يا مغتربى مصر فى السعودية ........أفيدونا

[M.ESSAM]

السلام عليكم و رحمه الله و بركاته

ان شاء الله تعالى سوف تسافر والدتى الى السعودية قريبا جدا للعمل كطبيبة تحاليل فى احدى مستوصفات مدينة الطائف وهناك احتمال كبير جدا ان اسافر معها كمرافق لذلك اطلب من كل شخص يعرف اى معلومات عن مدينة الطائف ان يفيدنى من حيث الجو و بعدها عن كلا من ( مكة - المدينة - جدة ) و هل هى المدينة عمرانة ونشيطة مثل جدة مثلا وهل بها اماكن ترفيهية كمولات تجارية و اماكن تنزة عامة وان كان هناك مواقع على الانترنت اكون شاكر جدا...

و حيث أنى اعمل مهندس معمارى ( هل هناك فرصة انى أجد عقد داخلى اعمل من خلاله أم أن الامل ضعيف )

واتمنى من اهل الخبرة فى السعودية الاساتذة ( سى السيد - لخبطة - مزهيرى ) ان يفيدونى بحكم خبرتهم فى السعودية مع انى اعلم انهم يسكنون مدن اخرى و لكن اتمنى ان يكون لديهم علم .

اسف جدا على الاطالة

شكرا جزيلا على سعة صدركم

محمد عصام

2006 / 9 / 17

[مصرية الهوى]

وعليكم السلام ورحمة الله وبركاته

تآمر أمر يا بشمهندس عصام .. غالي والطلب رخيص .... :angry:

يا سيدي الطائف تعتبر مصيف من مصائف المملكة .. يعني في يوليو واغسطس بتكون مليانة بالمصطافين ..

جوها في الصيف بيكون معتدل وفيه أمطار ..

وفي الشتاء طبعا بارد ... حاليا درجة الحرارة حوالي 28 ..

بصراحة انا اخر مرة رحت الطائف كسياحة من يجي اكتر من 6 سنين -_- ..

بس كل سنة بعدي منها اذا رحنا لمكة ..

فيها مناطق سياحية جميلة زي الهدا والشفا بس تنفع في الصيف لأنها في الشتاء بتبقى برد اوي ..

وطريق الهدا ده طريق مخيف جدا .. اللي بيوديك للجنوب .. بيكون بين الجبال ..

فأوعى تروح هناك -_-

الطائف تعتبر من المدن الكبيرة نوعا ما في السعودية يعني سكانها مليون وحاجة ..

وهتلاقي فيها مولات ومتنزهات وحدائق واسواق شعبية كنا بنروح لها ..

على اللي باتذكره ...

بس بصراحة مقدرش اديك صورة قريبة جدا من الواقع لاني من زمان مروحتش هناك ...

المسافة بين الطائف ومكة 88 كيلو ...

الطائف وجدة 167 كيلو ..

الطائف والمدينة 446 كيلو ...

الطائف والقصيم عشان تيجي تزورنا 800كيلو تقريبا :angry:

بالنسبة لفرص العمل بصراحة مقدرش افيدك في الموضوع ده ..

اتمنى اني اكون اجبت على اسئلتك ..

واي خدمة احنا تحت امر حضرتك ...

ويارب ان شاء الله تنبسطوا في السعودية :angry:

واتفضل الويب سايت :

مدينة الطائف

[nancy]

مهندس عصام

المدينة المنورة مكان مريح جدا للاعصاب وتحس براحة كبيرة وانت عايش فية اجمل ما فية واعظم طبعا الحرم النبوى

انما كامولات واوتيلات معقولة

ناسها طيبين جدا وودودين

انما بلد بتنام بدى ابتدى فيها امتداد عمرانى ولكن كل حاجة عليها لسة جديدة

انما لو حتعيش فى الطائف المدينة يوم عند الحرم وزيارة للرسول علية السلام والصلاة فى الروضة ولفة ساعة بالعربية فى البلد كافية جدا ليك كزائر

[ميزووو]

اهلا بك يا اخي

بالنسبة للعمل الطائف ممتازة وفرصتك ممتازة انا زيك ولقيت فرصة عمل ممتازة بالرغم من اني في مكان صعب فيه الوظائف اسمه القصيم انت في الطائق ابسط شىء جانبك جدة ممكن تلاقي فيها ا عمل ممتااااااااااااااز جدااااااااااا وتروح وتيجىء كل يوم

واي خدمة تحت امرك بس انا في القصيمممممممممم -_- -_- :angry: :angry:

[أبو زياد]

بص بقى يا أستاذ عصام

أخيرا هاخد فرصتى (قبل ما يصحى سى السيد)

