اذهب الي المحتوي
inas

كرسي الاعتراف

قيم هذا الموضوع:

Recommended Posts

'se_ Elsyed'

شهد

س : كلمة قلتها في لحظة غضب.. لحظة طيش.. مجرد هزار .. قلبت موازين حياتك .. ندمان عليها لحد النهاردة؟؟

ج : كلمة " إنتي طالق طالق طالق :wub: "... لأ والله بجد مافيش .. لإن الحمد لله حتى في لحظات الإنفعال الواحد لازم ياخد باله من الامور اللي هزلهُن جد وجدهُن جد "

شرفتينا وروحي ذاكري وتعالي إسألي أنا منتظرك .

اذاكر ايه :wub:

هو في مذاكرة بعد الكُتاب :wub:

اليفوووووووون... باااااااااءون

طب جاوب فين وصفة( فول جلابة) الي قلت حتجيبها من تذكرة داووووود من 25 شهر :wub:

تم تعديل بواسطة شهد

شارك هذه المشاركه


رابط المشاركه
شارك

يا س س ماجوبتش سؤالي ولا الفولت عالي :wub:

ازاي رشحت تبقى مشرف وامتى ؟وليه ؟ وكان شعورك ايه؟:wub:

شارك هذه المشاركه


رابط المشاركه
شارك

ياترى ممكن تفكر تتجوز تانى ؟؟؟؟؟ :wub:

انا جاية اهدى النفوس بس

بصراحة سؤال في الجون واما الحق اجاوب عليه قبل مراتي ما تطلع من المطبخ

بس الله الرحمن الرحيم

الإجابة

لآ

اصل الوازمش هدف في حد ذاته

او عشان انا مُسلم يبقى لازم اححق الكوتا واتجوز 4

لكن الجواز هو طريق او وسيلة لتحيق الاستقرار النفسي وبناء أسرة سعيدة ومفيدة والاسرة هي نواة تكوين المجتمع

عظيم جداً

يبقى طالما انا سعيد والحمد لله وعندي اولاد وزوجتي ليست مُقصرة في حقي

يبقى اتجوز تاني ليه ؟

--------------------------------------

نورا

ازاي رشحت تبقى مشرف وامتى ؟وليه ؟ وكان شعورك ايه؟

ما نستش ولا حاجة

كان بداية الترشيح من اخينا العزيز الحاضر الغائب اللي مش هاين عليه يشتري موديم بـ 150 ج عشان يعرف يدخل عالنت هشام عبد الوهاب

واول قرار اخدته هو الرفض التام

وكلمني أ عادل ابو زيد لإقناعي

ومش بقى فذلكه ولا حاطط في جيبي زلط عشان اتقل

لأ والله

ولكن كان عندي قناعة بإن الاشراف هايحد من حريتي ومش هاعرف ابلطج واناطح في مداخلاتي ومواضيعي لان كل كلمة هاتبقى محسوبه عليه او بإنني لن استطيع ان افصل بين شخصيتي كعضو مُشارك و كوني مشرف من ضمن طاقم الإدارة

ولكن بالمناقشة مع هشام وأستاذ عادل قدروا يقنعوني او على الاقل يجرجروا رجلي وقلوظوا لي العمه بإنهم اختاروني مُشرف لباب الإبتسام

وقلت في عقل بالي : اهو ده من الابواب اللي مافيهاش مشاكل وحريتي مش هاتٌحدد

ولكن سرعان ما لقيت رجلي بتتجرجر اقدر واكتر وبقت مُشرف عام

واهي ماشي والقاشية معدن وبتُرزق

شارك هذه المشاركه


رابط المشاركه
شارك

هسالك سؤال للمشاهيير الي زيك

ازاي بتقدر توفق بين شغلك وبيتك والاشراف؟؟

ياترى وبصراحه المدام مبتتخانقش معاك من كتر اعدتك امام الكمبيوتر؟؟؟؟؟؟ :lol:

شارك هذه المشاركه


رابط المشاركه
شارك

ايه يا سيدي

حضرتك ضربت علي ال100 مليون جنيه في جيبك ولا ايه.... :blink:

قولي بقه

ايه اكتر حاجه بتنرفذك في بيتك ؟

و في شغلك ؟

و من اصحابك ..؟

تم تعديل بواسطة نانو

شارك هذه المشاركه


رابط المشاركه
شارك
يا مرحبا يا مرحبا

دفعنا المياه والكهربا

وجبت إمبارح كرسي ومكتبة

فاضل السرير بالمرتبة

من ولاد خالة بنات افكاري تحية مني ل س س علي الردود الجامدة دي

شارك هذه المشاركه


رابط المشاركه
شارك

هسالك سؤال للمشاهيير الي زيك

ازاي بتقدر توفق بين شغلك وبيتك والاشراف؟؟

ياترى وبصراحه المدام مبتتخانقش معاك من كتر اعدتك امام الكمبيوتر؟؟؟؟؟؟ :blink:

لأ عادي يا اناناس

أصلي متمرس على الموضوع ده من زمان

فاكره لما كنا بنخبي مجلة ميكي جو كتاب الجغرافيا وبابا او ماما كل ما يدخل لعينا الأوضة يطمئن على سير العملية التعليمية يلاقينا هاريين نفسنا في المُذاكرة ؟

اهو أنا بأستحضر الروح دي وبأعمل كده قدام ماما .. قصدي مراتي ...

بس قوليلي الأول في الخباثة كده

الحتة النضيفة دي 7ce959b998.jpg من إنتاجك ؟

أنا أشُك إذاً أنا دبوس ..

لإنها حتة رومي خالص وإنتاجنا معظمه بلدي او بكيني مخلط حتى شوفي 6ac0295252.jpg

أما ألحق أخد لي ساتر قبل ما نورا تيجي

شارك هذه المشاركه


رابط المشاركه
شارك

ايه اكتر حاجه بتنرفذك في بيتك ؟

؟

مراتي .. لما يكون في ماتش مهم وتقعد تعمل أبو النطيط ورايحه جايه قدام التليفزيون

و في شغلك ؟

الإنسان الغبي او اللي بيستغبى وأكتر بقى حاجة بتنرفزني وبتبقى وصلت معايا لحد مناخيري " أبو دم بارد " اللي الدنيا بتولع حواليه وهو لا هنا واللي ما يخلصش النهاردة يخلص بكره وأهي بتعدي ..

و من أصحابك ؟

الصديق اللي أجي احكيله مُشكلة وآلاقيه متقل ودانه أو يحكي له هو على حاجة تانية خالص .. وحاجة تانية مُهمه برضوا

المواعيد

دي بقى بتخليني أتجنن وممكن فعلاً احط الصديق ده في البلاك ليست

عشان كده تلاقي هاندي كرافت ده قريب من قلبي جداً عشان مواعيده عامله زي مواعيد الطيارين

وأنا الحمد لله كده

أقول لواحد هاجي لك الساعة 6 .. يبقى خلاص لو بأموت لازم اوفي وألتزم بمواعيدي

عندي بقى صديق وهو في نفس الوقت أخو المدام - حماية إنجليزية يعني - بيجيبلي شلل رعاش وبأكتم في قلبي وساكت .. الساعة 6 بتاعته دي ممكن يجي لي 12 بالليل - بدون مبالغة - او لو انا عديت عليه ممكن يطلع اهلي برضوا لحد الساعة 12 ..

