وداعاً للكآبة ..نفسي أسمع خبر حلو!

[بنت شعنونة]

مبرووووووووووك الترقية يا نسسسسسسسسر

" عقلي الباطن ما فهمش ولالالالالالالالا كلمة :happy: "

بس الف الف مبرووووووووك برضة :angry:

وعقبال صرف الرواتب للجميييييييييييييييييييييع :blink:

[المدهش]

نانسي..

شكرا على ذوقك وما تقلقيش ..الحمد لله أنا عندي شغل في مصر ووضعي هناك كويس ..وغيروا رئيس التحرير اللي كنت مختلف معاه ورئيس التحرير الجديد أفضل نسبياً وعلاقتي به مش بطالة.

هامر..

شكرا على تشجيعك..لأن كل من يعرف قراري بالعودة إلى مصر يهاجمني وكأنني أحمق أو مجنون ..

اسود وتعالب ..

باركتي لواحد وتركتي اتنين..رفع عن أمتي السهو والنسيان..

النسر..

مبروك الترقية ..أنت تستحق كل خير ..وان شاء الله الأمورتعود كما كانت..اصبر يا صديقي وما صبرك الا بالله

الشعنونة..

12 ساعة شغل من 8 ل8 مع وجود زوج وأطفال مسألة صعبة خصوصاً وان الاستفادة المهنية مش موجودة لان المركز بعيد ومش معروف..علشان كده ممكن تفكري في موبينيل ..شركة معروفة ومستقبلها حلو والراتب هيزيد..مجرد رأي وأتمنى لك التوفيق.

[بنت شعنونة]

مبروك العودة يا مدهشششششششش

معلش والله لسا واخدا بالي :happy:

بس الشرط ..

اوعى تجيب سيرتنا لما تنزل مصر :angry:

[اسود وتعالب وارنب]

مبروك يامدهش وانشاءالله يكون نزولك فاتحه خير عليك يارب لو تسالنا كلنا عاوزين ننزل بس ماباليد حيله مبروك النسر وربنا يستر انا كمان عندي مشكله مع الكفيل وكالعاده عشان الكنسله ادعولي بالتوفيق ويفوت الشهر دا علي خير لان القلق مدمرني تماما ادعو لي جميعا

[سمـ مصر ــا]

النسر المصرى

الف مبروك على الترقية الكبيرة قوى دى

الف مبروك ياسيادة مدير ادارة التقنية الفنيه في المنظمه العربيه لتطوير البرمجيات التعليميه :ninja:

طبعا حبعتلك العنوان لزوم شوية برامج قوية كدة لأطفالى :D

[مصرية يعني مصرية]

فين خالتي نزاكة تسمعنا أحلى زغروتة

لولولولوولولولولوولوليييييي

يا سلام

يامدهش انت مدهش ومواضيعك مدهشة زيك

والله الأخبار الحلوة وحشتنا أوي

والحمد لله سمعتها :blink: عنك و مبروك عودتك أرضك عود محمود إنشاء الله :ninja:

ألف مبروك يا شانا ربنا يكرمك في شغلنتك الجديدة يارب والله فرحتلك :D

و مبروك يا شاعر ربنا يوسع مشروعك و يسهل لك و يغنيك من فضله :unsure:

النسر المصري

الف مبروك عليك الترقية و ربنا يجعلها أول الأفراح و كل إلي بعدها

زيها و أحسن كمان

[المدهش]

اسود وتعالب ..

ربنا يجيب العواقب سليمة ويكرمك ان شاء الله ..ويبعد عنك اللي بالي بالك..

مصرية يعني مصرية..

مش عارف انتي جبتي كل جدعنة بنات البلد دي منين ..يعني ولا أجدعها بنت من شبرا ..كلك ذوق ..شكراً لك وأتمنى ربنا يحقق لك أحلامك واسمع منك خبر حلو قريبا بإذن الله ..

[النسر المصري]

واضح ان الناس هنا داخله تفرح وبس.....طيب انا مش هعكر الصفو بردو وهعمل عبيط وهفرح ... وهعمل وش محمد سعد لما طلع في فيلم عوكل بدور جدته ويقول

الله يخليييك ياست نانسي...ربنا يكرمك كده وتبقي باشمهودظه قاد الدنيا

والنبي كمان يا ست الضاكطوره يا شعنونه انت انبسط كده وانتشخت من كلامك.....ده كلامك حلو اوي

والحج مدهش اوي كده مش عارف ليه..انما ايه...كلمات كده حلوه ورنانه...ربنا يباركلك ياشيخ

وست سما مصر االاصيله ...يااااه...متتخيليش قد ايه اسعدنس كلامك ،وحياة رينا.... انما انا تحت امرك يااوختشي ...انتي تأمري امر يا اميرة المنتدى

اما بقى ماقولكيش بسطني اد ايه كلامك ياطنط مصريه يعني مصري......عجبني اوي كلامك ياطنط...بس انت جوزيني ياطنط وهي تسلك

[hopsan]

