يوم الإثنين مقاطعة "البنزين - والتليفونات "

[عاشق مصر]

"إن الله لا يغير ما بقوم حتى يغيروا ما بأنفسهم " أو كما قال

وتعرفوا كلمة قالها " أحمد زكي " رحمه الله في فيلم "البيضه والحجر"وهي "إذا غلي علي شئ تركته فأصبح " وبصراحه أنا مش فاكر الباقي ياريت اللي فاكرها يكملها

لأن كل شئ هيغلي وهتشوفوا والحجه معروفه هي "زيادة أسعار البنزين "

واللي عانده إراده يقاطع كل أي شئ كمالي ونحن غدا نركز فقط على مقاطعة شراء البنزين حتى نخلي الحكومةالمستبده تركع على ركبتيها - أعتقد ذلك لو كلنا يد واحده "نقفل التليفونات / ونروح الشغل من غير عربية " هو إحنا هنموت

يوم الأثنين مقاطعه " شراء البنزين / إغلاق جميع الهواتف " - خلينا إيجابيين ولو لمرة واحده وهنشوف النتيجه "بإذن الله"

مرة زيادة ثمن اللحمة وساكتين

مرة زيادة رسوم التليفونات وساكتين

مرة زيادة رسوم البنزين وبرضه ساكتين

مرة زيادة ؟؟؟؟؟؟؟

وهلما جرة ......

إلى متى والحكومه هتفضل دايسه على رقاب الشعب المطحون

لازم نكون إيجابيين أكثر وأكثر علشان الكلاب إللي بينهشوا في لحم الشعب يزيد أرصدتهم في الخارج إللي موجوده في بنوك سويسرا وغيرها طبعاً ومش عاوزين يستثمروها في بلادهم

تعالوا نخلي يوم الإثنين "بكره" نقاطع التليفونات وكمان نعمل مقاطعه "للبنزين" والله هتخسرهم ملايين ومليارات وهنلاقيهم عادوا الأسعار كما كانت وإلا إحنا خدنا خلاص على "الضرب على القفا ونسكت " والله بكره هأعمل إضراب عن شراء البنزين

إضراب يا جماعه إضراب ونخلينا يد واحده ولو لمرة واحده وهتشوفوا هيعملوا إيه - حتى لو منفعيش نعمل يوم تاني وتاني حتى يستجيبوا لماطالب الشعب الغلبان ده

الله يخرب بيت الحكومة إلي مجوعانا وكمان معريانا وكمان ؟؟؟؟؟؟؟؟ أنتوا عارفين

[أحمد عمر]

كلنا ايد واحدة يا مرسي

[محمد عبدالعزيز]

أنا ماعنديش عربية بس مستعد لمقاطعة التليفونات

[عاشق مصر]

يارب وحد كلمتنا

وأعنا على حكومتنا الفاسدة

[الأفوكاتو]

كنت أود أن أكون بمصر لكى أشارك فى المقاطعة, و لكنى اتصلت بأسرتى مناشدا تعضيد هذه المقاطعة, و هذا أضعف الإيمان.

دعونا ندعوها دعوة للإستيقاظ.

تحياتى لكل مشارك مقاطع.

[eltayer]

انتوا بتتكلنموا علي الحكومة وكأنها حرمية هو فعلا في حرمية في مصر كتير بس انتوا لما تسافروا بره هتعرفوا ان مصر دي برقبة اكبر دولة سواء عربية او اجنبية علي فكره اسعار البنزين في مصر ارخص بكتير من اسعار البنزين في دول الخليج دول البترول احنا في مصر كل حاجة مدعمة الدول التانية مفيهاش حاجة اسمها دعم هو صحيح المرتبات في مصر ضعيفه عشان كدة انتوا بتحسوا ان الاسعار غالية وهي في الحقيقة مش غالية ولا حاجة

وبعدين الشعب المصري هيستفاد ايه لما الحكومه هتخسر كام مليون هو الي هيخسر مش الحكومة الكام مليون دول عشان الحكومه تلمهم تاني هترفع اسعار حاجة تانية غير البنزين والتليفونات

الاحسن ان نقاطع المنتجات الاجنبية عشان هي دي الي بتخلي الاسعار ترتفع ونخسر الدول الاجنبية مش نخسر مصر ونخسر احنا

[محمد عبدالعزيز]

