إبننا سين سين على اعتاب الألفية الثامنة

[inas]

شكرا على عطفك وكرمك يا ابيه س س

انا ريحا الم الجماعه المحاوريتين الغلابه الي زي انا ولونلي ونعملنا حزب ايناس ولونلي وشركاءهم كومبانيه ليميتيد

عشان نعرف نكلم مع سيادتك :wub:

[Diab]

بعد 5 مداخلات او موضوعات سيستكمل ابننا سين سين خمسة الاف قصدي ثمانية الاف مداخله وموضوع

احتمال ده يبقى يوم 5 الموافق الخميس الساعة 5

لو حبيت توجه لسين سين كلمة بهذه المناسبة تقول له إيه ؟

-------------------------

دي رسالة خاصة من عضو رفض ذكر اسمه بيقول فيها كلمه واحده فقط لم نفهم معناها

" جبببببببببببببببببببببببببببببار "

--------------------

دي رسالة اخرى لعضوه رمزت لاسمها بـ كاف حاء ( كفايه حرام ) بتقول فيها

" آه ما هي الكوسه بقت المشروب الرسمي في البلد دي !!! بقى عايزين تفهموني ان واحد يصل الى هذا العدد من المداخلات خلال 4 سنين ؟!!! يعني بيعمل له 2000 مداخلة في السنة يعني 166 مداخلة في الشهر يعني بتاع 6 مداخلات في اليوم .. مع العلم ايه ...ان المداخلات العديدة لنفس العضو في موضوع واحد تُعد مداخله واحده يعني لو فردنا ونشرنا مداخلاته هاتعملها بتاع 20 الف .... انا بصفتي عضوه عامله في هذوها المنتدى اطالب بفتح تحقيق في هذا الموضوع لإني بأتهم سين سين بإنه بيلعب في العدادات بتاعت المنتدى " وارجو الا يتم حذف مداخلتي لمزيد من الشفافية

-----------------

رسالة اخرى وصلتنا من احد مريدي سين سين بيقول فيها

" العين صابتني ورب العرش نجاني ...... ما تبصش لمداخلاتي بصه رديه ... وبص في اللي مدفوع فيه ..... بص بعينك وصلي بقلبك يا مؤمن ..... ومددددددددددددددددددددددددددد "

-----------------

ودي رسالة وصلتنا من عضو متشائم بيقول فيها

" جتنا نيله في جظنا الهباب :lol: .. بقى انا نازل فحت ليل نهار بقى لي ييجي سنة ومع ذلك قفلت حوالي 300 مداخله وده بيعلم له 2000 حته في السنة ؟ ليه زايد عني ايد ولا رجل ولا يمكن جايب ناس على كفالته ومبعترهم في ابواب المنتدى وهاتك يا مُداخلات---------------------

ودي رسالة وصلتنا من عضو محفلط بيقول فيها

" ده انا سمعت في السي ان ان خبر بيقول : يعتزم الكاتب الكبير في السن سين سين طرح مداخلاته في كتاب بعنوان " مداخلات سين سين .... مرحلة هامه للتأريخ "

ام البي بي سي فقالت : تناثرت اخبار هنا وهناك تقول بإن دار الطفل المُعاق للنشر قررت طبع اعمال سين سين - السودا -على ديفيديهات توزع على طلبة المدارس بسعر رمزي 10 دولار للنسخه ... والجدير بالذكر بإن المخرج العالمي يوسف شاهين يعكف على كتابة سيناريو لفيلم جديد استوحاه من مداخلات الكاتب الكبير واطلق عليه مبدئيا " سين سين ليه .. سين سين فين ؟ " وستلعب بطولة الفيلم الفنانة الجميله جوليا روبرتس وسيلعب شخصية سين سين الفنان الشاب أحمد مظهر

تقصد مين بالكلام ده :o

مش انا طبعاً :lol:

......

تم تعديل 20 ديسمبر 2006 بواسطة Diab