سؤال فى المعمار للمتخصصين

[محمد عبدالعزيز]

اﻷخوة المعماريين المتخصصين

عاوز أشترى شقة وبعدين شفت العمارات وهى بتتبنى بس لقيت الطوب مش أحمر بس بصراحة مش عارف اسمه

هو شكله معمول من أسمنت ومصمت بس السطح الخارجى بتاعه مش أملس, يعنى السطح الخارجى بتاعه عامل زى مايكون فقاقيع من اﻷسمنت

هل حد يعرف الطوب ده وياترى نوعيته كويسة ولا مش كويسة؟

[أحمـ باشا ـد]

الطوب الأحمر القديم ولى زمنه و ما يقاربه في الشكل هو الطوب الطفلي الآن

و ما أشرت أليه هو بلوكات الطوب الأسمنتي

أما من ناحية النوعية فذلك يتطلب أختبارات على نوعية المستخدم في الموقع

و أنا أعتقد من سؤالك أنك تسأل عن متانة الأنشاءات

فإذا كان الأمر كذلك فأن نوع الطوب المستخدم في الأنشاء ليس هو العامل المؤثر

المهم هو الهيكل الأنشائي الخرساني و الأساسات من حيث طريقة التصميم و التنفيذ

فحتى لو كانت التصميمات جيدة في الرسومات فأن التنفيذ الجيد لها هو المهم

أعتقد أنه لكي يطمأن قلبك و حتى نكون عمليين فأنت في حاجة لمهندس معماري تطلب منه معاينة الموقع

فهو سوف يكتشف طريقة التنفيذ في الموقع و هل يقومون بالتنفيذ حسب المواصفات أم لا كما أنه يستطيع تقييم التصميمات المنفذة

و الأهم من ذلك هو نوعية خامات و طريقة تنفيذ التشطيبات حيث أن نسبة الأنشائي ألى التشطيب تماثل حوالي 21 بالمائة

و هو ما يغفل عن تقديره الجميع

[محمد عبدالعزيز]

جزاك الله خيراً

أخيرا حد عبرنى

عموماً يعنى مرحباً بك أنا شايف دى أول مشاركة لك فى المنتدى

بيتك ومطرحك

[eygptianmido]

بداية السلام عليكم ورحمة الله وبركاته

اخوكم مقاول تشطيبات صغير

على حد علمى ان الطوب الاحمر زمنة ما انتهاش ولا حاجة بس كل الموضوع بيرجع لعملية الاحمال والاوزان والاستخدام ممكن يستخدم كستائر ممكن يستخدم كاحمال ممكن يستخدم حسب الغرض المطلوب فى البناء فى حالة الهورد اما فى حاله الهوليوبلوك له استخدام معين وفى حالة الحوائط الحاملة ومازالت موجودة فى الارياف وبعض المناطق العشوائية يفضل الطوب الاحمر والبلوك الابيض فى الاساس مع عملية العزل بالبتومين فحضرتك انا يعمل معى مهندسون معماريون ومدنيون واستشاريون ممكن لو جاد اقوملك بالموضوع كامل من خلال عقد ومكتب هندسى متخصص

وكان ومازال بفضل الله ليا نصيب فى العمل فى مواقع كتيرة وشركات اكتر

واذا كان فى اى حد محتاج اى مساعدة دة رقم تليفونى

***************

الأخ الفاضل

غير مسموح بالدعاية التجارية في محاورات المصريين

نشكر لك تفهمك

تم تعديل 28 مايو 2008 بواسطة أسد
حذف بيانات الإتصال