التشكيل الوزارى الجديد - شويه فرفشه بعيدا عن السياسه والمشاكل

[هشام عبد الوهاب]

قرر الرئيس مبارك صباح اليوم تكليف الاستاذ عادل امام بتشكيل الوزاره الجديده

على ان يكون الوزراء الجدد كلهم من الممثلين و الممثلات و المخرجين و ان ينشأ

عدد جديد من الوزارات تحت اى مسميات او ان يضم عدد من الوزارات معا

و اقترح سيادته ان يكون لكل وزاره اسم فنى يحبه الجمهور

فمثلا ... ان يكون اسم وزاره الداخليه النوم فى العسل  و وزاره الزراعه تسمى الكيف

ورشح سيادته اى عادل امام بعض الاسماء لكل وزاره كلها من الممثلين و الممثلات

المشهود لهم بالنضال من اجل الوطن و التاريخ السياسى و الفنى الناصع

هذا هو الخبر الذى نشر فى جريده

معكرونه العدد الاخير

و لحضراتكم حريه الترشيح معه لان سيادته بيحب الناس و بياخد رأيهم فمن ترشحون

اما عن ترشيحاتى فهى

يونس شلبى : وزاره الداخليه  الاسم وزاره  النوم فى العسل                          

 علاء ولى الدين : وزاره الدفاع الاسم وزاره عبود على الحدود

محمد هنيدى : وزاره الخارجيه الاسم وزاره خرج و لم يعد

احمد ادم : وزاره الهجره الاسم وزاره ياما كان ف النيه ابقى فلبنيه

وفاء عامر: وزاره الزراعه الاسم وزاره الكيف

كما اقترح انشاء وزاره خاصه للاغنياء ممكن نسميها وزاره الناس اللى فى التالت

و وزاره للفقراء ممكن نسميها وزاره عشانا عليك يا رب

و اترك الباقى لحضراتكم

هشام

[Tulip]

Assalamo Alikom

Thanks alot..u made me laugh..this is a really nice one

keep up the good work

[هشام عبد الوهاب]

يعنى ما حدش رشح حد

انا باتكلم جد

اين وزير البيئه و الثقافه و و و و و و و و و

يظهر ان ماحدش بيحب الهزار غير الاخت تيوليب

اسف مش هاكررها

[abla]

[b:post_uid0]ليه بس يااخ هشام ... انت دايما بالك مش طويل كده ... طيب استني لما ارجع من الكلية وانا اشوف معاك حكاية الترشيحات دي ... مين قال مابنحبش الهزار [/b:post_uid0]

[هشام عبد الوهاب]

سأنتظر

[abla]

[b:post_uid0]مساء الفل يااخ هشام ... انا ح اقترح اسماء الوزارات وشعار كل وزارة لكن عليك انت التشكيل الوزاري ;) ;) ... خد عندك ياعم ... وزارة السخافة قصدي التقافة نسميها وزارة  أين عقلي وشعارها فيلم ثقافي لكل مواطن

وزارة البيئة نسميها وزارة بين السماء والارض ونعمل لها شعار سحابة كبيرة ونعبيها في اكياس ونسميها سحاب البنات زي غزل البنات كده

وزارة التموين نسميها وزارة سكر هانم أو وزارة بائعة الخبز ونعمل  شعارها علبة فول أو ماك فلافل

وزارة المالية نسميها وزارة البخيل وأنا وشعارها جيوب فاضية

وكفاية كده علشان الاخوة الباقيين يشتركوا معانا في التشكيل ... واللى يقترح اكبر عدد من اسماء الوزارات او الترشيحات لشغل مناصب السادة الوزراء يفوز بأنبوبة بوتاجاز أو علبة سمنة مكعبرة من الجديدة اللى مالية السوق اليومين دول [/b:post_uid0] :biggrin: :biggrin: :biggrin:

[هشام عبد الوهاب]

الاخت عبله ردودك و ترشيحاتك رائعه

و يبدوا اننا احنا الاتنين دمنا تقيل

علشان كده ماحدش عبرنا

مش مهم

 

[Tulip]

Assalamo Alikom

Thank u sister abla , this is a nice one too....I'd love so

much to share with u & with brother hisham , but

unfortunately it's very difficult to write Egyptian humor in

english....besides , I don't have that much of a talent so

I'll only enjoy reading what u all write....waiting for more

[MuslimaEgyptian]

:) :) :)

[Imhotep]

انا بستسمح اخويه هشام واختي الدكتوره عبله في حتت وزاره صغننه كده علي قدي للتاريخ و العلوم السياسيه... تعبت بقي من تدريس تاريخ الحكومه الماسخ اللي من غير تقليه ده... حتي التلامذه قرفت و اللي مبقاش يزوغ من الحصه بقي بينام... نفسي كده ييجي التوم اللي افصل فيه تاريخ علي كيفي... و يا ريت تسموها وزاره المقص لا يزال في جيبي... و يكون شعارها واحد ترزي ماسك بترون في ايده و معلق متر حولي رقبته... يكون لابس بدله بني موديل سنه تلاتين و يكون مشمر رجل البنطلون .... و يكون لابس شراب اخضر و شبشب حمام لونه اخضر زرعي.... و يكون حاطت قلم رصاص مقصوف ورا ودنه و لافف منديل بفته ابيض  علي ياقه القميص..... طبعآ لابس نضاره ملحمه بسولي تيب بني ماشي مع لون الشمبر البرسول اللي اشتراه مع الساعه الجوفيال من السعوديه لما راح العمره ايام الملك سعود الله يرحمه... و يا ريت لو بطانه الجيب الشمال تكون خارجه شويه و بص المقص باين من الجيب اليمين... اسف لو تقلت عليكم في الطلبات... بس علي الاقل في الوزاره دي حنشغل و اريحكم مني ومن رغيي.... حتي الاستاذ هشام ميخدش علي خاطره و يفتكر اني عاوز احول كل المواضيع لسياسه... ربنا يكرمكوا يا و تعملولي وزاره المقص لا يزال في جيبي.

