مغترب وخايف أقول مشكلتي

[فولان بن علان]

خايف أحكي عن مشكلتي لتوصل لوزارة الخارجية

ولأني عارف إن وزير الخارجية لو عرف بيها مش هايجيلو نوم إلا لما يحلها

ولأني خايف على العلاقة بين الدولتين

لأن وزير الخارجية من نرفزته وغضبه على ضياع حق مواطن مصري

ممكن يقول تصريح يكون سبب في قطع العلاقات

وخايف اتسبب لأذى للسفير اللي تاعب نفسه على الجالية

ويا عيني بيلف على الجالية نفر نفر يسألهم عايزين حاجة

فيه حد داس لكم على طرف دا أنا أوريه العين الحمرا ويمكن البنفسجي كمان

ربما يوصل خبر مشكلتي للوزير قبل السفير ما يحلها يقوم يعزله من منصبه

وآه ثم آه لو وصلت لرئيس الوزارا ولا لو وصلت فوق عند اللي بالي بالك

تطير فيها وزارة ويتحل فيها البرلمان

واحتمال تتحرك فيها جيوش

مش أنا قولتلكم خايف أقول مشكلتي

[كمبورا 6]

صباح الخير قد اسمعت لو ناديت حياه ولكن ايدك والارض وللامانة فيهم اشراف كتير ومحترمين كتير ومصريين فعلا كتير طبعا انا باتكلم على بعثاتنا الدبلوماسيه وماتخافش وعلى صوتك قوى لان ثلثين المصايب للمصريين فى الخارج بسببهم واللى مايعرفش نثبت له واللى مش مصدق نخليه يشوف بعنيه مع احترامى :)

[الرافعي]

خايف أحكي عن مشكلتي لتوصل لوزارة الخارجية

ولأني عارف إن وزير الخارجية لو عرف بيها مش هايجيلو نوم إلا لما يحلها

ولأني خايف على العلاقة بين الدولتين

لأن وزير الخارجية من نرفزته وغضبه على ضياع حق مواطن مصري

ممكن يقول تصريح يكون سبب في قطع العلاقات

وخايف اتسبب لأذى للسفير اللي تاعب نفسه على الجالية

ويا عيني بيلف على الجالية نفر نفر يسألهم عايزين حاجة

فيه حد داس لكم على طرف دا أنا أوريه العين الحمرا ويمكن البنفسجي كمان

ربما يوصل خبر مشكلتي للوزير قبل السفير ما يحلها يقوم يعزله من منصبه

وآه ثم آه لو وصلت لرئيس الوزارا ولا لو وصلت فوق عند اللي بالي بالك

تطير فيها وزارة ويتحل فيها البرلمان

واحتمال تتحرك فيها جيوش

مش أنا قولتلكم خايف أقول مشكلتي

يا أخي فولان بن علان

تحية صباحية كريمة

فقط أحببت أن أعرف إنت موجود فين ؟؟ .. وبعدين قول مشكلتك يا عم .. يعني حتى لو ما عندناش حل .. على الأقل تجد من يخفف عليك حدتها ولو بالمشاعر الطيبة والمشاركة

أما السفارة والعمارة والوزارة ... فصباح الخير ياللي معانا ياللي معانا :)

[فولان بن علان]

الموضوع مش مشكلة خاصة بقدر ما هو هاجس

هل يتوقع أحد المغتربين أن تهتم به سفارة بلده

أو يساعده أحد في السفارة على حل مشاكله

كثير منا في الغربة تواجهه مشاكل ويكون مظلوم ظلم بين

وللأسف يرضى بالظلم ويؤجل الانتصاف إلى يوم الدين

ولا أقولكم سفارة إيه صباحكم أبيض متوسط

[واحد تاني]

استاذ فولان بن علان المحترم

تيجي بعد اذنك نعيد توجيه دفة السؤال من حيز التوقعات الى حيز التجربة؟

بمعنى مين واجهته مشكله فى الغربة وتوجه لسفارة مصر ببلد غربته ؟ وماذا كانت النتيجة ؟

اعتقد لو فيه خبرات وتجارب واقعية هتكون اجابة لتساؤلات سعادتك .

تحياتي

[كمبورا 6]

يا ابن علان

الموضوع مش مشكلة خاصة ولاهاجس

ياعزيزى احنا المغتربين متعشمين كتير فى سفاراتنا وفاهمين الموضوع غلط

قالولنا فى سفارتنا وبوضوح شديد وببساطة اشد > احنا هنا للقيام بمهام دبلوماسية محددة < والقسم القنصلى لتقديم الاجراءات الروتينيه تصديق شهادة ميلاد \ شهادة وفاه \

تجديد جواز\ توكيل

لكم الله يا مصريين فين ما كنتم

[yasovinas]

فعلا يا جماعةالخير

جايز جدا يكون العيب فينا احنا المواطنين المصريين المغتربين في الخارج

انا شخصياً وبالامانه عمري ما فكرت اني اروح السفارة لاي سبب اللهم لتوثيق شهادة او طلب ولم يخطر ببالي ابدا اني اسال عن اي شيء او اطالبهم باي شيء ربما لاني غلبان وماشي جنب الحيط لكن تصوروا حتى لما طلبوا اننا نسجل اسامينا في سجل المغتربين المقيمين في الامارات ما رحتش برضه بصراحه ما اقدرش احكم على الموضوع

لكن وللامانه اخي كانت عنده مشكله مع كفيله زمااان من يجي عشر سنين واتصل بالمستشار العمالي في سفارة ابو ظبي والراجل بصراحه قام بالواجب قال له ايه المفروض يتعمل وايه اللي عليه واللي له وكمان اتصل بقسم الشكاوي او المنازعات العماليه في وزارة العمل وطلب منهم التدخل

كمان اخويا الله يصبحه بالخير اتصل بالملحق الاقتصادي وساله على جمارك السيارات والاجهزة الكهربائية الراجل مشكور اخد منه رقم الفاكس وبعت له كوووول الكشوف بتاعة الجمارك دي شهادة حق وربنا هيسالني عليها

[اسود وتعالب وارنب]

بلاش مشاكل وخليكو كويسيين ده الرد اللي بتقابله من السفاره واخر شيئ خطوا ورقه علي السفاره مكتوب عليها ان السفاره ليست لها اي صله بالمنازعات او المشكلات المصريين ولكنها مجرد مكان للمعاملات فقط ثم فيه حاجه مهمة لازم تعرفها ان الحاجه لغير الله مزله حلها بنفسك وخلا ص ياعم

[Cleo]

شقيقة إحدى الصديقات جالها عريس "محترم" ومتريش وعايش فى أمريكا..

الحلم الأمريكى طبعا شعشع فى دماغها وافقت على الجواز وسافرت...

من أول يوم إهانات وضرب "مبرح" وإصابات وقالهالها صريحة.. انتى هنا خدامة تخدمينى وتخدمى أمى..

بعد 15 أسرتها تلقت اتصال من السفارة المصرية فى واشنطن إن بنتهم فى السفارة وبتواجه مشكلات مع جوزها وإن كان الأهل مستعدين لتحمل نفقات عودتها لمصر... وفعلا قامت السفارة بتطليقها من هذا الوغد وترحيلها بكل عناية إلى أسرتها...

[كمبورا 6]

الاخت كليو

كلامك مظبوط واحنا ما انكرناش ابدا ان فى نماذج مشرفة جدا فى سفاراتنا فى الخارج

وغالبا ما بتلاقى التعامل ده فى الدول الاوروبية وامريكا خصوصا ان نوعية المصريين اللى فيها < مع احترامى للمصريين فى كل حتة > بتعرف كويس اللى ليها واللى عليها مش بس من ناحية سفارتها انما كمان من ناحية بلد المقر وقوانينه

انا شايف ان المشكلة بتواجه المصريين اكتر فى الدول العربية مع ان المفروض العكس

اقولك ايه خليها على ربك يامواطنة

[فولان بن علان]

الاختلاف ليس فقط في نوعية المصريين في الدول العربية وغيرهم في أوروبا

لكن القوانين التي تحكم العلاقة بين العامل وصاحب العمل أو بين المواطن والأجنبي

خذ عندك مثال

أنا أعمل في منشأة وتم بيعها

القانون يجبرني أن أعمل مع صاحب المنشأة الجديد وأنا لا أريد العمل معه

صاحب المنشأة الجديد يهددني إما العمل معه بشروطه أو العودة لبلدي

ربما يكون القانون غير واضح في هذه النقطة

وإذا اشتكيت لمكتب العمل بعد كم من الوقت سيتم البت في شكواك

والقرائن تدل على تفسير القانون لصالح المواطن صاحب العمل

أنا فعلا استبعد اللجوء للسفارة لحل أي مشكلة

ليس هناك أي قرائن تدل على تدخل السفارة لحل مشكلة أي مغترب

في مقابل حالات الظلم والتعسف التي نقابلها يوميا