سلامات يا حكام العرب

[daktara]

ياميت خساره ع اللى مات

ياميت ندامه ع السكـــــات

ع اللى اتعمى واللى انطرش

واللى كـــــده فجأه اتخرس

سلامات يا حكام العرب سلامات

--------------------

جوه البيوت وع المنابر إمتياز

وفى الشعوب هاتك يا قهر ويا ابتزاز

وعند أمريكا نلمَّع فى الأُكر

ونبوس بلاط الحيط ونمسح فى القزاز

-----------------------

مش مكسوفين يا مكشوفين من ربنا

وانتوا تملّى مصهينين عن حقّنـــــــــا

مستنيين أمريكا تتشفع لنــــــــــــــــا

وترجع القدس الحبيبه وسطنـــــــــــا

-----------------------

فاكرين مدابح دير ياسين؟

فاكرين كمان يونيو الحزين؟

شايفين دمار بيت لحم ورام الله وجنين؟

شايفين يا نسل المصطفى يا موحدين؟

دا بيشربوا دم الجنين – مش مكسوفين؟

--------------------------

ياميت ندامه ع الكرامه والسياده

ياميت خساره شعب مغشوش فى القياده

يسقط حماة المعتدى – تحيا الشهاده

يحيا ابو عمار – وتحيا الانتفاضه

---------------

[katkoot]

و الله معلم كبير ومش دكتره وبس ، عجبنى جداً بساطة الكلمة وسهولة اللفظ والتعبير وربنا يوفقك ونسمع منك الكثير فى الركن البعيد الهادى - ركن الشعر والأدب وفعلا من خرج من القلم يصل حتما الى القلب وعلى فكرة أن كملت ما سبق وتوقف القلم عن تتمته ارجوا منك ابداء رأيك الذى يثرى امكانياتى ويوجهنى نحو ما يعترى قلمى من شطحات عن حدود الشعر السليم

[ragab2]

حلوة يادكترة

وللأسف لا تسعف ولا تغطى لغتنا الجميلة الذى يحدث للاخوة الفلسطينيين

ومازالت حروف الدنيا وكلمات العالم عاجزة عن وصف مايحدث من بشاعة من العدو الصهيونى الاسرائيلى

وياميت خسارة على وضعنا العربى المتخاذل

تحياتى

[متسائل]

أنت شاعر موهوب حقا

تحياتي ;)

[daktara]

الاخ العزيز متسائل

انا فعلا سعيد برأيك للأننى احترم فكرك وثقافتك

تحياتى وشكرى

الاخ العزيز د. رجب

شكرا لاعجابك وهذا ما نملكه  الكلمات علها تخفف من حاله الاحباط السائده

تحياتى وشكرى

 اخى الشاعر كتكوت

اخجلتم تواضعنا دى مجرد تعبير عن احاسيس لازم تطلع والا (نفرقع) م الغيظ