كنوز فنيه غنائيه موسيقيه نادره

[kokowawa1979]

يا بنا سويا ياعم أرسين - إيد لوحدها ماتصفقش .

وبعدين أنا شايف الزبائت بيتسحبوا واحد ورا واحد ويسجلوا شفيقة ومتولي وسايبين فريد الغلبان لوحده - وماحدش قال شكرا ياكوكوواوا على المجهود :lol: واللا هي الروابط مش شغالة وانا مش داري :lol:

عموما دي أغنية رقيقة بس حزينة للمطرب السكندري الأصل ديميس روسوس وهي بعنوان : مورير مونا مي - أي موت حبيبتى - يمنع دخول ضعاف القلوب والناس الرومانسيين الزائدين عن الحد :sad:

http://www.BLOCKED77/account/file/294434...pGqrk2yvItvG5ie

قولوا لي بقى إيه رأيكم

[kokowawa1979]

ودي أغنية باور أوف لاف أو قوة الحب للمغنية جينيفر راش - والغنية نفسها غنتها سيلين ديون في البوم تايتانيك - واغلب الظن أنكم أول مرة تسمعونها بالموسيقى الأوركسترا من صاحبة الصوت القوى جينيفر راش .

أرجو ان تطمئنوني بجد أن الوصلة تعمل حتى أكمل لكم المجموعة .

http://www.BLOCKED77/account/file/294462...pGqrk2yvItvG5ie

وده على الرابيد شير

http://BLOCKED2/files/70098681/JENIFER_RUSH.mp3

تم تعديل 16 نوفمبر 2007 بواسطة kokowawa1979

[kokowawa1979]

وهذه رائعة على الحجار : لم الشمل

الأغنية السياسية الممنوع إذاعتها

http://www.BLOCKED77/account/file/294665...rpAihRKRe0GnOdE

[kokowawa1979]

شكرا ياجنرال موديست - أخيرا قرأت ردك واطمئنيت إن الروابط شغالة- فلك كل الشكر :closedeyes:

[Ahmad Farahat]

نبدأ معا رحلة مع كنوزي الشخصية

وستكون البداية مع الآهات لأم كلثوم

الأغنية من كلمات محمود بيرم التونسي

والألحان لزكريا أحمد

الآهات

[Ahmad Farahat]

مش عارف طلعت في دماغي ليه أديلكوا الأغنية دي بالتحديد

لكن الجميع يعرف جيدا كم أنا عاشق للموسيقار رياض السنباطي

لذلك فكرت في تقديم لحنه العبقري على عودي أنام واصحى

والأغنية من كلمات حسين السيد أيضا

إطفوا النور على رأي عمنا زهيري واسرحوا في السقف

على عودي أنام واصحى

[MZohairy]

والله يا أحمد على عودي دي من اروع اغاني رياض اللي غناها بصوته في فيلمه الوحيد مع هدى سلطان في اوائل الخمسينات

غنى كمان اغنيه في الفيلم بحبها أوي جدا خالص مالص اسمها :

فاضل يومين و حنبقى اتنين ارتاح ياقلبي ونامي ياعين

لو تستجدع و تجيبهالنا يبقى ينوبك فينا ثواب

[Ahmad Farahat]

والله يا أحمد على عودي دي من اروع اغاني رياض اللي غناها بصوته في فيلمه الوحيد مع هدى سلطان في اوائل الخمسينات

غنى كمان اغنيه في الفيلم بحبها أوي جدا خالص مالص اسمها :

فاضل يومين و حنبقى اتنين ارتاح ياقلبي ونامي ياعين

لو تستجدع و تجيبهالنا يبقى ينوبك فينا ثواب

طيب شوف بقى

اول طلب صعب قوي صحيح

بس انا جبته من سماعي وخليت الإكستنشين إم بي ثري

مع فاضل يومين

الكلمات حسين السيد

موسيقى وغناء العملاق رياض السنباطي

فاضل يومين

[MZohairy]

ارجوا من اخواني المستمعين الإستماع بتأني لهذه الأغنيه (فاضل يومين و حنبقى اتنين) المبهرجه المفرفشه الحنينه الجميله والتقيله في نفس الوقت

اسمعوا المقدمه و الفواصل الموسيقيه كأنها تزغرط فرحا لقرب لقاء الحبيب

السنباطي بتاع التقايل و الشجن موسيقاه ترقص فرحا

لنستمع سويا

[Ahmad Farahat]

