السلام عليكم

[هشام عبد الوهاب]

السلام عليكم ..

مش لاقى كلام اقوله ولا حتى عارف اكتب ايه ، اشعر كأنها اول مرة اكتب فى المحاورات .

وحشنى الموقع و الموضوعات والمشاركات والمشاحنات والضحكات والأسماء والألقاب والأشخاص .

اما الأصدقاء فقد افتقدهم الى ابعد الحدود ، واقر واعترف بأننى كنت مقصرا بل ومذنبا فى حقهم ايما ذنب ، لم ادخل النت خلال 15 شهر سوى مرة واحدة ولمدة لا تتجاوز بضع دقائق القيت خلالها نظرة على المحاورات من بعيد . وكل ارقام تليفوناتى تغيرت فجأة بين يوم وليلة ، حتى الأرقام التى احتفظت بها فقدت من الموبايل كاملة ، وبمرور وقت قصير جدا محى ما كان فى الذاكرة . لم املك تليفون ارضى لدخول النت نظرا لأنتقالى للتجمع الخامس واخيرا حصلت على خط تليفون ارضى واصبح دخول النت متاحا .

وحشتونى جدا جدا جدا ، لن اذكر اسماء حتى لا تخوننى الذاكرة . وارجو منحى بعض الوقت حتى اعود مرة اخرى للكتابة .

[إبن مصر]

وعليكم السلام ورحمه الله وبركاته يا كنج

الحمد لله على سلامتك ولا يهمك المهم انك بخير

وحشتنا كلنا ...

[النسر المصري]

خمستاشر شهر ياراجل يامفتري...خمستاشر شهر بحالهم ...جالك قلب منين مش عارف

انت عارف اني غيبت شهر واحد بس....حصلي اللي ماحصليش....ورجعت النهارده وانا نار...عاوز آكل التوبيكات أكل

وحشتنا ياعمنا الكبير

[shahd]

حمدلله على سلامة حضرتك استاذ هشام

تحياتي

تيتا شــــــهد :D

[مصرية يعني مصرية]

أهلا بيك في بيتك

ياهشام

على فكرة رغم اني معرفكش معرفة شخصية

و مقرتش لك كثير

إلا إني كنت بحس بوجودك في المحاورات

والله العظيم

مش عارفة إزاي :D

على العموم

[فولان بن علان]

وعليكم السلام ورحمة الله وبركاته

بالتأكيد المحاورات اتسندت سندة كبيرة بعودة عمود مهم جدا من أعمدتها

مداخلاتك أستاذنا مما يمكث في الأرض

( فاما الزبد فيذهب جفاء واما ما ينفع الناس فيمكث في الارض كذلك يضرب الله الامثال ) الرعد 17

سعدنا برجوعك الميمون

[Doofy]

==================================================================

وعليكم ورحمة الله وبركاته

كما قال اخي العزيز فولان

فالجميع سعيد بعودتك استاذ هشام عبد الوهاب

ومبروك على خط التلفون :P

كل سنه وحضرتك طيب

:

:

[bentmasria]

مليون حمد لله على السلامة ومبروك التليفون بس حاسب الفاتورة :P

وحشتنا يا كنج

وكل سنة وانت طيب

هليت زى العيد قبل رمضان

فين فانوس مادا بقى :P :P

مانا ومادا

[Folana]

السلام عليكم ورحمة الله ..........

حمد لله على السلامة يااستاذ هشام...ورجوعك بينا ده اضافة لنا وشرف نتباهى به ....ومع اتساع دائرة اصدقائك نرجو لك قضاء وقت ممتع وفى انتظار مداخلاتك..وكل سنة وانت طيب..................

صباحك جميل :P

[MZohairy]

قصيده من تأليفي بهذه المناسبه الجميله :P

سأجزِيكَ بالقِدّ الذي قَد فككتَهً ... سأجزِيكَ ما أبلَيتنا العامَ ، صَعصَعا

فإِنْ يكُ عبد الوهاب اَباكَ فإنّنا ... وَجَدّناكَ مَنسوبا إلى الخَيرِ ، أروَعا

سأهدي ، و إنْ كنُّا بتتليثَ ، مدخةً ... إليكَ ، و إنْ حَلَّتْ بُيوتُكَ لَعلَعا

فإِن شِئتَ أهدَينا ثَناءً و مِدحةً ... و إِن شِئتَ عَدّينا لكم مئةً مَعا

شكرا و حمدالله على السلامه :P

[وليد صفوت]

استاذ زوهيرى :

يعنى ايه "أباكَ" اللى فى السطر التانى ؟ :P

[MZohairy]

المعنى في بطن الشاعر دائما يا وليد

والفن وجهة نظر نسبيه يتم ترك تفسيرها للمتلقي ليفهمها كما يشعر :P

[بنت شعنونة]

مش معقووووول؟

اخييييييييييرراا

حمدالله ع السلالالالالالالالالامة يا ريس :P

[Diab]

الله يكرمك يا مسيو زوهيري

مش كل واحد يدخل تفقعة قصيدة من دي يروح سايبنا و ماشي

بس في حتة مقلتهاش

" ركز علي مواضيعي حتستفاد كتير"

طبعا لأنه admin هارش الموضوع من أوله هههههههه

شوفت نسيتني أرحب بالأستاذ محمد

حمد الله ع السلامة يا أستاذ محمد والعود أحمد

[DARWEEN]

ياسلاااااااااااااام

هشام عبد الوهاب ... هشام عبد الوهاب .... همممممممممممممممم

كأني سمعت الأسم ده قبل كده

أيه يا عم الملك ... طولت الغيبه علينا

أسبوع وقلت سيبه

شهر وقلت ماشي

لكن 13 شهر ..... هو مفيش ملك مش مفتري أبدا

حمد الله عالسلامه يا هش ... يالا بسرعه أبري القلم وأكتب

وحشتناااااااااااااااااااااااااااااااااااااااااااااااا

[Sherief AbdelWahab]

قلتهالك في توبيك عودة هشام عبد الوهاب ، وحأقولهالك تاني هنا : حمد الله على السلامة .. وواحشنا مووت..

البيت منور كالعادة ، وبوجودك زيادة .. :P

خلص الكلام

[Cleo]

نورت التجمع والمحاورات يا كنج :P

ألف حمدلله عالسلامة :P

[أسامة الكباريتي]

هشام بيك لا يرحب به

فهو صاحب بيت

ولا يكرم المرء في محله

لكنه التعبير عن افتقادنا لعزيز على قلوبنا

ترك فراغا كبيرا

لا يملأ جفوته (الفراغ) سوى لمساته الفنية المميزة

مرحبا بالعائد إلى بيته

ومرحبا بعودة البيت إلى أهله

فقد طال انقطاع الموقع عنا أيضا ..

[هشام عبد الوهاب]

كل سنة وكل اعضاء المنتدى بالف خير وعافية .. وكل رمضان وكل مسلم بخير اعاده الله عليكم بالصحة والخير والبركات

اشكركم جميعا من كل قلبى ، واتمنى من الله ان نتعاون معا فى الخير دائما

[achnaton]

مع حلول الشهر الكريم .. شحت المكسرات وارتفعت أسعارها .. حتى قمر الدين .. مش لاقيين .. وجانا البديل .. الكنج القديم ..ونعلن للملأ .. راضيين .. راضيين .. ومكسرات مش عاوزين ..