رواية عمارة يعقوبيان للتحميل

[KANE]

http://BLOCKED25/files/12856499/yaq.rar.html

تحذير القصة بالفعل للكبار فقط

ولغتها المستخدمه تحوي بعض العبارات المزعجة

[لخبطه]

تسلم ايدك عمنا KANE وياريت والله كل اللى عنده حاجه حلوه رويات كتب الكترونيه يرفعها لنا دي حاجه مهمه جدا

بس الموقع دا متعب ياعمنا مش راضي يحمل :(

بيقولى ان جوز خالتي حمل من نفس الموقع قبل كدا وانى لا يحق أحمل وفيه حد من العيله حمل شوفت العبط

[مصرية الهوى]

شوفوا اللينك ده مباشر :

http://www.yasaree.net/books/yaq.pdf

[وليد صفوت]

يا جماعة انا ركبى سابت من الفيلم ده .... -_-

انا لسه راجع دلوقتى من السينيما.... الفيلم تنفيذه و إخراج و موسيقاه اكثر من هايلة ..... بجد انصح كل رجل انه يشاهده ( بلاش سيدات تشوف الفيلم ... نصيحة بجد من اخوكوا ) :P

بجد الفيلم و الرواية تقييييييييييييييييييلة .... يعنى عاملة زى عصير الطماطم لما يتعصر و يتشرب على طول من غير ما يتخفف .... بتحس و انت بتشربه انك هتتخنق مع انه مفيد ...

اهو الفيلم و الرواية بشكل عام كده .

المؤلف جايبلك كل المصايب و البلاوى اللى بتحصل فى البلد و حاطتها فى وشك و بيقولك اتفرج !! :P :P

بجد انا جالى إكتئاب ... و اعتقد انه هيفضل مسيطر عليا لكام يوم تانيية .....

ربنا يستر .........

سلامى ...

[ايهاب سالم]

شكرا يا KANE

[مصرية الهوى]

بجد انصح كل رجل انه يشاهده ( بلاش سيدات تشوف الفيلم ... نصيحة بجد من اخوكوا ) :D

صحيح إن الرواية مقرفة وبتسبب غثيان بصراحة .. وبايخة نوعاً ما ..

بس بجد : سؤال يطرح نفسه ..

ليه يا وليد قلت إنك تنصح كل الرجال يشوفوا الفيلم والسيدات لا :wub:

[وليد صفوت]

عشان كان فى سيدة و زوجها قاعدين بجانبى فى العرض و بصراحة صعبوا عليا عشان الراجل حاطت ايده على وشه ( مخبيه ) من زوجته عشان محرج من المشاهد المقرفة بتاعت الصحفى الشاذ و فى نفس الوقت هى حاطة وشها فى الموبايل ( قال يعنى مش سامعة اللى بيتقال و اللى بيحصل ) من مشاهد عرى و قلة ادب حتى النخاع ( محدش يسألنى نخاع ايه بالضبط :wub: ) بس القصة نفسها رائعة ....

مش عارف ايه التركيبة السيكوبايتة دى ....

[لخبطه]

تسلم ايدك ياجيجي للمره الثانيه تعطيني هديه بدون قصد:wub: الاول كان بنات الرياض ودلوقتى عماره يعقوبيان

[nancy]

:D ادة يا وليد

ادة انا نازلة مصر كمان 10 ايام وكنت خايفة الفيلم يفتنى كنت حادخلة واحدى فى مول زهران

مش حاقدر استنة خايفة يتشال قبل ما جوزى يجى

اروح ... مروحش ... اروح ... مروحش ... مش عرفة حاشوف الجو اية :wub:

[المدهش]

نانسي

اذا كان ولابد تشوفي هذا الفيلم فلا تأخذي البنات معك..لأنه فيلم سافل ..

