كرسي الاعتراف

[Modest]

انا جيت متاخر اوي في ايه ده ماشي لازم نساله اي حاجه

جيتي متأخر ؟؟؟!! :huh: كنتي كملتي جميلك و جيتي بكرة .. ماشاء الله العيلة كلها قايمة بالواجب و زيادة :)

بص بسرعه ايه الي خنقك الاسبوع الي فات ؟؟

اللي خنقني الزحمة في الملاهي اللي كان لازم أروحها مع أسرتي .. باتخنق من الزحمة و الدوشة لكن كنت متماسك و حاولت ألا يظهر عليّ أي تذمر :blink:

ده غير الخنقة من الاسئلة هنا :blink:

وعملت ايه في العيد؟؟

ماقلنا رحت اتمرجح :P ...

كان نفسك تكون مين؟؟

الحمد لله على ما أنا فيه الآن .. دلوقتي نفسي أولادي همّا اللي يكونوا .. و خصوصا الواد الصغنن اللي مش طايقني و قال لي تعقيباً على محاولاتي الحثيثة لنصحُه في كيفية سواقة عربية الملاهي.. قال لي بمنتهى البراءة: أصل حضرتك مش بتفهم mfb:

بمناسبت الي كنت انا فيه من مرستان بتحب تعزم حد عندك ولا تتعزمم؟؟

باحب اعزم و أتعزم .. و مادام مش انا اللي هاقف في المطبخ و أحتاس في تجهيز العزايم يبقى أحب أعزم

.

[Modest]

أبيه موديثت أذيك.... :huh:

بجد مقدرش غير اقولك ربنا يعينك عاللي انت فيه...

انا اطالب بالعفو عن موديست..

بلييييييييييييييز....

ربنا يطلعك من قبضة ايدينا بالسلامه... :P

ده لو استجواب محضر كان يبقى ارحملك... :blink:

انا مستعده لدفع الكفاله...من جنيه لجنيه وربع... :)

أنا متأثر جداً بطلبك العفو عني mfb:

و متأثر أكتر بتضحيتك بالجنيه و ربع يا دهب .. مش قادر اتحكم في دموعي .. انتي مكتّرة البصل يا دهب .. مش كده؟ :blink:

.

[Modest]

لا أظن أن كل الناس هنا تعرفني..............

بس ممكن أقول رأي..............

لعبتكوا حلو بس محتاجة هدف...........

إن احنا نعرف بعض أكتر...............

مش بس الأخ موديست..........

لأ.......

فيه ناس تانيه كتير لازم نعرفها..........

ومش عايز حبيبي موديست يزعل مني...........

ده هوا السبب إني دخلت هنا...........

كلامك على عيني و راسي يا أرسين

لكن موضوعك خرج من إيدي .. و الإجابة في يد الأعضاء الموقرين من الآن

.

[Modest]

و كمان المداخلة فيها عصير؟؟!! .. هييااا دي المداخلات و لا بلاش

أنا سما اللى جبت لك العصير من يومين فاكرنى :blink:

لأ الحقيقة مش فاكر حضرتك ... أنا فاكر العصير بس :)

----------------------------------------

النهاردة معايا كام سؤال

1- أولادك كلهم لهم نفس مقدار المحبة ولاة فية حد زايد شوية عن التانى

الصغير حتى يكبر و المريض حتى يشفى و الغائب حتى يعود :D

2- ماهى الأكلة التى تتقنها مدام موديست بشدة

همممم همممم ... كل الأكلات و خصوصاً الحلويات التي اعشقها :huh:

3- هل تتذكر عيد ميلاد زوجتك وتحضر لها هدية

بدأت أحس إن أسئلتك غير بريئة يا سما mfb: .. و إنك يا إما تعرفي مراتي يا إما عايزة توقعيني في الغلط بكتر الأسئلة من النوع ده :blink:

طبعاً باتذكّر عيد ميلادها ، بجد ، و باحضر لها هديتين مش هدية واحدة .... هدية بمناسبة عيد ميلادها و هدية بمناسبة عيد زواجنا لإني اخترت اعمل الفرح في نفس يوم عيد ميلادها.

كنت فاكر إنها فكرة مُوَفرة على أساس إني أجيب هدية واحدة بدل هديتين لكن يظهر إني حسبتها غلط و اتدبست .. أقصد اتدبست في الهدايا طبعاً ... ما تفهمينيش غلط :P

4- إذا أحسست يوماً بالأكتئاب فكيف تخرج منة

بابعد و أنفرد بنفسي لأني مش باحب أحمّل أي حد مشاكلي و خصوصا اللي بحبهم... إلى أن أرجع لطبيعتي.

5- زهقان - تعبان - متضايق فمن هو أول من تتصل علية

زهقان تعبان متضايق .. باتصل بموديست و اتكلم معاه.

أتسلي وأنت بتجاوب

بما إني جاوبت على آخر سؤال الحمد لله ، يبقى هاخدهم معايا و أنا مرَوَّح أتسلى بيهم و انا باتفرج على اللي هايتربط بعدي في الكرسي

.

