النعامة و الطاووس..

[بنت شعنونة]

النعامة و الطاووس...

لا اعرف لماذا يصر الرجل الشرقي على ان يكون غبي...

نعم..

فهو يستعمل عقله في كل شيء .. الا المراة.. ف عقله يتوقف عن العمل ويصاب بالبلاهة التامة..

اذا اتت له المرأة صريحة قال انها لعوب؟

واذا خاطبته بصدق.. قال عنها كاذبة و مكارة..

اما اذا كذبت عليه فهي تتدلل؟؟

واذا خدعته فهي معذورة او ماكانش قصدها؟

لا اعرف لماذا نظرت الى رجل يعامل امراة اتذكر قصة الســــلــــطانية!!!

واشعر ان كل انثى يجب ان تحمل في جعبتها كثير و الكثير من السلاطين و العمم و بمقاسات مختلفة ايضا حتى تضع على كل راس ما يناسبه من العمم؟؟

لماذا ايها الرجل انت مغرور هكذا ولماذا انت كالطاووس

لا تستمع الي اذا اردت التحدث بصراحا

وارى ريشك وصدرك ينتفش امامي ب عبارات رنانة لا افهمها غالبا

وربما حتى انت لا تفهمها؟؟

ولكن

اذا كذبت

اذا ادعيت المرض

اذا مثلت الدموع و الأنكسار

ف انك تصبح عبدا لصوتي؟؟

ومملوكا لرغباتي؟

وتابعا لأهوائي؟

لماذا يجب علي ان اكون خريجة معهد التمثيل العالي حتى استطيع التواصل معك؟

لماذا يجب ان ادعي اني نعامة حتى تراني ايها الطاووس؟

اكره غباءك

واكره عدم معرفتك انك غبي...

يتبع... :lol:

[nancy]

المشكلة ان الراجل مش بيصدق ان الست ممكن تكون قوية وصريحة واحادة اكتر من

لازم تبقى ضعيفة وسازجة وغلبانة ومحتجالة ومش بتفهم بسرعة

علشان يحس انة مسيطر على الوضع

علشان كدة كتير من الرجالة تحب لما ترتبط ميخترش واحدة ند لية ممكن تكون اقل فى التعليم واقل فى الجمال منة احيانا واقل فى الحجم تلاقية طويل ومراتة ممكن يطبقها ويحطها فى جيبة

مش عرفة لية

حتى لو قابل واحدة تناقشة يخاف تكون ند لية

ولهى اعرف واحد بسالة لما مراتك اقل منك فى كل حاجة اجوزتها لية قالى مكنتش متخيل انى حاحتاج اتكلم معاها

كان الجواز دة لة مواصفات والحب والتعامل لة مواصفات تانية

ولا لو كنت صريحة وقلت رايك بانى انسانة ليا نفس الحقوق وعليا نفس الواجبات يقول فى نفسة احنا حنعيش فى خناق على طول خلينا فى الهديا المنكسرة

ودى الى تورية العزاب الوان وهى رسمة العبط و الاتكالية

علشان محدش يزعل دى نسبة عليا من الرجال وليس كل الرجال ولا مكنتش اجوزت

[yasovinas]

طيب ممكن اعرف رايكن هل يمكن لاي امرأه ان تقبل برجل ضعيف الشخصية او اقل منها سنا او مركز او حتى طولاً ؟؟؟ الموضوع مش موضوع الرجل او الشرقي فقط ،،،، الموضوع موضوع فطرة وغريزة في الرجل والمرأة فلا يمكن للمرأة الطبيعيه ان تقبل ان يكون زوجها ضعيف الشخصية منقاد لها او اقل منها

اما موضوع نه لا يصدق المرأة اذا كانت صريحه فهي لعوب وما ذكرتيه يا شانا فلا اظن ان الرجل الطبيعي يكون بمثل هذا التفكير ولكن فقط في حالة التاريخ السيء له شخصيا مع بنات حوا او مع هذه المرأه نفسها

فاذا كان الانسان او الانسانه كاذب وله تاريخ سابق في هذا فلا يمكن ان نطلب من الاخر ان يقبل او يصدق انه تحول الى صادق في يوم وليله ولكن يجب ان يراقب ويرصد

[بنت شعنونة]

لولا النعامة ما وجد الطاووس!!!