[nancy]

انا اكيد طبعا مش حاخدهم حتى لو متكتبش علية للكبار فقط

وعلى فكرة هما كرهينة حتى من التتر الى بيجى فى التلفزيون

عندى فريدة مسمياة عمارة يعقديان مش يعقبيان لانها شيفاة فيلم معقد

(دى عندها 10 سنين)

المهم انا قررت ادخلة حفلة 10 الصبح مع خمس ستات هما شيلة الكلية علشان لوحدى حيبقى شكلى وحش اوى وملفت <_<

[المدهش]

فريدة دمها زي العسل ..واضح ان خفة الدم سمة مشتركة في العيلة كلها..لكن ايه حكاية حفلة عشرة الصبح..مش عارف انا باحس ان السينما مرتبطة دايماً بالمساء..ومش فاكر اني دخلت سينما الصبح من ايام ما كنت بازوغ من المدرسة.. وجميل جدا انك لسه محافظة على صداقاتك من ايام الجامعة ..بسم الله ما شاء الله ..نمسك الخشب..

[وليد صفوت]

لا يا نانسى ادخلى الفيلم لو انتى مصممة .... و بس صدقينى هتبقى فى نص هدومك من الإحراج من بعض المشاهد ( مش كتير .. يعنى ثلثين الفيلم كده <_< ) .....

إذا كنت انا و 14 بنى آدم قاعدين معايا كنا بنلعب فى الموبايلات اثناء الفيلم :D .. و بعض المشاهد بجد لقيت بعض الناس بتتبرم منها و بتقول ( ما تغيروا المشهد ده بقى !! )

[nancy]

شوف يا وليد

كلمة كدة زى الضرب فى الدماغ

عمارة يعقبيان بتتكلم على طريقة فرويد

ان كل مشاكلنا سببها الاحتياج الحسى

وبالتالى كل اسقاطات القصة فيها المشاهد دى

وانا قلت من الاول الفيلم دة فيلم مهرجانات

بمعنى انة بيناقش موضيع تعد من التابوا الى غير مسموح الكلام فيها

فالى قراء القصة وعارف ان كلها مناظر

عارف برضة انها من صلب الموضوع وعدم عرضها يخل بالموضوع الاساسى

يعنى وحاد شاذ عوز يجبلك اية عنه اذا كان هو فى غالب القصة فى بار بمواصفات

معرفة لسبب معرف

حيجبلك هو داخل البار ومن ااباب ينهى المشهد .. اكيد لا

من الاخر الى يدخل الفيلم لازم يكون متاهب نفسيا للى حيشوفة

وبعدين مفيش تدخل رقابى لعدة اسباب

ان البلد محتاجة تغرق فى موضيع من النوع دة علشان متتكلمش فى السياسة

زى بعد النكسة لاننا فى نكسة من نوع تانى نكسة داخلية وهزيمة لكل القيم

فلازم النوع دة هو الى يطلع دلوقت هو دة بتاع الفترة دى

بس انا سمعت ان الفيلم كتكنيك سنمائى هايل ودة الى يهمنى حاليا

[وليد صفوت]

عيوب الفيلم .....

طويييييييييييييييييييل المدة بشكل ممل جداً .....

احداث كثيرة فى الرواية الأساسية مقصوصة من الفيلم .... فمثلاً :

فوجئنا قبل نهاية الفيلم بقليل ان الصحفى الشاذ كان قد اشترى كشك فى مدينة نصر لصديقه لكى يقف فيه ... و لم نكتشف ذلك الا فى نهاية الفيلم عندما عاد صديقه الى الصعيد و ترك له مفاتيح غرفة السطح و مفاتيح الكشك !

اكتشفنا ايضاً بعد نصف الفيلم ان نور الشريف كان يلمع احذية ! فلم يذكر الفيلم إلا فى مشهد قصير جداً لم نفهم منه شيى لنور الشريف يلمع حذاء فى لقطة خاطفة ثم نجده يستيقظ من النوم ! كانه كان يحلم .... و لم نعرف الا من عادل امام ( زكى باشا ) عندما قال لهند صبرى ان هذا النائب كان ( صرماتى ) ...

