مصرية يعني مصرية بتاريخ: 16 يونيو 2006 تقديم بلاغ مشاركة بتاريخ: 16 يونيو 2006 (معدل) أدي مصر مصر الطحين و الفلاحين و البنايين و السقايين و الصيادين و المنشدين و الصنايعيه مصر النخيل و النيل و الصبر في المواويل و الملاغيه مصر السمار و العمار و ابن إياس و الجبرتي و عجايب الآثار و حواديت الشاطر حسن و امنا الغوله و سكه السلامه و سكه الندامه و سكه اللى يروح ما يرجعشي و تعالى يا شاطر نروح القناطر و البيض الملون و شم النسيم و مصر النديم و هوجه عرابي و حرب الطوابي في وجه الخديو عميل لنجليز و مصر الملانه و حب العزيز مصر الكنايس و مصر الجوامع مصر المزارع و مصر المصانع و خان الخليلي و درب الغوازي و سيدنا الحسين و فرعون و موسى و بركه قارون مصر العديد و السكه الحديد و مصطفى كامل و محمد فريد مصر الموالد و شيلاه يا طاهره يا ست ام هاشم يا جبر الخواطر يا ماري يا جرجس يا سيدي ابراهيم تناولوا اللي عايز و تشفوا السقيم مدد ثم نظره في قلب المقام و نخرج قوام و نلعب يا حاوي الطبيب المداوي و ابو رجل مسلوخه و الست اللى كلت دراع جوزها في جنينه الحيوانات الكلب ابو سنان دهب و سبحان من وهب مصر الكتاتب و المدارس و التلامذه و الثوره و الأناشيد السجن و السجان و العشاق المعاميد مصر "الولاد السمر خضر العمر في عموم الحواري" "مصر البنات المخطوبين في المهد لسرير الجواري"مصر الصيام و السحور مصر السواحل و البحور مصر المظالم و البلاوي و الباش اغا التركي و ادهم الشرقاوي مصر الحديثة و رفاعه رافع الطهطاوي مصر العلوم و الفراعنه و الطب و التنجيم مصر محمد علي الفاتح و ابنه ابراهيم العظيم مصر الجناينيه و الشيالين و بياعين العرقسوس و اللمون البنزهير و خير اللهم اجعله خير مصر الحضر و الريف و ازهر العلم الشريف و سليمان الحلبي و جمال الدين الأفغاني و الأمام محمد عبده نعم الأمام عليه البراوه و عليه السلام مصر الصعايده و الرشايه و البحاروه و السواحليه مصر النهود الشهود و الرموش السود و القدود المعجبانيه مصر الغيطان و جمال حمدان و طه حسين و لويس عوض و العقاد و فؤاد حداد و نجيب محفوظ و صلاح جاهين و البيانولا و عم بيرم و البراقع و اللبده و الجلابيه مصر النجوع و الكفور و البلاد و طلعت باشا حرب زعيم لا قتصاد مصر الفنون اللي جاءت و فاقت جميع الظنون مراسح و سما و نغم و روايات الشيخ سيد درويش البحر و بديع الزمان ابن خيري و عبده الحامولي و سلامة حجازي و نجيب الريحاني و عبد الوهاب حبيب الحكومه و الست ثومه اميره بلاد العرب في الطرب و الآهات و مصر اللي كانت و مصر اللي جات مصر المداين و الزقاق مصر المشلتت و الرقاق و مختار زمانه و نهضه بهيه اللي هي الحكايه و هي القضيه ما تقدرش ترصد جميع المعالم ما تقدرش تفهم جميع اللغات خلاصه الكلام انا مستهام و مغرم صبابه و ميت غرام و سهران تملي و مش عايز انام و كل انشغالي في جوف الليالي بادور عليه في عالم زحام تسلم إيدك يا عم أحمد فؤاد يا نجم يا نجم يا نجم قالها مصطفى كامل وبقولها من بعده لو لم أكن مصــرية .. لوددت أن أكون مصــــــــــــــرية :rolleyes: :sad: :ninja: بالعافية كفاية عندي إن بلدنا ورد ذكرها في القرآن الكريم تم تعديل 16 يونيو 2006 بواسطة مصرية يعني مصرية رابط هذا التعليق شارك المزيد من خيارات المشاركة
khedr بتاريخ: 17 يونيو 2006 تقديم بلاغ مشاركة بتاريخ: 17 يونيو 2006 اه ياعم نجم مش أنت لسه معانا وحاسس باوجاعنا و سكه السلامه و سكه الندامه و سكه اللى يروح ما يرجعشي وكلنا هنا يا ست ام هاشم يا جبر الخواطر يا ماري يا جرجس يا سيدي ابراهيم تناولوا اللي عايز و تشفوا السقيم مدد ثم نظره ................................. ................................. مصريه ورده من بلدي اتروت بدم اولاد بلدي بكت معايا علي بلدي مش كفايه علي بنت بلدي ولو انها مش من بلدي لكن طينها واصلها ولونها .....بلدي يامصر... يامصر...يامصر ياااااااااااااااااااااااااااااامصر رابط هذا التعليق شارك المزيد من خيارات المشاركة
