اغنيه انترنتيه

[daktara]

هنِّج جهازى و فرمتُّه            و باحلى ويندوز ظبَّطُّه

وعملت للمودم كونِّكت          وبشوق دخلت الانترنت

ع النتّ شفته وعرفته                    وقريت كلامه وسيِّفته

ورجعت ادوَّر ع الفولدر            وافتح بأوردر ورا أوردر

فاكر انِّى كنت         فى الدوكيومنت          شايلك يا غالى

وياريتنى دُست        اوردر برينت         ولا كان ده حالى

وسهرت ليلى  أفتح ايميلى     أستنى كلمه     منك تيجى لى

راح فين حبيبى يا آى سى كيو   راح فين كلامه يا نت ميتنج

دوَّر لى ع العنوان يا ياهو           دا نا قلبى ح يبطَّل بيتنج

ياريتنى ما فتحت براوزر           ولا كان ديال أبّ غوانى

ولا كنتش اتحطّ ف منظر             يثير ظنونى وأشجانى

ياريت ما دوَّقنى حنانه               ولا مسّ قلبى وحرمانه

ولا كنت رحت برجلىَّ                   لنار بعاده وهجرانه

                        هنِّج جهازى  

[حسن ابراهيم حسن]

واضح يا دكترة انك عالم من علماء الإنترنت و متمكن تطوع الشعر كيفما شئت

[متسائل]

أحلى تحية لنظام "لينوكس"... و ثباته و سرعته التي تفوق ويندوز بثلاث مرات.

[ragab2]

[b:post_uid0]

حلوة قوى يا دكترة

الله ينور[/b:post_uid0]

[ragab2]

[b:post_uid0]

بالمناسبة أى نظام أحسن وأسرع من الوندوز لتشغيل الكمبيوتر[/b:post_uid0]

[daktara]

ربنا يخليك ياعم رجب باشا

الحقيقه انا عندى windowsxp وماشى معايا كويس

[daktara]

من دكتره الى حسن ابراهيم باشا

كلك ذوق ومجامل كبير وكل اللى اعرفه فى الكمبيوتر الشويتين اللى قريتهم فى الاغنيه العسل دى طبعا احيانا الواحد يحب يشجع نفسه ولا ايه

[هشام عبد الوهاب]

ايه يا دكتره الحلاوه دى

من دلوقتى هاعتبرك رائد مدرسة الشعر الانترنتى

--------

بالمناسبة الاكس بى مشاكلها كتير قوى فى الحماية فخللى بالك

منتظرين اغانى وقصائد انترنتية و كومبيوترية جديدة من رائد المدرسة :P

[daktara]

ربنا يخليك يا استاذ هشام باشا وكلك ذوق

[nobin_boy]

احلى كلام وعقبال اللحن والتسويق

         والتحميل على ديسك يكسر الدنيا فى شارع عبد العزيز :cool:

[daktara]

ربنا يسمع منك وليك الحلاوه