[مصرية يعني مصرية]

الف حمد الله على سلامتك

يا مودست يا أخويا

كفارة :huh:

تلقيك خسيت نص وزنك الأسبوع ده :P

معلهش

بس هننتقم منهم كلهم

واحد واحد :blink:

[Modest]

الف حمد الله على سلامتك

يا مودست يا أخويا

كفارة :huh:

تلقيك خسيت نص وزنك الأسبوع ده :blink:

معلهش

بس هننتقم منهم كلهم

واحد واحد mfb:

خسيت؟ دول ما كانوش بيأكلوني خالص يا مصرية :blink:

لكن هافضى لهم .. و اللي أكلوهولي وز وز هاطلعه عليهم بط بط :P

.

[Modest]

.

و الآن

مش مصدق نفسي ... أخيراً جاوبت على آخر سؤال

نفسي أطلع بره أشوف الناس

نفسي أركب العَجَلة و ألف بيها من غير ما حد يقول لي رايح فين و جاي منين و لا هات اللي عليك

نفسي أقف اخد واحد فول و واحد طعمية من على أي عربية في الشارع بعد ما معدتي نشفت من أكلكم

نفسي اضرب واحد عصير قصب و اتنين جيلاتي

نفسي أتصل بسي السيد أشمَت فيه

نفسي أتفرج على فرحة الاسماعيلاوية بفوزهم على الأهلي

يااااااااااااااااااه الحرية حلوة ياولاد

.

[النسر المصري]

ياااه...أما ضاعت مني حتة فرصة.....ياخساااره

انا لسه راجع من مصر امبارح...ولو كنت اعرف انك ياموديست ياصاحبي انت اللي لابس فيها...لكنت بهدلتك بأسألتي......كنت هخليك تعرف حقيقة الزمالك ...كنت هقلبك أهلاوي مخلص ومطيع في كام سؤال...أصل انا بحبك وبحب أخلاقك العالية...ولذلك شايف ان زماكويتك دي انت ومسيو زوهيري ملهاش محل من الاعراب......ياااااه كان نفسي بجد اكون موجود والله......ده اسألتي كانت هتخرم نافوخ اي زملكاوي :huh:

[MZohairy]

ولذلك شايف ان زماكويتك دي انت ومسيو زوهيري ملهاش محل من الاعراب

أنا؟؟؟ :P

أنا طول عمري أهلاوي ولله الحمد

و لله الأمر من قبل و من بعد :huh:

[Diab]

ياااه...أما ضاعت مني حتة فرصة.....ياخساااره

انا لسه راجع من مصر امبارح...ولو كنت اعرف انك ياموديست ياصاحبي انت اللي لابس فيها...لكنت بهدلتك بأسألتي......كنت هخليك تعرف حقيقة الزمالك ...كنت هقلبك أهلاوي مخلص ومطيع في كام سؤال...أصل انا بحبك وبحب أخلاقك العالية...ولذلك شايف ان زماكويتك دي انت ومسيو زوهيري ملهاش محل من الاعراب......ياااااه كان نفسي بجد اكون موجود والله......ده اسألتي كانت هتخرم نافوخ اي زملكاوي :P

تقصد زمالكويتك

فاصل آخر من الأخطاء الإملائية ;)

تم تعديل 9 يناير 2007 بواسطة Diab

[se_ Elsyed]

يا معلم موديست .. ليلتك فُل بزيادة .. قايم من عالكرسي الكهربائي زايد النص وزيادة ... أوويي أوووي أويي يا عيني

ما قولتنلناش يا شقيق .. دبست مين يكون خليفتك على الكهرسي الكهروباتي ؟

عايزك تنقي لنا حد سمين عشان يستحمل الكهربا والضرب وخلافه

وفي نفس الوقت يكون شخصية ديسمه ومدهننه كده وتغري بالأسئلة ..

كل ما كنت بأشوف منظر موديست على الكرسهي وهو متوصل بالأسلاك الكهربائية

كان بيصعب عليه وأقعد اقول : يا حبيبي يا موديست ... لكن أرجع تاني وأقول ( أحسن عشان ما يشوفش ماتش الاهلي والإسماعيني )

وأهو قام لنا باسلامه عشان ينور المكان ...

---------------------------

قرار إداري رقم 65 تقسيم عين

- أنه في يوم 9 يناير سنة سبعة بعد الألف ميلادياً الموافق الخامس من حزيران تموز الاول ... تم تكوين لجنة من مشرفي منتدى المحاورات لإدخال تعديلات على الكرسي الكهرباتي وذلك بإضافة فولتات زيادة لصعق الجالس على الكرسي بدري بدري

دي صورة للجنة وهي بتعاين الكرسي الكهرباتي

على فكرة الراجل اللي ماسك حتت خشبة وبيحطها فوق عالكرسي ده هو " أحمد محمود " الخالق الناطق .. وده كان إقتراح منه بحيث اللي مربوط يكون في حاجه حكماه من فوق عشان ما يفلفصش أو يفز مننا لما نوصل الكهربا

أما أبو برنيطه ماسكها في إيده .... فده الخواجه بيجو .. قصدي الخواجا سكوب اللي كان بيفكر بإمعان في بعض الإضافات ..

واللي كان بيعمل تيست للكرسي وبيثبت المسامير اللي هاتندق في إيد المتكتف فده الباشمهندس عصام اللي عمل عملية الديفيلوبمينت عالكرسي ..

ودي صورة من معمل المحاورات وفيها الدكتور سين سين بيقوم بدراسة تعديلات جديدة برضوا عالكرسي عشان يبقى مُريح

بالشفا إن شاء الله

[inas]

بما ان الاستاذ موديست فر هاربا من الكرسي

وتعذر عليه ترشيح احد الاعضاء

فاقوم انا بترشيح الاخوة التالين ولو حد عايز يضيف او يعدل النهرده نرشح بس الترشيح مفتوح للجميع

1. الاخ الكبير اسكوربيون -_-

2. الاستاذ واحد تاني :P

3.النسر المصري بمناسبة عودتو من الحجاز اقصد من مصر ;)

ينتهي الترشيح والتصويت اليوم :P

[Modest]

ما قولتنلناش يا شقيق .. دبست مين يكون خليفتك على الكهرسي الكهروباتي ؟

كنت داخل أرشح و الله يا سين سين لكن لقيت إيناس سبقِتني بدقائق .. و توقف المنتدى أثناء كتابتي للرد ده و لسه راجع.

خيرها في غيرها و كل اللي اختارِتهم إيناس حلوين ;)

تم تعديل 9 يناير 2007 بواسطة Modest

[memo2007]

طبعا ادى صوتى وبكل قوة للأخ العزير النسر المصرى

[nancy]

معلش يا ايناس الموضوع بتاعك ايوة

بس بعد الى عملتوة فى مودست المفروض انه هو الى يختار ومش تلاتة لا واحد ويكون مجبر على التنفيذ وياريت يا مودست حد من العائلة دى لحسن طحنوك اسئلة

معلش يا انوس بس الحق يتقال يعنى ;)

[nora]

مش فهمه يا نانسي انت قصدك مين طب انا كل الي سالتو يجي سؤالين بس خليكي محضر خير

وانا بقول النسر برضو ;)

[inas]

ما قولتنلناش يا شقيق .. دبست مين يكون خليفتك على الكهرسي الكهروباتي ؟

كنت داخل أرشح و الله يا سين سين لكن لقيت إيناس سبقِتني بدقائق .. و توقف المنتدى أثناء كتابتي للرد ده و لسه راجع.

خيرها في غيرها و كل اللي اختارِتهم إيناس حلوين :P

لا والله ما اقصد ازعل حد وبما ان الاخ موديست شاف الامريين الاسبوع الي فات من حقو اكيد

بس انا عملت كده لانك طلبت مساعدتي في ترشيح احد وانا عملت الدعوه عامه للي عايز يشرح :P حد اقصد يرشح ;)

كده اخونا نسر يتقدم بثلاث اصوات ( الف مبروك مقدما -_- )

لاشيء اسكوربيون

لاشيء واحد تاني

يلا يا قوم عيزين ندبس حد بدري بدري :P

[Ahmad Farahat]

أرشح الأستاذ زهيري

و محمود الشاعر

و

و

أرسين لوبين

[nancy]

نورا وايناس

اولا نسر لسة جاى من الاجازة واكيد حيكون مشغول ومش وقت طحن وهو جاى على طحن شغل اصلا

واحد تانى مختفى وواضح انة مشغول وانتم عوزين حد يجاوب حالا ويبتدى من النهاردة

اسكوربيون برضة سكت وبعد خالص وواقف وراء السور مستنى حد يدبس

وبعدين نروح بعيد لية

ارسين لوبين مرشح نفسة بنفسة يعنى كدة 100 صوت لانة هو الى عاوز

يبقى هو افضل مرشح

:)

فانا اضم صوتى لارسين لوبين يبقى 101 :blink:

[Ahmad Farahat]

نورا وايناس

اولا نسر لسة جاى من الاجازة واكيد حيكون مشغول ومش وقت طحن وهو جاى على طحن شغل اصلا

واحد تانى مختفى وواضح انة مشغول وانتم عوزين حد يجاوب حالا ويبتدى من النهاردة

اسكوربيون برضة سكت وبعد خالص وواقف وراء السور مستنى حد يدبس

وبعدين نروح بعيد لية

ارسين لوبين مرشح نفسة بنفسة يعنى كدة 100 صوت لانة هو الى عاوز

يبقى هو افضل مرشح

:)

فانا اضم صوتى لارسين لوبين يبقى 101 :blink:

إنتي بتورطيني يعني............

ماشي.........

أرسين لوبين

أرسين لوبين

أرسين لوبين

تصفيق حاد

هيييييييييييييييييييييييييييييييييييييييييييييييييييييييييييييييييييييييييه