كرسي الاعتراف

[inas]

يبقي نطلعه وز وز علي اللي بعده ...

عزيزتي ايناس ..

هل شعرتي مرة بالغيرة من اخواتك .. او ان الأهل بيفضلوا واحد منهم عنك ؟

نورا كانت ضعيفة في النحو و الإملاء زمان ؟ طبعآ انتي عارفة انها شهيرة في الجوار بصيحتها الخالدة انا خيفة انا خيفة ....

ازاي بتقضي يومك في الكويت .. و ايه اللي حيختلف لو كنتي فضلتي في مصر ؟

حسيتي مرة ان فيه عنصرية في الكويت ... يعني نظرة مختلفة ليكي لأنك مصرية ؟

اسوأ موقف حصل لك هناك ؟

شكرا على الوز :unsure:

بصراحه اه :ph34r: من اخي الكبير

مش فاركه بجد بس انا فكرا ان بابا كان كل يوم جمعه كان يدينا قطعة املاء عموما كنا متفوقين دراسيا بس نوره مضيعه كل الحروف :)

انا سبت الكويت من سنه وبقضي يومي في مصر مع الاولاد في البيت في الكويت كلو كان بيبقى عمل كنت بشتغل دوامين

ولو كنت فضلت في الكويت كنت هضيع فرصه جميله عليا لتغير حياتي للافضل

اكيد الكويت فيها عنصريه دا حتى الدواء في كويتي واجنبي

اسوء موقف كان حادث سياره وبسببو دخل لاول مره في حياتي قسم شرطه

سؤال جميل يا سوسو :D

ماذا تمثل لكى هذة الكلمات من معنى

الحب: اكسجين الحياه

الفشل: نقطة بدايه ونهاية

السعادة: وقود الانسان منغيرو يقف

المال: والبنون زينة الحياة الدنيا

الحلم: الحياه في ارض الخيال

ايناس واحشانى بجد

اهلا بيكى على المقصلة

سورى قصدى كرسى الاعتراف

بقولك يا قمرة

ياترى جوزك موافق تنزلى تشتغلى فى مصر ولا ماصدق زى كلهم تقعدى فى البيت تربى العيال؟؟

وياترى معترض على موضوع المحاورات ولا عشان انتى وسط العيلة يعنى؟؟

ياترى لسه بتحبيه؟؟

موش بقولك واحشانى

انا جاية اهدى النفوس بس

اختك ام محمد

ايه يا ام محمد دا انا وحشاكي اوي

هو مش ممانع اني اشتغل بس بيفضل اني اعد في البيت بيقولي اني بادي اعظم رساله

لا مش معترض بس معرفش ايه السبب بس اكيد للثقه تاثير :)

سؤال غريب ماجاوبش عليييييه :wub: :wub:

اناناسه

امتي بتلاقي نفسك سعيده اوي

يمكن تكون في اكتر من لحظه او موقف انا بقي عايزه اسعد لحظه ممكن تمر عليكي

كل ست اهم شئ في حياتها زوجها و واولادها...لكن انتي ازاي بتحسسي انك فعلا حققتي ذاتك....بتحسي انك هنا ايناس

و علي فكره ممكن تكون لحظه واحده مريتي بالاحساس ده في حياتك ويمكن ما جاش تاني ويمكن لسه انت مستنياه

وشوكرنون ولي عوده مره اخري

امتى بلاقي نفسي سعيده لما بحس اني عملت كل حاجه على اكمل وجه واعده وسط اهلي :unsure:

انا ولادي كل يوم بعد مينامو اعد ابصلهم وقول جوايا وحشتوني انا قصرت في كذا وكذا اليوم بكره هعوضكم

اكتر فتره حسيت اني حققت ذاتي كان في عمل لي بعد ان تدرجت من موظف عادي الي مديرة مركز معلومات وكنت ناجحه في بيتي وعملي