اكره فيكي يا نعامة ادعائك بانك نعامة

فانت تاخذين منها النعومة و المسكنة و الهدوء و المسافة البعيدة

ولولاك يا نعامة ماكنا خلقنا الطاووس

اش فرعنك يا فرعون قال ما لقيتش حد يلمني..!!

النعامة دائما زوجة!؟

لكنها لا تكون ابدا ابنة او ام؟؟؟؟؟ او حتى اخت؟؟

لا اعرف لماذا

مع انهن كلهن اناااااث؟؟؟؟

هل الزوجة دائما كائن له تصنيف خاص به؟

هل المراة لا تتجسد الا في شكل زوجة؟

اكره هذا التناقض العجيب

واختيار المسميات الألف للوجه الواحد من العملة؟

الأسبوع؟ الشهر؟ السنة؟ مسميات مختلفة للأيام؟ لكنها في النهاية ليل ونهار؟؟

مجرد يوم؟؟ كلهم سواء؟ فلماذا نختار التصنيف؟

اهي عقدة الذنب؟

كل النساء افاعي...

ياراجل؟ طب و امك؟

لالا

دي حاجا مختلفة

انا بتكلم عن النساء و الأم برا اللعبة...

!!!!!!!

دي نـــخــرة ودي نــــخـــرة..

:lol:

لجل الورد ينسقى العليق

اعقلي واصبري عشان ما تخربيش البيت

اطبخي يا جارية كلف يا سيدي..

مسميات مختلفة و الطابع واحد...

خادمة مع مرتبة الشرف...

يتبع... :D

[yasovinas]

مسميات مختلفة و الطابع واحد...

خادمة مع مرتبة الشرف...

تذكرت خطبة الجمعه اليوم وكانت عن اختيار الزوج او الزوجه في الاسلام وذكر الامام فيها نصائح الام العربية لابنتها عند زواجها وتوقفت كثيراً عند هذه النصيحه

{كوني له امةً يكن لك عبداً } عجبتني جدا واحسست انها ابلغ واذكى نصيحه يمكن لامرأة ذكية ان تنصح بها ابنتها

[بنت شعنونة]

اول يوم زواج...

هوا اليوم الذي تبصم فيه المراة انها اشهدت الله و رسوله و الخلائق على اختيارها للطاووس وانها ستكون حافظة له و لماله و لعياله ولكل ماهو له ضمير المذكر العائد عليه!! واشهدوا يـــــــــــا خلق..

وهوا نفس اليوم الذي بصم فيه الطاووس على اختيار هذه النعامة دوووون غيرها وتفضيلها عن غيرها من القطيع.. بان تكون سيدة بيته الطاووسي التكوين ورفيقة دربه الجليل وانه حامي حماها ومتحمل بلاها..!!

ولكن...

من بين السطور..

فهو يبصم على اقتناء نموذج النعامة القابل للتشكيل ليصبح في الصورة التى يختارها هوا

سواء كان صورة امه ..غالبا..

او فتاة احلام سابقة

او فتاة احلام بس!

ويبصم على ان الدفة معه ليست لغيره وانه كلما دفنت النعامة راسها كلما علت رقبة الطاووس!!

في حين تبصم النعامة على صك من صكوك الخدمة يقول..