إضحكي بقى :

الأسبوع الماضي لقيت واحده لبنانيه بتتصل بي وقبل ما اقول ألو لقيتها داخله فيه شمال .. وإزاي بنتك تتاخر عن المدرسة وده تهريج .. البنت كل يوم تيجي متأخرة و و وانا مش لاقي فُرصة أرد .. في الأخر بعد ما خلصت بستفه في قلت لها إنت عايزة مين يا ست نانسي عجرف ؟ فقالت لي مش إنت والد الطالبة فُلانه ؟ فقلت لها لأ أنا جوز عمتها .. فقالت اسفه أنا باتصل على فلان ما بيردش فقلت أجرب النمرة التانية اللي سايبها .. أتاريها نمرتي .. طبعاً البنت بتدفع ثمن المواعيد الضاربة بتاعت ابوها ...

خدي دي بقى

الباص بييجي للبنت كل يوم والراجل السواق إتخنق وجاله كُساح لإنه بيتلطع تحت البيت كل يوم لطعه سودا وهما لسه نايمين ...

شوفتي العذاب اللي أنا فيه يا نانو ؟

شارك هذه المشاركه


رابط المشاركه
شارك

تصدق بقه وانت بتقولي مراتي و هيا معديه قدام عيني و انا بافرج علي ماتش

افتكرت جوزي و هو الشراربينط من عينيه لما اعدي قدامه بس تصدق يا س س الخبره برضه في الجواز بتفرق

يعني زمان كان ممكن اعمل كده لكن دلوقتي بتقي شره لدرجه اني بادخل جوه اذاكر للعيال او العب معاهم في اوضتهم علشان اضمن ما حدش يعدي ابدا

و خصوصا اليومين دول انت عارف يا اخويا الزمالك واحواله السوده ...

و بعدين ايه الهنا اللي انت فيه ده :P

باص المدرسه بيستني العيال....ده ولا في الاحلام ده انا ببقي خايفه موت احسن يعدي وانزل اتشحطط انا بقه اودي العيال بنفسي

س س الفلوس...اخبارها ايه....مالك ضارب طناش ليه ......انت وديتهم سويسرا خلاص :blink:

شارك هذه المشاركه


رابط المشاركه
شارك

لإنها حتة رومي خالص وإنتاجنا معظمه بلدي او بكيني مخلط حتى شوفي

أما ألحق أخد لي ساتر قبل ما نورا تيجي

مش فاهم قصدك ايه من الحته دي يا س س ؟ :P

و بعدين صورة الطفل الامور اللى مش عاجباك دى

انا شفتها فين قبل كده شفتها فين قبل كده؟ :P

اختشى نورا انتى جيتى؟ والله عمو ثين ثين هو اللى كان بيتكلم على البلدى و البكينى و الرومي :blink:

استلقى وعدك يا حلو

ولا حاينفعك موضوع الحماية ولا الانذارات

شارك هذه المشاركه


رابط المشاركه
شارك

بص بقى يا عمو س س انا لو سبت الحته دي علي المنتدى هتشرحه بزمتك انت مش حته عسل :wub:

يا ابني احنا مش زي الارع احنا انتاج مصري 100% انت بس شوفو وهو بيكلمني الماني ويقولي ثومن ولا نوووووووووو ولا لما يقول بح ولا لما يقول ماما سخ سخ سخ :wub: وانا هموت وافهم ايه سخ سخ

وكل يوم يتكلم في الموبيل ويقول اووووو

ثما انت لسه مشفتش الانتاج الجديد نور والله لزلهالك قريب

بس يا لونلي يا اخويا انا مصدقاك وملكش دعوة بس س س تاني ليجرالك زي الي جراله :unsure:

ايه اكتر حاجه وحشتك في مصر ؟

شارك هذه المشاركه


رابط المشاركه
شارك

الله الله ... :) اية الي انا شيفة دة

دانا شايف ان العزيز س س قاعد على الكورسي واستمخ على الاخر والي قاعد يحكيلوا حواديت والي جيبلو شاي والي جيبلة صور عيالة ( ربنا يخليهم ويحرسهم) -- والناس عمالة تهشتك وتبشتك فية

