انغــــــــــــــــــــــام .........اصـــــــــــالة........ حالة شجن

[وليد صفوت]

نظرياً كلامك صح طبعاً .... بس انا برضو سمعتهم الإتنين .... على الأقل فى الحفلات مع المزيكا ( و انت عارف ان المزيكا احياناً بتلخبط المؤديين اللى معندهومش موهبة حقيقية و أذن موسيقية و فى الغالب بتجرّهم خارج المقام و خصوصاً لو فيها هارمونى كتير ) .... طبعاً نانسى كانت متمسّكة بالمقام الموسيقى بطريقتها الخفيفة و اليسا كذلك ..... بس انا قدّرت ان المزيكا اللى بتختارها اليسا فى البوماتها هى نقطة تفوق على نانسى و على غيرها كمان .... انا - كتقييم شخصى - ارى ان مزيكا البوماتها لا تقارن بمزيكا البومات عمرو دياب ( السخيفة ) بل تقف بعد موسيقات الرحبانية مباشرة فى العالم العربى ......

و الحقيقة ان البومها الأخير ( بستناك ) إذا استثنينا أغنية الشريط ( بستناك ) سنجد ان كل الشريط يحوى موسيقى راقية و رفيعة الذوق .....

انما نانسى تعتمد اساساً على أدائها الطفولى المحبوب من الجميع و على كليباتها ايضاً ... بس الألبوم ده الظاهر طلعت منها اوت لأنها فشلت فى اختيار الحان جذابة او حتى اختيار موسيقى جيدة كما فعلت فى اغانيها الجميلة ( سحر عيونه ) و ( يا سلام ) ....

[Sherief AbdelWahab]

إليسا نشزت بشكل صارخ عندما غنت "سيدي وصالك" على الام بي سي ، رغم أن اللحن ليس بالصعوبة المتوقعة..

خلص الكلام

[وليد صفوت]

سيدى وصالك لحنها صعب اوى يا شريف

إسال مجرب زى ما بيقولوا

و محدش عرف يغنيها اصلاً زى انغام ..... يعنى لحن unique فعلاً .....

و اصلاً لحن سيدى وصالك معمول تفصييييييل لأنغام فقط ... و ده راجع لسبب :

ان انغام سمعت لحن ( قمرين ) غناء عمرو دياب قبل ما عمرو يشترى اللحن فعلياً ...و عجبها جداً و كانت طايرة بيه ....

لكن للأسف ما لحقتهوش من عمرو دياب اللى سارع بشرائه ....

و ده خلاها تمسك فى رقبة شريف تاج ( الملحن العبقرى صاحب اللحنين دول ) و قالتله ان لازم و لابد انه يعمل لها لحن لا يقل عن ( قمرين ) و يستغل مساحات صوت انغام بالكامل ....

و ده اللى خلاه يعمل اللحن ده بعد عدة تعديلات من انغام شخصياً ......

و لذلك نجد فى النهاية ان اللحن التفصيل زى اللبس التفصيل ... مستحيل يليق إلا على الشخص اللى اتفصل عشانه ....

[المدهش]

وليد ..الفنان..

عجبني تحليلك الموسيقي جدا..لكن ليه يا فنان ما تفيدناش أكثر وتبتدي موضوع ترد من خلاله على أسئلتنا حول الغناء والموسيقى على غرار موضوع المهندسة نانسي عن الديكور وموضوعي"الذي لم يسترع انتباه سوى شريف عبد الوهاب عن حال الصحافة والصحفيين"..ولو سمحت لي سأبدأ على الفور في طرح هذا الموضوع