هما بيروحوا فين .... وبيجوا منين ????

[مصري في الكويت]

اهلا شباب

بس انا حبيت اشكر النسر المصري لرسالته الحلوة

واسف قوي لعدم حضوري

وان شاء الله تتعوض

تم تعديل 30 نوفمبر 2006 بواسطة مصري في الكويت

[نانو]

و الله ياريتك كنت معانا يا سيف كنت هاتتبسط جدا

عموما تتعوض و كانك كنت معانا بالضبط

[رمضان]

السلام عليكم ورحمة الله وبركاته

انا لسه جاي دلوقتي من قهوة ليالي الحلمية جاي من سهرة ولا سهرات الف ليلة وليلة كان بحق تجمع ستتحدث عنه اجيال المحاورات لسنوات قادمة

كيف اصف لكم هذا الحدث انه حدث لا تعبر عنه الكلمات

أتت الينا الجواري بأشهى المشروبات وعزفوا لنا أجمل وارق النغمات وجلسنا في طرب ونغم وفرفشة الخ الخ الخ

لقد اتى الجميع اتوا والحمد لله رغم كيد الكائدين

وليخسأ الخاسئون

[mano]

مصري في الكويت

حبيت اشكرك فعلا لانك فتحت الموضوع ده انت فعلا نقلتنا

من عالم الكمبيوتر الي ارض الواقع

على العموم انشالله تتعوض والجيات اكتر من الريحات

[nash]

انا جبتلكم بعون الله شكل اللي حضروا الإجتماع...

بس الصراحه بعضهم مش كلهم......أصل الباقيين كان شكلهم وحش وهما بيجروا ومش عايزين يدفعوا الحساب...وسمعت كده والله العالم

إنهم استعانوا بإخوانهم في السعوديه..وأتبعتتلهم طيارة خاصه..فيها ظرف وشويه دنانير :unsure: :unsure:

..............................................................................................................................................

[النسر المصري]

ياسلااااااااااااااااااااااااااااااااااااااااااااااااااااااااااااااااااااام

ياسلام على دي قعدة كانت ..... ياسلام على دة اجتماع

ياسلام على دول ناس

ياسلااااااام على دة حب

ياسلام ياسلام ياسلام.... كلمة هقولها مليون مرة على مقابلة الأحلام

واقول لمحاواراتيين الكويت.... الفين تحية وسلام

نانو وبنت النيل ورمضان وداركر وكامبس ومانو وانا وانت ....ورقصني ياجدع

يلا بقى عيشو بقهرتكم ايها المغلولبن في صحراء السعودية

قال هيتقابلو قال.....هأو

[darker19]

بجد يوم مفيش زيه وناس زي العسل فعلا اتشرفت بمعرفتكم.

واتفقنا اننا ان شاء الله هانتقابل علطول, (في ناس هاتجيلها سكتة قلبية, من الغيظ)

ناش ارحمي نفسك, الغل ده مش هايجيب نتيجة غير المرارة...

[بنت النيل]

اس اس السلام عليكم :P

مش بيقول بعد السلام يحلى الكلام ولا احلى كلام يقدر يوصف حلوة اللقاء وجمال الصحبه الحلوة

اولا معلش يا جماعة اتاخرت فى مداخلتى اصل بصراحة من امبارح مش عوزة اضيع استمتاعى

بهذا اللقاء ايه ده ايه ده يا ولاد بجد اللى مجاش فاته نص عمره

مش عارفه اوصف ايه ولا ايه خايفه بصراحة على ناس اساسا كانت هتموت لما عرفت اننا هنتقابل

اومال بقى لو عرفت اللى حصل فى المقابلة

بس ايه رايكم يا جماعة لاء ولا ايه خدتو بالكم انتم من الناس اللى بتشتغل فى ليالى الحلمية ياسلام وانتى داخل

كدا وبدور على بعض ويقولك انت عوزة الناس بتوع لقاء المصرين يعنى ياليلى :P اشى خيال يا ناس

وبعدين فى خبر كدا سمعت عنه الصبح مش عارفه انتم كمان سمعتوه ولا ايه يا نسر وكمبس ولا مانو

ولا رمضان ولا احمد اكيد سمعتو عنه

بيقولك امس السعودية ارسلت للكويت فى طلب ارسال سيارات اسعاف :D للمساعدة فى نقل المصابين بالقهر

والغيظ والفرسه الى المستشفيات بيقولك كانت حاله غريبة اول مره تظهر الاعراض دى بالسعوديه :P :P

