أه و ليه (فضفضه )

[khedr]

آه من ليه

وليه من آه

بقيت حاير

وورا الايام والدنيا طاير

لا قادر اخبي

ولا قادر اتحمل

تعبت

وتعبتك معايا

.

ليه

.

لفيت... لفيت... لفيت

وفي النهايه لفيت

لا لقيتك ولا لقيتك

ولا لا قيتني

ورجعت تاني

وكل مره ارجع

وكل مره اقول

مش راجع

وبرضه بارجع

وها ارجع

.

اه

.

امتي

امتي يازماني تحن عليا وتسيبني في حالي !

امتي يا آه تسيبني ولا تلاقيني وتنسيني !!

امتي يا ليه ....تبطلي تعاتبيني وتعانديني!

.

.

تعبت

ايوه

تعبت.

[Marmar]

إلى الصديق العزيز..

ما أروع كتاباتك..

أشكرك للمعايدة ..كل عام و أنت بخير و يعود عليك بالخير يا رب..

[khedr]

إلى الصديق العزيز..

ياسلام ......ثقه كبيره

اتمني ان اكون في محلها

[نبض الابداع]

الى حكيم المحاورات اشكرك على المعايدة وعلى كلماتك التي لايمل منها ابداً

ارجوا ان يكون اللقب حاز اعجابك

[khedr]

..... المحاورات

سقيم المحاورات

أوقع ...وأفضل

ودائما اخوكم بينه وبين الحكماء عداوه

من ايام الطفوله ....!!!!!

[bentmasria]

تعبت

ايوه

تعبت.

ياسلام يا عمنا الف سلامة عليك من التعب

كلنا فى بنلف فى دوائر حوالين نقطة يمكن لا لقيناها

ولا قابلنا اللى بندور عليه

بس دايما بنرجع ونقول زى صلاج جاهين

لسه الطيور بتطن

والنحلاية بتزن

والطفل ضحه يرن

مع ان

موش كل البشر

فرحانين

اكيد بكره اجمل لاصحاب القلوب الصافية اللى زيك ماتقلقش

بعد كل ليل دايما فيه نهار مهما طال

ربنا يسعدك ويهنيك يارب

مانا ومادا :blink: :wub:

[khedr]

شوفي بقي يا استاذه كله الأانت

سبحان الله من يوم ما دخلت هذا المنتدي

وانا اقف امامك مثل التلميذ أمام استاذته

لا اعرف اتكلم ولا اعرف أعبر

أحس انني أمام أستاذه بحق في كل شئ

ربنا يخلي لك مادا ويخليكي لنا ....يا

يا أستاذه

ممكن توصل دي لحبيبنا مادا

[نانو]

تفتكر ايه اللي اتخلق الاول

اه...ولا ....ليه

ما تفرقش ...صح؟

سلامتك يا اخي من الاه الف سلامه ...و اوعي تسال ليه....سيبها علي الله هتلاقي بكره اجمل

[khedr]

سلامتك يا اخي من الاه الف سلامه ...و اوعي تسال ليه....سيبها علي الله هتلاقي بكره اجمل

نانو يا اميرتنا الحنونه

الله يبارك فيكي

اوعي تقولي ليه

لأن ده من غير ليه

أه ..............صح