طيب علشان الكلمتين الحلوين دول

انا هاطلع بحاجة تانية من المغارة

لأم كلثوم نستمتع معا

هلت ليالي القمر

الكلمات أحمد رامي

الألحان رياض السنباطي

هلت ليالي القمر

إنتي فاكراني

الكلمات أحمد رامي

الألحان محمد القصبجي

إنتي فاكراني

مدام تحب بتنكر ليه

الكلمات أحمد رامي

الألحان محمد القصبجي

مدام تحب بتنكر ليه

ستسمتعون بثلاثة تحف غالية وعالية المستوى

نرجو من أستاذنا زهيري أن يتولى التعليق

ياريت في أي وقت يخش ياخد المايك

تم تعديل 20 نوفمبر 2007 بواسطة Ahmad Farahat

[Ahmad Farahat]

اليوم اقدم إليكم قصيدتين رائعتين من إبداع كوكب الشرق السيدة أم كلثوم

الأولى قصيدة أذكريني كلمات أحمد رامي وألحان الموسيقار الرائع رياض السنباطي

أذكريني

القصيدة الثانية من أجل عينيك عشقت الهوى كلمات الأمير عبد الله الفيصل وألحان الموسيقار العبقري رياض السنباطي

من أجل عينيك عشقت الهوى

[Ahmad Farahat]

أنا في عيد ميلاد مدام ناش رفعت أغنية لمحمد فوزي فقلت أحطها هنا مع أغنيتين تانيين

قلبي بينادي عليكي

أغنية عيد الميلاد

جاني اللي بحبه

تم تعديل 1 ديسمبر 2007 بواسطة Ahmad Farahat

[Ahmad Farahat]

إستكمالا لإبداعات الفنان الرائع محمد فوزي

نستمع إلى تحفتين جديدتين

فين قلبي

الشوق

[mogly]

ايه يا جماعة المزاج العالى ده كله

و الله تسلموا جميعا على التحف دى

انا أخوكم موجلى و مسجل جديد فى المحاورات و موضوعكم من أجمل المواضيع اللى لفتت نظرى لحد دلوقتى

دلوقتى بقى طالما بنتكلم عن كنوز

ياترى فيه حد عنده فكرة عن مسلسلات المخرج الكبييييييييييير محمد علوان و هل ياترى من الممكن ايجادها على النت

فى اى مكان و دى طبعا مسلسلات اذاعية و منها انف و ثلاث عيون زو الحب الضائع و نحن لانزرع الشوك و غيرها

ياريت لو فيه حد يقدر يساعد ابقى ممنووووون جدا منه

و اشكركم للمرة التانية

موجلى

[ConDor]

السلام عليكم ورحمه الله وبركاته

انا عضو جديد مشترك

وبصراحه الموضوع ده من اجمل المواضيع اللي لاقيتها علي النت من ساعه ما ابتديت استخدم الانتر نت

وحبيت اشارك معاكم بحاجه بسيطه كده

دي اغنيه لعفاف راضي اسمها وبتسأل يا حبيبي

وده اللينك بتاعها

http://www.BLOCKED77/file/31787827/6be16b7b/___online.html

واشكركم علي مجهودكم اللي بذلتوه في الموضوع الرائع ده

وربنا يسهل ونزل كل الملفات اللي عندنا في الموضوع

[DEMO]

بسم الله الرحمن الرحيم

الأخوة أعضاء المنتدي

بحثت علي الشبكة فوجدت موقع به مجموعة نادرة من تسجيلات الطرب القديم وإليكم بعض التسجيلات الموجودة

عبده السروجي

غريب الدار

زكريا أحمد

هتجن ياريت ياخوانا مارحتش لندن ولا باريس

من يريد مثل هذه الأغاني يبلغني وسأقوم بالبحث عنها وإنزالها

[Modest]

لإنك واحشني جداً :closedeyes: حبيت أهديك أغنية من الزمن الجميل (من تسجيلات كايروفون كومباني :unsure: )

رائعة صالح افندي عبد الحي (يكون في علمك أنا مش فاضي كل ساعة اعمل لك قاضي :rolleyes: )

و هي قصيدة موجّهة إلى زوجته الثانية بمناسبة النكد اللي تسببت له فيه لوجودها مع الزوجة الأولى :ninja:

يكون في علمك أنا مش فاضي

كل ساعة اعمل لك قاضي

أنا واخدك على ضُرَّة

و إن ما عجبك إنتي حرّة

على بيت أبوكي روحي تاني

و بلاش دول كاني و ماني

ده انا مش فاضي اعمل لك قاضي

يكون في علمك

إنتي جميلة و هي جميلة

اعمل لك ليلة و هي ليلة

طالبي معاكي ما بيدي حيلة

مفيش لزوم تعملي هولّيلة

ده انا مش فاضي أعمل لك قاضي

يكون في علمك

كل ساعة اعمل لك قاضي

يكون في علمك أنا مش فاضي

يكون في علمك

قعدتك بره ما ريحتيني

و في وسط جيراني بهدلتيني

حرام عليكي و حياة عينيكي

ابوس إيديكي إمتى أداديكي

دانا مش فاضي أعمل لك قاضي

يكون في علمك

يكون في علمك أنا مش فاضي

كل ساعة اعمل لك قاضي

يكون في علمك

قلت لابوكي و قلت لاخوكي

ما أمكنهمش يرجِعوكي

أشكي لمين يا مسلمين

أروح لمين خليكوا شاهدين

دانا مش فاضي اعمل لك قاضي

يكون في علمك

إن عشتي معاها تناقريها و كل ساعة تضايقيها

و تقولي هيا عليكي فايزة

إيه فكرك إيه عايزة

ده انا موش فاضي اعمل لك قاضي

يكون في علمك

صِعِب عليا الراجل صالح أفندي ده :blush2: ... يارب تعجبك يا ابو محمد :rolleyes:

[أبو محمد]

الله أكبر

يادى الهنا

يادى النعيم اللى انت فيه ياقلبى

حبيبى منعم وصل بالسلامة من رحلته عند كابتن كريمة ؟ يعنى حنفتح الدكانة من تانى والفرقة حتتلم من جديد ؟ فينك يا مايسترو ؟ .. فينك يا واحد تانى ؟ .. فينك يا ترتر كتاكيتو بنى .

ألف شكر على تحفة صالح افندى عبد الحى ..

أنا حابعت عمو عزيز عثمان عالدكانة يفتحها ويوضبها ويرش قدامها شوية مية ويدلل عالبوضاعة

يافتاح من غير مفتاح - عمو عزيز عثمان

على الله تعجبك الاصطباحة دى على ما خطف رجلى لسى صالح افندى أجيبلك منه تحفتين تلاتة زى اللى اتحفتنى بيها

ربنا يسعد أوقاتك يا موديست يا عسل :rolleyes: :closedeyes:

[Modest]

صباح الخير يا أحلى أبو محمد و ألف شكر على هدية عزيز عثمان :hearts:

صالح أفندي بيشتكي البنفسج لحضرتك

ليه يا بنفســــــــج

إلا صحيح فين محمد أفندي زهيري و واحد أفندي تاني

آخر مرة شفتهم يوم ما قلم البوليس السياسي مسكهم و احنا في المظاهرة على كوبري عباس احتجاجاً على زيادة سعر الـ 30 بيضة من مليم لنكلة :hearts:

الناس هاتجيب منين يا أبو محمد

[أبو محمد]

صباح الخير يا أحلى أبو محمد و ألف شكر على هدية عزيز عثمان wst::

صالح أفندي بيشتكي البنفسج لحضرتك

ليه يا بنفســــــــج

إلا صحيح فين محمد أفندي زهيري و واحد أفندي تاني

آخر مرة شفتهم يوم ما قلم البوليس السياسي مسكهم و احنا في المظاهرة على كوبري عباس احتجاجاً على زيادة سعر الـ 30 بيضة من مليم لنكلة :)

الناس هاتجيب منين يا أبو محمد :P

ألله يخليك يا سى موديست يا أمير .. ألا صحيح هو ليه البنفسج بيفسج ؟ po::

والله يا مبارك (إوعى تفهمنى غلط) .. أنا قلبى واكلنى على محمد افندى وواحد افندى .. أصلى سمعت السردار بيقول على مظاهراتنا انتفاضة عوالم ومش بعيد يكونوا لمُّوهم وودُّوهم على سجن الأجانب

بالنوسبة لموضوع الأسعار ده .. تخيل يا موديست افندى إنى نزلت جبت قطعية كستور ، قلت أعمل لى قفطانين وطاقيتين ولكل قفطان ياقتين وإسورتين احتياطى وبالمثل للولدين .. صحيح شكلنا حيبقى عامل زى فرقة موسيقى الإصلاحية .ز بس اهو قلت أوفَّرلى قرشين .. تخيل دفعت فى الكلام الفارغ ده كام ؟ نص ريال بحاله .. أى والله ياسى موديست ياخويا .. شوفت الغَلَى والقَلَى اللى احنا فيه ؟

على العموم أنا حسيب صالح افندى يقولك بنفسه :

عشنا وشفنا كتير ومن عاش ياعينى يشوف العجب