(علي فكرة ابنك امور اوي يانورا وبيفكرني بصورة اخويا وهو في عمرة وخفت دمة كدة بس هو دلوقتي في كلية طب عقبال الامور الي اجمل من صورة البنت الياهة) B) :wub:

اية دة ياحضرات فين الاسئلة ... :blush: فين الاسئلة الي برة المنهج والي جوة المنهج ... لا انا عاوز الناس تصحصح معنا كدة :)

وانا هحاول اقوم الناس تاني

الاسئلة

1- بما انك ( بسم الله ماشاء الله ) وعنينا عليك بردة B) راجل ناجح في شغلك الا صحيح هل ترى نفسك ناجح في شخلك ؟وهل وصلت الى المستوى الذي تريدة؟ وما هو هذا المستوى ؟

2- بما انك شغال برة لفترة منى الزمن وتعلم احوال العمل في مصر شكلها اية . ايهم افضل اليك ؟ ولماذا؟

3- هل بعدك عن مصر لفترة اثر( بالسلب او الايجاب ) على علاقتك باسرتك في مصر ( الوالد الولدة الاخوة ) ؟ وما شعورك تجاة هذا التاثير؟ وهل هذا الشعور قد يكون سبب في التفكير بجدية في العودة لمصر أو الاستمرار في الغربة ؟

4- عربيتك نوعها اية وموديل كام ؟ واي هية احب انواع السيارات ليك وتتمنى اقتنائها ؟

ملاحظة : هذة الاسئلة مسؤولة منك حتى ولو عذى الاسبوع بتاع الاستجواب

كفاية المراضي كدة ... وانا راع تاني .... اما اشوف الناس هتصحى ولا اية :D

يتبع

شارك هذه المشاركه


رابط المشاركه
شارك

انا بس مش عيزه احطلكم صور الامامير بتوعي بخاف من الحسد B)

بس عموما كل اب وام شايف ان عيالوا احلى العيال حتى لو معفن ودايسو قطر ومفيش في غتاتو مثيل :blush:

طيب يا سي السيد ايه الحلم الي كنت عايز تحققو ومعرفتش :)

شارك هذه المشاركه


رابط المشاركه
شارك
س س الفلوس...اخبارها ايه....مالك ضارب طناش ليه ......انت وديتهم سويسرا خلاص

بركات الكُرسي حلت ونهاركو مش فايت .. بقى لي 3 أيام أصارع المرض وعندي دور إنفلونزا مالوش حل

عامة

إجابة على سؤال بنتنا نانو

بسم الله الرحمن الرحيم

100 مليون مبلغ مُحترم ويفتح للواحد أفاق جامده قوي من الأحلام التي يحب أن يُحققها

- هادخل في الحلم على طول ( تصبحو على خير )

بأحلم من زمان أعمل مشروع كبير يحتوي عدد كبير من الشباب الباحث عن العمل

المشروع ده مُحدد بالنسبة لي وهو عبارة عن قطعغة أرض فضاء كبيرة على أطراف أي مدينة أعملها " ورشة سيارات مُكتملة "

يعني العربية تدخل ضاربها قطر من ناحية .. تطلع من الناحية التانية عروسة وبتلعلع

طب واحد يسألني ويقولي إيه الـ add value اللي هايحققه المشروع ده ؟ ما هي الورش ماليه الدُنيا وعلى قفا مين يشيل ؟

أقوله يا أخي الكريم أولاً هي هاتبقى ورشة متكاملة .. سمكرة دوكو ميكانيكا .. إلخ

برضوا ماقلتش جديد

طيب .. الجديد بقى هايبقى في شعار الأمانة الذي سأطبقة .. ماهو أنا صاحب المشروع والمُشرف عليه ... يعني مافيش إستغلال لزبون ... مافيش إستغلال لجهل زبون ونلبسه في الحيط ونحمله ما لا طاقة له ...

ده برضوا مش جديد

الجديد بقى إني عايز المشروع ده يبقى نواة لمجتمع صحي وسليم

بمعنى

هأخلي اللي شغالين في المشروع ده ينتموا له ويدافعوا عنه ويحسوا إنه ملك لهم

وده عن طريق شيء بسيط جداً إسمه " العدل "

مواعيد مُحدده

مرتبات مُجزية

أنشطة إجتماعية مختلفة

محو أمية ... يعني مش هاخلي واحد شغال معايا يبقى بصمجي

يعني الواحد مش يخلص شغل ويروح على بيتهم وتنتهي المسألة .. لأ .. أنا عايز المشروع يبقى مُربح ربح معقول وفي نفس الوقت يحقق الهدف الإجتماعي ده

ياريت أكون وصلت الفكرة دي

نقول العملية دي هاتاخد 20 أرنب

يبقى لسه ناقص 80

عظيم قوي

بما إن شغلانة الورش دي عايزة رجالة يبقى إحنا كده نسينا البنات

فبإذن الله بأفكر لهم في فكرة تستوعب برضوا عدد كبير من البنات وليكن مشغل مثلاً أو أي فكرة أخرى تُقترح علي من أصحاب الخبرة في مصر

أدي كمان 10 أرانب

- هاحاول أزور سفارات الدول الإسلامية المطحونة زي جيبوتي وموريتنانيا والصومال وتشاد والنيجر وأقعد مع الناس المسئولين دول ونشوف هما محتاجين مشاريع صغيرة من اي نوع .. يعني بإستثمارات 10 مليون للمشروع مثلاً .. وبدل ما ندفع لهم إعانات وبطاطين وأكل وكلام من ده .. لأ .. إحنا نعمل لهم حاجة مُنتجه تنفعهم إن شالله لو نشغل 20 واحد في كل مشروع ..

قول نعمل لنا 3 مشاريع من دول

أدي 30 ومعانا 30 يبقى 60 مليون

يتفضل 20

10 أضارب فيهم في البورصة

و10 أخلي إحتياطي لأي ظروف

يبقى ليكي كده كام يا ست نانو ؟

----------------

ايه اكتر حاجه وحشتك في مصر ؟

لمة العيلة في أي مناسبة

و الفول

ما تستغربيش أصل الفول هنا مالوش طعم وبتعدي شهور الواحد ما بيشوفش شكله

إنما الفول أبو زيت عربيات في مصر طعمه تاني خالص .

-----------

- بما انك ( بسم الله ماشاء الله ) وعنينا عليك بردة راجل ناجح في شغلك الا صحيح هل ترى نفسك ناجح في شغلك ؟وهل وصلت الى المستوى الذي تريدة؟ وما هو هذا المستوى ؟

ج : طالما بأعرف أحط دماغي على المخده بالليل وانا مرتاح الضمير .. يبقى الحمد لله أنا ناجح لحد كبير ...

لا : لم أصل إلى المستوى الذي أريده ... مش مستوى مادي أو فلوس .. ولكن مستوى يُرضي طموحي .. مانا مش هافضل شغال موظف طول عمري يا ديزل ياخويا وبالتالي أنا أرى إن الغُربة هي محطة لتحقيق هدف تالي يُحدده كل مُغترب .

--------------

2- بما انك شغال برة لفترة منى الزمن وتعلم احوال العمل في مصر شكلها اية . ايهم افضل اليك ؟ ولماذا؟

ج : كل حاجة ولها مميزات ولها عيوب

الغُربة مميزاتها : عائد مادي كويس ... بتوصل لمراكز متقدمه بدون واسطة ولا محسوبية لإن الشغل هنا لا يحتمل الوسايط والكوسه لإنهم يبحثون عن الربح ومش فاتحنها تكيه ..

لكن عيوبها : واهم عيوبها هو عدم الشعور بالإستقرار يعني ممكن في دقايق تلاقي نفسك راكب الطفطف وواخد أول طيارة على بيتكم

مصر : مميزاتها إنك ممكن تكبر فيها حتى لو طال الزمن .. تكبر في وظيفتك يعني ... واهم ميزة كمان هي حرية التنقل بين الاعمال المختلفة .. ماحدش له عندك حاجه ولو قدامك عدة فُرص بيبقى سهل تختار بينهم ...

عيوبها : في حالة وجود تطلعات وطموحات مادية كبيرة يبقى هاتتعب وهاتحس إن الموضوع مش جايب ثمنه .

--------

س - هل بعدك عن مصر لفترة اثر( بالسلب او الايجاب ) على علاقتك باسرتك في مصر ( الوالد الولدة الاخوة ) ؟

أبداً والحمد لله

والظاهر إن إحنا عيلة جتتها نحست واخدنا على الغُربة .. فبابا كان مغترب قديم لكن والحمد لله لم يُشعرنا يوماً أنه بعيد عنا وأقصى مدة مكثها في الخارج كانت سنة واحد فقط .. غير كدة كنت تلاقيه كل شهر معانا أو ينزل مصر ويستقر عدة سنوات ثم يسافر مرة أخرى وهكذا ولكن لظروف مرضه فماكانش بيسافر كتير بشكل عام يعني ..

وانا وإخواتي مغتربين برضوا سواء بنات مع أزواجهم في أوروبا أو إخوتي الصبيان الإتنين الذين يعملون في الخليج .. وبرضوا ماحدش بيكمل سنة بعيد ولازم ننزل نتجمع كل صيف .

ولما شعرنا بإن الوالد كبر وأصابه المرض نتيجة الشقاء وتعب السنين كنت انا واخويا الكبير هنا واخونا الصغير كان بيقضي فترة تجنيدة .. واخويا ربنا يبارك له إختار أن يستقر في مصر بشكل نهائي لكي يكون بجانب الوالد ويقف معه في مرضه وكنت انا يادوب لسه مغترب جديد .. ولما أستقرت الأمور جبت أخويا الصغير هنا وهو يعمل في نفس مجالي ( الكمبيوتر وخلافه )

والظاهر برضوا إن إحنا عيلة ما بتعمرش في الغربة فأختي الصُغرى أخذت قرار نهائي بالإستقرار في مصر هذا العام بالرغم من أنها تحمل جنسية أوروبية محترمة لكن هي اختارت ذلك بمحض إرادتها خوفاً على بناتها من فتنة الحياة الغربية .

4- عربيتك نوعها اية وموديل كام ؟ واي هية احب انواع السيارات ليك وتتمنى اقتنائها ؟

باحب العربية اللي أقدر اعمل بها خمسات أمريكاني :wub:

يا عم ديزل العربية وسيلة وليست غاية

فإن شالله تكون فيات قرده .. طالما بتقضي الغرب وبتمشي وتقول بيب بيب يبقى خلاص شغال ونهاره ابيض ...

----------

إيناس

س : يا سي السيد ايه الحلم الي كنت عايز تحققو ومعرفتش ؟

مافيش

عشان أنا باحلم دايماً على قدي .. بجد .. يعني مابقعدش أسرح كده في حاجات أكبر مني عشان ما أتعقدش وأولع في الدُنيا .

أختشي إيناس .. مش هاتفرجوا عني في نص المُدة بقى لحسن سيوري وسلوكي ؟

شارك هذه المشاركه


رابط المشاركه
شارك

بص باه يا س س فاضل بس ليك بكره اخر يوم ونبدا بعد الغد في ترشيح 3 اعضاء ونصوت عليهم اقصد ليهم

وبعدين دي نص المده ايه الطشمع ده انا عارفه انت ناوي على ايه بس مش هنولهالك :wub:

شارك هذه المشاركه


رابط المشاركه
شارك
اجابه علي سؤال ابنتنا نانو

انا ببقي فعلا سعيده و حد بيقولي ابنتنا :wub:

س س .....استاذ.... حضرتك استاذ

باشكرك بجد .... الاخلاص العدل الحق الضمير نفسنا يبقي موجود مع كل نفس يخرج من صدر كل مصري

شوكرن يا س س يا اخويا علي 20 مليون مش ناسياك هاحطلك ال10 بتاعتك في حسابك في بنك الرياض فرع ابو المطامير

شارك هذه المشاركه


رابط المشاركه
شارك

س س

سؤالى قبل ما تسيب الكرسى :)

اخر هدف كنت عاوز تحققه وحققتة ايه؟؟

يا جماعه لما تختاروا حد تانى للكرسى اختاروا شخص يكون مبيتكلمش عن نفسة خالص فيبقى كرسى اعتراف بجد ;)

شارك هذه المشاركه


رابط المشاركه
شارك

اخر هدف كنت عاوز تحققه وحققتة

إني ادرس حاجات تفيدني في شُغلي ... والحمد لله بدأت ولو انها جت متأخره بس

too late better than not coming

------------------

فين الأسئلة

هااااااااااااااااع

انا عايز 5 يكتفوني في الكُرسي

هما ناموا ولا إيه ؟

بص باه يا س س فاضل بس ليك بكره اخر يوم ونبدا بعد الغد في ترشيح 3 اعضاء ونصوت عليهم اقصد ليهم

وبعدين دي نص المده ايه الطشمع ده انا عارفه انت ناوي على ايه بس مش هنولهالك :)

أظن يعني ان من العدل هو ان اللي اتربط اسبوع في الكُرسي هو اللي يختار الضحية التالية

خصوصاُ اني محضر لكم اسم ضحيه هاناكل عليها عيش للصُبح ؟

ولا ايه ؟

شارك هذه المشاركه


رابط المشاركه
شارك

أظن يعني ان من العدل هو ان اللي اتربط اسبوع في الكُرسي هو اللي يختار الضحية التالية

خصوصاُ اني محضر لكم اسم ضحيه هاناكل عليها عيش للصُبح ؟

ولا ايه ؟

انا معاك ترشح واحد وليس تختار ... ويا ترشيحك يتقبل من السادة الاعضاء :) يإما نرفضة

نرجع للاسئلة ;)

1- ما هو اجمل شعور احسست بية ؟

2- و ما هو اجمل شعور انت مفتقدة ؟

3- وما هو الشعور الذي لا تعرف طعمة وتتمنى معرفتة ؟ وشعور اخر لاتتمنى معرفتة ؟

4- ولو انت لم تولد في هذا الزمن دة , اني زمن كنت تتمنى تكون اتولت فية ؟ اية اللحظة الي انت نفسك ترجعلها من الزمن الي فات ( ازكر زمنين تلاتة اربعة )

5- اية اجمل دعوة سمعتها من الست الولدة ليك ؟ واية اجمل دعوة بتدعيها لولادك .. ولزوجتك ؟ ولا مبتدعلهمش!؟

6- من ترشحة ليكون خليفتك على الكورسي ؟ ولية ؟

شارك هذه المشاركه


رابط المشاركه
شارك
زوار
هذا الموضوع مغلق.

  • محاورات مشابهه

    • خدعوك فقالوا أن " الاعتراف سيد الأدلة"

      خدعوك فقالوا أن " الاعتراف سيد الأدلة. القراء الأعزاء, نقرأ هذه الأيام عن قضايا متعلقة بأحداث يقال أن مرتكبيها قد اعترفوا بارتكابها, ثم تبين بعد ذلك أن هذه الإعترافات قد تم الحصول عليها بوسائل تعذيب وحشية, بل أن بعض المُعترفبن قد ماتوا فى المعتقل نتيجة لتعذيب غير آدمى. و قد كتبت فى موضوع سابق مقال يحمل نفس عنوان هذا الموضوع الذى أعرضه عليكم الآن, و قد كتبته كرد فى موضوع لأحد الزملاء الأعزاء فى منتدى آخر, علقت فيه على جملة ذكرها سيادته تفيد بأنه: " يُقر و يعترف......" بشيئ ما و كان تعقيبى مد

      في القوانين والقضايا

    • الاعتراف بالتعليم المفتوح عالميا (استفسار)

      السلام عليكم ورحمة الله وبركاته اما بعد للاخوة الاعضاء خصوصا من يعيش في الغرب او ممن له خبرة تعليمية مامدى الاعتراف بالشهادات المعطاه من الجامعات الغربية بطريقة التعليم المفتوح؟ بمعنى اكمال الدراسات العليا في جامعات بالتعليم العادي؟ او بالترقي في الوظيفة؟ وهناك في الغرب جامعات وهمية بهذه الطريقة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لانني في الانترنت وجدت جامعة اميركية تدعى AMBASSADOR UNIVERSITY CORPORATION لها مكتب في السعودية تعادل سنوات دراستك في المعهد + سنوات خبرتك العملية (في نفس مجا

      في التعليم و العمل - education & employment issues

    • صندوق الاعتراف .. لحياه زوجيه سعيدة

      بسم الله الرحمن الرحيم الأخوة الكرام السيدات والسادة السلام عليكم ورحمة الله وبركاته تحدثنا كثيرا ً عن متطلبات الحياة الزوجيه السعيدة والكل قال آراء رائعة وممتازة طرأت على بالى فكرة وددت مشاركتكم اياها الفكرة كالتالى .. المقادير : عدد 2 صندوق او حصالة ورق ابيض قلم عمله محليه ( وحدة واحدة مثلا 1 ريال او 1 درهم او 1 جنيه ) الطريقة : يتفق الطرفين الزوج والزوجة على تنفيذ الآتى فى صباح كل يوم يقوم الزوج والزوج

      في الأسرة و الطفل

    • الاعتراف بالخطأ

      بسم الله الرحمن الرحيم عايز يا جماعة دقيقة من وقتكم عايزين كل واحد يقعد مع نفسه ويقولها تعالى احاسبك دا غير طبعاً الحساب اليومى اللى المفروض كل واحد بيحاسب نفسه عليه قبل ما ينام انا عملت ايه غلط النهاردة ، انا زعلت حد منى ، انا وصلت رحمى ، شغلى اديته على اكمل وجه ، زوجتى اديتها حقها ، اولادى اديتهم جزء كافى من وقتى فى اليوم اذكر اننى ذات يوم وانا اجلس امام الكمبيوتر وانتظر صفحة الانترنت لتحمل سرحت وراجعت شريط يومى كاملا فى لحظات لأجد اننى فى ذلك اليوم تعاملت مع صديق فى العمل بحدة وربما نه

      في موضوعات خفيفة

    • يجب الاعتراف بحقوقنا

      يجب الاعتراف بحقوقنا بقلم: رئيس الوزراء الفلسطيني 2007-06-09 | 00:36:35 غزة – فلسطين الآن: عندما شن زعماء إسرائيل حربهم التوسعية في يونيو 1967 لم يكونوا ليتصورا انهم بعد اربعين سنة ستبقى العواقب تنتابهم. وفي ذلك الوقت كان يدفعهم هدف استراتيجي واحد هو انهاء النزاع عبر الاستيلاء على ما تبقى من فلسطين واستكمال عملية التطهير الاثني التي بدأت عام 1948. ولم يدركوا ان حل هذا النزاع سيتطلب ما هو أكثر بكثير من التفوق العسكري. وجرى تصوير احتلال الضفة الغربية وقطاع غزة ومرتفعات الجولان وشبه جز

      في القضية  العربية الفلسطينية

×
×
  • اضف...