وخضار وفاكهه وسمك وكفاااااااايه اوي عليا عموما يالا بينا هامبرجر نباتي بصلة 1 جزرة 2 قطعتين يعني فصين من الثوم 410 غ من الحمص المسلوق 200 غ من الذرة المسلوقة او المعلبة 5 نقط من تباسكو ملح وبهار ورشة بقدونس مفروم 2 معلقة كبيرة من النشاء نصف ليمونة من بشر قشورها 1 بيضة نصف كاسة من السمسم وزيت للقلي ----------------------- خبز هامبرجر بصلة مقطعة حلقات خس وفلفل مقطع ------------------------------ الطريقة نضع الجزر المبشور على النار ومعه الثوم وقليل من الزيت نطحن الحمص المسلوق والذرة المسلوقة والبقدونس مع بعض وثم نضيفهم على النار مع البصلة والثوم والجزر ونرش ملح وبهار وتباسكو والنشاء وعصير الليمون والبيضة ونحركهم على النار ليسمك المزيج نتركه يبرد نعمله اقراص متل الهامبرجر ونغطسها بالسمسم ونقليها بالزيت نحطها بالخبز ومعها البصل والخس والفلفل وتقدم وصحتين there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
Folana بتاريخ: 15 يناير 2007 كاتب الموضوع تقديم بلاغ مشاركة بتاريخ: 15 يناير 2007 السلام عليكم ورحمة الله .... اختى الحبيبة "دهـــــــــــــــب"....اكتبى ولا يهمك..وجربى فينا...ونقول لبعض على الاخبار...ونهمس لبعض فى الرسائل الخاصة عن الاخطاء اللى تودى وراء الاسوار.. طب انا لىّ صولات وجولات فى المطبخ فى بداية زواجى...يا الله....والله زوجى ده له الجنة...لانه صبر علىّ ومارجعنيش البلد عند اهلى من اول اسبوع..:blink: احرق الاكل..وأخلله من كتر الملح...وابوظ ..وأخرب...يا ساترررررررررر...دلوقت بقى فعلا مايعرفش ياكل فى اى مكان الا ويقولى والله انت اكلك احلى وممكن تعملي احلى من ده ميت مرة... يعنى يالا جربى ولا يهمك..انا سوابق فى المطبخ وباتحمل النتائج كلهاااااااااااااا.. نانو ..يانانو..يا أجمل نانو..........تسلم ايدك يا جميلة...طريقة جميلة جدا...انت بجد هايلة ... اول مرة اعرف الطريقة دى وحاجربها (بس يارب ماتكونش اخر مرة)... انا دخلت اشكركم بس...وحاكتب بعد شوية طريقة جديدة..ماتكسلوش بقى...وساعدوا عاجز مسكين... :blink: صباحكم اجمل من الجمال :ninja: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 15 يناير 2007 كاتب الموضوع تقديم بلاغ مشاركة بتاريخ: 15 يناير 2007 السلام عليكم ورحمة الله..... حأقولكم على طريقة سهلة وجميلة خالص.....وهى يمكن تكون الوجه الاخر لهامبرجر نانو بس بطريقة تانية أقـــراص الخضـــار المحمـــرة المقـــادير:.. على فكرة يا جماعة انا فى المقادير مش قد كده يعنى..يعنى باحاول بس اكتب مقادير علشان الناس اشتكت من كتابتى الهلامية ..فدى نسب تقريبية كده .. نصف كوب دقيق به خميرة وده موجود فى السوبر ماركت self- raising ربع كوب من دقيق الحمص أو دقيق الأرز..وبرضه حتلاقوه فى السوبر ماركت من عينة مترو وهايبر وكارفور نصف حزمة كسبرة خضرا مغسولة بالخل كويس..ومخرطة رفيع جدا شوية بهارات هندى..وبرضه موجود فى السوبر ماركت شوية كمون نونو يعنى رشة كده ولا ربع ملعقة وعاها رشة كارى فصين ثوم مدقوق شوية ماء نقول نصف كوب مثلا علبة ذرة حلوة من السوبر ماركت ..