unclassified issues

[ezzat afifi kotb]

لجاجة

شعار مصاحب شعار     يهمس له ويناغى

والزن طول النهار   يدوى على دماغى

اخدت كل العيار    لما جه داغى

شعار يقوللى    حنعدى ونخطى

ونمسك نجوم السما    بس يا اسماعين وطى

عملت ظهرى مداس    لما اتعوج خطى

سلمت دقنى    وقلت جرجرنى

فى السلم قنطرنى     فى الحرب فجرنى

قانع بهدمة    للثانية تبطرنى

وقبلت فقرى    على امل بكرة

نكسب ونجرى    ونزود الاجرة

لقيتنى برجع ورا   ابدأ من السخرة

ونسيت كل حاجة     كنت قانيها

وضاع فى اللجاجة    احلى ما فيها

حتى الرجولة    بمكياج اخبيها

طب والكرامة    فين مطارحها

فى البرلمان فى الشرطة    الكل دابحها

واسأل موانى السفر    قبل ما تروحها

الريبة فى النظرة    والشك فى السيرة

كحيان وطالب سفر    مستنى تاشيرة  

طب مرفوضين ياللى    عملة امكوا كبيرة

عايز تسافر    وع الخط ح تبلط

واعى وفتك    بترسم وبتخطط

وفى العسل الاشقر    حتعوم وحتبلبط

وخضنا الحروب     شعارتها تتعدد

مهما تكون مغلوب    الفن ح يمجد

وناس ح تاكل طوب    وناس ح تتهدهد

واعجن ولا يهمك     واحدف على الفران

شعارنا من فمك    الجرى للجدعان

جريتنا كام مرة    نلحق عجين خمران

وفى القرافة    عيشنا او متنا

حب وثقافة    ماهى كلها بيوتنا

وانسى الصحافة   ودور على قوتنا

ما لقيتش حبة بلح     على روحى تتفرق

والذل لما سرح   فى بلدنا قام فرق

بين صغير انجرح    وبين كبير غرق

وفردت قلعك    وعدلت فى الصارى

دى عملة العالم      كان اسمها مصارى

حبيت تعومها     غرقتنا مجارى

عزت عفيفى قطب

[abla]

[b:post_uid0]جميل جداً ... ممكن حضرتك تسمح لي انشره في المنتدى  المصري[/b:post_uid0]

[Advisor]

#Moderation Mode

Moved here

[Arabisc]

فينك يا استاذ ! وحشنا كلامك الجميل

دعوة لكل الاصدقاء لقراءة كلمات الاستاذ عزت .. فله اشعار كثيرة في هذا الباب و كلها احلى من بعضها