خد يا عم المدهش خبر حلو

ابنى اخيرا قبل يروح لدكتور السنان ..بعد ما اسنتفدت كل السبل و الطرق و تفتأ ذهنى عن فكره جهنميه

اتصلت بيه صديقته ..بنت اموره و صغنونه و على قده ...بتسأل عليه فقلت لها لو عايزه مصلحته و تشوفيه كتير ..اقنعيه يروح لدكتور السنان ...بعد ساعتان لقيته بيقول انا رايح لدكتور السنان ...قلت فى سرى ميجبهاش إلا مفعيصها

[عادل أبوزيد]

تصورت من عنوان الموضوع أنه "وصلة حزن و تعديد" على حال البلد ! و هذا ما لا يختلف عليه إثنان لدرجة إن الأخبار المحزنة أو أخبار النكد من الكثرة لدرجة إنك لا تدرى كيف تتعامل مع رد فعلك مع نفسك.

ما سبق كان إستهلالا لابد منه

وجدت الموضوع يحوى العديد من الأخبار زاهية الألوان و لكنها على المستوى الشخصى ، إتجاه جيد لمحاولة مقاومة التعاسة القومية.

أولا مبروك للفاضل مدهش و أكيد ستكون سعيدا بالعودة و ستستطيع أن تنفذ العديد من أفكارك .... فى بلدك و لو أحيانا بالنية الطيبة

الفاضلة شانا ألف مبروك بس إسمحيلى أفكرك بضرورة توثيق خبراتك كلها و لو لم تصب فى مسار واحد و إحتفظى دائما معك بنوتة صغيرة تكتبى فيها log بكل منجزاتك حتى لو لم تجدى الصياغة السليمة الكافية المعبرة بعد فترة ربما تستطيعين إعادة الصياغة .... ستفاجئى يوم ما بإنك مطلوب منك تقولى أن السنوات من كذا إلى كذا كنت أعمل فى الحتة الفلانية بإشراف فلان الفلانى و قمت بالبحث العلانى ...... أعرف طبيبا نابها و لكن خبرته لمدة عشرين سنة غير موثقة بأى شئ و موجود الآن خارج البلاد و لايستطيع أن يستشهد بأحد إلا الورق.

الفاضل الشاعر أتمنى أن تنجح فى مشروعك و لكن عليك الحذر فال business model فى مصر مختلف و ستجد الكثيرين الذين يزينون لك الإنفاق و هو أسهل شئ فى المشروعات فى البداية عليك ببذل الكثير من الجهد بحثا عن مصارف البيع و التوزيع.

الفاضل نسر .. فى النهاية هى ترقية فى الإتجاه الصحيح و ألف مبروك و مشكلة المرتبات سيتم حلها بالتأكيد.

و بالنسبة لى فعندى خبرين أو ثلاثة

أهمهم إن إبنى الكبير محمد قرر رفض العرض المغرى المقدم من شركة عالمية و لا يمكن مقاومته و هو للعمل خارج مصر و عندما عرف الفاضل احمد محمود و عرف التفاصيل و ظروف عمله فى مصر فقال لى ليس أمامك إلا إتخاذ قرار سيادى فى أسرتك برفض فكرة السفر و الحمد لله محمد قرر وحده رفض السفر و البقاء بين أحضانى .... صحيح شركته قامت مشكورة بتعديل جذرى فى مرتبة ووظيفته من أجل الإحتفاظ به و قد قام أمس بالرد على الشركة العالمية يشكرهم و يرفض العرض.

الخبر التانى إن أولادى محمد و أحمد .... "قرأوا فاتحتهم" تقريبا نقدر نقول خطبوا رغم إن الخطبة - فى ظنى - لا تعتبر خطبة بدون الشبكة و الدبلة المقدر لها بعد شهر أو إثنين ..... و كلكم تعلمون ما يصاحب الخطبة من إعلان حالة الطوارئ فى المنزل و كذا أعباء الزيارات العائلية المتعجلة ربما بغرض مزيد من الإستكشاف على الجبهات الثلاث و كذا توثيقا لعرى المعرفة بين العائلات الثلاث و و و إلخ إلخ

لكم أن تتصوروا مدى فرحى بهذه الخطبة المزدوجة ربما لايقدر ذلك إلا من هم فى مثل سنى و مروا بتجربة مشابهة

دامت أفراحكم و مسراتكم

[shahd]

الف مبروك على كل الأخبار الحلوة

ليكم كلكم احفادي الأعزاء :closedeyes: نفر نفر......... ونفراية نفرايه

تيتا شــــــــــــهد

[nancy]

انت طلعت مشكلة يا قبطان تلف اللفة دى كلها علشان يوافق على دكتور الاسنان :closedeyes:

[النسر المصري]

اخبار جميله جميله اوي اوي منك يااستاذ عادل

وربنا يكتر من افراحنا جميعا يارب....قولو آمين

[hopsan]