ونصفيها من المية حبة بطاطس نقشرها ونفرمها حبة كوسة نقرشها ونفرمها وكمان جزرة علشان انا بأغش من نانو نفرمها وتقريبا زهرتين من القرنبيط مفروم الطريقة : ننخل الدقيق بنوعيه مع بعض ونضيف الكزبرة مع الفلفل الحامى والبهار والكمون والثوم .. ونعمل حفرة فى وسط الخليط ده ونصب المية بالتدريج ونبدا نعجن حتى يتجانس نضيف بعد كده البطاطس والقرنبيط والذرة والكوسة للعجين ونقلب ..ونظبط الطعم ممكن يبقى صعب اننا نشكل اقراص بايدينا وفى الحالة دى ناخد بالملعقة ونحمر..زى لقمة القاضى كده.. ونقلب على الجانبين لحد ما اللون يبقى دهبى وتنتفخ الاقراص ...نشيلها من الزيت ونصفيها على ورق المطبخ ... وممكن نقدم جنبها نوع dips وده موجود فى صفحة الدريسينج... لو لم تجدوا دقيق الحمص او الارز يبقى ممكن نكتفى بالدقيق العادى واللى فيه خميرة علشان تساعد على انتفاخ الاقراص ... ملعقة فلف حامى مطحون .... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 15 يناير 2007 كاتب الموضوع تقديم بلاغ مشاركة بتاريخ: 15 يناير 2007 السلام عليكم ورحمة الله... وصفة كمان سهلة وجميلة...وممكن نقدمها للاطفال او بجانب الوجبات الرئيسية واللى من غير لحمة برضه :ninja: شرائح البطاطس مع الجبــــن المقاديـــــــر:.. مش عارفة اقول كام حبة بطاطس...جربوا الاول فى كيلو علشان ماحدش يدعى علىّ...بس تكون من الحجم الكبير اربع فصوص ثوم مدقوق ناعم ملح وفلفل جبن شيدر ...حسب كمية البطاطس زيت الطريقــة نبدأ نولع الفرن قبل ما نشتغل... نغسل البطاطس كويس..واما نسلقها بس مش قوى علشان نعرف نقطعها او نشويها فى الفرن لحد ماتستوى بس برضه مش قوى علشان نعرف نقطعها ونقطعها شرائح بالطول ..وندهن جانب واحد بس بالزيت اللى هو حيبقى تحت مواجهه للصينية ونرص الشرائح على صينية فرن ونخلط شوية زيت نونو مع الثوم والتوابل وندهن بهم سطح شرائح البطاطس وبعد كده نرش الجبنة وتكون مبشورة ( وممكن اى نوع جبنى طبعا..بارميزان مثلا )... ونخبز البطاطس فى الفرن لحد ما الجبنة تسيح وتبقى دهبى خفيف كده ... وممكن علشان نسوى البطاطس بسرعة نشويها تحت شواية الفرن لمده عشر دقائق ..وممكن كمان نشويها على الفحم..ايه رأيكم فى الفكرة العبقرية دى ... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
نانو بتاريخ: 15 يناير 2007 تقديم بلاغ مشاركة بتاريخ: 15 يناير 2007 فله يا فله يا اجمل فله ربنا يخليكي يا نينا اتفضلي الطبق التالي الملوخية مع الفول المقادير: اوقية فول مجروش او عدس مجروش - نصف اوقية ملوخية جافة - ملح ، زيت للطبخ ،عصير ليمون - حبتين بصل متوسطة الحجم . الطريقه: ضعي الفول في اناء واغمريه بالماء لسلقه لا تكثري من الماء حتى لا يبقى كثيرا من الماء عليه ضعيه على النار واضيفي اليه الملح واتركيه حتى ينضج ،ثم خذي الملوخية الجافة وافركيها بيديك حتى تنعم وارفعي العروق منها،ضعي الملوخية فوق الفول وحركي حتى يختلط بعضه ببعض واتركيها تغلي على نار هادئة وحركي حتى تنضج الملوخية،احمي مقدار نصف كاس من الزيت على النار واقلي به البصل بعد فرمه ناعم نوعا ما حتى يحمر قليلا وصبيه فوق الفول والملوخية ، وحركي قليلا ،اعصري الليمون حسب الرغبة وضعيه فوق البصارة قبل انزالها عن النار بخمس دقائق ،تذوقي ملحها واضيفي اليها ان لزم .