إخلاء سبيل نجل محافظ بورسعيد في قضية تزوير وإختلاس

[se_ Elsyed]

يا متر ... يا عمنا .. إلحقنا الله يكرمك

هو ينفع واحد يكون مُختلس ومُزور وبعدين لما يتمسك يقوم مرجع الفلوس اللي إخدها ويا دار ما دخلك شر ؟

ولا عشان هو إبن سيادة اللواء المحافظ ؟

المصدر : جريدة الجمهورية

[صبح]

يا متر ... يا عمنا .. إلحقنا الله يكرمك

هو ينفع واحد يكون مُختلس ومُزور وبعدين لما يتمسك يقوم مرجع الفلوس اللي إخدها ويا دار ما دخلك شر ؟

ولا عشان هو إبن سيادة اللواء المحافظ ؟

والله يا أخويا س س

بعد استشارة مفتى الترزية (قبل أو بعد ما تفرقش كتير... :angry2: )

أفاد بأنه يجوز وحلال 100% لأولى الأمر فقط من الشعب وليس لعامة الشعب (هذا من الناحية الفقهية المفبركة)

أم من النحية القانونية ....فانت جبت المفيد... (ولا عشان هو إبن سيادة اللواء المحافظ ؟)

[نفسي احبها]

ايه الحكاية

هو انتوا عايزين تخلوا حساب ابن اللواء المحافظ (الحرامي) وابن بتاع الخضار زي بعض ولا ايه

مع ابن اللواء المحافظ سماح مفيش مشكلة

مع ابن بتاع الخضار .. لازم نطبق عليه القانون والحكم ........ وكمان نقطع ايده علشان مش يعملها تاني .

انتوا فاكرنها سايبه ولا ايه ...

فيه حوش

وفيه داهسي وماصي وطاحني ونهابي أموال الحوش

[الأفوكاتو]

عزيزى سى سى,

أزعم أنك بندائك " للمتر", أنك تقصد "الأفوكاتو",

و رغم أن هذا كان لقبى( الودى) قبل إختيارالطريق الأكاديمى, و التدريس الجامعى منذ سنوات بعيدة, إلا أنى ما زلت أحس بفرحة شديدة كلما ذكرنى الأعزاء بهذا اللقب االمنقرض.

لهذا لبيت النداء.

كان بودى الرد على استفسارك, و لكنى للأسف الشديد ليس لدى مستندات القضية الكاملة, التى تمكننى من إعطاء رأى قانونى, حيث بدونها, لا يمكننى الإلمام بكل ظروف ووقائع, و مستندات القضية.

لهذا, سوف أنتظر إلى أن يتم نشر مزيد من المعلومات التى تسمح لى بإبداء رأى غير متحيز.

شكرا يا سى السيد على دعوتى للعشاء.

[على عينه]

اخونا الفاضل سى السيد

باين عليك لا تعرف اى شيئ فى اى شيئ...

ياسيدى الفاضل ادخل على الدستور المادة 40 منه وهو باب خاص بالحقوق والواجبات وشوف المادة بتقول ايه

المادة (40)

المواطنون لدى القانون ليسوا سواء، وهم غير متساوون فى الحقوق والواجبات العامة،وهناك تمييز بينهم فى ذلك بسبب الجنس أو الأصل أو اللغة أو الدين أو العقيدة.

عيبنا ان احنا معندناش اى فكرة عن الدستور

داستووووووووووور يا اسيادنا

[se_ Elsyed]

شكرا يا سى السيد على دعوتى للعشاء

يا فندم العفو ده من بعض خيرك

بس لو سمحت معاك فكة 100 جنيه ظ

على اساس إن العشوه إتكلفت 90 وأنا ماعيش فكه بصراحه :wub:

---

خلينا نتلكم بشكل عام يا متر

هو المتخلس اللي ثبتت عليه التُهمة لو رجع الفلوس .. يبقى كده التهمة تسقط عنه ولا برضوا لازم يتعاقب ؟

لو جينا هنا للقضية هانلاقي أنهم أخدوا حكم بالحبس الإحتياطي لمدة يوم وهو أقصى حكم على ما أعتقد .. يبقى برضوا إزاي يدفع الفلوس ويروح مع أبوه ؟

[se_ Elsyed]

أشاهد الآن برنامج " الحقيقة " للصحفي وائل الإبراشي الذي أستضاف أطراف متورطة في القضية

بالمختصر المفيد .. دي مهزلة مهزلة مهزلة ..

قامت على إستغلال النفوذ لإبن سيادة المحافظ

الذي إكتفى بضرب إبنه بالقلم في النايبة وسداد الفلوس التي تم الإستيلاء عليه

وحُبس باقي المتهمين بدعوى تسديد المبلغ .. طب لمين وليه طالما البيه اللواء سدد ؟

وبرضوا أُثير السؤال الذي شغلني وسألته في أول مداخلة وما حدش جاوب عليه أو لاقي له إجابة

هو ينفع واحد يكون مُختلس ومُزور وبعدين لما يتمسك يقوم مرجع الفلوس اللي إخدها ويا دار ما دخلك شر ؟

عفواً أيها القانون

فليس لك مكانٌ في زمن مبارك