اتعهد انا النعامة الغبية.. او التى ادعي الغباء او ربما الذكاء على انا اقوم بجميع المهام من طبخ وكنس وغسيل وتنظيف وتدليل وتدليع وهشتكة وحبشتكة وغسيل حوض الحمام وغسيل ال ^&%^&%^ الى اخره من جميع المهام داخل اربع جدران وان انتظر حتى تصدر لي الأشارة من الطاووس بان وقته يسمح حتى اخرج من بيته الطاووسي او ان يتعطف علي ف يمسك ب يدي لنخرج واتباهى به امام الناس.. وفي الوقت الذي يختاره الاخرون ان انتفخ كالبالون لأصبح اما وبالتالي كما مهملا..مجرد وعاء حاوي.. مع احتفاظه بكافة حقوق صك الخدمة المبرمة..دا غير اللي بين السطور..؟

والعجيبة

انه كله بيبقى فرحان

وكله بيبقى عارف كويس جداااااااا هوا ماضي على ايه بالفعل؟؟

وتبدأ اللعبة!!!!!

يتبع برضه هوا انا ورايا حاجا :lol:

[بنت شعنونة]

كوني له امة يكن لك عبدا...

كلمة صح وفي الجون..

هيا نفسها... = اختاري مقاس العمة مظبوط ها تبقى شيك اوي عليه :lol:

نفس الكلام اللي قلته يا ياسو ولكن في اطار حسن النية مش لعبة الست و الطاووس...

العمة = انه يحس انك عملتي كللللللللللل حاجا هوا نفسه فيها وان كلمته هيا اللي ماشيا حتى لو مش دا اللي حاصل

عبدا = اخر استكنياص :D

سامحوني في تعبيراتي النهاردا

بس الحالة متجلية " وش حشيش" ;)

الأستعداد للزواج الفعلي...

قطيع النعام اجممممممممممممع

النعامة العروسة ها تتجوز.. فلابد من اسداء النصح لها من امهات القطيع.. بنات القطيع.. عوانس القطيع ما يضرش..انشاالله حتى عيال القطيع

الكل لابد ان يدلي بدلوه!!!!

وكل نصيحة ما هي الا عبارة عن تجربة غالبا تكون مريرة ونادرا تكون سعيدة .. مرت بها النعامة الناصحة واستخلصت منها نتيجة ف صاغتها في شكل نصيحة؟؟

يعني نصيحة النعامة البيضة لالازم تكون بيضة

ونصيحة النعامة الخضراء لالالالالالالازم تكون خضرا

المشكلة

ان معظم الوقت النصيحة مش بتليق مع نعامة تانية

خصوصا لما تكون النصيحة طالعة في شكل "خللي بالك.. اياكي.. اوعي.. على الله...وبالشفا!!!

كلها تكون صورايخ موجهه

لكن النعامة العروسة بتكون معذورة

ها تنزل السبق اول مرة ومش عارفا مين الصح من الغلط ف بتضطر تسمع للقطيع كللللللله

واوقات تضطر انها تسال زيادة و تسمع اكتر

لكن النعامة الذكية هيا التي تسمع فقط ووقت الجد تختار تجربتها الخاصة اللي تليق على لونها

لكن بما اننا نعام

ف مش دايما بنعمل كدا...

اوقات بس...!!!

و لولولوولوللللللللليييييييييييييييييييييييييي

مبروك يا نعامة

زفوكي يا بنتي

راحت الغالية

يا بختها

كتنا نيلة في حظنا الهباب

ها تعمل فرح ابهه

فرحها تعبان اوي

فستان غالي

كله ع النعامة؟؟

مافيش حاجا ع الطاووس خالص؟؟؟؟؟؟؟

اشمعنى؟

دا انا النعااااااااامة وهوا الطاوووووووس

تركب ازاي؟؟

يتبع بعد عمل عملية المرارة ;)

[بنت شعنونة]

نبذة مختصرة عن التكوين التشريحي للنعامة...

المشكلة ان الطاووس من فصيلة و النعامة من فصيلة تااااااااانية خالص

لكن كل واحد فيهم فاكر ان تكوينه نففففففففس تكوين التاني؟؟؟

محدش عارف يوصل لنقطة اننا وجهين لعملة واحدة

مختلفين الأتجاهات متحدين النوع متوازيين الطباع!!!

النعامة للأسف يدخل في تكوينها حاجات كتييييييير جدا بحكم تكونيها العاطفي الغبي..

اول ضربة بتكون البيت.. ف اول العقد بتتكون من الأسره... عشان تفهم النعامة لازم تدخل بيتها وتفهمه.. ها تعرف تفسر كتيييييير من تصرفتها..

بعد كدا الصداقة.. بعده الحب.. بعده الحياة..

دا باختصار..

يعني..

لما النعامة تبقى عصبية وكل شوية تقول طلقني تعرف اكييييييد انها مرت بتجارب قبل كدا الناس كانت ب تسيبها

خطوبة واسبها

ابوها ساب امها

حب من طرف واحد " طرفها"

اي حاجا زي كدا

ف بتعوض الخوف المترتب جواها بانها تفضل تقول طلقني ع الهايفة و المليانا عشان تسبق في ترك الطاووس من ناحية ومن ناحية تانية عشان تشعر بانتصارها على عقجها دا لما الطاووس يتمسك بيها...

لكن...

تعالى بقى نترجمه من ناحية الطاووس

النعامة الطلووقة " اللي بتقول طلقني كتير" = واحدا نكدية

او شايفالها شوفة

او بتدلع ع الطاووس دلع ماسخ

والأغلب واحدا بايعة القضية وغير جديرة انها تكون في بيت الطاووس او انها تحمل اسمه...

!!!

مساكين

عيانين بمخهم الأتنين!!

بس الاكيد انه ماحدش منهم ها يفهم التاني

حتى لو قاله الكلام دا صراحة...

مثال تاني... النعامة الشكاكة

رحت فين جيت منين عملت ايه...مش شك؟ ولا فضول؟ ولكن خوف من الضياع

ترجمة خوفها على طاووسها احسن حد ياخده منها او انها تخسر معركتها مع الحياة المتجسدة فيه

او انها تصبح شماته لغيرها من القطيع بعد ما نفدت من اسنان سكينة العنوسة

كللللللل دااااااااا

بيخليها تبقى زي ما بيقولوا من الحب ما قتل

لكن الطاووس

ها يفهمه على انه خنقة.. تقييد حرية.. شك؟ غيرة؟ اي حاجا تانية

يتبع برضه :lol:

[بنت شعنونة]

بداية الرحلة...

الخادمة و المليونير.

خادمة ولكن..

بيت العز يا بيتنا..

!!!

كلها اسماء تنطبق على تلك البدايات...

النعامة.. مخلوق جميل ..ناعم.. دلوع.. مخملي الملمس.. حريري الطرف.. رقيق المشارع.. يرتمي في احضان الطاووس اخيرا.. يبحر فيه كيفما يشاء..فكله من ضمن نص الصك..

سعيد انت ايها الطاووس ايما سعادة

مين قدك يا عم... طاووس و النعامة بين ايديك وفي بيتك... هنيالك..

هنيئا لك حقا..

كغيره من انواع الذكور

ف انة يستكشف ذلك الكائن الناعم بحذر ف يبدأ بالدلال و الدلع و المساعدة و الكلام المعسول

مرة.. اتنين.. عشرة... ولكن.. لا اعرف لماذا هناك وقت محدد لكل هذا الدلال للنعامة.. ولا اعلم لماذا اتفق الجميع على هذا الوقت بالتحديد..

وقت بداية الطاحونة

حيث يتم وضع كل ما هو جميل بين حجري الرحى وطحنهم ب اقسي قوة

فيظهر ذلك الطاووس مرة اخرى بغبائة المعهود...!!

وتبدأ النعاهمة في تنفيذ بنود الأتفاقية بمنتهى السعادة

فهي تشعر انها بتنفيذها هذا الصحك تسعده وتملكه " كوني له امة"؟؟!!

ومع الوقت يصبح ما تفعله هوا عن حب مسلم به

وما تفعله زيادة منها واجب

وما لا تفعله تقصير

ونبدا في الجولة الثانية...!!

انا اضحي اذا انا موجود؟؟؟!!!

تبدا النعامة بحفر حفرة لراسها على حس موضوع التضحية

بينما الطاووس يرى ان كل وظيفته في الحياة احضار المال

وهيا دي سهلة!!

دي مصيبة سودا..

كفايا انه بيهز ريشه ويخرج من الفجر يشقى وهوا الطاووس ويستحمل غباء طواويس تانيين اغبية برضضضضضضضضه بس من وجهة نظره هوا المرادي!!

يتبع بعد عملية زرع المخ :lol:

[مصرية الهوى]

بالراحة على نفسك ياشعنونة يا حبيبتي ..

دول ميستاهلوش ان مرارتك تتفقع عشانهم ;) ..

بس بصراحة يا شعنونة .. حاسه انك ظالمة الطواويس شويه ..

بجد والله ..

من واقع الحياة والنماذج اللي بشوفها حواليا .. الطواويس مش بالوحشية دي ..

والا يمكن عشان انا لسه مدخلتش دنيا .. فبشوف الأسوار بس ..

من غير ما اخش جوا :D ..

ومشكلتي اني متفائلة زيادة عن اللزوم ... والدنيا بمبي بمبي ...

ربنا يستر على ولايانا :lol: ..

بس بجد يا شعنونة انتي حكيمة ..

وكلماتك وراها معنى كبير وجميل ... بأحييكي ..

;)

[بنت شعنونة]

مصرية :lol:

ربنا يخليكي

انا حكيمة؟

بدي حقن :D

سيبك من الطاووس وقوليلي رايك في النعامة

ماهيا مصيبة في حد ذاتها دي التانية...!!

[وليد صفوت]

هاتلى يا عم مفتاح سبعتاشر و مقص الزرع اللى جنبيك ده ..... :lol:

إستعنا على الشقا بالله ..... يا رب هو كل يوم !! :D

[nancy]

شعنونتى مالك يا حبيبتى انت اكيد مسكتى سلك كهرباء والفلت عيلى عندك انا عرفة انك بتدى حقن بس دى مش حقن ياماما دى كرابيج

على كل الرجالة

انا معاكى ان فيهم من هو طاووس اوى اوى

بس مش كلهم ولهى فيهم برضة طيبين

وبعدين كونى لة امة يكون لكى عبدا

دة مش غلط لما يكون هو بيتقى ربنا وبيشكرك ويقدرك على كل حاجة تعمليها حتى ولو حطتيلة الغداء

او لما يكون بيكلمك ديما ويقولك بحبك ووحشتينى حتى بعد سنين من الجواز

او بيجبلك بوكية ورد يوم عيد جوازكم زى ما جوزى جاب لى النهاردة

[بنت شعنونة]

نانسي

اسكتشيييييييييي يا ختي دا انا مبقووووووووووقة

وليد

طاوووووووووووووووس بك افنظم :lol:

لا والله انا مش بتجنى

انا بحاول افسر حاجات كتير من منظور معين اقروا اللي بين السطور ها تفهموا قصدي كويس..

جربوا كدا؟ :D

حد فاهم حاجا؟

[وليد صفوت]

لأ

[مصرية الهوى]

مصرية :D

ربنا يخليكي

انا حكيمة؟

بدي حقن ;)

سيبك من الطاووس وقوليلي رايك في النعامة

ماهيا مصيبة في حد ذاتها دي التانية...!!

طيب نقول تمرجية ;)

اقولك لازم النعامة تعمل ايه ؟؟؟

توطي راسها لحد مالعاصفة تمر بسلام :lol:

يا ستي هو في ايدينا حاجه ؟؟ ..

معناش غير ربنا والخلع :blush:

لأ

وليد لما تكبر وترمي البزازة من بوقك هتفهم :huh:

روح ذاكر دلوقتي احسنلك :P

مش عايزين اقل من امتياز والاول مع مرتبة الشرف ..

وكمان العيال تسقفلك في طابور الصباح :P

[بنت شعنونة]

اهاااااااااا

اهو

جبتش حاجا من عندي

توطي راسها

يعني نظرية النعامة دي متأصلة جوانا؟؟؟؟؟؟؟

دي مؤاااااااااااااااامرررررررررررة!!!!!!!!!

الطاووس اتعود انه لو مراته نعامة الدنيا تمشي

انما لو بطة او فرخة

هممممم

ها يبقى فيه مشاكل

و الطاووس لو كان اسد او قنفد حتى يبقى برضه ها يبقى فيه مشاكل؟

ما علينا

نرجع لموضوعنا .....

[وليد صفوت]

وليد لما تكبر وترمي البزازة من بوقك هتفهم :P

روح ذاكر دلوقتي احسنلك :P

مش عايزين اقل من امتياز والاول مع مرتبة الشرف ..

وكمان العيال تسقفلك في طابور الصباح :P

بزازة ! :blink: طابور الصباح !! :blink: :blink: المرتبة !!

روحى يا آنسة على الموضوع ده و اتفضلى حطى إعتذار بالغ ليا :unsure: و معاه كيش شيبسى حق عرب .... قال مرتبة قال .

------------------------------

د/ شانا ....

انا معاكى ان احياناً الرجل بيفكر بأسلوب ممكن نقول غير متساوى ....

بمعنى انه فى حاجات لابد فيها من المساواه بين الجنسين و فى حاجات تانية لأ .

و من ضمن الحاجات اللى لابد من ان الرجل يقتنع بيها هى اعمال المنزل .....

الرسول ( صلى الله عليه و سلم ) كان بيخيط ثيابه بنفسه , بينزل السوق يشترى إحتياجات بيته بنفسه ... بيعتنى ببيته ....

انما نبص على ازواج اليومين دول الراجل يبقى عاوز ينط فى كرش زوجته لو ما لحقتش تكوى قميصه قبل ما يروح الشغل .... مع انه ممكن يعمل ده لوحده !! و مع انه قاعد بيتفرج على التليفزيون !! او بيشرب سيجارة فى البلكون !! و مش وراه حاجة ! إنما برضو هو مقتنع من جواه ان الست هى اللى لازم تقوم بالعمل ده ...

من ناحية تانية هناك أمثلة كثيرة لبعض أفكار السيدات و خصوصاً الزوجات اللى بتكون غير مبررة ..... قائمة طويلة عريضة من إحتياجات منزلية ربما تكون - و فى الغالب كذلك - غير محتاجة لها الزوجة فى الأساس .... قائمة مشتروات ليس لها لزمة ....

جهاز ( فلان الفلانى ) الذى يعمل خلاط و كبه و احياناً جرافة فى آن واحد ..... فستان جديد لا تستعمله الى فى السهرات ( علماً بأنها لم تسهر من قبل مع زوجها ), عدد 2 مكواه كهربائية !! لماذا يا ست هانم ؟؟؟؟ أصل كان عليهم تخفيض !!!

الى آخره من التصرفات التى تجعل الزوج فى حالة يرثى لها من الهلوسة و الإقشعار الفكرى .... يؤدى فى النهاية الى صلع تدريجياً ... ثم نظارة نظر ..... ثم شعر ابيض فى سن الأربعينيات ... يليه ظهر مقطوم ...... الى آخر المسلسل .

اللى انا واثق منه ان الرجل لا يحتمل المعاملة الغريبة عن طبعه مثل الست .... على طول بيتخذ رد فعل .... بينما الست و خصوصاً المتزوجة فى الغالب لا تتخذ ردود افعال فورية .... و إنما كما نقول فى مصر ( تشيل فى نفسها ) و تكبت همومها ... ثم تطلقها بين الحين و الآخر ... إما على الأطفال الصغار ... و إما على الزوج فى أشياء أخرى بعيد عن النقطة سبب الكبت .... كأن تنكد عليه بسبب تأخره خارج البيت بلا إنذار لأنه قبل ذلك باسبوع قد رفض شرائها لبعض الأكسسوارات غالية الثمن مثلاً ... وهكذا ...

اما موضوع النعامة و الطاووس ..... فأ،ا أرفض ان اسمى طاووس ...... أنا ماليش ديل .

سلامى ...

[Guest النسر المصري]

دكتورة شانا

بصراحة...وبصراحة شديدة...لم أشعر بالغضب....بل شعرت بالدمع كاد يزرف من عيناي لما قلتيه في حق الرجال جميعا

فقد شعرت بالحزن الشديد لما تعتقديه...وصرت أحوم بين ثنايا كلماتك عسى أن أجد مخرجاً يفسر لي تلك حالة الغضب العارمة

فلما كل هذا الهجوم.....ولما تتلبسين بالغضب والوجوم...ولما تسببت بكلماتك ذلك الأذى السؤوم...

سيدتي

إني لا أدافع عن الرجال ولا عن النساء جمعاً

إنما اذا اخترت يوما أن أكون حكماً...فلن أحكم على شعب بأكمله بالإعدام ...

..آسف يادكتورة شانا ...أنا أكن لك كل الاحترام والتقدير فيما سبق من مداخلاتك..حيث اني اعرفك منذ ثلاث سنوات واكثر

ولكن اعذريني تلك المرة

فأنا أرفض كلماتك قلبا وقالبا.....أكتبها لك....وأنا أدمع العين...وقلبي يجشأ من البكاء لاني أحترمك ...

أقسم لك بصدق كل ما أقول....أقسم لك ....اقسم !!!!!!!

تم تعديل 24 أبريل 2006 بواسطة النسر المصري

[بنت شعنونة]

النسر المصري.

اسفة لم اقرأ حروفك الا الأن..

نعم يمكن ان تسميها حالة غضب

ولكن لو لاحظت ف كلامي يشمل الطرفين

غضبي على الجميع واختار نماذج واشياء موجودة بالفعل وتحدث ولم اكتب من محض الخيال.. احاول ان افسر كثيييييييير من التناقضات التى تصيبني بالذهول احيانا و بالغثيان في احيان اخرى...

مثلا...

اسمع واحكم وفهمني ياريت لو فهمت... :P

نموذج واحد..

نعامة مع وقف التنفيذ .. و الأرجح انها كانت من سلالة طواويس...!

نعامة لا تهتم الا لنفسها .. مكياجها.. اناقتها.. برفاناتها.. معدومة العقل تماما و ضعيفة التعليم... وزوجها الطاووس يحبها.. ولكنه ليس الحب الجنوني.. مثل اي طاووس ونعامة.. "عادي يعني". ولكن..

تلك النعامة المقنعة لا تهتم له اطلاقا باي شأن من شؤونه ورغم ذلك فهو في منتهى السعادة معها؟ رغم انها تخونه فكريا.. على الهاتف و على الأنترنت ومواقع الزواج!!

ورغم علمه بذلك الا انه قرر ان يخسر امه عندما نصبت له الميزان وقالت له اختار يا انا يا امك..

ف اختار النعامة رغم تحذيرات الجميع مما يحدث له!!!!!!!! ورغم انه لا يحبها حبا جنونيا ولا يحزنون؟؟؟

نموذج 2....

نعامة تيبيكال.. من نظام كوني له امة يكن لك عبدا..

وطاووس تيبيكال من نظام سي السيد..

الطاووس يحب النعامة جدا..و هي ايضا تتفاني في خدمته.. الى حد غسيل قدمية زي ايام السلاملك و الحرملك.!!!

وكل الطواويس يحسدووووه عليها..

ولكن..

هو على استعداد تام الى اهانتها بل وضربها في حال اشتكت من معاملة اهل الطاووس لها مجرد شكوى بريئة!

فكل ما تفعله يصبح هباء مقابل كلمة شكوى واحدة!!!!!

مش دا عجب عجاب؟

فين الأنصاف وفين العدل؟

يتبع بعد نزع المرارة برضه :P