غلاستك ملهاش حدود

[ragab2]

الحزن بقى غيتك

والبسمة تبقى عدوتك

لما تقلب سحنتك

يبان على شفتك

الحزن عندك ألوان

يهرب منك الخلان

ولما الغل يبان

تبقى ثورة بركان

وشك يطفش بلد

ويهرب الطفل والولد

عندك حبة جلد

فى القريفة والنكد

قالوا عليك عدوانى

فى الغم متفانى

قالوا كمان أصفرانى

قلبك أسود قانى

تلدغ وتقول يانى

وانت اللى جانى

مين علمك الغرور

وكمان حب الظهور

وعلى غيرك تجور

والكل منك عنده نفور

غلاستك ملهاش حدود

والذوق غير موجود

أنانى وكلك برود

حقود وكمان حسود

رخامتك مش على حد

سخافتك فوق الحد

تخلط الهزار بالجد

فى البخل ملكش ند

وشك يقطع الخميرة م البيت

نحزن لو رحت أو جيت

انت سبب ووتر جيت

حتى لو داريت 

[حسن ابراهيم حسن]

يا ساتر يا رب , نج يا منجى

[tarek hassan]

تقليب في أبواب المحاورات وفي الموضوعات القديمة وكان فيه شعراء وكل من تخطر له خاطرة يسجلها وهنا سجل احدهم وعلى نفس الشاكلة لكن من واحدة لصاحبتها

يا صحبتي 
مش عارفه ازاي انا بحبك كل ده 
تفتكري ليه .. 
يمكن رخامتك هيّ سر حبي ليكي
ولا يمكن دي غلاستك
ولا جناني اللى مبيطلعش الا عليكي
ولا هو ضحكنا علي حاجه ملهاش اى وجود
ولا يمكن رغينا اللي عمره ماكان له حدود
ولا البلاوي اللى سوا عملناها
والمواقف اللى مع بعضنا عيشناها
ولا الذكريات اللى بايدينا صنعناها
ولا ايه ولا ايه ولا ايه 
بس كل اللى اعرفه
انى بحبك ومش محتاجه أثبت كده
وأتمني بس نعيش سوا العمر ده
تكوني أقرب حد ليّ
وليـكي أبقي أنـا كده 

شعر عن الغلاسة والرخامة المعنى مختلف لكن الأسلوب واحد وطبعا موهبة الشعر  موجودة من غير أدواته لكنه في النهاية مقبول في الثانية لانه من عاطفة محبة مشاكسة ظريفة 

المقصد في النهاية ناس عندهم موهبة يعبروا 

[عطعوط]

يااه على الروقان