أنا جار س س فى الرياض بس الطايف بنعدى عليها كل ما نعمل عمرةلأنها فى طريقنا لمكة

بس فيه حاجة مهمة مستوصف والدتك فى مدينة الطائف نفسها والا فى الضواحى ؟

والضواحى هنا أقصد إنها محافظة زى الجيزة مثلا فيها مدينة و أقاليم زى ما قالت أخت جيجى الهدا و الشفا و غيرها ؟

و السؤال دة أهميته ليك أنا مهندس معمارى زيك طبعا معظم المكاتب الإستشارية بتتركز فى المدينة

وكمان الحياة فى مدينة غير الأقاليم من حيث الخدمات اللى سألت عليها

أول ما تيجى إن شاء الله حتلاقى فى المكتبات خريطة الفارسى فيها الطائف بسكيل كبير وكمان تفاصيل كتيرة لحد ما اقدر انزلها لك (الطعها يا س س )

كمان أعدك اشوفلك بعض عناوين المكاتب من الأرشيف عندى

أقرب مدينة لك هى مكة المكرمة و لو وصلت مكة تعتبر فى جدة يعنى هو مثلث واحد كله ساعة بالعربية و هنيئا لك العمرة مقدما ولا تنسانا بالدعوات

[MZohairy]

مهندس عصام

المدينة المنورة مكان مريح جدا للاعصاب وتحس براحة كبيرة وانت عايش فية اجمل ما فية واعظم طبعا الحرم النبوى

انما كامولات واوتيلات معقولة

ناسها طيبين جدا وودودين

انما بلد بتنام بدى ابتدى فيها امتداد عمرانى ولكن كل حاجة عليها لسة جديدة

انما لو حتعيش فى الطائف المدينة يوم عند الحرم وزيارة للرسول علية السلام والصلاة فى الروضة ولفة ساعة بالعربية فى البلد كافية جدا ليك كزائر

mfb:

نانسي

انا مفهمتش حاجه ابدا من اللي كتبتيه!!!

ايه اللي جاب المدينه المنوره للطائف؟

المدينه بتبعد حوالي 450 كيلو عن الطائف

-_-

ياللا نعتبرها من علامات الصيام المبكره :P

يا باش مهندس مأظنش ان في حاجه ممكن اقولهالك اكتر من اللي قالوه الأخوه الا حاجه واحده

لا يحق لك العمل بصوره نظاميه في وضعك كمحرم لوالدتك

و بالنسبه للشغل الغير نظامي فأكيد في شغل في مدينة الطائف في مجالك بس طبعا مش بنفس الوفره اللي في الرياض و جده و الخبر

طبعا من أجمل المدن في الطبيعه و الطقس و الهدوء و قربها من مكه ميزه كبيره

ربنا يوفقكم ولو في اي معلومه ناقصه حددهالي وانا اجيبلك المطلوب انشاءالله

تم تعديل 18 سبتمبر 2006 بواسطة mzohairy

[the sad man]

اخى محمد بالتوفيق ان شاء الله

و لكن تأكد من ان مكان العمل هو مدينة الطائف نفسها.

لان مدينة (الطائف) من اجمل بلدان المملكة من حيث اعتدال الطقس و من حيث و جود المياه النقية و المنتجات الزراعية و الفاكهة وسوف تعرف قيمة ذلك عند مجئيك ان شاء الله

كما ان الطائف قريبة جدا من مكة وجدة و هذه ميزة كبيرة جدا

ولكن هناك قرى و مدن صغيرة تتبع الطائف و لكن تبعد عنها كثيرا

مثل الخرمة وما الى ذلك

على العموم المدن الرئيسية كويسة جدا

و السعودية كلها زى بعضها العيشة فيها سهلة و مريحة مع اختلافات بسيطة حسب توافر فرص العمل

و بالتوفيق مرة اخرى

[MZohairy]

خلي بالك من نقطة العمل النظامي دي ياباشمهندس

مهمه جدا عشان متبنيش امورك المستقبليه على حاجه ممكن تكون مش حتحصل

وربنا معاك

[أبو زياد]

حبيبى زهيرى معلش أنا بعد اول مشاركة ليك محبيتش أعقب عشان ماخوفش الراجل من موضوع العمل النظامى بس معلش انت عيدتها مرتين ولكن:

كلنا بنشتغل بارت تايم و سبابيب الحمد لله و مفيش حد بيفتش عليك ولو حصل ممكن برضة تعدى

وانا معاك انه ياخد باله ومايرتبش مستقبله بس برضة مش حييجى يقعد فى البيت الصورة لازم توصله صح لأنة لسة مايعرفش

