أخبار ومناقشات حول أحداث لبنان

[الذئب الوحيد]

احب بس أنوه أنى سأتجاهل اى رد فيه سخرية أو استهزاء أو سباب لان لا وقتى و لا خلفيتى الاجتماعية و الثقافية تسمحلى اتبادل السباب و التريقة الى اخر سفاهات الجهلاء هذه

ردا على الاخ عصام الذى أحيى ردوده العقلانية المتحضرة :

طيب هو بس أنا ليا ملحوظة .. مسألة "سفاحى" حزب الله دى ما بتتقالش غير فى اسرائيل .. وفى حدود معلوماتى حضرتك بتكتب من مصر !!

ما تخلينا نقصر المسافات .. ونكشف كل الورق !!

انت مصر برضو على انى يهودى مصرى زى الاخ اللى قال او الاخ التانى اللى بيقول هاها ان انا عميل للموساد الذى أصيب عملاءه بالأسهال لخطورة منتداكم على الامن القومى الاسرائيلى :rolleyes:

ليه الاهتمام الرهيب ده بمعرفة هويتى تفتكر ده هايفرق فى ايه ؟؟ انتم مش مبادئكم ثابتة و لا تتجزأ ولا تتغير ام هى تتغير حسب هوية من يناقشها؟؟؟؟

عموما انا مش قاصد اخفى هويتى ولا حاجة بالعكس هى شرف افتخر به ...... أنا قبطى

أعتقد أن هذا يفسر ماقلت من انى غير عربى و يفسر لغتى المصرية وانى اعيش بالقاهرة

شوف يا سيدى .. أنا أعرف إن لما انا اضربك قلم .. ترد لى القلم .. مش تروح تجيب تانك جاز وتولع فى الشارع اللى انا ساكن فيه .. خصوصا لما يكون سكانه "خانعين" .. صح؟

و انت ليه تضرب من الأصل ؟؟؟ ده انتم فى دينكم حتى بتقولوا البادى اظلم مش كده ؟؟؟؟

المهم حزب الله ضرب اولا ... خلاص براحته يستحمل النتايج بقى

بالاضافة الى ان هذه الضربات ستعيد للشعب اللبنانى رجولته المفقودة و ستعلمه ان يسيطر على اراضيه كما يفعل اى شعب يحترم نفسه

و لن يدفع المدنيين الاسرائيليين ثمن ضعف شخصية الشعب اللبنانى

طيب .. حزب الله الإرهابى .. خطف جنديين .. (ولعلمك .. فى النهاية برضه ها يحصل تبادل للأسرى biggrin.gif ) يقوم الكيان الصهيونى .. ضارب عربية فيها نازحين blink.gif .. وضارب منازل السكان blink.gif وضارب المطار blink.gif وضارب أى حاجة !!!

زى ماقلت فى ردى السابق استهداف المدنيين اللبنانيين يأتى لافهام الشعب اللبنانى انه لن يدفع اخرون ثمن خيبتهم الداخلية

و عموما ادينا قاعدين و هانشوف تبادل السرى هايحصل ولا لأ زى ماسيادتك تنبأت

و انا شفت امبارح خبر فى التلفزيون ان وزير الخارجية الفرنسى دوفليبان قال ان السنيورة يعمل على تطبيق القرار 1559 الذى من ضمنه تحييد حزب الله اى نزع سلاحه و اعتقد عند نزع سلاحه لن يستطيع حجز هؤلاء الجنود

دورك (محسسنى اننا بنلعب تنس مش عارف ليه) :D

[الذئب الوحيد]

الموضوع و ما فيه ان دول أبناء ضحايا قتلهم قصف سفاحى حزب الله

و كمحاولة لافراحهم يريهم الجيش ان دماء اهلهم لا تذهب هدر

[عصام]

انت مصر برضو على انى يهودى مصرى زى الاخ اللى قال او الاخ التانى اللى بيقول هاها ان انا عميل للموساد الذى أصيب عملاءه بالأسهال لخطورة منتداكم على الامن القومى الاسرائيلى :D

دى سخرية .. وأنا فهمت أنك ترفض هذا الأسلوب .. إذن لا يجوز ان تتبناه تمام؟

ليه الاهتمام الرهيب ده بمعرفة هويتى تفتكر ده هايفرق فى ايه ؟؟ انتم مش مبادئكم ثابتة و لا تتجزأ ولا تتغير ام هى تتغير حسب هوية من يناقشها؟؟؟؟

عموما انا مش قاصد اخفى هويتى ولا حاجة بالعكس هى شرف افتخر به ...... أنا قبطى

أعتقد أن هذا يفسر ماقلت من انى غير عربى و يفسر لغتى المصرية وانى اعيش بالقاهرة

تذكر إنى أعفيتك من الإجابة فى البداية .. وإن كانت معرفة اتجاهات الطرف الآخر مفيدة فى تحديد مسار الحوار .. :rolleyes:

و انت ليه تضرب من الأصل ؟؟؟ ده انتم فى دينكم حتى بتقولوا البادى اظلم مش كده ؟؟؟؟

المهم حزب الله ضرب اولا ... خلاص براحته يستحمل النتايج بقى

هذا يسمى لى الحقائق .. (بتشديد الياء) لأن إسرائيل هى من بدأ بالأساس .. ومافيش داعى نقوم بعملية سرد للتاريخ واختبار للذاكرة وتحدى ثقافى بالكتب المقروءة .. وكما قلت حضرتك .. البادى أظلم .. صح

زى ماقلت فى ردى السابق استهداف المدنيين اللبنانيين يأتى لافهام الشعب اللبنانى انه لن يدفع اخرون ثمن خيبتهم الداخلية

عذر أقبح من ذنب .. إذا كان ما تقول صحيح .. لكنه للأسف غير ذلك .. فإسرائيل تقوم بقتل المدنيين بدافع الإبادة .. ليس إلا .. وطبعا لن اتمنى لك ان تقف موقف اللبنانيين المدنيين لأرى كيف يكون تعليقك وقتها .. :angry2:

أما أنا فتحليلى أن الكيان الصهيونى يقوم بقتل المدنيين لعجزهم بكل آلتهم العسكرية من تحديد مواقع حزب الله الذى فشلوا فى اختراقه منذ نشأته .. يعنى اليهود "بيلوشوا" فى أى حاجة .. بالإضافة طبعا لما تقدم .. وأدعوك إلى تكملة الحوار الذى بدأناه قبل ذلك فى موضوع آخر بخصوص قتل المدنيين .. خمسة أجيبلك اللينك وآجى ..

و عموما ادينا قاعدين و هانشوف تبادل السرى هايحصل ولا لأ زى ماسيادتك تنبأت

أنا كلامى مبنى على وقائع سابقة .. وعموما لو حصل .. يبقى لى عندك إزازة بيبس :D

و انا شفت امبارح خبر فى التلفزيون ان وزير الخارجية الفرنسى دوفليبان قال ان السنيورة يعمل على تطبيق القرار 1559 الذى من ضمنه تحييد حزب الله اى نزع سلاحه و اعتقد عند نزع سلاحه لن يستطيع حجز هؤلاء الجنود

وانا شوفت هتلر بيقول إنه هايمحو اليهود كلهم من على وجه البسيطة .. ومع إنه كان قريب من كدا .. لكن ما حصلش .. غريبة :rolleyes: ونصيحة .. لا تصدق كل ما تسمع

دورك بس مش هنا بس :D

[عصام]

الموضوع و ما فيه ان دول أبناء ضحايا قتلهم قصف سفاحى حزب الله

و كمحاولة لافراحهم يريهم الجيش ان دماء اهلهم لا تذهب هدر

جميل جدا ..

عايزين بقى نبعت للأطفال بتوع الانتفاضة وأبناء الشهداء عشان يكتبوا على الطوب اللى هما عايزينه ..

دا إسمه زرع بذور الكراهية للعرب والمسلمين يا سيدى منذ نعومة أظفارهم .. فى حين أنى أتذكر ان إسرائيل طلبت مرارا حذف ما يشير إلى كراهية اليهود من المناهج الدراسية العربية بل ومن القرآن الكريم ..

بصراحة .. كلامك ضحكنى .. :rolleyes:

[إبن مصر]

الموضوع و ما فيه ان دول أبناء ضحايا قتلهم قصف سفاحى حزب الله

و كمحاولة لافراحهم يريهم الجيش ان دماء اهلهم لا تذهب هدر

لا تسخر منه يا عصام فهذا ما يقنع نفسه به او ما يراه حقا لهؤلاء المواطنين وتعامى عن صوره الرد لان دماء اهلهم لم تذهب هباءا ربما لم يرى صوره الطفله وقريبا سيقول لك ان سفاحى حزب الله هم مقتلوا الفتاه اللبنانيه عشان يصوروها...

