يا تلتميت مرحبا بعودة قلب المنتدى وفشته ...سي السيد

[se_ Elsyed]

أيوة يا س س قول علشان الناس تعرف إن مصر فيها خير كتير و بقت أغنى من السعودية

دلوقتي الناس في مصر بتبعت إعانات للي عايشين في السعودية

اللي يشوف بلاوي الناس تهون عليهم بلوته يا موديست يابني

دول يا سيدي 3 مهندسين شغالين في شركة أحد زملائي في مصر .. وفتحوا فرع هنا ولسه جايين طازة من مصر وفاكرين إنهم في المدينة الفاضلة .. فدخلوا الجامع يصلوا وتركوا اللاب توبات بتاعتهم وفلوسهم في العربية ولم يمكثوا إلا دقائق معدودة وخرجوا لقوا العربية مكسورة وكل شيء راح ... أظرف حاجة إن واحد فيهم بيسألني : هو هنا برضوا في كده ؟ فقلت له ده في كده وفي كدهوت وديكهوا كمان ... فجبت لهم إمدادات معايا من مصر وربنا فرجها ..

طبعا بقينا أصحاب غربة واحدة بس انا في جدة بقالي 10 أيام بس

مرحب يابو زُمل ... 10 أيام ؟!!!! يعني لسه طيارتك ماروحتش .. والأكل المدني لسه في بطنك .. هاع هاع هاع .. منور يا دُفعة وجيشك حلبه بإذن الله .....

عاوز كام يا حمد؟

تحت أمرك

و مش شرط تسدد القديم دلوقتي

لما ربنا يفكها عليك ابقى قسط على راحتك

ما عدا كمبيالة الأرض و مصاريف المدارس

ويا ترى هانمشي على النسبة القديمة ولا غيرتها حسب معطيات السوق ؟

أصل زهيري ياخوانا شغال في المجال ده من زمان ..

ومشهور هنا بإنه رجل البر والإحسان .. وكل اللي مزنوق بيروح يفك زنقته عنده .. بس الشهادة لله هو حنين .. وبيخرج الـ 100 دولار بـ 110 في الشهر .. وبيقبل أي حاجة رهن يعني حتة سيغة ... جاموس بعيالها ... حُجة بيت .. كده يعني

مش قولتلكو إنه رجل البر والإحسان

[MZohairy]

:)

و ما كنا لنهتدي لولا ان هدانا الله :)

حمدالله على السلامه :blink:

[النسر المصري]

ياااااااااااااااه..ايه ده ياجماعة...مش مثدق خالث بثراحة.....اونكل ثين ثين بحاله هنا ( معلث ..اثل حثلتلي حادثة تانيه بث ف لثاني المرادي) :)

حمد الله عالسلامه ياحامي حماة المنتدى.......(جبتلي صور العرايس اللي قولتلي عليها!!!!) :)

[nancy]

كدة يا زهيرى جاى تفرد على س س

طبقك على اربعة :huh:

وطلعت يهودى مش فاعل خير :)

وبعدين يا س س انت مش قلت جاى اسكندرية وكلمت الباشمهندس

ونورية كلمتنى علشان نتقابل فقلتلها استنى دة س س جاى

وحنعمل عزومة سمك وجمبرى وكابوريا عند ايلع

والبنت جابت الرمل الزينة

واستنينا واستنينا :)

وتطلع حتى محودتش على اسكندرية

نورية تعالى يا بنتى نروح انا وانتى والبنات ناكل السمك زمانة برد :blink:

[عطر]

الف حمد الله على السلامة

المكان نور من تاني

[محمود الشاعر]

ايه ده س س و واحد تاني

والله العظيم المحاورات كانت فاضية من غيركم

وحشتونا والحمد لله على السلامة

[Sherief AbdelWahab]

عذراً لعدم وجودي في المنتدى لمدة ثلاثة أيام ..

وأعاود الترحيب بسين سين حبيب الملايين .. العائد بعد طول الغياب للمنتدى والأحباب.. ورغم إن البيت بأهله منور ، بس بعودتكم نور أكثر وأكثر .. :o

خلص الكلام

[khedr]

سي السيد

.................

.................

................

................

................

................

يا عوازل فلفلوا

.................

حمد الله علي سلامتك

[MZohairy]

الى كل محبي سي السيد

الحمدلله :excl:

انا رحت زرته امبارح بالليل و سلفته المبلغ المطلوب ولله الحمد :P

لم يعد سي السيد في أزمه كما كان بفضل المال الذي قمت باقراضه بعد فضل الله

الراجل حياته اتغيرت تماما و نسي كل المشاكل

نحمد الله جميعا -_-

[نورية]

بصى يا نانسى ..

انا عمالة من ساعتها باحلم باليوم اللى سى السيد ( يعزمنا) احنا و كل اعضاء المنتدى الاسكندرانية ..

لكن للاسف...

اهو لا جه اسكندرية ولا معاه فلوس من اساسه..

خسارة..

بس لسة فيه امل...

اهو مسيو زهيرى سلفه فلوس اهوه..

يعنى لسة العزومة قائمة.... و بالمرة هاتى اسرتك و حبايبك و جيرانك.. و انا كمان راح اجيب بابا و ماما و بالمرة ابعت لخطيبى ييجى ياكله معانا لقمة.... انا باقول كمان كل واحدة من رابطة يا نساء العالم اتحدوا تيجى معاها اسرتها..و اصحابها...و كل اللى نفسه يعزم حد عزمه براحته... كله على خساب صاخب المخل سى السيد..

و العاقبة عندكم فى المسرات

[واحد تاني]

واحد تاني .. إزيك يا مان وأخبارك إيه .... شكل الحبر اللي بتكتب به مصري .... إنت في أجازة ؟

تمام سعادتك ... الحبر شيني ... وارد مكتبات الطبيب والمهندس بكامب شيزار :wub:

انا عمالة من ساعتها باحلم باليوم اللى سى السيد ( يعزمنا) احنا و كل اعضاء المنتدى الاسكندرانية ..

...

...

بس لسة فيه امل...

اهو مسيو زهيرى سلفه فلوس اهوه..

يعنى لسة العزومة قائمة....

اسافر...

ماسافرش...

اسافر...

ماسافرش...

اصل دي عزومة سمك ... وعند ايلع ... وعلى حساب مين ... ده س س بحاله

انا بقول استنى يومين كمان واشوف هترسي فين ... :ninja:

[Horus]

يا تلتمييت مرحبا ... و الفين حمد لله على السلامه !!

نورت المحاورات يا أبو عمر

[se_ Elsyed]

مازال الترحيب متواصل

مرة أخرى ... أبنائي الأعزاء شكراً ..... وباحبكو كلكو زي ولادي

أما أنتي يا نورية ياللي عايز تورطيني ..... فـــــ

بقى عايزه تعزمي مصر كلها على حسابي ؟

لكن ولو

جيب السبع ما يخلاش وإن خس جسمي كفاية إسمي ... وإن راحت مؤهلاتي فكفاية مداخلاتي

يا نورية يا بنتي ده أنا سون سون بتاع السبعتلاف .. يعني بعون الله أدخل أي مطعم وأبيع المداخلة بجنية واحد فقط لا غير وأغطي أجدعها عزومه

والله لأعملها فيهم وفي أخر العزومه أقول لهم : عن أذنكم أروح أظبط مكياجي في الحمام وأقوم ناطط من الشباك الوراني وأخلع .. ويبقوا يوروني شطارتهم في غسل الصحون .. وخصوصاً نوريه اللي هابقى شمتان فيها لما إيدها تبوش من الكلور والبوتاس اللي بيبقى في الفيري قاهر الدهون اللي ناعم على الإيدين والصحون "