مصرية يعني مصرية بتاريخ: 17 يونيو 2006 كاتب الموضوع تقديم بلاغ مشاركة بتاريخ: 17 يونيو 2006 خضر ربنا ما يحرمني من ردودك الحنينة دي والله أول مبشوف ( الردود 1 ) بقول ده خضر دايما حاضر لتجامل الكل شكر الله لك رابط هذا التعليق شارك المزيد من خيارات المشاركة
dr khaled بتاريخ: 17 يونيو 2006 تقديم بلاغ مشاركة بتاريخ: 17 يونيو 2006 تسلم إيدك يا عم أحمد فؤاد يا نجم يا نجم يا نجم قالها مصطفى كامل وبقولها من بعده لو لم أكن مصــرية .. لوددت أن أكون مصــــــــــــــرية :wub: :blink: ;) بالعافية كفاية عندي إن بلدنا ورد ذكرها في القرآن الكريم لو كان الامر بيدي لاعطيتك الجنسيه فورا و بهدا يكون المصريين كسبوا مواطن بحق و حقيقي و مش مواطن و بس ولكن فنان كمان رابط هذا التعليق شارك المزيد من خيارات المشاركة
مهيب بتاريخ: 18 يونيو 2006 تقديم بلاغ مشاركة بتاريخ: 18 يونيو 2006 الغالية قوى قوى مصرية ... آه.. و الله فكرتينا ... خاصة بحفلات الساقية و يحيى غنام و فرقته لما كان بيفنى الغنوة دى ... و ايدينا توجعنا من التسقيف ... الزمالك و الكورنيش و النيل و احنا خارجين .. نتمشى على كوبرى قصر النيل ... و ندندن بالغنوة دى ... و نفتكر ألف حكاية مكملتش ... ماشى يا مصرية ... الله يجازيكى مهيب <span style='font-size:14pt;line-height:100%'>حين يصبح التنفس ترفـاً .. و الحزن رفاهية .. والسعادة قصة خيالية كقصص الأطفال</span> رابط هذا التعليق شارك المزيد من خيارات المشاركة
مصرية يعني مصرية بتاريخ: 18 يونيو 2006 كاتب الموضوع تقديم بلاغ مشاركة بتاريخ: 18 يونيو 2006 لو كان الامر بيدي لاعطيتك الجنسيه فورا و بهدا يكون المصريين كسبوا مواطن بحق و حقيقي و مش مواطن و بس ولكن فنان كمان الله ..........الله يخليك يا د خالد و ميحرمني من كرمك يارب مصر كسبانة بيكم .........يا أعظم ناس قابلتهم أشكرك من صميم القلب الغالية قوى قوى مصرية ... آه.. و الله فكرتينا ... خاصة بحفلات الساقية و يحيى غنام و فرقته لما كان بيفنى الغنوة دى ... و ايدينا توجعنا من التسقيف ... الزمالك و الكورنيش و النيل و احنا خارجين .. نتمشى على كوبرى قصر النيل ... و ندندن بالغنوة دى ... و نفتكر ألف حكاية مكملتش ... ماشى يا مصرية ... الله يجازيكى مهيب الحمد لله إني فكرتك بحاجة جميلة .. أصل الذكريات دي بتكون حلوة و في نفس الوقت بتحس بحزن و إنت بتفتكر الأصحاب ...و اللحظات ....إيييييه المهم شكرا مرورك الرائع رابط هذا التعليق شارك المزيد من خيارات المشاركة
هشام الجنيدى بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 لشد ما يفرحنى عندما ارى من هو ليس مصرى الجنسيه ويحب مصر الى هذا الحد .... من كام يوم كده كنت ماشى مع واحد صديقى من اليمن يدرس فى مصر فى مدينة 6 اكتوبر ولقيته بيقوللى كلام اتمنيت لو سجلتهولو ونشرته فى كل وسائل الاعلام بيقول ان ابوه كان عايز يبعت امه واخواته الى مصر ......عشان يسكنو فيها ويفضل هوه فى السعوديه يشتغل ويبعت لهم الفلوس فقلت له ليه ؟؟؟!!!! :angry2: وجاء الرد الاعجوبه ...... لان فى مصر الحياه ارخص بكتيييييير من السعوديه ..!!!! ولك ان تتخيل ومرة تانيه واحد خليجى على ما اعتقد من الطلبه فى مدينة 6 اكتوبر عنده سياره بنمر جمرك .... وكاتب ايه على ضهر العربيه بالبنط العريض ( ترى .. انا بحب مصر) والله كان هاين عليا استناه لحد ميخرج واخده بالحضن واقول له (ترى .. انا بحب اللى بيحب مصر :angry: ) او على طريقه الاعلان بتاع اليومين دول (نوّرت مصر...) انها رساله الى من لا يهتمو بهذا الوطن الغالى الذى يحبه غير المصرى ويكرهه بعض المصرين مع انهم عايشين تحت سماه وشاربين من نيله هل لان مصر فعلا وحشه عشان كده بيكرهوها ولا لانهم مش عارفين قيمتها ومش عارفين يتعاملو معاها لنقص فى نفسيتهم فيقولو انهم بيكرهوها كده وخلاص ..... اه فيه سلبيات كتير فى مجتمعنا المصرى وظلم شديد واقع على الشعب اللى عمنا الكبير نجم صوره فى قصيدته .... بس والله العظيم فيه ناس نفسها تفضل فى مصر طول عمرها وده مش كلام مش من دماغى اسف على الرغى ده بس حسيت انى لازم اقوله وشكرا يا مصريه يعنى مصريه على اختيارك الجميل لانى من عشاق كلمات نجم انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان