عايز تتعلم ربطات مختلفة للكرافته - أدخل ما تتكسفش

[nancy]

بصى يانانو الكرافات لما بتربطيها عادى بتطلع الربطة رفيعة ولما بتعقديها الاول بتعمل رابطة اكبر شوية

انا جوزى بيخلينى اربطهالة واركب كل كرافات مع البدلة بتعتها

علشان يشدها فتبقى على اد الرقبة وخلاص :wub:

[abofasad]

طيب عرفنا ربطات الكرافتات

انا عندي مشكلة في تطبيق القميص بعد المكوي زي المكوجي

هل هناك طريقة مبسطة تساعدني على تطبيق القميص علشان اخده معايا في شنطة السفر

شكرا مقدما

[nancy]

ابو فصاد

انا حاكتبلك الطريقة بس انت خلى خيالك واسع حبتين

بعد ما تقفل كل ازار القميص تحطة على الوشة على سطح مستوى وتحط مجلة زى روز اليوسف مثلا على النص الاعلى من القميص تحت اللياقة فى وسطها بالظبط وتمسك ايد بالكتف وايد بطرف القميص من اسفل على نفس الجانب ويثنى على المجلة ثم الجانب الاخر وبعدين تثنى نص القميص الاسفل على الجزء العلوى وتسحب المجلا وتقلب القميص حتلاقية مطبق زى المكوجى او زى لما بتشترية جديد

ويارب تكون فهمت منى حاجة :wub:

[نانو]

بصى يانانو الكرافات لما بتربطيها عادى بتطلع الربطة رفيعة ولما بتعقديها الاول بتعمل رابطة اكبر شوية

انا جوزى بيخلينى اربطهالة واركب كل كرافات مع البدلة بتعتها

علشان يشدها فتبقى على اد الرقبة وخلاص :wub:

و مين سمعك يا حبيبتي ما انا بربطله اوقات و هو اوقات تانيه

و كتير بيسيب الكرافته مربوطه علشان الصبح مش بيبقي فيه وقت يربط الكرافته

بس بجد فيه واحده طلعت حلوه اللي هيا الربطه التانيه و ديه اعتقد اللي انتي بتقولي عليها...اصلي بحب الرابطه تبقي مكعبره كده بتبقي كوووووووول :wub:

[نانو]

نا نفسي اوي اشكرك يا اخوايا س س علي الموضوع العظيم ده

يعني رابطات الكرافتات كان لها مردود فعلي و ايجابي ...و العيديه هتزيد :excl:

نسبتك محفوظه طبعا :ph34r:

[abofasad]

نانسي

اشكرك جدا .. وصفك واضح جدا.. بس فات عليكي اني في اسبانيا وما عندناش روز اليوسف .. ينفع مجلة صباح الخير

انا فاكر ان واحد من زملاء المحاورات نزل صور لواحد فلبيني او كوري لا أذكر وشفنا عن طريق عدد من الصور كيف يطبق القميص على كرتونة بمقاس معين بحيث ان القميص بيطلع - زي ما قلتي- جديد

هل تذكرونه

[se_ Elsyed]

شكراً لكل المشاركين

وشكر خاص للراجل اللي بقى له فترة غايب وحارمنا من وجوده

عمي الكبير أبو فصاد .. كبير عائلات أبو فصاد بأشبيلية وريال سرقسطة

بجد واحشنا يا عمو وطولت الغيبة

أنا لو أعرف إن موضوع ربطات الكرافته هايخليك ترجع لنا بسرعة كنت حجزت تذكرة لأسبانيا وجيت كويت لك الهدوم كمان :excl:

---------------

إبنتنا نانو ... إوعي تضيعي العيدية على البومب والمراجيح زي كل مرة .. وكل سنة وإنتي طيبة ..

الباشمهندسة نانسي وكمان نانو .. عايزكو تخطفو رجليكو لحد الرياض وتفهمو مراتي إن من واجبات الزوجة كوي هدوم جوزها وربط كرافتاته ... ده إحنا كاتبين في قسيمة الزواج إنها مالهاش دعوة بالكوي من كتر كرهها له .. وبيني وبينكم وأنا كمان .. لدرجة المكوة تعتبر ضيف شرف عندنا في البيت ونعتبرها قطعة من الديكور التراثي الذي يُضفي جمالاً على أوضة المسافرين ..

[nancy]

اخى س س انا فى الكرفتات مقولقش اخر جمال انما المكوة دى بقى معلش للضرورة القصوة بس

يعنى لو فية قميص هو عاوز يلبسة حالا يبقى اضطر اكويه انما لو مش مستعجل انا اديلة كل الى اتغسل خلال اسبوعين ويكوى بره

اصل المكوة دى بينى وبينك دمها تقيل جدا

وبعدين انا علمت البنات عندى المكوة علشان الى عاوز يكوى يتصرف بنفسة

فمتزعلش المدام عندها حق .. المرة دى :excl:

[Folana]

السلام عليكم ورحمة الله .........ز

ضحكتنى يانانسى والله :excl: ..ربنا يسعدك يارب...انا موضوع ربط اكرفتات ده بيجى معايا كده فهلوة...بعد عدة تجارب فاشلة ..بس الحمد لله زوجى العزيز مالهوش فى الكرفتات خالص...ولا البدل كمان الا فى امناسبات ..

طب تصدقى انا يوم ماجه يقرأ الفاتحة ..كان لابس جاكيت لون وبنطلون لون تانى ..واول مادخل عندنا قال لا مؤاخذة وراح قالع الجاكيت ....

بالنسبة للمكواة...فكل يوم الصبح زوجى يسألنى البس القميص ده ولا ده ...- ده طبعا بعد مايطلع كل الهدوم الى فى الدولاب -

انظر نظرة سريعة كده وانقى القميص الى مافيهوش مشاكل...اقوله البس ده ياحبيبى يروح يقولى طب اكويه تانى ..اقوله لألأ قصدى القميص دوكهى...وهكذا لحد ما اوصل معاه لقميص مكوى ....قال مكوة قال ...

جدو ابو الفصاد...نورتنا وحمدلله على سلامتك وماتحرمناش من وجودك تانى .....

[Modest]

نانسي

اشكرك جدا .. وصفك واضح جدا.. بس فات عليكي اني في اسبانيا وما عندناش روز اليوسف .. ينفع مجلة صباح الخير

انا فاكر ان واحد من زملاء المحاورات نزل صور لواحد فلبيني او كوري لا أذكر وشفنا عن طريق عدد من الصور كيف يطبق القميص على كرتونة بمقاس معين بحيث ان القميص بيطلع - زي ما قلتي- جديد

هل تذكرونه

وصفة هايلة يا نانسي و لكن تسهيلاً على أستاذنا أبو فصاد أضع هنا طريقة سهلة و بسيطة :excl: و الأهم إنها مش محتاجة مجلات :blink:

الطريقة موضحة في الفيديو التالي: طبّق القميص و التي شيرتات بدون كرمشة و لا مجلات :ph34r:

و يمكن تحميل ملف الفيديو مباشرةً بـ Right Click + save target As من هنـــــــــــــــــــــا

[نانو]

بالنسبة للمكواة...فكل يوم الصبح زوجى يسألنى البس القميص ده ولا ده ...- ده طبعا بعد مايطلع كل الهدوم الى فى الدولاب -

انظر نظرة سريعة كده وانقى القميص الى مافيهوش مشاكل...اقوله البس ده ياحبيبى يروح يقولى طب اكويه تانى ..اقوله لألأ قصدى القميص دوكهى...وهكذا لحد ما اوصل معاه لقميص مكوى ....قال مكوة قال ...

يااااااااااااااااربي كأني انا اللي بتكلم بس مش في قمصان الشغل....قمصان الشغل دول متظبطين بالكرافات و كله تمام

المشكله في قمصان الخروج ....ها ..ايه رايك في ده..امسكه في خبث شديد و الاقيه مش مكوي كويس ..لا لأ الناس اللي هنروحلهم شافوا قبل كده

طب ..ده..لا لا برضه لونه مش لايق علي البنطلون..طب ايه رايك بقه في داااااااااايوه هو ده بالظبط....نانو انت بتشتغليني ..انت مختاره ده علشان مكوي كويس.. صح....انا طبعا ابتسم ابتسامه صفرا ..لا يا حبيبي ده انت بتبقي زي القمر ..فيه :)

و كان يوم ...لما طلعت القمصان الكتان ديه ...منه لله بقه اللي اخترعها

س س انا اسفه اوي :) مش هاقدر اخدمك.....انت جيت للشخص الغلط

[se_ Elsyed]

نانسي

اشكرك جدا .. وصفك واضح جدا.. بس فات عليكي اني في اسبانيا وما عندناش روز اليوسف .. ينفع مجلة صباح الخير

انا فاكر ان واحد من زملاء المحاورات نزل صور لواحد فلبيني او كوري لا أذكر وشفنا عن طريق عدد من الصور كيف يطبق القميص على كرتونة بمقاس معين بحيث ان القميص بيطلع - زي ما قلتي- جديد

هل تذكرونه

وصفة هايلة يا نانسي و لكن تسهيلاً على أستاذنا أبو فصاد أضع هنا طريقة سهلة و بسيطة :closedeyes: و الأهم إنها مش محتاجة مجلات :D

الطريقة موضحة في الفيديو التالي: طبّق القميص و التي شيرتات بدون كرمشة و لا مجلات :blink:

و يمكن تحميل ملف الفيديو مباشرةً بـ Right Click + save target As من هنـــــــــــــــــــــا

الجدع موديست ده فزيييييييييييييييع

كل حاجة عنده جاهزة وفي الدرج

موديست موديست

الاقي عندك فيديو سي دي بيعلم طريقة عمل الاومليت من غير ما يلزق في الطاسه <_<

اظن ان كده بقى زنقته في خانة اليك

لانهم لما اخترعوا الفيديو سي دي ما كانوش اخترعوا الاومليت اساساً

[دكتور صلاح]

:closedeyes: الف شكر ياسيى السيد

واللة انا فعلا كنت فى امس الحاجة لموضع زى دة بس متصورتش انة يتنشر يعنى دورت علية ولم اجدة

شد حيلك معنا بقى فى بقيت الملابس

والف شكر على الكرافتات <_<

[se_ Elsyed]

اي خدمة يا دكتور صلاح

بس باقية ملابس ايه ؟!!!!

يعني انا مش متخيل نفسي اكتب موضوع واسميه

" الطرق الخفية في لبس الفالنات الداخلية "

او

" الكبت والتنفيث وكيف ترتدي القميص "

[واحد تاني]

يعني انا مش متخيل نفسي اكتب موضوع واسميه

" الطرق الخفية في لبس الفالنات الداخلية "

او

" الكبت والتنفيث وكيف ترتدي القميص "

"على كل شكل ولون ... سبعين طريقة للبس البنطلون" :P

"البعد عن المتاهات في كيفية لبس الشرابات" :P

والله يا س س تعمل شغل 100-100

:P

[نانو]

يعني انا مش متخيل نفسي اكتب موضوع واسميه

" الطرق الخفية في لبس الفالنات الداخلية "

او

" الكبت والتنفيث وكيف ترتدي القميص "

"على كل شكل ولون ... سبعين طريقة للبس البنطلون" :P

"البعد عن المتاهات في كيفية لبس الشرابات" :P

والله يا س س تعمل شغل 100-100

:P

و ممكن كمان نوسع نشاطنا و نخلي للمراه دور كالاتي

واكتب لكم بعض المواضيع البسيطه زي

الفن والافاده في تغير غطا الوساده

او

ملخص مفيد في النظافه و التنفيض

[عادل أبوزيد]

طالما أنك تبحث هذه الأيام فى موضوع "رباط العنق" فأرجو أن تجيب على سؤالى هذا ... و لا تضحك

كيف أعرف مقاسى فى رباط العنق أو كيف أحدد النقطة من الكرافتة التى أبدأ منها ربط الكرافتة و لا تكون النتيجة إن الكرافتة طويلة أو قصيرة يعنى توصل لمستوى الحزام فقط .

من سنوات طويلة مر علينا بائع كرافتات هندى و كان يحدد هذه النقطة بطريقة سريعة و لكنى لم أنعلمها منه.

أظنك بهذا السؤال ستضيف صفحات و صفحات لرسالة الماجستير التى تكتبها عن "رباط العنق"

أولا نعود للموضوع الأصلى

الفاضل س س لم يتمكن من إضافة شئ عن مقاس الكرافتة !!!

بالمناسبة كل ربطات العنق ذات مقاس واحد و لكن طريقة الرباط نفسها هى التى تحدد الطول و الذى يجب أن يجعل ربطة العنق تصل غلى طرف البنطلون.

فى شرح كثير لكيف تصل إلى الطول الصحيح

How to tie a necktie

[abofasad]

إليكم موقع جديد لطرق رباط العنق

http://p48.75.fr/cravate.htm

تحياتي

[Folana]

السلام عليكم ورحمة الله............

يانهار ابيض...كل ده علشان اربط كرافت ...

الحمد لله انى أونصة ..(وش جمالات زايد)

[Diab]

انا عندي هواية رفع المواضيع القديمة والقيمة الموجودة تحت أطنان من المواضيع الجديدة

للرفع :wub: