مين بيحب Friends

[أبو حميد]

فعلا انا مدمن فريندز حتى لو شفت الحلقة كذ ا مرة مبزهقش منها. علشان دمهم خفيف ولا علشان بحب جينيفر أنيستون مش عارف بس أنا مدمن.

مين كمان بيحبها؟

[محمد عبدالعزيز]

أنا بقى بصراحة باكرهها جداً ﻷنها مستفزة وتافهة ومافيهاش أى شئ له علاقة بينا ولا بثقافتنا ومش عارف الشباب بيحبوها ليه

[Siwa]

بصراحه انا بأيد رأي استاذ محمد عبد العزيز....البتاعه Friends ده كل يوم بيعرضوه هنا.... وهو بصراحه كوميديا فجه وملاينه بلاوي...وحتى بالنسبه لناس كتير غربيين....هي كوميديا مستفزه.......انا باحب مسلسل تاني اسمه Frasier اكتر.....

[autoscriptor]

أبوحميد :wub: عاجبك كدة ؟... أقول ازاي دلوقتي اني كمان بحب فريندرز؟

بس بصراحة مش بحب جينيفر أنيستون .. مش علشان هيا مالهاش علاقة بينا ولا بثقافتنا ولا حاجة، بس كدة مش بتنزلي من زور، يعني بكرهها في الله

بس انا بحب كورتني كوكس واعتقد انها أحلى واحدة فيهم

وأول ما شوف ليزا كودرو مش بقدر أمنع نفسي من الضحك

هيا ومات لابلانك ... لما بيتلموا على بعض بتبقى مسخرة والضحك للركب

[nash]

طيب أنا كمان كنت داخله أقول رأيي

....بس الصراحه بطلت...أنا كمان

سيوة.....Frasier

أنا بتخنق منه...تصدقي؟؟

لولا أختلاف الآراء لبارت السلع

[أبو حميد]

لا يا جماعة كل واحد له رأي والكل لازم يحترم رأي الأخرين يعني انا بحترم رأي الأستاذ محمد عبد العزيز وهو كمان لازم يحترم رأينا.

أنا هارد على أنه ما بيحبش أي حاجة ملهاش علاقة بثقافته طيب أنت ما بتحبش تقرأ لأدباء أجانب من شكسبير وأنت نازل أو تشوف افلام أجنبية؟

سيوة

أنا كمان بحب فريزر جدا ودارما و جريج وساينفيلد حتى ثيرد روك فروم زا صن الحاجة الوحيدة اللي مابحبهاش هي دكتور بيكر.

أنا بصراحة بحب معظم الأفلام الكوميدية الأمريكية ودا سبب حبي للحلقات دي وبخصوص البلاوي وانا فاهم قصدك فأحنا لازم نبقى فاهمين أختلافهم عنا والوعي بتاعنا في التمتع بالكوميديا وغض الطرف عن البلاوي.

ومحدش يخاف يقول رأيه يا جماعة لو سمحتم. واللي شايف أن فريندز دي سيئة برضه يتفضل يقولنا ليه؟

[أبو حميد]

ممكن نخلي الموضوع أشمل ونتكلم عن كل المسلاسلات الكوميدية مش فريندز بس خلونا نوسع المناقشة. أيه اللي بيعجبك منهم وليه؟

تم تعديل 12 يناير 2007 بواسطة أبو حميد

[nash]

شوفوا بصراحه أنا بحب فريندز جدا...وبتعجبني روح الصداقه فيها..

لكن المسلسل اللي فعلا بيشدني..هوة اللي أسمه...مالكوم أن ذا ميدل

[otaka]

هى فريندز مسليه لا شك بس مش اول اختيار يعنى لما بتكون فى التليفزيون بقلب المحطات و لو ملقتش شئ تانى بتفرج عليها

المسلسل اللى مش بقدر ما اتفرجش عليه اسمه house هو امريكى بس البريمو فيه انجليزى اسمه Hugh Laurie

و طبعا بقى الحاجات اللى متتفوتش prison break وCSI

[Simba]

أنا بحب مسلسل full house قوي

محدش يعرف يقولي اقدر انزل حلقات من علي الانترنت ولا لأ

[autoscriptor]

ليا رد سريع على فكرة تقبل أو عدم تقبل الآخرين لاختلافهم عن ثقافتنا أو عادتنا. أحترم آراء غير المتقبلين ولكني أعتقد (حسب رأيي الشخصي ولا أعني شخص معين) ان هذا ضيق افق. فلا يمكن أن أقوم بتقييم جماعة بشرية مختلفة تماماً عنا نحن العرب والمسلمين باستخدام منظموتنا نحن من القيم والعادات والتقاليد. حسب قيمنا الدينيةً وتقاليدنا العريقة مثلاً لا نقبل أن تنفصل البنت عن أهلها قبل الزواج. من حقنا أن ننظر بسلبية وننتقد من تفكر أو من تقوم بالفعل بترك بيت أهلها وتعيش منفردة قبل الزواج في مجتمعاتنا. ولكن ليس من حقنا أن نطبق عاداتنا وتقالدينا عليهم وهم لهم منظومة أخلاقية مختلفة. لا أطالب أحدًا بأن يشاهد مسلسل فريندز أو فريزجر أو غيره من المسلسلات الأمريكية، ولكن لا أقبل أن ينتقدني أحدهم لأني أفعل ذلك (لم أر أن أيا من المشاركين هنا قد انتقد أحدًا آخر لا سمح الله) فأنا مثلاً أرى أنه بجانب أن مشاهده هذه الحلقات على سبيل المثال ممتعة بالنسبة لي على الجانب الشخصي، هي أيضًا مفيدة للتعرف على ثقافة الآخر المختلف عنا والذي في أحيان كثيرة نتعامل معه بإرادتنا أو مضطرين إلى ذلك. وبعيدًا عن الأجواء الأكاديمية الكئيبة والمملة أرى أن هذه الحلقات الكوميدية توفر بديًلا ممتعًا وشيقًا. ولكم مني جميعًا تحية ووردة أيضًا.

[أبو حميد]

ليا رد سريع على فكرة تقبل أو عدم تقبل الآخرين لاختلافهم عن ثقافتنا أو عادتنا. أحترم آراء غير المتقبلين ولكني أعتقد (حسب رأيي الشخصي ولا أعني شخص معين) ان هذا ضيق افق. فلا يمكن أن أقوم بتقييم جماعة بشرية مختلفة تماماً عنا نحن العرب والمسلمين باستخدام منظموتنا نحن من القيم والعادات والتقاليد. حسب قيمنا الدينيةً وتقاليدنا العريقة مثلاً لا نقبل أن تنفصل البنت عن أهلها قبل الزواج. من حقنا أن ننظر بسلبية وننتقد من تفكر أو من تقوم بالفعل بترك بيت أهلها وتعيش منفردة قبل الزواج في مجتمعاتنا. ولكن ليس من حقنا أن نطبق عاداتنا وتقالدينا عليهم وهم لهم منظومة أخلاقية مختلفة. لا أطالب أحدًا بأن يشاهد مسلسل فريندز أو فريزجر أو غيره من المسلسلات الأمريكية، ولكن لا أقبل أن ينتقدني أحدهم لأني أفعل ذلك (لم أر أن أيا من المشاركين هنا قد انتقد أحدًا آخر لا سمح الله) فأنا مثلاً أرى أنه بجانب أن مشاهده هذه الحلقات على سبيل المثال ممتعة بالنسبة لي على الجانب الشخصي، هي أيضًا مفيدة للتعرف على ثقافة الآخر المختلف عنا والذي في أحيان كثيرة نتعامل معه بإرادتنا أو مضطرين إلى ذلك. وبعيدًا عن الأجواء الأكاديمية الكئيبة والمملة أرى أن هذه الحلقات الكوميدية توفر بديًلا ممتعًا وشيقًا. ولكم مني جميعًا تحية ووردة أيضًا.

autoscriptor

أوافقك تماما فالمسلسل أمريكي والعادات أمريكية ويجب أن نضع هذا في أعتبارنا أثناء المشاهدة. كانك تشاهد فيلم تسجيلي عن عادات الزواج في بعض القبائل الأفريقية جايز تلاقي حاجات ما تعجبكش بس في الأخر هي دي عاداتهم الأعمال الفنية كده لازم تشوفها وأنت محيد ثوابتك وأفكارك وإلا مثلا واحد بيتفرج على فيلم مصري فيه زار أو حلقة ذكر أو مولد يروح سايب الفيلم ويقول دي عالم متخلفة بتعمل حاجات غريبة وينسى القيمة الفنية للعمل.

والأعمال الفنية فعلا بتعرف الواحد على الناس دي عايشة ازاي بيفكروا ازاي خد منهم اللي يعجبك وسيب اللي ميعجبكش.