[أبو حميد]

السلام عليكم جميعا من حضر ومن لم يحضر

بجد يا جماعة وبغض النظر عن المناظرات الظريف اللي حاصلة دلوقت بين اللي حضروا وبين اللي كانوا بيتمنوا محدش يحضر. أحب اقولكم أن انا أمبارح أنبسطت جدا وفعلا اجمل حاجة حصلت أمبارح أننا بعد سلمنا على بعض قعدنا نتكلم كأننا أصحاب من زمان وشوفنا بعض قبل كده وفعلا حسيت أني أعرف كل الموجودين من زمان والكلام لا ينقطع عن مصر والمحاورات وعن الموجودين وفعلا لولا تأخر الوقت الواحد مكنش قام أبدا.

وبناء على ما سبق أنصح جميع المحاورين بالكويت أنهم يحضروا المرة القادمة0 ولازم كل مجموعة سواء داخل أو خارج مصر أنهم يتقابلوا في أقرب فرصة بجد تجربة جميلة جدا.

[CAMPS]

:P

آ سف لتأخر ي عن وصف السهرة الجميلة ولكن لآني كنت بدور على كلام يوصفها ولما ملقيتش قلت اكتب اى حاجة

اولا اشكر مايسترو القعدة النسر المصري اللى شجعني على الحضور واللى شال المشاريب :P بعد كده ياجماعه كل واحد يحاسب على اللى يشربه :P

وبقول للى ما حضرش خسرت كتير احنا اتكلمنا فى كل حاجة و ضحكنا كان موصل الناحية التانية من الخليج

والسهرة موثقة بالصور للى مش مصدق :P انزل بالصور يارمضان .. بدل صور السعوديه المزورة.... كمبس

[واحد تاني]

ضحكنا كان موصل الناحية التانية من الخليج

ايه دااااا

هي الدوشة اللى سمعناها امبارح دي كانت من عندكم ! :P

[النسر المصري]

إدعولي ياجماعة...

عندي بلاوي ومصايب متلتلة...ادعولي بجد ....لاحسن فرصتي هي النهاردة بس ....وبعد كدة لاهيبقى في نسر ولا كتكوت حتى

ربنا يسترررررررررررر!!

[المهاجر2070]

يا أخى ما لنا وسيناء مع أنها قطعه منا وسقاها اخواننا وأجدادنا بدماؤهم

اليوم بمنتهى الصعوبه تدخل شرم وأخواتها بمنتهى الصعوبه وعلى أقل هفوه ترحل

وغيرنا ممن قتلوا اخواننا فيها بالأمس القريب يدخلونها مكرمين بالبطاقات الشخصيه

من غير تأشيره ولا سين ولا جيم .

[نانو]

إدعولي ياجماعة...

عندي بلاوي ومصايب متلتلة...ادعولي بجد ....لاحسن فرصتي هي النهاردة بس ....وبعد كدة لاهيبقى في نسر ولا كتكوت حتى

ربنا يسترررررررررررر!!

و انا كمان عمرو

ربنا معاك ...و يهون يارب كل صعب

[darker19]

ربنا معاك يا نسر و ان شاء الله تفضل نسر إلى الأبد...

وأنا كمان عندي بلاوي متلتله و العملية عماله تسود أكتر ما هيا سودا...

احنا اتحسدنا ولا ايه الحكاية؟؟!

[رمضان]

السلام عليكم ورحمة الله وبركاته

ها يا شباب انزل بالصور واقهر الاعداء

الصور جاهزة وعلى اوك منكم انزلهم فورا

[CAMPS]

واحد.... اتنين ......... تلاتة............. انزل.....

[lonly in cold night]

واضح ان الموضوع ده مضروب وان كل اللى كتبوا فيه اتنحسوا

الصفقة اللى سافرت علشانها و قاعد فى انتظارها اتكنسلت و شكلى حارجع مصر بخفى حنين

ربنا يستر على الجميع

[رمضان]

يا شباب انزل الصور ازاي انا اوك نزلتهم على الجهاز عندي وظبطتهم بس مش عارف انزلهم على المنتدى

morganramadan@hotmail.com

morganramadan@yahoo.com

ارسلوالي الطريقة في رسالة ايميل

[النسر المصري]

سعادة فخامة الرئيس المجبل رمضان بيه باشا.....أما بعد

اابعتلي الصور على اميلي وانا اظبطلك الموضوع

amroart9111@yahoo.com