ياللا نفكر ..............

[The Professor]

على غرار موضوع " عبـــر بكلمة من إحساسك " خطرت لي فكرة. ودايما الحاجات الكبيرة قوي بتبدأ بفكرة صغيرة. وبلدنا العزيزة مصر مليانة بالمشاكل اللي ومع مرور الزمن كبرت وتفاقمت. انا مش هاقدر احصرها طبعا هنا لكن هاعطي امثلة: الجشع - الاستغلال - أرباع المتعلمين ( كنا زمان بنقول انصاف المتعلمين ) من خريجي الجامعات يعني مشكلة التعليم - الدروس الخصوصية - والمجاميع الكاذبة في الثانوية العمية - النظافة - النظام - السلوكيات في الشارع المصري - الرشوة - المحسوبية - كفاية كده ياجماعة اللسته لسه طويلة . المهم بما اني باعمل في حقل التدريس واسلوبي في التدريس بيعتمد دايما على إثارة التفكير النقدي والإبداعي لطلابي فخلوني اجرب الطريقة دي مع الإخوة والأخوات الأعضاء اللي بيحبوا البلد ونسالهم عن افكارهم لتقديم حلول , من وجهة نظرهم طبعا , لتلك المشاكل . يمكن حد من إخوانا المسؤلين تعجبه فكرة , ماتأثرش على الكرسي بتاعه , وينفذها ويعمل حاجة لإصلاح ما أفسده الدهر.

هابدأ بالسؤال التالي واللي باعتبره مهم قوي لإصلاح حاجات كتير وكمان متعلق بمجال عملي :

لو كنت وزيرا للتعليم وطبعا بيدك سلطة إتخاذ القرارات الحيوية في هذا المجال, ماذا ستفعل لإصلاح نظام التعليم في مصر ؟

إوعى تبخل علي بلدك بأفكارك؟

تحيأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأتي .

[khedr]

قانون.....جديد تحترمه الحكومه قبل الافراد

دستور ....لا لمصلحه الافراد ولكن لمصلحه الوطن