وقدميها مع المخللات والزيتون والفجل والليمون وبالهنا والعافية (ملاحظة ممكن استبدال البصل بالثوم مع اضافة راس فلفل حار ) there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
Folana بتاريخ: 27 يناير 2007 كاتب الموضوع تقديم بلاغ مشاركة بتاريخ: 27 يناير 2007 السلام عليكم ورحمة الله ... نانو ..يا نانو..يا أجمل نانوووووووووووووو.......وصفة جميلة دى مش كده؟ قولى الصراحة....بس نونكن سؤال نونو جدا...ولو حتضايقى يبقى كأنى ما اتكلمتش.. هل ..وبأقول هل...الفول بيفضل صاحى زى ماهو...ولا بنضربه ؟....يعنى فول سليم على ملوخية ناشفة؟... تيب يانانو..علشان تعرفى انك غالية علىّ انا حاجربها..والارزاق على الله....بس تابعنى فى المستشفيات ومحاكم الاسرة لو اتأخرت عليك.... <_< تسلم ايديك...... لازانيا الخضار بالبشاميل المقادير: للبشاميل : سمن او زبدة ...دقيق..لين حليب ..ملح وفلفل ..بيض..وممكن جوزة الطيب مبشورة طبعا عارفين البشاميل بيتعمل ازاى ...نضع السمن او الزبدة على النار ونضيف الدقيق ونقلب كويس لحد ما يتجانسوا وبعد كده نضيف اللبن ( وياريت ما يكونش ساخن) ونبدأ فى التقليب كويس ونضيف التوابل ..ولما يبرد نضيف عليه البيض لحشو المكرونة: شرائح مكرونة لازانيا كيلو سبانخ..ناخد الورق بس ونسلقه بصلة كبيرة مفرومة 3 جزارات كبيرة الحجم...نبشر واحدة منها والباقى نقطعه شرائح طوليه ونشويها ثمرتين كوسة كبيرة...نقشرها ونقعطها شرائح طولية ونشويها برضه ..ونسيبها مع اختها اللى هى الجزر المشوى دلوقت جبن بارمازان مبشور ( او رومى مبشور) جبن ريكوتا جبن موتزريلا مبشور ونقلب انواع الجبن على بعض..ونكسر عليهم بيض ونقلبهم .. حزمتين بقدونس مغسولين بالخل كويس ونخرطهم رفيع 3 بيضات ملح وفلفل وزيت الطريقة: نسلق شرائح المكرونة بس ياريت نسلقها بحرص ومش كلها مرة واحدة علشان ماتلزقش على بعضها نبدأ فى رص وحدات اللازانيا فى صينية مستطيلة..(وممكن نضع شوية بشمايل الاول فى قاع الصينية ) بعد كده نضيف السبانخ ....وبعدها شرائح لازانيا..وبعدها طبقة من خليط الجبن والبيض وبعدها طبقة من الكوسة والجزر المشوى...ثم مكرونة نغطيها بالياشميل ...وندخلها الفرن لحد مالونها يحمر ممكن نضيف على الوش صفار بيضيتين علشان يحمر افضل ممكن كمان نقدم معاها صلصة نحمر البصلة المفرومة فى شوية زيت ومعاها ثوم مفروم ونقلب شوية وبعد كده نشوى فلفل احمر ونقشره ونتخلص من البذر ونقطع كام واحدة طماطم قطع صغيرة ونقلب مع البصل وتلثوم لمدة تلت ساعة تقريبا ونصفيها فى مصفاة يدوية وبعد كده نضيف الفلفل الاحمر ونضرب الخليط فى الخلاط ونتبل بالملح والفلفل وتتقدم جنب المكرونة وده اختيارى طبعا.... ولنا لقاء اخر............ { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 27 يناير 2007 كاتب الموضوع تقديم بلاغ مشاركة بتاريخ: 27 يناير 2007 السلام عليكم ورحمة الله ........... الخضـــــروات المقلية المقادير: كوب دقيق زيت زيتون بروكلى..يعنى ثمرة ونقطعها زى القرنبيط كده بس وحدات صغيرة يعنى كل زهرة لوحدها وقرنيط برضه يعنى ثمرة صغيرة او حسب الكمية لانه مش الطبق الرئيسى ثمرتين جزر كبير مقطع شرائح سميكة يعنى زى البطاطس المحمر كده ثمرتين فلفل احمر من غير بذر ونقطعهم شرائح وزيهم فلفل اخضر بيضيتين زيت للقلى- ملح وفلفل للصوص: عصير اناناس شوربة وممكن نستخدم الاكياس الجاهزة للشوربة وتبقى شوربة خضار ملعقتين خل ملعقتين صغيرين سكر بنى ملعقتين نشا بصلتين صغيرين مبشوريين الطريقة: نسلق الخضار اللى معانا ده سويتة يعنى يادوب خمس دقايق على النار من بدء غليان المية علشان مايستوش جدا ونجهز عصيان خشب بتاعة الشوى دى..ونكسرها قطع صغيرة نشبك فى كل واحدة الخضار..واحده من كل نوع .. نضرب بياض البيض بالمضرب الكهربائى كويس لحد مايعمل قمة رفيعة كده يعنى بوزة كده ونضيف عليه الدقيق ونمزج الخليط نغطى الخضار قطعة قطعة بالدقيق ده ..ونتخلص من الدقيق الزيادة ..يعنى ننفضه منه...مش له ونبدأنقلى فى زيت غزير ساخن ..لمده دقيقة او اتنين لحد ما ياخد لون دهبى بس وننشله على ورق مطبخ نجهز الصوص باضافة مقاديره مع بعضها على النار لحد مايبقى سميك نوعا..ونقدمه بجانب الخضار المقلى. { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 29 يناير 2007 كاتب الموضوع تقديم بلاغ مشاركة بتاريخ: 29 يناير 2007 السلام عليكم ورحمة الله ........ وصفة جديدة...وخليكم ساكتين كده... :rolleyes: تورتيلا اسبانية الطريقة: كيلو بطاطس كبيرة ومقطعة شيبسى يعنى شرائح رفيعة زيت بصلة شرائح 3 فصوص ثوم مطحونين 2 ثمرة فلفل اخضر نشيل منها البذر ونقطعها مكعبات ثمرتين طماطم جامده نشيل بذرها ونقطعها مكعبات علبة ذرة حلوة 6 بيضات مخفوقة حزمة بقدونس مخرطة ملح وفلفل الطريقة: نسلق البطاطس فى شوية ميه مغلية على النار لمده خمس دقائق ونصفيها وممكن مانسلقهاش برضه ..زى ما تحبوا.. نقلب البطاطس والبصل على النار فى شوية زيت لحد مايبقى لون البطاطس يبقى بنى تقريبا وبعد كده نضيف الثوم والفلفل والطماطم والذرة الحلوة ونقلب كويس نضيف البيض والبقدونس ونظبط الطعم ونسيبها على النار لحد ما الوجه الاسفل يستوى وبعد كده نكمل التسوية تحت الشواية لحد ما وشها يحمر او يبقى دهبى يعنى ..ولو تعرفوا تقلبوها على الوجه التانى ممكن برضه...وممكن نسويها فى قلاية البيض ام روحين دى لسهولة عملية القلب... ونقطعها ونقدمها وجنبها اى ديبز بتحبوه.. ممكن نسميها كمان عجة الخضروات .. جدو ابو الفصاد..سفيرنا فى اسبانيا لو فيه اى انتقاد او تعديل ياريت توجهنى... -_- .. { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