مفهمتش سؤالك الاخير اوي بس انا هنا في المنتدى بكلم بصراحه بحس بجد ان كلكم اخواتي واصدقائي :wub:

في الحياه نفسي اكون ايناس بتاعت عشر سنين فاتو ( عشان ارجع صغيره :P )

[عازفه على أوتار الذهب]

سؤالي النهارده

ندمانه دلوقتي إنك حطيتي كرسي الاعتراف :)

وبعدين إتلزقتي فيه

آه ولا لأ وبسرعه

[Eldisel]

اولاً الكرسي منور بيكي يا ست الكل :unsure:

ثانياً انا ملاحظ حاجة غريبة اوي انك جيبة معاكي عيلتك تسألك وانت تجوبيهم اشي اختك مرة واشي اخوكي مرة واشي اخت جوزك مرة اية دة .....

هو مفيش حد متعرفهوش شخصين هنا ولا اية ( فينك يا س س , وانت يانسر يامصري , يارجالة المحاورات ) ايناس قعدة مع عيلتها بيتسامروا في الصالون :unsure: لا الكلام دة مينفعش :)

لو تسمحيلي ابداء اسئلتي :D

1- ممكن تقوليلي اية رايك في علاقتك بربك ؟ وياريت تقوليلي انت شبفاها كدة لية ؟ ( يعني لو كانت كويسة يبقى عشان كذا كذا كذا , ولو وحشة يبقى عشان كذا كذا )

2- من مداخلاتك الفائتة عرفت انك من الاسكندرية وعندك اولاد ( ربنا يحفظهم يارب ) وعيشى حالياً في مصر بعد غربة في الكويت وانتك حالية س بيت شطرة وخاصة في المطبخ :) بس كونت عاوز اعرف المعلومات دي صح ولا غلط ؟

3- انت خريجة كولية اية ؟ وتقديرك اية ؟ وعملك السابق كان اية وفمجال اية ؟

4- اولادك عندهم كام سنة وفي سنة كام ( ربنا يحرسهم) ؟

5- ممكن تقوليلنا وصفة الرز المحروق بالبسلة اذاي :ph34r: ؟

كفاية كدة المرادي...... فاصل ونعود

[inas]

سؤالي النهارده

ندمانه دلوقتي إنك حطيتي كرسي الاعتراف

وبعدين إتلزقتي فيه

آه ولا لأ وبسرعه

ندمانه لا لا لا مش ندمانه ايوا انا ندمانه ترررم :unsure:

اولاً الكرسي منور بيكي يا ست الكل

ثانياً انا ملاحظ حاجة غريبة اوي انك جيبة معاكي عيلتك تسألك وانت تجوبيهم اشي اختك مرة واشي اخوكي مرة واشي اخت جوزك مرة اية دة .....

هو مفيش حد متعرفهوش شخصين هنا ولا اية ( فينك يا س س , وانت يانسر يامصري , يارجالة المحاورات ) ايناس قعدة مع عيلتها بيتسامروا في الصالون لا الكلام دة مينفعش :)

لو تسمحيلي ابداء اسئلتي

1- ممكن تقوليلي اية رايك في علاقتك بربك ؟ وياريت تقوليلي انت شبفاها كدة لية ؟ ( يعني لو كانت كويسة يبقى عشان كذا كذا كذا , ولو وحشة يبقى عشان كذا كذا )

2- من مداخلاتك الفائتة عرفت انك من الاسكندرية وعندك اولاد ( ربنا يحفظهم يارب ) وعيشى حالياً في مصر بعد غربة في الكويت وانتك حالية س بيت شطرة وخاصة في المطبخ :wub: بس كونت عاوز اعرف المعلومات دي صح ولا غلط ؟

3- انت خريجة كولية اية ؟ وتقديرك اية ؟ وعملك السابق كان اية وفمجال اية ؟

4- اولادك عندهم كام سنة وفي سنة كام ( ربنا يحرسهم) ؟

5- ممكن تقوليلنا وصفة الرز المحروق بالبسلة اذاي :wub: ؟

كفاية كدة المرادي...... فاصل ونعود

عيلتي وشمتانه فيا تقول ايه بيحبوني اوي :)

علاقتي بربي مهما عملت فأنا مفصره فتعمه علي لا تعد ولا تحصى والحمد لله

في حجات صح وفي حجات غلط والصحيح جدا اني ست بيت شاطره اوي وبالخصوص في المطبخ :ph34r: (حد سامع هنا)

انا خريجة هندسة حاسب لاتقع اقصد حاسب آلي وتقديري ليه الاساله المحرجه دي :unsure:

اولادي 2 اكبرهم تلات سنين ونص واصغرهم سنه :D

وصفة الرز بالبسله والجزر واللحمه المفرومه:

المقادير :

2 كوب ارز مصري

3 جزرات مقطعه حلقات

نص كيلو بسله

نص كيلو لحمه مفرومه معصجه

معلقة شاي توابل

ومعلقة شاي بهارات

معلقة شاي ملح

2 ملعقة طعام سمنه او زيت

يغسل الارز جيدا بالماء والصابون

نجيب حله نضيفه

نحط الرز وكل الحجات الي فوق مع بعض

ونضيف عليها الماء بحيث تغطيها بصباعين

ونضع مكعب مرقه

ونضعها على النار

اول متغلي

نوطي النار ونتركها الي ان تشمو رائحة الشياط تعرفو ان الاكله اتحرقت

على طول ترموها وتحرمو تسموعو كلامي تاني :wub:

( بجد دي طريقة الاكله والله حلوه بس متسبوهاش تتحرق)

[inas]

اليو تنتهي فترة جلوسي على الكرسي والحمد لله عدة على خير ومحدش سالني كتير

احب ارشح حد مكاني

ونبدأ التصويت عليه :lol:

ارشح:

1. ناش :D

2. مودسيت

3.واحد تاني

وادي صوتي لحبيبتي ناش :lol:

[darker19]

اليو تنتهي فترة جلوسي على الكرسي والحمد لله عدة على خير ومحدش سالني كتير

أولا اسمها اليوم...

ثانيا بيتهيألي انك مالحقتيش تكملي سبوع.....

على العموم أرشح

نااااااش

برغم اني كل مره مش بلاقي أسئله أسئلها بس أهو بحس إني أخدت موقف إجابي لما أدبس حد في الكرسي المكهرب.....

[nash]

أرشح موديست :lol: :D

,,,,,,,,,,,,,,,,,,,,,,,,,,,,,

داركر :lol: :lol: ...كل يوم باكتشف حاجه جديده فيكم...أقول أيه ده أنتم ولا الثلاثي المرح

تم تعديل 24 ديسمبر 2006 بواسطة nash

[Scorpion]

معلهش .. دقيقة واحدة قبل ما العزيزة inas تسيب الكرسي .. فيه سؤال صغير ..

يعني ايه "دوامين" ؟؟؟ :lol: :lol:

مليون في الميه حيكون معناها ابسط من البساطة و حيطلع شكلي مش قد كده في السؤال ده

ارشح موديست ... :D

[nash]

أخي أسكروبيون

دوامين.....يعني فترتين عمل

دوام فترة واحده....

أطمن شكلك مش وحش ولا حاجه......شكلك....شكلك.......كويس :lol:

[inas]

وصل التصويت الى

1. ناش ( صوتين)

2. موديست (صوتين)

3.واحد تاني ( لا يوجد)

[عازفه على أوتار الذهب]

إيه النصب ده انتي لحقتي -_-

ده ظلم... س س قعد عالكرسي كتير قوي

ياعيني :D

بس عمومآ معرفش ليه ناش حبيتها

حب لله :lol:

وعشان كده بصوت بصوت لها

بأعلى صوت.... :lol:

[Modest]

أصوّت لناش

و بكده يصل الصويت إلى:

1- ناش (4 صويتات) -_-

2- موديست (صوتان)

3- واحد تاني (صوت)

و هكذا تفوز ناش بالجائزة الكبرى

.

[nora]

والله يا نونوش انا مش عرفه اقولك ايه يلا ياستي هنيالك الكهربا

مش هسالك دلوقتي هخليكي بس تعدي كده وتريحي شويه من الخضة-_-

[inas]

في ايه يا موديست انت بدبسها ومبروك ولسه فاضل صوت

الاصوات 5 مش 4 فاضل واحد -_-

شفلك حد ترشيه وجيبو معاك :D

[Modest]

في ايه يا موديست انت بدبسها ومبروك ولسه فاضل صوت

الاصوات 5 مش 4 فاضل واحد -_-

شفلك حد ترشيه وجيبو معاك :lol:

أنا كلمت الإدارة يحسبوا صوتي بصوتين و وافقوا مشكورين

.

و بعدين يا إيناس إنتي ما لعبتيش كورة قبل كده؟ :D ... في ضربات الجزاء لما يكون الفرق جولين مش ضروري تتلعب الضربة الأخيرة :lol:

[inas]

هتلي ورقه موقعه من اتنين مشرفين :lol:

وممكن بشكليته امشيلك الموضوع -_-

معلش يا ناش يا اختشي :D

[واحد تاني]

في ايه يا موديست انت بدبسها ومبروك ولسه فاضل صوت

الاصوات 5 مش 4 فاضل واحد -_-

شفلك حد ترشيه وجيبو معاك :D

احم احم ...

اناااا احب اضم صوتي للاستاذ موديست ...

وارشح اختنا "ناش" ...

محبه والله ومن غير رشوة ولا حاجاااا آه ... :lol:

(وش توفيق الدقن وهو عامل الباز افندي)

[نانو]

انا اوغمن عليا من امبارح السعه 10 لسه فايقه دلوقتي ايه ده كل ده حصل وانا ما اعرفش :angry:

ناشنوش حبيبتي

كان المفروض احضرلك الكرسي بايديا دول

بس ملحوقه انا طبعا بديكي صوت جامد جدا اهو زياده تاكيد علشان الاداره ما يرجعوش في كلامهم :rolleyes:

بس ما تنسيش تختاري الكرسي اللي يريحك من الصفحات الاولي

ناشنوش نتمني لك اقامه سعيده :D

[Eldisel]

ادة ادة انت قعتي علي الكورسي يوم 20 يااناس والنهاردة 25 يعني لسة بقيلك يومين ...... انا ارفض ترشيح اي عضو جديد للكوسي الا بعد ان تتم اناس المدة على الكوسي واوطالب بغرامة ذيادة 3 ايام على اناس لمحاولتها التملص من الكورسي والهرب منة

انت فين يادارة

///////////////////////////////////////////////////////////////////////////////////////

لو سمحتولي انا عندي اقتراح :D

اول ماتعض الضحية ( اصدي العضو ) على الكورسي يجاوب على اسئلة ثابتة في البداية عشان الميعرفوش يعرف على الاقل المعلومات الشخصية بتاعتة ذي الاسم, السن , الحالة الاجتماعية , عدد الاولاد ونوعهم , خريج كولية اية ونوع العمل ( يعني اول ما يقعد يعرفلنى نفسة ) اية رايكم موفقين :angry:

عشان انا شايف ان اناس قبل ماتوعد على الكوسي حتط علية صابون سايل وعاوزة تذحلق من علية بسرعة ومحدش حاسس بيها لكن لاء انت لسة بقيلك يومين غير الغرامة ( عيني عليك يا س س دالراجل اتعصر يعني وهو قاعد على الكورسي :rolleyes: )

تم تعديل 25 ديسمبر 2006 بواسطة Eldisel

[Modest]

اول ماتعض الضحية

حيث إن الموضوع فيه "عض" .. يبقى أستأذن انا