وجه الفرق بين المرض والزاوج ...اوعى وشك لو دخلت مش هتخرج من هنا سليم

[القرموطى]

ما هو الفرق بين الزواج والمرض ............

المرض ده شىء ملكش دخل فيه وعشان كده لازم تشكر ربنا وتصبر

ولكن الجواز انته الى عملت كده فى نفسك يا حلو

المرض فى منه الخبيث والمستعصى والعرضى والبسيط ولكن الجواز كله نوع واحد .........الخبيث

المرض فى دكتور شاطر يعرف يعالجك ولكن الجواز ولا دكاتره الدنيا ممكن تتصرف معاه

اخر صيحه فى العلاج فى المرض كانت عمليات اللليزر واخر صيحه فى علاج مشاكل الزواج هى عمليات الخلع

ا وانته مريض هتتوجع لحد ما تخف ولكن لما تتجوز ,,,,,,,,,,,,,,,,,,,,هتتوجع العمر كله

وانته فى المستشفى الدكتور بيكون لابس ابيض والممرضه بتكون لابسه ابيض عشان تحسسك ان الفرج قريب ولامل فى الشفاء موجود ...فى الفرح المعازيم بيكونوا لبسين اسود والمأزن لابس اسود عشان تعرف مصيرك هيكون ايه من الاول

وانته مريض الدكتور مش ممكن يرجع لك تمن العلاج والكشف تانى ويقولك روح يابابا ولكن فى الجوزا ممكن هتلاقى الى يديلك المهر ويقولك روح يابابا انته مخلوع

فى المرض بتقابل الممرضات الى بيسموهم ملائكه الرحمه

وفى الجواز بتقابل مرتك وحماتك ....وانته عارف طبعا بيسموهم ايه

الموضوع مفتوح للجميع والى عنده اضافه يكون جميل جدا لو حطها

ولا عزاؤ للسيدات واللمره التانيه ارجوكم محدش يفتن

[القرموطى]

ايه يا رجاله .......انتوا خيفين ولا ايه

عيب عليكوا عوزين ردود

[se_ Elsyed]

أنا حاسس إن نهايتك يا قرمط هاتكون في صينية صيادية

وخلي بالك عندنا هنا كام واحده إسكندرانية مجدع ولهاليب في عمايل السمك ( صح يا نانسي ؟ )

وخصوصاً كمان إنهم ماعندهمش قراميط في إسكندرية ..

والقراميط أساساً مرتبطة بنيل القاهرة الساحرة .. فهايتلموا كلهم عليك ويطلعوا غلهم وغلبهم وزهقهم من القاهريين اللي بيزاحموهم في الصيف .. فيك إنت ..

والقاهريات مش هايسكتوا وساعتها هاينسوا إنتماءتهم الطائفية والعرقية وقت الجهاد وسيلبوا نداء الواجب وينضموا إلى أخواتهم المرابطين في الثغر ..

يالله بالهنا والشفا

ولو سمحتي يا نانسي إبقى سيبيلي السلسلة بتاعت القرموط مع شوية رز .. وماتنسيش السلطات ...

[القرموطى]

عم سى السيد صباح الصباح والى جاى احسن من الى راح بقى ده الى قدرت عليه والى ربنا قدرك عليه يا عم

طب قول اى كلمه تساعدنى بيها انما مكنش العشا ولا كان الغدا حتى يا عم

وعلى فكره مش عاوز منك اى مساعده انا خلاص لقيت شريك جديد فى الكفاح الرفيق انيس منصور

وعلى فكره احنا مبنخفش والنوم على السلم مش بيوجع الظهر ولا حاجه

ولا حتى غسيل المواعين بيتعب الايدين

يعنى من الاخر متحولش انك تثنينى عن طرق الجهاد المقرطس الى انا سلكته

[كمبورا 6]

إنا لله وإنا اليه راجعون