"أتفال" هذه الأيام

[Sherief AbdelWahab]

محدش يقول لي كلهم أطفال.. إيه اللي يفرق الطفل اليومين دول عن الطفل زمان شوية؟

خلص الكلام

[Tafshan]

محدش يقول لي كلهم أطفال.. إيه اللي يفرق الطفل اليومين دول عن الطفل زمان شوية؟

خلص الكلام

الفرق هو حجم المدخلات ..

يعنى في جيل الراديو و الحصان الخشب و السبع طوبات ...

و جيل التليفزيون و البنك الحظ ..

و جيل الفيديو و الاتارى B)

و جيل الدش و البلاي ستيشن و الكمبيوتر و الانترنت mfb:

طبعاً ما ينفعش تبقى الاجيال دى من الاطفال تبقى زي بعضها .. اكيد الاخير ح يبقى ادراكه اعلى و بيفهم اكثر و زكائه اكثر او اقل حسب ترتيب المدخلات ..

بس خلاص

[عليـ***ـاء]

طفشان جاب الخلاصة

اللي يخلي اخويا الصغير ابو 8 سنين يقولي

علياء انتي سلبية ............." سلبية " دا انا معرفتش معناها الا اما اخدت الاعدادية

تقولي كلهم اطفال

[مصرية الهوى]

أتفال mfb:

هما أساسا بيتمسوا أتفال -_-

عندي بنت خالي عفريتة عندها تلاتة ونص .. مرة تقولي :

انتي بتعرفي ترقصي زي نانسي عجرم في آه ونص B)

ومن يومين كده كانت واقفة هي وبنت خالتي وسمعتها تقولها :

ياه ده بطني بتوجعني ... خايفة أحسن أكون حامل :blink:

وبسم الله ماشاء الله مخططه للمستقبل من دلوقتي ..

بتقول لما اكبر هتجوز ميدو ابن عمتي ( معاها حق الواد حليوة :sad: ) وهأخلف بنت وولد

البنت هنسميها "دانا " والولد هنسميه "بيتر" -_-

[Sherief AbdelWahab]

أطفال هذه الأيام طفولتهم طويلة شوية ، طويلة جداً!

أطفال هذه الأيام أعلى صوتاً داخل السايبر ، سواء أكان سايبر هاي أو سايبر بيئة .. مبيعرفوش يلعبوا وهمة ساكتين أبداً..

أطفال هذه الأيام بيتقمصوا بسرعة الصاروخ!

خلص الكلام