[ذات الوشاح]

بسم الله الرحمن الرحيم

بصراحه انا قرأت الرواية و ندمانه جدا جدا انى قرأتها و مازلت حتى الان اعتقد انها لا رواية كبار او صغار ديه رواية قليلة الادب و نوع الكتابة ده مش فن او واقع او صراحه لأ قلة ادب علانية

لو ان الكاتب فعلا بارع و عاوز يقدم الواقع بشكل صريح كان قدر يوصل لنا الى هوا عاوزة من غير الفاظ خارجه ووصف كتير في جميع الرواية

و كان نفسى اولع في الرواية لكنها كانت بتاعت اخويا بس حاجه غريبة جدا حصلت ان الرواية مفقودة من شهور و لا ادرى لماذا و اخى يبحث عنها دون كلل و الظاهر ان ربنا استجاب لداعى و اختفت من البيت و عقبال بقيت العالم

اما بالنسبة للفيلم فلا اعتقد ان اي رجال او ست المفروض يدخلوه ليه الواحد يعرض نفسه لمشاهد زي ديه

و لو المسألة مزنقة اوى اوى ممكن الناس تشوفه على الكمبيوتر عشان تقدر تجرى المشاهد المش ولا بد بسرعه

:)

[لخبطه]

معلهش ياجماعه ............. حتى اللنك اللى حاطته مصريه الهوي مش شغال يعني يالدوب قريت 240 صفحه ومش بيكمل باقي الروايه ياليت لو حد عنده لنك للروايه كامله بلييييييييييييييز .........

بخصوص الفليم معروف ياجماعه انه اي فيلم لروايه لازم يقطعها انا عمري ما شوفت فيلم احترم روايه وعرضها كما أراد لها كاتبها إلا حاجات نادره زي الارض لعبد الرحمن الشرقاوي

انا مثلا وانا بقرا في الراويه تذكرت إن الفيلم لعادل إمام وحاولت اربط بين عادل امام واي شخصيه في الروايه فعلا لا يصلح لأي دور في الروايه ....... توقعت ذكي باشا يكون عبدالله فرغلي أو حد من السكه دي انا مش شوفت الفيلم لسه ولا قريت عنه لذلك أنا واثق انها هتكون صدمه لما أشوفه في رسم شخصيات مالهاش نفس ملامح شخوص الروايه ودا خيانه كبيره للمعني اللي في الورق .......... لكن هو عادل إمام دي شغلته هدم كل حاجه حلوه

[مصرية الهوى]

غريبة والله يا لخبطة ..

أنا قريت الرواية من اللينك ده 348 صفحة لحد كلمة تمت ..

[لخبطه]

ورحمة خالى فتوح يا مصريه مش شغال بيحمل لغايه 245 ويوقف حتى جربت اعمله دون لوز ولا فايده بيقطع من النص لو بيحمل عندك جربي سموك كدا تحميله على الجهاز وتبصيه لى بعد كدا واكون شاكر ومقدر ........... حرام انا متعلق في نص الروايه كدا

[Cleo]

عيوب الفيلم .....

طويييييييييييييييييييل المدة بشكل ممل جداً .....

احداث كثيرة فى الرواية الأساسية مقصوصة من الفيلم .... فمثلاً :

فوجئنا قبل نهاية الفيلم بقليل ان الصحفى الشاذ كان قد اشترى كشك فى مدينة نصر لصديقه لكى يقف فيه ... و لم نكتشف ذلك الا فى نهاية الفيلم عندما عاد صديقه الى الصعيد و ترك له مفاتيح غرفة السطح و مفاتيح الكشك !

اكتشفنا ايضاً بعد نصف الفيلم ان نور الشريف كان يلمع احذية ! فلم يذكر الفيلم إلا فى مشهد قصير جداً لم نفهم منه شيى لنور الشريف يلمع حذاء فى لقطة خاطفة ثم نجده يستيقظ من النوم ! كانه كان يحلم .... و لم نعرف الا من عادل امام ( زكى باشا ) عندما قال لهند صبرى ان هذا النائب كان ( صرماتى ) ...

د تلاكيك بقى عشان كنتم محرجين شوية بس...

الفيلم جاء نسخ تماما للرواية لدرجة جريئة جدا... خصوصا مشهد الظابط وهو يأمر باغتصاب المعتقل السياسى ..!!

والتلميح بإن صغار ضباط الشرطة المرتشين تعمدوا إهانة المواطن (عادل إمام) فى القسم وإذلاله...

أما شخصية "كمال الفولى" فحدث ولا حرج...

الفيلم رائع من حيث الصورة والموسيقى حركة الكاميرا... حاجة ماتصدقش انه فيلم مصرى أبدا...