انت فاكر حكايه القمر انفع من الشمس...

اصل الشمس بتطلع بالنهار والدنيا نور اما القمر فبيطلع بالليل والدنيا ضلمه فينور....

اعتقد انه اراد تلطيف الجو قليلا فسرد لك هذا الرأى كى يروح عن نفوسنا الحزينه بمقتل هؤلاء الاطفال.

[الذئب الوحيد]

هذا اعتراف ضمنى بانك لست عربى ..فطبعا لست مصريا بالتبعيه وهذا لا يمنع من محاوله تواصلك معنا دفاعا عن انتمائك . فمرحبا بك .اما ما يخص ضميرى وسؤالك عن ما يرضيه فتأكد ان ما يرضينى لن يرضيك.

لست عربى لانى قبطى و مصرى لانى قبطى فكلمة قبطى ان كنت لا تعرف معناها تعنى مصرى

بالنسبة لموضوع ضميرك فى سرد القصة فأنت قد أغفلت نقطة ان حزب الله هو البادى بالعدوان فكيف يتأتى ان يكون ضميرك مرتاح و انت قد أهملت هذا الجزء من القصة ؟؟!!

عدم اتفاقك معى شىء بالطبع انت ر فيه يا عزيزى ولكن على اى شىء لم تتفق على انهم اغلى ام على انه لا يوجد هناك مدنيين من الاساس فى اسرائيل بل كلهم محتلين؟؟؟؟ لان لكل منها رأى ورد مختلف.

مش متفق معاك فى كل اللى قلته انت فى النقطة دى لان المدنيين الاسرائيليين و غير المدنيين لهم الأهمية القصوى لدى الحكومة الاسرائيلية و كلنا رأينا الدمار الذى تلحقة اسرائيل بلبنان لمجرد خطف جنديين هم من الدروز حتى و ليسوا من اليهود

بالنسبة للعلاقة بين المسلمين و الاقباط فهى لامؤاخذة زى النيلة و تابع المواقع القبطية و نشرات الاخبار لتتأكد بنفسك و هم يختلفون معكم تماما فى وجهة نظركم أولا لان الصراع العربى الاسرائيلى هو فى حقيقته : صراع اسلامى - يهودى و هو صراع كما ترى لا ناقة لنا و لا جمل فيه كأقباط

ثانيا لم نرى من اليهود اى ظلم او اعتداء بل انهم يصونون أثارنا فى اورشليم و يدافعون عنها فى حين انتم من يهينها ( حينما احتل ارهابيو شهداء الأقصى كنيسة المهد أستخدموا صفحات الانجيل كورق تواليت) اما عن "حرب" 73 التى تقول اننا حاربنا فيها سويا فكنت دائما اسمع خال والدتى الذى شارك فيها كيف انه كان يتعرض هو و زملاءه من أقباط للاهانة كالتجويع الجبرى فى رمضان و قول الجنود المسلمين للجنود الاقباط : قولوا الشهادتين كى ندفن جثثكم حينما تقتلون كى لا تنهش فى العراء

و بالنسبة لموضوع التكفير اللى عاوز تحاسبنى عليه كما لو كنت انا من أطلقه فبأمكان محاورات المصريين ان تبحث عمن قاله و تطبق عليها قوانينها فأنا لم أطلقه لانى لست مسلم بل اقول ما سمعت فقط

و عموما نرجع و نقول عاوز تصدق صدق مش عاوز شد السيفون على كلامى ياعم

[yacho]

هذا اعتراف ضمنى بانك لست عربى ..فطبعا لست مصريا بالتبعيه وهذا لا يمنع من محاوله تواصلك معنا دفاعا عن انتمائك . فمرحبا بك .اما ما يخص ضميرى وسؤالك عن ما يرضيه فتأكد ان ما يرضينى لن يرضيك.

عموما نرجع و نقول عاوز تصدق صدق مش عاوز شد السيفون على كلامى ياعم

لأ .. لأ .. خلاص يا جماعه .. كده كفايه بقى ..