انت طلعت مشكلة يا قبطان تلف اللفة دى كلها علشان يوافق على دكتور الاسنان

يا باشمهندسه نانسى

ماهو انا غلبت معاه و طلعت عينى لدرجه انى وعدته لو راح لدكتور السنان ارسمله شنب علشان يبقى كبير و أوديه عماره يعقوبيان و...اللذيذ فى الموضوع انه تيجى بنت مفعوصه و كلمه واحده منها يروح الباشا علطول مسلم ويقول حاضر و الأكاده راحت معاه تسليه علشان الوجع يا عينى و لما شفتها فى النادى قالت لى شفت بقى يا اونكل ...قلتلها شفت و بصمت ..عليكى باللبن بأه ..اصله مش بيحبه ...ربنا يستر على رجاله الأيام الجايه

[المدهش]

مبروك يا أستاذ عادل على خطبة أحمد ومحمد..

ربنا يكتر الأفراح ويجعل كل ايامهم سعادة..لكن انا مش فاهم ليه حضرتك لم تكن متحمساً لعمل ابنك في شركة عالمية خارج مصر..هل فقط الدافع عاطفي لكي يظل في حضنك -بحسب تعبيرك- أم أن هناك أسباب موضوعية.

[shahd]

و بالنسبة لى فعندى خبرين أو ثلاثة

أهمهم إن إبنى الكبير محمد قرر رفض العرض المغرى المقدم من شركة عالمية و لا يمكن مقاومته و هو للعمل خارج مصر و عندما عرف الفاضل احمد محمود و عرف التفاصيل و ظروف عمله فى مصر فقال لى ليس أمامك إلا إتخاذ قرار سيادى فى أسرتك برفض فكرة السفر و الحمد لله محمد قرر وحده رفض السفر و البقاء بين أحضانى .... صحيح شركته قامت مشكورة بتعديل جذرى فى مرتبة ووظيفته من أجل الإحتفاظ به و قد قام أمس بالرد على الشركة العالمية يشكرهم و يرفض العرض.

الخبر التانى إن أولادى محمد و أحمد .... "قرأوا فاتحتهم" تقريبا نقدر نقول خطبوا رغم إن الخطبة - فى ظنى - لا تعتبر خطبة بدون الشبكة و الدبلة المقدر لها بعد شهر أو إثنين ..... و كلكم تعلمون ما يصاحب الخطبة من إعلان حالة الطوارئ فى المنزل و كذا أعباء الزيارات العائلية المتعجلة ربما بغرض مزيد من الإستكشاف على الجبهات الثلاث و كذا توثيقا لعرى المعرفة بين العائلات الثلاث و و و إلخ إلخ

لكم أن تتصوروا مدى فرحى بهذه الخطبة المزدوجة ربما لايقدر ذلك إلا من هم فى مثل سنى و مروا بتجربة مشابهة

دامت أفراحكم و مسراتكم

استاذنا الفاضل عادل ابو زيد الف الف الف مبروك لهذه الأخبار الطيبة وادام الله عليك وعلى كل من تحب السعادة دنيا واخرة

تم تعديل 13 يوليو 2006 بواسطة شهد

[مصرية يعني مصرية]

ألف ألف مبروك لأحمد و محمد :D

ياأستذ عادل و إنشاء تفرح بيهم و بولادهم يارب

تم تعديل 14 يوليو 2006 بواسطة مصرية يعني مصرية

[سمـ مصر ــا]

الف مبروك يا أستاذ عادل لأحمد ومحمد وبالرفاء والبنين

[عليـ***ـاء]

والله موضوع جميييييييييل فعلا ....... الواحد لو عد الايام السعيدة اللي عاشها هيلاقيها كلها ايام الطفولة ونجاحه في الثانوية العامة ودخوله كلية اتصدم بيها بعد كده ماعلينا .......

اولا من حظكم اني بعرف ازغرد ......

اولا زغرودة لــــــ

بنت شعنونه ......... علي الوظيفة الجديدة ربنا يوفقك فيها يارب

وزغرودة لــــــــ

محمود الشاعر ....... علي المشروع يارب يتم علي خييييييييير

زغرودة لــــــــ

النسر المصري...........علي الترقية

زغرودة لــــــــ

أ. عادل ابوزيد.......... خطبة احمد ومحمد ويارب يتمم بخير يارب مااكون نسيت حد لونسيت حد يجي ويقولي وانا ازغردله اي خدمه بس ..........

اققول خبري انا بقي

نجاااااااااح اخواتي الاتنين ..........الصغيرة في الاعدادية بجموع كويس........والوسطنية في كلية الطب .......يارب يارب يارب عقبالي انا كمان لما تنصفني قدام ابويا وامي وانجح انا كمان

[المدهش]

مبروك يا علياء لنجاح أخواتك..الصغيرة والوسطانية..ويا ترى انتي ترتيبك الكام..قصدي ترتيبك في الأسرة مش على الدفعة..

عقبالك ويا رب تكوني الأولى علىالدفعة..

وبعدين فين يا عليا الزغرودة بتاعتي؟!!!!!