وحشتوني ؛؛؛؛؛

[yasovinas]

اخواني واخواتي :P

اصدقائي وصديقاتي

زملائي وزميلاتي

احبابي الغاليين

وحشتوني وحشتوني ؛؛؛؛؛؛؛؛

مش هتكلم كتير :P ولا هرغي كتير :D

لاني حاسس زي لاعب الكورة اللي بيبقى لسه راجع من اصابة :o وما ينفعش يلعب من اول مباراة :sad: لازم شوية تسخين وعلاج طبيعي :sad: وتمارين لياقة B)

يعني هقراء كتير وهتكلم قليل :o

طبعا ما اوعدكوش على حكاية اتكلم قليل دي :blink:

تم تعديل 13 أكتوبر 2006 بواسطة yasovinas

[MZohairy]

جاري تأليف قصيده من قصائدي الجميله بهذه المناسبة الميمونة :P

[حسين]

حمدلله علي السلامة ياسو باشا

كل سنة وانت طيب

[khedr]

يا راجل......وده برضه اسمه كلام

عموما حمد الله علي السلامه

وكل عام وانت بخير

[nancy]

الحمد لله على سلامتك يا ياسر

كنت غطسان فين انت عارف انت غايب من امتة ؟؟

بقالك حوالى 3 شهور !!!!

كل دى كانت اجازة صيف برضة :blink:

عموما يلا ابتدى اكتب علشان اتحمس وارد عليك زى زمان ياعم ياسو :P

[مصرية الهوى]

ياسووووووووووووووو ..

فينك يا راجل وحشتنا ...

الف حمد الله على سلامتك ..

:P

[shahd]

عمووووووووو ياسووووووووووو ترليووووووووون حمدلله على السلامة

وكل سنة وحضرتك طيب وبألف الف الف خير :P

[واحد تاني]

انت جييييت (شهقة) يا رمضان؟

ايه ياعم الغيبة دي كلها؟

صوتي اتبح في اسكندرية وانا ماشى انادي عليك

عموما حمدلله على السلامة

ادخل ياللا ع التقيل

[Modest]

ياسو ابني حبيبي :unsure:

ما نمتش و لا ليلة من يوم ما اتمسكت يابني يا ضنايا .. الحمد لله إني عشت لغاية ما أفرجوا عنك :rolleyes:

حمد الله على سلامتك .. كفّارة يا معلم :angry:

[yasovinas]

صديقي الغالي ابو اياد في انتظار قصيدتك العصماء وهو موضوع جديد عليه حكاية تاليف القصايد

انت سيبت كارك

وطفيت نارك

وصالحت كوووول احبابك

ورحت على القصايد والاشعار !!؟؟

عموما الايام جاية وهعرف ارارك ؛؛؛؛؛؛؛؛؛؛؛؛؛؛ وعجبي

ابني الغالي وذراعي اليمين وامين سر العمبوكه حسين باشا سلامات يا ابو الفلوس كلها اخبارك ايه واخبار البنكنوت على حسك ايه اجمل حاجه اني رجعت ولاقيتك في وسطنا

خضر الغالي اجدع صاحب مش عارف اقول ايه على ذوقك وخلاقك وشعورك الطيب معلش بقى اجازة طولت شويتين واهو رجعت و{ما احلى الرجوع اليه }

اختي الغالية مدام نانسي يعني الفنون والديكور والذوق كله يعني الالوان والتصاميم يعني الاحمر والفوشيا يعني اهل اسكندرية الحلوين معلش اجازة على شهر عسل متجدد على اجازة حضانة ابناء كله كله والتفاصيل بعد الموجز

جيجي هانم كعب الغزال ست البنات المملكة واهل المملكة الناس الطيبة ربنا ما يحرمني منك ولا يحرمك من كووول احبابك واهلك يار ب ما تشوفين وحش ابداً انا رجعت المهم بقى ما حدش يشتكي من رجوعي

بنت اخويا الغاليه شهد الله يسلمك من كل شر تحياتي

صاحبي التاني (واحد تاني ) ابو اسكندر الغالي اجدع اسكندراني على الانترنت والله وحشتني يا راجل يا عسل انا كنت سامعك ومش شايفك كل ما اسال واحد انت واحد تاني يقول لي لاء انا مش واحد تاني انا هو انا فهمت حاجة !!!!

صاحبي الاولاني وصديقي الغالي اخويا موديست ابو احمد سلامات يا معلمي انا سامع طراطيش كلام انك مختفي طيب انا كنت في المعتأل وفي ظروف قهرية لكن انت ايه حجتك ؟؟؟

[النسر المصري]

انا كنت ماشي كده عمال اقلب في المحوارات :rolleyes:

وخير اللهم اجعله خير ..... وانا بفرك في مراخيري :blink: ......(اياام لما كان عندي مرخار) اهيء اهيء

ببص كده وعلى مستوى الشم الضعيف...... ابص اشم الاقي اييييييييييييييييه

ريحه حلوة هابه كده من الويند الشمال في ملعب المحاورات

قلت ياد يانسر بربش بقفاك كده يمكن يطلع هو.....قلت لنففسي لاااا...ده لاينكن ابدن

قلت ياد بص وشم تاني كده واتاكد.....قلت بردو لاااا....دة مستححيييين يحصن

وقامت بقى خنافه...أأأقصدي خناقه بيني وبين نفسي....وألمين مني على شلوتين على كام بونيه ....قومت خدتني ورمتني من فوق على الباب الأعظم باب الاجتماعنيات

وماصدقتش ياخويا اللي بيحصل..... :ph34r:

بقى معقول سي ياسو ابن فيناس ..... كبير الفينساويين.....القائد المغوار.....الاكتوت الملتوت......قنطاس الفرنجه.......الشوارجي القتندار :o

بقى معقول رجعلنا تاااااااااااني.....انا موش مصدق مراخيري ياجماحة!!!!!!!!!! :D

انا خلاص توبت الى الله يا أبيه ياسو وماعدتش اسألك على مواضيع جواز ولاعرايس ولا فتيات ولاقشطات ولا زبدات ولا حلويات خالص مانص فانس موفنس نوهائيا :unsure:

انت بس ترضى علينا يااخونا الكبير....والنبي ماتسيبني تاني....ارجوك ياحبيبنا الكبير....بلييييييييييييييظ!!!! -_-

(بس قولي ها ايه الاخبار. :P ..عملت ايه في الاجازة...لاقيتلي عروسه..هه. :angry: ..لاقيت...ايه....ماسمعتش ......سي ياسو...سي ياسو انت رايح فين.....بس اسمع اقولك بس اا...ياع.....لالالالال خلاص خلاص...اي خلاص والله حرم...ت .... ط...اخ..زعيهتيمنةمكسيكبمنوطك&^)&*^*&^*&^$*### :o ........!!!!!

تم تعديل 15 أكتوبر 2006 بواسطة النسر المصري

[فولان بن علان]

أستاذنا الحكيم ياسو بن فيناس

حمد الله على السلامة

وكل يوم جميل في عمرك وأنت بأحلى وأجمل حال

ودايما تمتعنا بكلامك وخلاصة حكمك في الحياة

ولك وحشة كبيرة

وعندك فراغ كبير تركته لينا

لكنه لسه فاضي

شد حيلك واملا

[محمد عبدالعزيز]

حمدا لله على السلامة يابو ياسر

إيه الغيبة الطويييييييييييييييييييييييييلة دة كلها

الواحد بقى يكره الأجازات اللى بتخلى الأعضاء الحلوين يغيبوا

عموماً يارب تكون قضيت أجازة سعيدة, وترجع تقول لنا حاجة جديدة مفيدة :closedeyes:

[se_ Elsyed]

والله لك وحشه جامده يا ياسر أتمنى أن تكون قضيت أجازة ممتعه

وأنا قولت فعلاً إن غيبة ياسر دي وراها حاجة .. ويا إما هو في إجازة .. يا إما محبوس

فالحمد له طلعت الأولانية

روح بقى إشرب لك شوب عرقسوس وإرجع إحكي على كل حاجة من أو ما وصلت محطة الرمل في ديزل تسعة ونص .. لحد ما جيت الإمارات في ديزل إتنين وتلت

[MZohairy]

القصيدة العصماء المنتظره :closedeyes:

لـك الـحمد والنعماء والملك iiربنا فـلا شيء أعلى منك مجدا وأمجدُ

مـليك عـلى عرش السماء مهيمن لـعزته تـعنو الـوجوه iiوتـسجدُ

عـليه حجاب النور والنور iiحوله وأنـهـار نـور حـوله iiتـتوقدُ

فـلا بـصر يـسمو إلـيه iiبطرفه ودون حـجاب الـنور خلق iiمؤيدُ

مـلائكة أقـدامهم تـحت iiعرشه يـكفيه لـولا الله كـلّوا iiوأبـلدوا

قـيام عـلى الأقـدام عانين iiتحته فـرائصهم من شدة الخوف iiترعد

وسـبط صفوف ينظرون قضاءه يـصيخون بـالإسماع للوحي رُكّدُ

أمـين لـوحي القدس جبريل iiفيهم ومـيكال ذو الروح القوي iiالمسَدّدُ

وحـراس أبواب السماوات iiدونهم قـيام عـليهم بـالمقاليد iiرُصّـدُ

فـنعم الـعباد الـمصطفون iiلأمره ومـن دونـهم جـند كثيف iiمجند

مـلائـكة لا يـفـترون iiعـبادة كـروبية مـنهم ركـوع iiوسُـجّدُ

فـساجدهم لا يـرفع الدهر iiرأسه يـعـظم ربــا فـوقه iiويـمجد

وراكـعهم يـعنو له الدهر خاشعا يــردد آلاء الإلــه iiويـحـمد

ومـنهم مُـلِفٌّ في الجناحين iiرأسَه يـكـاد لـذكرى ربـه iiيـتفصد

مـن الـخوف لا ذو سأْمة iiبعبادة ولا هـو مـن طـول التعبد يجهد

ودون كثيف الماء في غامض الهوا مـلائـكة تـنحط فـيه iiوتـصعد

وبـين طباق الأرض تحت بطونها مـلائـكة بـالأمر فـيها iiتـردد

فـسبحان من لا يعرف الخلق قدره ومـن هو فوق العرش فرد موحد

ومـن لـم تـنازعه الخلائق iiملكه وإن لـم تـفرِّده الـعباد iiفـمفرد

مـليك السماوات الشداد iiوأرضها ولـيس بـشيء عـن قضاه تأود

هـو الله باري الخلق والخلق iiكلهم إمـاءٌ لـه طـوعا جميعا وأَعبُدُ

وأنـى يكون الخلق كالخالق iiالذي يــدوم ويـبقى والـخليقة تـنفد

ولـيس لـمخلوق من الدهر جدة ومـن ذا عـلى مر الحوادث iiيخلد

وتفنى ولا يبقى سوى الواحد الذي يـميت ويـحيي دائـبا ليس iiيهمد

[Sherief AbdelWahab]

طولتها الغيبة يا ياسو .. حمد الله على السلامة يا أبو أجمل ابتسامة.. :closedeyes:

خلص الكلام

[Folana]

السلام عليكم ورحمة الله ...

حمدلله على سلامة الوصول اخى العزيز ياسو ...نورتنا ..انا عايزة ادخل هنا واكتب لك والله ..بس اتاخرت شوية لان بنتى كان عندها امتحان As Math .....ولما رجعنا قلت لازم ادخل ارحب بك ..ومادام قلبناها اغانى يبقى نقول...حمدلله على السلامة ياجاى من المعتأل ..وحشانا الابتسامة وشك ولا القمررررررررررررر

يارب نتجمع فى الخير دائما....اخوة واخوات نتجمع على المحبة والاحترام ونتفرق على امل لقاء جديد.....

[yasovinas]

اختنا المشرفة ابله فولانه ربنا يطمنك على بنوتك وعلى امتحاناتها وتنجح بتفوق باذن الله

:excl: :)

صديقي العزيز شريف اللذيذ ،، طول ما فينا نبض و"لسان" عمر ما هيخلص الكلام اشكرك على شعورك الطيب

صاحبي الغالي ابو اياد اطال الله في عمره واعانه على {رضعه الفجر ,,,,} مش عارف اقول لك ايه بعد هذه القصيده غير

سلو قلبي غداة سلا وتابا

لعل على الجمال له اعتابا

وما كرهت عيوني ؛؛؛؛؛ قدر وغد ،،

باسم الشعر ؛؛؛ يحترف السبابا

ومن اتخذ الشعر اكل عيش

يبيح القذف ،،، والتهم العجابا

ويبعث بالرسول لكي "يغني"

ويفتح في طريق الصلح بابا

فيدفع كل مشتوم فلوسا

ويشوي كل محروق كبابا

اخويا الكبير {مقاماً وسناً} ابو عمر هروح اضرب شوب العرقسوس بس بعد الفطار ونشد النصبة ونحكي ونقول على ما حدث وكان في قاهرة المعز ودي اخرة اللي يسمع كلمك انت وطيبة الذكر كليو طيب الله ثراها -_-

استاذي الفاضل محمد عبد العزيز معلش الاجازات ما حدش يكرهها دي هي نقطة المية ونسمة الهوا اللي بتساعد الواحد في صحراء الغربة

فولان يا ابن علان والله يا اخي انا سمعت اسمك كتيير قوي وانا في مصر ما كنتش اعرف انك مشهور قوي كده انا رجعت بس على الله ما تقوقلوش (ايه اللي جابه ده)

ابني وصديقي واخويا الصغير النسر المصري صاحب اجدع مراخير في مصر وبلاد السند والهند ربنا يكرمك بعروسه ننوسة تطلع عينك وتخليك تلعن ابو ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ العذوبية وايامها قولوا آآآآمين

تم تعديل 20 أكتوبر 2006 بواسطة yasovinas