طالما قال شد السيفون يبقى مصرى :rolleyes:

معلش قاطعتكم .. كملوا كلامكم يا رجاله :rolleyes:

[عصام]

( حينما احتل ارهابيو شهداء الأقصى كنيسة المهد أستخدموا صفحات الانجيل كورق تواليت) اما عن "حرب" 73 التى تقول اننا حاربنا فيها سويا فكنت دائما اسمع خال والدتى الذى شارك فيها كيف انه كان يتعرض هو و زملاءه من أقباط للاهانة كالتجويع الجبرى فى رمضان و قول الجنود المسلمين للجنود الاقباط : قولوا الشهادتين كى ندفن جثثكم حينما تقتلون كى لا تنهش فى العراء

آهى دى بقى بجد ضحكتنى

مش ممكن يا جماعة .. إيه كل الاضطهاد دا؟

يعنى إنت راجل قبطى ابن حلال جدع مخبينى فى بيتك .. أقوم انا أستخدم الإنجيل كورق تواليت ..

وموضوع الشهادة دا كمان ...

لاااا يا عم .. أنا كدا متأسف .. مش هاعرف استمر فى عقلانيتى وهدوئى ..

ورق تواليت؟ :rolleyes:

هو حضرتك بتجيب الكلام دا من فين؟

[وليد صفوت]

لست عربى لانى قبطى و مصرى لانى قبطى فكلمة قبطى ان كنت لا تعرف معناها تعنى مصرى

و مصرى تعنى عربى يا عزيزى الذئب الوحيد ....

و لن تستطيع اقناع العالم كله بأن مصرى لا تعنى عربى و بأن ( جمهورية مصر العربية ) ليست عربية !!! :rolleyes:

بالنسبة لموضوع ضميرك فى سرد القصة فأنت قد أغفلت نقطة ان حزب الله هو البادى بالعدوان فكيف يتأتى ان يكون ضميرك مرتاح و انت قد أهملت هذا الجزء من القصة ؟؟!!

و كيف يتأتى لك انت انت تهمل اصل الحكاية ؟؟؟ و اصل العدوان ...

عدو صهيونى يحتل مزارع شبعا و يرفض الإعتراف بسيادة لبنان عليه ... و هذا ليس غريباً على هؤلاء اللصوص الذين سرقوا ديار اهل فلسطين و قتلوهم ليستولوا على ديارهم .....

ثم ان لحزب الله الحق فى المقاومة مهما كانت الوسائل .... و لم يخطف مدنين و انما خطف عسكريين ... و إن كنت اصلاً اتحفظ على صفة ( مدنى ) مع هؤلاء اللصوص لأن المستوطنين اساساً جنود احتياط و الفرق بينهم و بين العسكريين انهم يرتدون اللباس المدنى .......فقط !

يا سيد الذئب الوحيد كلامك مليئ بخلط الأوراق ..... من فضلك راجع معلوماتك ....

تحياتى ....

[الذئب الوحيد]

دى سخرية .. وأنا فهمت أنك ترفض هذا الأسلوب .. إذن لا يجوز ان تتبناه تمام؟

لما تبطلوها أبقى ابطلها

تذكر إنى أعفيتك من الإجابة فى البداية .. وإن كانت معرفة اتجاهات الطرف الآخر مفيدة فى تحديد مسار الحوار ..

انا كنت اقصد كلكم مش انت بس اللى مهتم ..... بس حلوة تحديد المسار دى

هذا يسمى لى الحقائق .. (بتشديد الياء) لأن إسرائيل هى من بدأ بالأساس .. ومافيش داعى نقوم بعملية سرد للتاريخ واختبار للذاكرة وتحدى ثقافى بالكتب المقروءة .. وكما قلت حضرتك .. البادى أظلم .. صح

أحنا بنتكلم على نقطة حزب الله و ضرب بيروت يوم الاربع اللى فات انما انت عاوز تخرجنا للموضوع الأعم و الأشمل اوكيه برضو انتم اللى ابتديتوا و طردتوهم من ارضهم و مش معنى انكم عملتوا كده من قرون ان حقهم سقط فى ارضهم

عذر أقبح من ذنب .. إذا كان ما تقول صحيح .. لكنه للأسف غير ذلك .. فإسرائيل تقوم بقتل المدنيين بدافع الإبادة .. ليس إلا .. وطبعا لن اتمنى لك ان تقف موقف اللبنانيين المدنيين لأرى كيف يكون تعليقك وقتها

انت عاوز تفهمها على انها ابادة افهمها عاوز تفهمها على انها تأديب الشعب اللبنانى براحتك برضو بس ده مش هايوقف اسرائيل عن اللى بتعمله