كام واحد بيشتغل مع كفيل غير كفيله و بيبقى وضعه احسن من اللى عالكفالة عشان مش بيقرفه

دة فيه ناس بتنصح إنك ما تكونش على كفالة اللى انت شغال معاه واسأل مجرب

التكنولوجيا دلوقت ممكن تعمل و أنت قاعد فى البيت

ما علينا الحل الوسط يا أبو حميد إنك تيجى تروق نفسك و على خفيف تربط علاقات و تعرف الأمور و الصورة بنفسك و ربنا يوفقك

[nancy]

ياعم زهيرى

انا بديلة فكرة عامة عن المدينة

لان الى حيعمل عمرة النهاردة حيحب يعمل زيارة للمدينة المنورة

فقلت اكتبلة نبذه عنها بالمرة

وبعدين كل واحد يرحب بالبشمهندس من ممنطقتة mfb:

[M.ESSAM]

السلام عليكم و رحمه الله و بركاته

فى البداية أحب أشكر كل من ساهم بمعلومة أو رأى فى هذا الموضوع جعله الله فى ميزان حسناتكم ان شاء الله.

الأخت مصرية الهوى:

شكرا جزيلا على التوضيح وطبعا يشرفنى جدا أن أزور حضرتكم فى القصيم حتى لو كانت المسافة اكثر من 800 كم و متشكر جدا جدا جدا على الموقع.

الأخت نانسى:

متشكر على الاضافة و رحبى حضرتك بالطريقة اللى انتى عايزاها mfb:

الأخ ميزوو:

شكرا على الايضاح خصوصا حضرتك الجزء الخاص بالعمل لانها بالنسبة ليا مهمة جدا و ربنا يوفقك و يوفقنا.

الأخ أبو زياد :

فهمت وجهه نظر سيادتك و المستوصف فى نفس مدينة الطائف ( حى الفيصلية) و منتظر من حضرتك عناوين المكاتب من الأرشيف الخاص بسيادتك و طبعا مش هنسى حضرتك بالدعوات و كل أعضاء منتدى المحاورات.

الأخ مزهيرى:

أشكر حضرتك جدا على صراحتك معايا بس يا ريت أفهم الفرق بين العمل النظامى و غير النظامى و فى الاول و الاخر الرزق نصيب وبيد الولى عز و جل.

الأخ the sad man :

شكرا جزيلا على المعلومات القيمة.

محمد عصام

2006 / 9 / 18

[MZohairy]

الأخ مزهيرى:

أشكر حضرتك جدا على صراحتك معايا بس يا ريت أفهم الفرق بين العمل النظامى و غير النظامى و فى الاول و الاخر الرزق نصيب وبيد الولى عز و جل.

الأخ the sad man :

شكرا جزيلا على المعلومات القيمة.

محمد عصام

2006 / 9 / 18

بص يا سيدي

العمل النظامي بتبقى على كفالة صاحب العمل و بتبقى ماشي قانوني في كل شيئ

الغير نظامي بتبقى شغال من غير اوراق رسميه او عقود و ده بيحصل كتير على فكره انما في اماكن لا تقبل هذا الشيئ

[M.ESSAM]

شكرا جزيلا أستاذ مزهيرى على التوضيح و ربنا ميحرمناش منكم ابدا..

[بندر]

الأخ مزهيرى:

أشكر حضرتك جدا على صراحتك معايا بس يا ريت أفهم الفرق بين العمل النظامى و غير النظامى و فى الاول و الاخر الرزق نصيب وبيد الولى عز و جل.

بصراحه انا شايف ان والدتك محظوظه جداااا .. لان مدينه الطائف فعلا امنيه اي انسان يشتغل فيها . الجو الجميل .. وقربها من مكه المكرمه..

وايضا المدينه ليست كبيره مثل الرياض او مكه او جده .تعتبر من المدن الهادئه والمتوسطه.. يعني بحجم اسكندريه من غير البحر ..

باقي المعلومات . زي ما قالت مصريه الهوي . ......الخ

نقطه العمل النظامي والغير نظامي ..

انت جاي محرم مع والدتك. هل مستوصف حكومي العقد مع الحكومه .. .. او مستوصف اهلي . ..؟؟؟

علي كل حال ما اعتقد تفرق الحالتين....كثير ..

لو العقد حكومي . مع وزاه الصحه. اوشركه شركه تشغيل .. فالامر بسيط لو وجدت فرصه عمل وفرص العمل كثير .. كل ما عليك هو ..

بعد ماتتفق مع صاحب الشغل .. تطلب من وزاره الصحه نقل كفالتك الي المؤسسه الجديده ..وكل ما في الامر ..انو يطلب من الكفيل الجديد اقرار بان يكون عملك في الطائف ..

لوكان العقد مع مستوصف اهلي ( خاص ) لا يحتاج الامر . الي اي اجراء.. يمكن ان تعمل بنظام الاعاره.. اونقل الكفاله .

علي فكره الطائف مشهوره بانواع الرمان والبرشومي ..الممتاز ..

وهي تقع في اعلي سلسله جبال السروات ..

بتعدعن الرياض 1000 كم.. ونا هستناك عند اول اشاره في مدخل الرياض .. ابعث لي مسج اول ماتوصل ..

تحياتي

[ahm_ali_baba]

السلام عليكم و رحمه الله و بركاته

ان شاء الله تعالى سوف تسافر والدتى الى السعودية قريبا جدا للعمل كطبيبة تحاليل فى احدى مستوصفات مدينة الطائف وهناك احتمال كبير جدا ان اسافر معها كمرافق لذلك اطلب من كل شخص يعرف اى معلومات عن مدينة الطائف ان يفيدنى من حيث الجو و بعدها عن كلا من ( مكة - المدينة - جدة ) و هل هى المدينة عمرانة ونشيطة مثل جدة مثلا وهل بها اماكن ترفيهية كمولات تجارية و اماكن تنزة عامة وان كان هناك مواقع على الانترنت اكون شاكر جدا...

و حيث أنى اعمل مهندس معمارى ( هل هناك فرصة انى أجد عقد داخلى اعمل من خلاله أم أن الامل ضعيف )

واتمنى من اهل الخبرة فى السعودية الاساتذة ( سى السيد - لخبطة - مزهيرى ) ان يفيدونى بحكم خبرتهم فى السعودية مع انى اعلم انهم يسكنون مدن اخرى و لكن اتمنى ان يكون لديهم علم .

اسف جدا على الاطالة

شكرا جزيلا على سعة صدركم

محمد عصام

2006 / 9 / 17

أعتقد انه ليس من حقك مرافقه والدتك إلا اذا كنت عائلها الوحيد

[dr/alfa]

السلام عليكم

يا جماعة انا جايلي عمل فى مدينة الخبر

ايه رايكم فى المدينة دي ؟؟؟ أنا متزوج ومعي اطفال .

اعمل طبيب ورايح مستوصف هناك .

مستني آرائكم ؟؟

[MZohairy]

قوللي عايز تعرف ايه بالضبط وانا اقولك

تحياتي

[dr/alfa]

السلام عليكم

والله انا دي اول تجربة عمل خارج القطر المصري

وخايف اتصدم من المعاملة هناك , انا متابع الحوار التاني عن معاملة المصريين

وقلقان .

مش يهمني المادة على قدر اهتمامي بردود افعال الناس هناك .

خاصة اني عارف ان منطقة الشرق كلها شيعة او الغالب ... كدة

[MZohairy]

مفيش حاجه وحشه ابدا

المعامله عاديه بصفه عامه

والناس الطف شويه من أهل الرياض بحكم كونها ميناء ويوجد تعامل كثير مع الغير

الوحش موجود والحلو موجود

والشيعه اقليه والتعامل معهم من أحسن ما يكون

و هم غالبا ناس مهذبون و محترمون ويسلكون سلوك الأقليه في اي بلد و مفيش حاجه ابدا ممكن تخوفك منهم

البلد جميله و صغيره و جنب البحرين ب 25 كيلو تقريبا

لو محتاج حاجه تاني اسأل

تحياتي

[أبو زياد]

تصديق على كل ما قاله الأخ زهيرى ,

والله د ألفا مرحبا بك أخا لنا هنا أو فى أى مكان

بدون أى خلفية عن مكان العمل نفسه و ظروفه فالخبر مدينة جيدة جدا و اظن أكبر ميزة فيها هى النسبة الكبيرة من الأجانب و التى تعطى الطبيب فرصة جيدة من ناحية الخبرة

مهنة الطبيب عموما فى السعودية هى أفضل معاملة فى المجتمع لأنه فى النهاية طبيب

ولكن من أهم عيوبها الضغط المادى من صاحب المستوصف الذى يعتبره منشاة تجارية لا تهدف إلا للربح بصرف النظر عن أى اعتبارات مثلما فى مصر

وهذه النقطة ترجع فى الأساس لتقييمك أنت لمكان الوظيفة و طبيعة الإدارة و الشخص نفسه الذى يتولى الإدارة

فى النهاية راجع نفسك حتى أخر لحظة و لا تقلق فمهنة الطب هنا مطلوبة جدا و يوجد فرص كثيرة