[Tulip]

Assalamo Alikom

You chose a very cute symbol for your ministry of (the

scissors is still in my pocket).... so u are a history

teacher , no wonder u have so many topics on history

and politics

[Imhotep]

 شكرآ يا اخت تيوليب.... انا مدرس تاريخ الزامي علي الدرجه التامنه و مستني اترقي للتاسعه بمدرسه مصر الحديثه المختلطه.... والمختلطه هنا بكسر الهمزه, يعني معناها المتلغبطه... و مش معناها المشتركه... مره تانيه... شكرآ علي ردك الرقيق.

[Tulip]

Assalamo Alikom

You're Welcome....&....Good Luck

[abla]

[b:post_uid0]اخونا العزيز امحوتب ترزي التاريخ المعتبر ... انا شخصيا موافقة على الوزارة دي بشرط تفصل لي بطولات اشي مقلم واشي منقط وتخليني افتري واروح و اجي في التاريخ براحتي ومن غير ماحد يفتح بقه معايا ... ماهو يابخت من كان ترزي التاريخ قريبه ;) ;) بس أمانة عليك عايزة البطولات تكون واسعة ومبحبحة علشان اتحرك فيها براحتي ... وبالمرة مادام ح نتحرك براحتنا في التاريخ ونعمل اللى عايزينه ياريت يكون فيه استبن للموديل ... يعني عدم المؤاخذة يعني لو شوية زراير استبن وحتة قماشة احتياطي برضه مافيش مانع ... طبعا بما انك ترزي تاريخ شاطر ح تختار اكسسوارات محترمة لموديل البطولة اللى ح تفصله وكلك نظر بقى [/b:post_uid0] :biggrin: :biggrin: :biggrin:

[Imhotep]

  يا دكتورتنا انا عيني ليكي.... و الاكسسوارات جاهزه و متحضره... انا لسه جايلي شويه من رجالتي في باريس ... انما ايه... مش حد يستاهلهم غيرك... ميجيش من خيرك يا دكتوره.... و كفايه المرارات الكاوتش اللي عماله تسعفينا بيها... و يا ولداه ... لا حصلتي ابيض و لا اسود... و كله عالنوته.... جزاكي الله عنا كل خير يا دكتوره.

[abla]

تسلم وتعيش ياترزينا الجبار وربنا مايحرمناش من ايديك اللى تتلف ف حريرومن ذوقك المعتبر:biggrin:  :biggrin:  :biggrin:

[Imhotep]

   طب ايه رأيك بقي علشان الكلمتين الحلويين دول انا بدأت اقص لك فعلا.... واول تفصيله حتكون هديه.... انا راسملك رسم في دماغي انما ايه... و النبي ما تطلع من مقص بون جوريون و لا مائيير ولا حتي هرتسل نفسه.... امال... حاجه كده خصوصي للدكتره....انا ححور تحويره صغيره كده في التاريخ و اطلعك حفيده لحتشبسوت.... و طبعآ لازم الحق يرجع لاصحابه... وافقي انتي علي الموضوع... و سيبي الباقي علي شيخ الترزيه.... اول حاجه... لازم نمحي لقب دكتوره ده... انتي من النهارده الاميره عبله حتب... مع الاعتذار للاخت اميره خليل لاخد اسمها... بس لازم من التضحيه...الكل لازم يضحي علشان ملكه المستقبل... واللي ميضحيش... يبقي خاين و عميل و يهدر دمه... وافقي انتي بس يا دكتوره وملكيش دعوه... و خلينا نقب بقي و نأسس الدوله العبليه....

[abla]

هممممممممم تصدق فكرة حلوة ;) ;) بس اوعي ياامحتب يااخويا ماتضبطش المقاسات على كويس وتطلع اللبس مش مظبوط على وتضحك علينا الرعية ... آه العملية مش ناقصة ... بس حكاية إلغاء لقب دكتورة دي مش واسعة شوية !!! انا صحيح ماباحبش الالقاب والاخوة هنا مصرين يقولوا لي يادكتورة من ايام المنتدى المرحوم ... لكن انا تعبت برضه في اللقب ده ... وبعدين انت شايف المحافظين بيحطوا كام لقب قدام اسمهم والوزرا شرحه ... هو انا اقل منها ولا ايه ... صحيح مش ح ابقى الاميرة الدكتورة المستشارة الوزيرة عبلة حتب لكن اتصرف انت بشطارتك ... القماش عندك والباترون جاهز والمقاسات موجودة والمقص في جيبك  كمان وانت وهمتك بقى ;) ;) ;)

[MuslimaEgyptian]

يا جماعه انا احتج معلش و   سامحونى صحيح اكلت هنا  عيش و ملح الايام القليله الاخيره و لكن    نعمل ايه بقى فى المبادئ...  ولكن ممكن افكرمبلغشى  عن الوزاره الكوسيه الجديده لو صاحب المنصب الجديد ترزي  التاريخ قصقصلى  منصب  تاريخي على ادى..

How about...hmmm....مديره مكافحه الوزارات الكوسية

:) :) :)

[Imhotep]

     شوفي بقي يا دكتوره... التفصيل ده فن و هندسه... بالذات في التاريخ.... انا حروح لموضوع الPolitical History تحت الشئون السياسيه.. ونكمل كلامنا هناك... انا حاسس اني زهقت الناس مني هنا... و بيني و بينك ...احنا خرجنا تمامآ عن موضوع الاستاذ هشام..