أنا كلامى مبنى على وقائع سابقة .. وعموما لو حصل .. يبقى لى عندك إزازة بيبس

انا كمان كلامى مبنى على وقائع سابقة و عموما خليها صندوق مش ازازة بس ياعم :rolleyes:

وانا شوفت هتلر بيقول إنه هايمحو اليهود كلهم من على وجه البسيطة .. ومع إنه كان قريب من كدا .. لكن ما حصلش .. غريبة blink.gif ونصيحة .. لا تصدق كل ما تسمع

ياخبر النهارده بفلوس بكره يبقى ببلاش ادينا قاعدين مستنيين

[/size]

[إبن مصر]

كلاكيت تانى مره مسلسل المغالطات والختراعات..

لست عربى لانى قبطى و مصرى لانى قبطى فكلمة قبطى ان كنت لا تعرف معناها تعنى مصرى

بالنسبة لموضوع ضميرك فى سرد القصة فأنت قد أغفلت نقطة ان حزب الله هو البادى بالعدوان فكيف يتأتى ان يكون ضميرك مرتاح و انت قد أهملت هذا الجزء من القصة ؟؟!!

هل بدأ العدوان فقط حبا فى العدوان ام انه قد تم احتلال ارضه من قبل واسر الكيان الصهيونى له رجالا عشرات السنين .. وبعدين انت بتغالط نفسك يا عزيزى هل توقف التاريخ عندك فقط عند ما فعله حزب الله ام انك ولا مؤاخذه جديد فى التاريخ؟؟؟

مش متفق معاك فى كل اللى قلته انت فى النقطة دى لان المدنيين الاسرائيليين و غير المدنيين لهم الأهمية القصوى لدى الحكومة الاسرائيلية و كلنا رأينا الدمار الذى تلحقة اسرائيل بلبنان لمجرد خطف جنديين هم من الدروز حتى و ليسوا من اليهود

انت بجد تعنى هذا الكلام ام انك فعلا تستخف بمن تناقشه ان كان هذا هو الوضع فمعلش طبقا لمبادئى المطاطه ما زلت مشفق عليك

بالنسبة للعلاقة بين المسلمين و الاقباط فهى لامؤاخذة زى النيلة و تابع المواقع القبطية و نشرات الاخبار لتتأكد بنفسك و هم يختلفون معكم تماما فى وجهة نظركم أولا لان الصراع العربى الاسرائيلى هو فى حقيقته : صراع اسلامى - يهودى و هو صراع كما ترى لا ناقة لنا و لا جمل فيه كأقباط

ثانيا لم نرى من اليهود اى ظلم او اعتداء بل انهم يصونون أثارنا فى اورشليم و يدافعون عنها فى حين انتم من يهينها ( حينما احتل ارهابيو شهداء الأقصى كنيسة المهد أستخدموا صفحات الانجيل كورق تواليت) اما عن "حرب" 73 التى تقول اننا حاربنا فيها سويا فكنت دائما اسمع خال والدتى الذى شارك فيها كيف انه كان يتعرض هو و زملاءه من أقباط للاهانة كالتجويع الجبرى فى رمضان و قول الجنود المسلمين للجنود الاقباط : قولوا الشهادتين كى ندفن جثثكم حينما تقتلون كى لا تنهش فى العراء

كيف فعلا تتوقع من اى عاقل ان يصدق ما تقول من ان الصراع اسلامى يهودى ... مش قولت لك عندك ازمه هويه؟؟؟؟؟

وبعدين الاكاذيب واسمح لى ان اقول اكاذيب وبالطبع هذا طمعا فى سعه صدرك التى تروجها عن موضوع كنيسه المهد الرد عليها من قساوسه ورهبان الكنيسه نفسهم الذين رفضوا تسليم المقاومين وليس السفاحين لان نخوتهم العربيه ودينهم المسيحى لا يسمح بتسليم من لجأ اليهم وليس احتل كنيستهم... مش قولت لحضرتك مصدر معلوماتك مجهول..

ثم موضوع اثاركم الى فى اورشليم دى مش شايف انك يعنى الموضوع وسع منك شويه والا انت بتكلم مع من لا يعلم شيئا عن التاريخ؟؟؟ لا تستخف بمن تناقشهم كى لا يستخفوا بك فتفقد اعصابك يا عزيزى....

اما موضوع خال ولدتك دا فمعلش ..... يعنى المصدر الموثق الى هو خال والده حضرتك ده مش هارد عليك فيه عشان متزعلش وكفايه ان هنا معاك يا .... قبطى..... كثير من الاقباط الى حاربوا حرب كيبور وعارفين كويس ايه الى حصل فمحاولتك الصبيانيه لسرد حكاوى" خال والدتك" لن تنطلى على أحد....حقيقى مشفق عليك يا عزيزى..

و بالنسبة لموضوع التكفير اللى عاوز تحاسبنى عليه كما لو كنت انا من أطلقه فبأمكان محاورات المصريين ان تبحث عمن قاله و تطبق عليها قوانينها فأنا لم أطلقه لانى لست مسلم بل اقول ما سمعت فقط

و عموما نرجع و نقول عاوز تصدق صدق مش عاوز شد السيفون على كلامى ياعم

هنا نتوقف قليلا .... مصدر سماعك كما هو الحال فى قصص خال والدتك ليست بحجه يا عزيزى ومحاورات المصريين لم يصدر بها تكفير لاى ديانه سماويه ولن يسمح ابدا بان يتعدى اى كائن كان حدود الادب عند الحديث عن الاديان وخصوصا الاسلام طبقا لان اغلبيه " المصريين" مسلمين ودينهم ينهى عن هذه الخرافات..

نرجع بقى فى النهايه لموضوع الحمام والكلام الى ريحته وحشه فعلا ....

الزم الادب عند الحديث مع اى شخص اعتبر لك كيانا ورد عليك.... هذا الاسلوب وان كنت تتبعه بالرغم من " خلفيتك الاجتماعيه والثقافيه " التى تتشدق بها للمره الاخيره غير مقبول واذا شعرت ان كلامك مكانه الحمام فلا تلقه بوجه الاخرين ولن تستمر شفقتى عليك طويلا..

ولكن اطمئنك انى لم أمل من الرد على ما تكتب

سعدت بحوارك وشكرا لسعه صدرك....

[وليد صفوت]

زى ماقلت فى ردى السابق استهداف المدنيين اللبنانيين يأتى لافهام الشعب اللبنانى انه لن يدفع اخرون ثمن خيبتهم الداخلية

هذا مبدأ اللصوص اليهود و انا فى غاية الإندهاش ان تتباناه !!

هل تعقل ما تقول يا عزيزى ؟

هل لو انقلب الحال و وقفت مصر موقف لبنان بسبب المقاومة و ضربت مدرسة فى مصر ( اسمها بحر البقر ) هل ساعتها ستتمسك برأيك ؟؟؟

تحياتى ....

[عصام]

لما تبطلوها أبقى ابطلها

انا كنت اقصد كلكم مش انت بس اللى مهتم ..... بس حلوة تحديد المسار دى

انت عاوز تفهمها على انها ابادة افهمها عاوز تفهمها على انها تأديب الشعب اللبنانى براحتك

لو راجعت مداخلتك الأخيرة .. ستكتشف أنك بدأت تفقد اعصابك :rolleyes:

بريك .. ولما تهدا نكمل ..

ولو مش عايز بريك .. قول

:rolleyes:

[إبن مصر]

أحنا بنتكلم على نقطة حزب الله و ضرب بيروت يوم الاربع اللى فات انما انت عاوز تخرجنا للموضوع الأعم و الأشمل اوكيه برضو انتم اللى ابتديتوا و طردتوهم من ارضهم و مش معنى انكم عملتوا كده من قرون ان حقهم سقط فى ارضهم

لا ادرى ما موضوع التاريخ الجديد ؟؟؟؟؟

اى نقطه.. والاربع الى فات هل فى الحوار العقلانى لتحليل موقف تعتمد فيه على تاريخ رد الفعل اذا فيوم الثلاثاء الساعه الرابعه عصرا سب احد اليهود حزب الله واهى واحده بواحده..اما ان نحمل الموضوع برمته او ندعه للايام ولكن لا نتجنى عليها بهذا الشكل الفاضح..

اما موضوع "انتم " طردناهم؟؟؟

اليهود؟؟

ومن قرون؟؟؟

ارجو ان تشرفنى بان تخبرنى مصدر معلوماتك التاريخيه التى بحق قد تغير شكل وتخطيط وترسيم الوطن" العربى" ام ان المصدر هو كسابقيه من كل مصادر اطروحاتك ومناقشاتك.

ان التاريخ يا عزيزى اقوى من ان يغيره فرد او جماعه او كيان بزج الاكاذيب به لان الشاهد عليه امم وليس شخوص..

سعدت بحوارك جدا....

[El-Masri]

مفيش دولة إسمها إسرائيل، إسمها فلسطين المحتلة وإن إعترفت حكوماتنا العميلة بتلك الدولة العنصرية القبيحة.

[الاسكندرنى]

السلام عليكم

اولا انا مشاركتى ديه بعيده كل البعد عن اساس الموضوع

وذلك لاننى اتمنى ان اتكلم مع الذئب الوحيد ابو ورق توليت ده بص يا حبيبى ولا اقولك شالوم يا صاحبى :D

يعنى سؤال بسيط كده انت مسيحى يا عمى ولك الشرف اوكى ماقولناش حاجه ولا اقولك انصارى و اطلعلك وش ابن لادن واجى مزعق فى ودنك واقولك الجهاد :rolleyes:

بس ليه بتقول على نفسك قبطى

ده بسبب ان والدك وانت لسه بيبى قالك ان انت قبطى فا كبيرت على هذا الاعتقاد :rolleyes:

طيب بص يا صاحبى الاعتقاد ده غلط و مش حقول اكتر من كده لانى عارف الكلام ده مش حيعجبك

ثانيا انت ليك اصحاب مسلمين صح ده شى اكيد ولا انت مقيم فى الكنيسة بتاعت الحى بتاعتكم و حصلت على لقب سيستر او اخت

اسالك سوال هو انت تقدر تفتح الموضوع ده معهم على ما اعتقد ان انت مش بتقدر تقول اى حاجه من الكلام ده قدامهم وش لوش

فا بتستعمل الطريقه ديه ان انت تتكلم من وراء الشاشه و ضامن ان مش حتلاقى حاجه فى وشك و بتقول اى حاجه و ياريت تكون فاهم لا يا خبيبى انت حافظ مش فاهم وعلى فكره كل المواقع القبطيه اللى انت تقصدها ما تختلف عنك فى حاجه يعنى طول النهار كويسين و بيضحكوا و باليل فى بيتهم فى بيتهم يعقدوا به خمسه فلسفه حافظين برده مش فهمين

بس الحق لله واحده اللى هو فرد صمد اللى مالوش ولد فى حاجه جميله اوى فى المواقع ديه يعنى لو عاوز تهيص شويه فى افلام و اغانى كده ببلاش فا ياشحابى اللى يجى منه احسن منه حتى لو كان يورو ملفوف فى ورق توليت :angry2:

انا تقريبا قولت اللى عاوز اقوله دلوقتى و عاوز اعرف حاجه تانيه

من عصام شوقى

يا عصام فى موضوع انت فتحته بترحب بالذئب الوحيد اعوووووووووووووووووو

هو الموضوع كده يا عصام ولا ايه اصلى كنت مستغرب اوى ان انت ترحب بعضو بس دلوقتى عرفت ان فيها فيل ولا انا غلطان برده يا عصام

[وليد صفوت]

ردى على كلام ,الذئب, ان الاسر للجنود كان داخل اراضى دولة لبنان وليس خارجها وان اسرائيل هى ارض فلسطين

ياسلام كده لو تنتبه وقت مشاهدة الاخبار زى مابتنتبه وقت مشاهدة افلام اللى بالى بالك

حزب الله اخترق الخط الازرق و دخل اسرائيل ليفعل ما فعله و ليس كما كذبت انت و قلت

اما موضوع ان فلسطين هى اسرائيل الخ ...... فهذا موضوع طويل طويل قد نختلف فيه او نتفق و لكن لن يمنع هذا الواقع الحالى الا و هو وجود دولة يهودية مستقلة فى ذلك المكان

هذة هى المرة الأولى التى يتهم فيها احد الآخر بالكذب صراحة فى محاورات المصريين ....

هذا لفت نظر لك يا استاذ الذئب الوحيد امام الأعضاء الأفاضل و امام من اهنته بنفسك ان تتحرى اللياقة فى الرد ...

الإدارة

[الذئب الوحيد]

غريب هذا لأول مرة يتفق الاحرار و الأرهابيين على شيىء

أنظروا هذا الخبر :

http://arabic.cnn.com/2006/lebanon.escalat...ites/index.html

[El-Masri]

المصدر "السى إن إن"

فعلا شغل يهود.

[DARWEEN]

من تقصد بالإرهابيين ؟؟

ومن تقصد بالإحرار ؟؟