انتوا بتتكلنموا علي الحكومة وكأنها حرمية هو فعلا في حرمية في مصر كتير بس انتوا لما تسافروا بره هتعرفوا ان مصر دي برقبة اكبر دولة سواء عربية او اجنبية علي فكره اسعار البنزين في مصر ارخص بكتير من اسعار البنزين في دول الخليج دول البترول احنا في مصر كل حاجة مدعمة الدول التانية مفيهاش حاجة اسمها دعم هو صحيح المرتبات في مصر ضعيفه عشان كدة انتوا بتحسوا ان الاسعار غالية وهي في الحقيقة مش غالية ولا حاجة

وبعدين الشعب المصري هيستفاد ايه لما الحكومه هتخسر كام مليون هو الي هيخسر مش الحكومة الكام مليون دول عشان الحكومه تلمهم تاني هترفع اسعار حاجة تانية غير البنزين والتليفونات

الاحسن ان نقاطع المنتجات الاجنبية عشان هي دي الي بتخلي الاسعار ترتفع ونخسر الدول الاجنبية مش نخسر مصر ونخسر احنا

mfb: :blink: :mellow: :blink:

[kanayat]

انتوا بتتكلنموا علي الحكومة وكأنها حرمية هو فعلا في حرمية في مصر كتير بس انتوا لما تسافروا بره هتعرفوا ان مصر دي برقبة اكبر دولة سواء عربية او اجنبية علي فكره اسعار البنزين في مصر ارخص بكتير من اسعار البنزين في دول الخليج دول البترول احنا في مصر كل حاجة مدعمة الدول التانية مفيهاش حاجة اسمها دعم هو صحيح المرتبات في مصر ضعيفه عشان كدة انتوا بتحسوا ان الاسعار غالية وهي في الحقيقة مش غالية ولا حاجة وبعدين الشعب المصري هيستفاد ايه لما الحكومه هتخسر كام مليون هو الي هيخسر مش الحكومة الكام مليون دول عشان الحكومه تلمهم تاني هترفع اسعار حاجة تانية غير البنزين والتليفونات الاحسن ان نقاطع المنتجات الاجنبية عشان هي دي الي بتخلي الاسعار ترتفع ونخسر الدول الاجنبية مش نخسر مصر ونخسر احنا

==============

* يا أخي ... ياعزيزى ... ياريت تقرا الكلام إللي انت كاتبه .. لأتمكن من توجيه سؤال لك .. هل أنت فعلا عايشت مشاكل المصريين .. ولو وجدانيا.. ؟

* ياعزيزى .. إن المعيار في تحديد معقولية الأسعار .. هو نسبة السعر إلي الدخل في الدولة محل المقارنة .. وليس القياس علي السعر العالمي كما تقول ...

* حين تتكلم عن السعر العالمي للسلعة في دولة ما ... فعليك علي الفور .. ودون أى تردد .. أن تتكلم عن الدخل العالمي للفرد في نفس الدولة محل تداول تلك السلعة .. لتتناسق النتائج وتنسجم .. لاأن تستجلب السعر العالمي من الخليج مثلا .. ولا تستجلب معه دخل الفرد الخليجي .. بل تحاول إدعاء تناسبه مع دخل الفرد المصرى.. !! بالذمه ده كلام .. ؟ .. السعرالخليجي ÷ الدخل الخليجي ..... السعر المصرى ÷ الدخل المصرى .. بكده ممكن تحصل علي نتائج سليمه .

* ولنضرب مثلا ... كيلو اللحم في مصر 30 جنيها وهو سلعة حيوية .. ومتوسط دخل الفرد المصرى 300 جنيها شهريا .. إذن فكيلو اللحم يمثل (10%) من دخل الفرد المصرى .. بينما في الإمارات مثلا .. حيث متوسط دخل الفرد 3000 درهم شهريا .. بينما متوسط سعر الكيلو من اللحم 15 درهم للقطع الممتازة.. فإن كيلو اللحم يمثل ( نصف من واحد بالمائة ) من الدخل الشهرى للفرد في الإمارات.. أى أن تكلفة الكيلو محملة علي الفرد المصري بعشرين ضعف ما يتحمله قرينه في الإمارات .. أى أن سعر كيلو اللحم في مصر يجب أن يكون ( جنيها ونصف ).. أو يصير في الإمارات (300) جنيه للكيلو الواحد.. وحينها يتاح لك استخلاص نتائج ( صحيحة ) إن شئت.