نانو بتاريخ: 2 فبراير 2007 تقديم بلاغ مشاركة بتاريخ: 2 فبراير 2007 السلام عليكم ورحمة الله ... نانو ..يا نانو..يا أجمل نانوووووووووووووو.......وصفة جميلة دى مش كده؟ قولى الصراحة....بس نونكن سؤال نونو جدا...ولو حتضايقى يبقى كأنى ما اتكلمتش.. هل ..وبأقول هل...الفول بيفضل صاحى زى ماهو...ولا بنضربه ؟....يعنى فول سليم على ملوخية ناشفة؟... تيب يانانو..علشان تعرفى انك غالية علىّ انا حاجربها..والارزاق على الله....بس تابعنى فى المستشفيات ومحاكم الاسرة لو اتأخرت عليك.... :wub: تسلم ايديك...... فله يا فله يا اجمل فله...الفول مجروش يا فله يعني مش صاحي ....و الراجل الطيب الي هاتشتري منه هايعرف ايه المجروش ده تسلم ايديكي علي الوصفات الجميله ديه بصي انا بقه احب الحاجات السهله البسيطه والاكله ديه بالذات باعملها و البيه نبطشي علشان لو فكرت اعمله اكل نباتي ....ممكن يكون رد فعله نباتي برضه في صوره قصريه زرع طايره كده في الهوا عموما اتفضلو اشوفوا معايا الاكله السهله ديه مكرونه بالمشروم المقادير كيس مكرونه نصف كيلو طماطم بصله مفرومه فصين ثوم ملعقتين زيت 3 حبات فلفل الوان اخضر واحمر واصفر كميه مناسبه من المشروم حسب الرغبه ملح فلفل الطريقه اولا تسلق المكرونه وتترك جانبا في اناء مناسب نحمر البصل والثوم في قليل ملعقه الزيت و عليهم الملح والفلفل ثم نضع عليهم الطماطم بعد عصرها اوضربها في الخلاط وتترك علي نار هادئه للتسبيك اثناء ذلك نقطع الفلفل شرائح طوليه رفيعه و معهم المشروم قطع سمكيه قليلا وليست رفيعه ثم نقوم بتقليبهم في ملعقه زيت كبيره علي نار هادئه حتي يذبل الفلفل قليلا ثم نقوم بوضعهم مع الصلصه و نتركهم لمده خمس دقائق علي نار هادئه ...مع المتابعه حتي تصل الصلصه اللي السمك المطلوب لتكون جاهزه لخلطها مع المكرونه نقوم بوضع المكرونه المجهزه داخل اناء الصلصه و نقلب جيدا ثم تقدم في الاطباق ...و بالهنا والشفا there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
yasovinas بتاريخ: 2 فبراير 2007 تقديم بلاغ مشاركة بتاريخ: 2 فبراير 2007 فول بالملوخية الناشفة :) وهمبرجر جزر :o انا ايه اللي دخلني هنا :) :huh: :wub: رابط هذا التعليق شارك المزيد من خيارات المشاركة
نانو بتاريخ: 2 فبراير 2007 تقديم بلاغ مشاركة بتاريخ: 2 فبراير 2007 فول بالملوخية الناشفة :) وهمبرجر جزر :huh: انا ايه اللي دخلني هنا :) :huh: :wub: طب والمكرونه اللي بالمشروم :o اشمعني ديه ما شوفتهاش ولا يعني ما لاقوش حاجه في الورد قالوله يا احمر الخدين :blink: there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
yasovinas بتاريخ: 2 فبراير 2007 تقديم بلاغ مشاركة بتاريخ: 2 فبراير 2007 وانت الصادقه يا نانو قالو له يا اخضر الطبختين قال فول بالملوخيه قال يا عم ررررووووووووووووووووووووووووووووووح رابط هذا التعليق شارك المزيد من خيارات المشاركة
بنت الشاطئ1 بتاريخ: 7 فبراير 2007 تقديم بلاغ مشاركة بتاريخ: 7 فبراير 2007 السلام عليكم ممكن تقولولى يعنى ايه المشروم يعنى هو بهارات واللا ايه وهل طعم المكرونه بالمشروم مختلف كثيرا عن الطريقة العادية انا عندى اكله جميلة وهى طاجن الفول بالبيض المكونات فول مدمس كوب مثلا بصلة متوسطة الحجم ملعقة كبيرة كزبرة خضراء مقطعة قطع صغيرة حبة طماطم صغيرة مقطعة قطع صغيرة ملح 2 عدد بيضة 1ملعقة زبده او زيت نباتى الطريقة نقلب البصل مع الزبدة حتى الاصفرار ثم نضع الطماطم ونقلب ثم الكزبرة ثم نضع الفول والملح ونضع الخليط فى طاجن فرن ونعمل حفرة بسيطة ونكسر فيها البيضة ونترك مسافه قليلة بين البيضة والاخرى وندخل الطاجن فى فرن متوسط الحرارة حتى ينضج البيض طعمه جميل وينفع فى السحور رابط هذا التعليق شارك المزيد من خيارات المشاركة
Folana بتاريخ: 8 فبراير 2007 كاتب الموضوع تقديم بلاغ مشاركة بتاريخ: 8 فبراير 2007 السلام عليكم ورحمة الله .... اختى الفاضلة بنت الشاطىء...اتأخرت عليك ..سامحينى..بس كنت مشغولة معاك فى بناء الارض :) المشروم اللى هو عيش الغراب...اللى هو..الشامبنيون...اللى هو الفطر... ده نبات...طبعا هو لا نبات ولا حيوان هو يعتبر فانجى.... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 9 فبراير 2007 كاتب الموضوع تقديم بلاغ مشاركة بتاريخ: 9 فبراير 2007 لسلام عليكم ورحمة الله ....... بقى أنا النهاردة أكلت لحمة..كتير...كتير...كتيررررررررر....( طبعا مش فى بيتى )..فقررت اكون نباتية باقى الليل وحتى غدا صباحا لحد ما اشوف حد من ذوى القلوب الرحيمة يأكلنى عنده بكره...لحمة برضه...( يم يم يم*) لكن احنا هنا على العهد النباتى مع بعض..واليكم وصفة نباتية تانية........( فلتسقط اللحمة...) صينية القرنيط فى الفرن المقادير: ثمرة قرنبيط..تقطع الى وحدات وتسلق فى ماء وتصفى....بنضيف شوية كمون على الماء المغلى طبعا 3 ثمرات بطاطس كبيرة تقشر وتقطع الى مكعبات وتسلق لمده 10 دقائق نصف كيلو طماطم شيرى لعمل الصوص: 4 ملاعق كبيرة زبدة او سمن فصين ثوم مدقوق 3 ملاعق دقيق كوب لبن شوية خليط جبن كده ..بارمازان على شيدر باربريكا – ملح – فلفل ملعقتين ورق بقدونس حزمة بقدونس مخرطة الطريقة : احنا كده سلقنا القرنبيط والبطاطس نعمل الصوص ...نرفع الزبد على النار ونضيف الثوم ونقلب دقيقة وبعد كده نضيف الدقيق ونقلب لدقيقة كمان نرفع الدقيق من على النار ونبدأنضيف اللبن ونقلب كويس علشان نمنع تكون الكتل وانا الحقيقة باقلب بمضرب البيض السلك اليدوى بيساعدنى جدا فى تجنب الكتل دى ونضيف جزء من خليط الجبن والبقدونس والبابريكا ونضع الخليط تانى على نار هادئة ونقلب ونظبط الطعم احنا طبعا مش بنعمل بشاميل يعنى نراعى ان الصوص ما يبقاش سميك. نرص القرنبيط والبطاطس والطماطم فى صينية الفرن ونراعى ان تكون الطماطم فوق الوش علشان بس تدى منظر جمالى عند التقديم ونضيف باقى الصوص ونرش باقى الجبنة ونضع الصينية فى الفرن لمدة تلت ساعة تقريبا او لحد ما الوش يحمر .. ممكن كمان نأجل رش الجبن لحد ما الخليط يتجانس فى الفرن ويبدأ يستوى وبعد كده نرش الجبنة..... ولى عودة... :lol: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
بنت الشاطئ1 بتاريخ: 10 فبراير 2007 تقديم بلاغ مشاركة بتاريخ: 10 فبراير 2007 هجربها لان اسرتى بتحب القرنبيط لكن هى بتتاكل كيف بالارز ام بالخبز وايه هى الطماطم الشيرى وايه هى الباربريكا – رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان