الرسم ابو الفنون ..مش المسرح..انا بقول كدة!!!

[Guest النسر المصري]

في مقولة بتقول ان المسرح ابو الفنون

بصراحة انا مش مقتنع بالبوقين الحمضانين دول

ازاي يعني المسرح هو ابو الفنون ...ازاي هو الأول..وازاي الرسم هو التالت...على اي اساس ...مين اللي قل الكلام الغريب دة

يعني عايز تقنعني ان الرسم اللي هو اول حاجة عملها الانسان في حياته عشان يعبر عن نفسه (الانسان الأول) لما اكتشفوا اقدم آثار العالم في كهوف جواها طبع لاصابع اليد من دم الحيوانات

ورسومات لحيونات بدم الحيوانات.....وهي دي اقدم آثار العالم....عايز تقنعني ان المسرح أولى منه في التسمية الشرفية العظيمة دي

ازاي ياجماعة!!!!

الرسم هو اللي علمنا ازاي نكتب الكلام اللي بنقوله على شكل رسومات تحولت منها إلى حروف مبسطة..ومنه إلى مليارات الكتب والرسائل العلمية والمخطوطات التي ساعدت على تطور الأمة البشرية وحظت لها تاريخها وعلومها وكنوزها!!!!

الرسم بسببه هو اللي خلى الانسان يعبر عن الجمال في ابسط الطرق كرسم اللوحات الجميلة وكالرسم المستخدم في شرح حياة الفراعنة على سبيل المثال...

الرسم هو اللي خلى الانسان يفكر ازاي يبني المباني الهندسية البالغة التعقيد في ايامنا دي وايام الفراعنة واللي قبلهم كمان

الرسم هو مفتاح النحت واللي ساعد بشكل اساسي في الاحساس بالكتلة

وعلى مستوى المسرح...وبعد ماساعد الرسم في اثراء اللغات بوجه عام وجعل وسيلة التخاطب أسهل وأيسر....وجدنا أن المسرح بسبب الرسم وجدت له السيناريوهات وبنت له المسارح بالرسم ..ورسمت على وجوههم التعابير والمكياجات والديكورات

ورسم الرسم للموسيقى النوتات وجعله كيف يستطيع ان يؤلف المقطوعات ويكون منها الفرق الموسيقية

الرسم بسببه اكتشفنا علم الطباعة الذي أثرى حياتنا العلمية

ده هو الرسم

في الحقيقة الرسم هو ابو العلوم

وليس ابو الفنون فقط

[مسافر زاده الخيال]

كلاكك جدير بالاهتمام والتدبر..............هناك كثير من المقولات الغربية التي اصبحت مقدسة للاسف مثل مقولة

(اقدم مهنة في التاريخ) والعياذ بالله فهل كان الانسان الاول لكي يكسب رزقه اول ما فكر في.............................

ولكن لماذا لا يكون الحكي او الكلام او فتح (البق) ابو الفنون.......البكاء مثلا (اول نشاط عملي حقيقي يقوم به المولود والرسم مرحلة لاحقه ......او لماذا لا يكون التخيل ابو الفنون..............لماذا؟ من يدري

[م الغزالى]

أعتقد أن جملة المسرح أبو الفنون فيها شئ كبير جدا من الصحة وهنا لبس معناه أنه الفن الأول من ناحية القدم ولكن لانه شامل لكثير من الفنون كالرسم و الديكور وتصميم الملابس والإضاءة والتصوير والشعر والموسيقى والرقص والبالبه والإلقاء وكل هذه يدخل فيها بصورة كبيرة الرسم

تاريخيا أول ما بدأ الإنسان التعبير عن نفسه بواسطة الرقص سواء بعد الإنتصار فى معارك او طلب المطر والغذاء والصحة من الألهة

وهو ماتطور فى الخطوات الأولى للمسرح بالحركة الإيقاعية أى حركة مع الموسيقى ثم ادخل الشعر مع الموسيقى وهكذا دواليك

تم تعديل 6 أبريل 2006 بواسطة Koenig der Loewen

[nancy]

يقال على المسرح انة ابو الفنون ليس فقط لاحتوائة على القصة والموسيقى وملابس العرض المسرحى والديكور والاضاءة والغناء والاداء والمشاهد المتكاملة

انما ايضا لانة كان بدايتة فى المعابد وتقديم العظات من خلال المشهد المسرحى وبالستعمال اقنعة تمثل الالهة والانفعلات المختلفة

وقد تجد ان الرسم ايضا يدخل فى المسرح فى الفوندى الخلفى فى اعمال البالية والاوبرا

فامقصود انة فن شامل جامع لكثير من الفنون ويحتاج تعمق فى دراسة المشهد لتاكيد الاداء المسرحى

[Guest النسر المصري]

يانانسي مش معقول نقول المسرح ابو الفنون عشان هو بيجمع دول

امال الكلام اللي انا قلته ايه

بقولك الرسم أثرى حياة الأنسان على مدار التاريخ

هو السبب في مليارات الكتب والرسايل العلميه اللي مطبوعة في العالم ده كله

هو السبب في نهضة الإنسان العلمية والثقافية والتعبيرية كمان

تخيلي مفيش اختراع اولي اسمه رسم

وان الانسان فضل يعبر عن اللي عايز يقوله بالحركات

فيبقى يعمل ايه عشان يوصل رسالته لناس آخرين من بقاع الأرض بدون رسم وكتاب

طبعا هيضطر يسافر عشان يمثل ليهم فكرته العلمية

وطبعا عشان يستمر في السفر هيكون زمانه مات

ولا تحبي يدعي ربنا ويقول ..يارب ارزقنا بجهاز دي في دي او فيديو كي استطيع ان انشر رسالتي

مسرح ايه اللي ابو الفنون ده

كلمة ابو الفنون يعني هو الأول هو الأب هو الأساس

وليس هو الشامل

ده حتى الرسم يعبر اكثر من المسرح

وأنا بالرسم القصصي وبرسم الحروف والكتابة...استطيع التعبير عن آلاف المسرحيات

أما المسرح نفسه فهو لا يستطيع أن يعبر عن رسم معين إلا بالقول..فإن الحركات لاتكفي وحدها للتعبير عن فكره معينه

ها قولتو اية!!!!!!!!

[النسر المصري]

انا رفعت الموضوع القديم دة عشان المباحثات الي بتجري الآن في موضوع المسرح بتاع الاستاذ والصديق العظيم محمود الشاعر.....

'طبعا الكلام دة كنت كاتبه ايام لما كنت نسر مصري في العصر الذهبي لي

لما كنت بلعب في الف وكام مداخله

ولما كنت صاحب مناوشات ومداخلات ليها لازمه

اما الآن فانا غير مأسوف عليه نهائيا ...خصوصا بعد حادثة مراخيري الشهيره!!!!

عموما ادعوكم لاستكمال الحوار على ضوء آخر المستجدات من أخويا الحبيب محمود الشاعر في موضوعه عن المسرح!!

[Ahmad Farahat]

عزيزي النسر المصري...........

فليكن الرسم أبو الفنون..........

أو أمها أو خالتها او جوزها حتى...........

مش مهم............

بدال ما تتكلم في الموضوع ده............

كلمنا عن الرسم أحسن.............

واحكيلنا عن السريالي والتجريدي وخلافه

يلا بقى

خلي القعدة تحلو..........وتبقى قشطة

[bentmasria]

عزيزى عمرو

ربما لم يؤرخ للرسم بكونه ابو الفنون الا انه حقا احد اسباب التاأريخ للانسان ووجوده ومعتقداته ومن هنا نشأت بعض الفنون ولكن الاضافة التى حملها المسرح هى الصوت والتعبير الاسهل وصولا للبشر واثق انك تفهم مقصدى

جميعنا عندما نقدم عملا فنيا ونقوم بالرسم نطرح فكرة او مبدأ او حكاية ما تدور فى عقولنا او صورة هى نسخ من وجهة نظرنا الخاصة للطبيعة وهكذا كانت البدايات الكلاسيكية فسكان الكهوف سجلوا حياتهم وطقوس يومهم قبل سبعة آلاف عام على جدران السرجاس فى جبال مجاورة لفرنسسا ومن وجود هذه النقوش تمكننا من تأريخ وجود حياة فى هذه المنطقة وتلاها حضارات كثيرة مثل الفرعونية والاغريقية والفينيقة والسومرية ولا ننسى الصينية التى تعود ايضا لآلآف الاعوام واول مظاهرها الرسم على جدران المعابد او البرديات اوالسرد بالصور لتفاصيل حياتهم اليومية

اذن ساعتها لم يكن الرسم فنا فحسب

بل كان اداة سرد وتعبير ولسان شعوب وحضارات

اما الآن

فهو يختلف مثله مثل الفنون الاخرى مع تطور حياة البشر ومتطلباتهم وعلومهم وطرق تفكيرهم ظهرت مدارس فنية لا تسعى للنقل كالكلاسيكيات القديمة واصحابها بل تطور وتضيف وتحلل وتقسم ليتناسب ما يعرض مع عقول اكثر تفتحا ووعيا ومع متلق لم يعد ينظر لسطوح الاشياء وابعادها بل الى معنى كل خط وكل لون وكل تعبير او ضربة فرشاه

لكن لم يزل الامر تعبير غير كامل والفكرة تكتمل من خلال عرض وصوت وموسيقى ونص وحبكة وادارىة واخراج وهذا هو الفرق سيدى فالمسرح جعل من هؤلاء جميعا فنونا عاملة موظفة تخدم قضية يطرحها كاتب وتوفر لها المناخ المناسب لتصبح اكثر قربا من عقول المتلقين ورغم انى فنانة تشكيلية اولا الا اننى ارسم بروح اقوى وايسر ان قرأت نصا مصاحبا او تملكتنى فكرة وهدف

فما رأيك الآن

ام مادا

[محمود الشاعر]

حبيبي عمرو باشا النسر

بدون دخول فى التفاصيل اذا قلنا ان المسرح يحتوي جميع الفنون فهذا حقيقي وثابت وتطوره ادى الى تطور باقى الانواع و الاشكال التعبيرية وقد استفاد المسرح منهم واستفادوا هم منه فيكون هو الاب الروحي لهذه الاشكال

اما اذا نظرنا الى المسئلة من الناحيةالتاريخية ومن سبق من سنجد ان فكرة المسرح نفسها اي العرض التمثيلي سواء كان رقصا او تعبدا هو سابق لفكرة الرسم فالفعل دائما ما يسبق التسجيل فالانسان احتاج الى تسجيل وتدوين ما يقوم بفعله فى حياته لتبقى فى الذاكرة الجمعية لهذا لجاء الى النقش البدائي والذي تطور بعد ذلك الى الرسم المعروف

وقبل المسرح والرسم كانت الكلمة و الشعر او الابتهال او النشيد ولكن لم يقل احد ان الكلمة هى ام الفنون او ان الشعر هو ابوهم لأن لا يوجد فن تم الاحتفال به فى التاريخ مثلما حدث مع المسرح وللحديث بقية