دبلوم صنايع والبخت ضايع

[ragab2]

دبلوم صنايع والبخت ضايع فيكى يا بلد شهادات

ده زميلى اللى سافر برة بيقبض بالدولارات

والخليجى الللى درس معايا مسك أحد الوزارات

وانا اللى لسة  قاعد فى بيتنا  وباقول أبويا  هات

حتى النقابة مش عاجبها شكلنا وبترفض الاشتراكات

والا حد بيرحمنا ولا حتى بيسمع منا الآهات

روحت لعروسة أخطوبها  قالتلى معاك ايه شهادات

قلتلها دكتور فى صنعتى وتلميذ الاسطى بركات

واعرف أجيب القرش من فم القرش حتى لومات

قالت ما كانش يتعز دنا طالبة خريجين جامعات

ان شالله أكولها معاهم بالدقة بس يكونوا مؤهلات

وقفنى ظابط فى الشارع من بتوع التحريات

ولما شاف بطاقتى بدون عمل خدنى يكمل التحريات

ودخلت الحجز مع المشبوهين وتجار المخدرات

اتوسطلى دكتور من اياهم اللى معاهم شهادات

وفين أما عرفوا ان مليش فى الصنف ولا أى ممنوعات

وكتير مشاكل بتقابلنا مين ديه وعاوزلها حكايات

(Edited by ragab2 at 2:17 pm on June 26, 2001)

[abla]

[b:post_uid0]

مساء الفل ياشاعرنا الهمام ... اقولك ايه  :confused: :confused: :confused:

هم اللى معاهم سبع صنايع كان عندهم بخت

لما اللى عنده صنعة واحدة لاقي البخت

ولا بتوع الشهادات لاقيين لهم مكان

كان غيرك وغيرهم  وغيرنا اشطر يافنان [/b:post_uid0] ;) ;) ;)

[ragab2]

أهلا دكتورتنا الأخت عبلة

أنا قصدى مدارس الصنايع بتخرج  عاطلين

وغير متخصصين فى أى عمل

ودى مدارس أونطة وعلى الفاضى ولا تدرس أو تعلم شيئ كما علمت

وشاهدت ثلاث حالات بنفسى

أولهم تحطمت سيارتى عندما حشرت بين اتنين ميكروباص

لتشاجر السائقين وأحدهم أخذ يصرخ ويقول أنا دبلوم صنايع أنا مش صايع

لضابط النجدة

ودبلوم صنايع آخر يعمل بودى جارد رقاصة

وابن البواب حصل على دبلوم صنايع بدون أى مذاكرة

ولا حتى حضور المدرسة

وكل يوم بيطلبوا المساعدة من جميع السكان لتشغيله

فما الفائدة  من تخريج  جاهلين والأجدى اغلاق هذه المدارس بوضعها الحالى

وحتى اللى شقوا طريقهم فى ورش ميكانيكا السيارات سفاحين فى الأتعاب وبيحاسبوا حساب الخبرا مع أنهم لم يتعلموا المهنة دى فى المدرسة

والبعض الآخر انحرف

تحياتنا

[Imhotep]

الله ينور يا شاعر.... مفيش حاجه كده علي الموءهلات العليا..... محنا برده عاطليين و بنتخرج مش عارفيين حاجه!!!!