أنا عاوزه أهدي لدكتوري هدية !!

[مهيب]

يا نهار أبيض ... بجد الكلام اللى انتى قولتيه ده يا جيجي ولا بتهزرى ... أكيد بتهزرى طبعا .. بس ياريت متهزريش كده لأننا ممكن نصدق .. دواير تلفزيونية و مايكات و شباك .. طب ما يقعد فى بيته و يشرحلكم ع الانترنت وخلاص ... أو الأفضل .. ما تاخدو الكتب و تذاكروها و انتهينا ... ايه ده ؟؟؟ أنا لحد دلوقتى مش فاهم الفكر نفسه ... أو الاتجاه ... هل هى تقاليد و عادات .. ولا فهم خاطىء للدين ولا اللى هو كده و خلاص ؟؟ ما علينا ...

أما بالنسبة لكلامى (انه لو مصرى يبقى هيقبل ولو سعودى يبقى هيرفض) .. أنا ماقولتش كده خالص ... أنا قلت انه لو مصرى يبقى آه ممكن يقبل لأنه عادى .. أما لو سعودى مثلا يبقى أنا ماعرفش ... و حطى تلات أربع خطوط تحت معرفش دى .. لأنى معرفش أى حاجة عن المجتمع السعودى علشان أفتى و أقول رأى مستند على كلام من ناس و خلاص ... أنا قلت معرفش علشان حاولت أبقى موضوعى .. وقلتلك ساعتها اسألى زميلاتك هم أدرى و أعلم ...

بس بجد موضوع المايكات و الشباك ده ؟؟؟ يعنى حقيقى ؟؟ طيب و الأبحاث اللى بتتلكم عن التفاعل بين المدرس و الطلبة .. و قرايته للأسئلة فى عيونكم .. و طرق جذب النتباه لما يلاقى واحدة منكم شردت ولا حاجة .. و المزاح .. و محاولات تخفيف جمودية المادة العلمية ... و التفاعل ... و الحماس و الأسئلة المفاجئة و .. و .. دى كلها أساسيات فى موضوع التدريس ده ... طب ده أيام الكلية كانت بتدرسلنا دكتورة مادة اسمها (parallel processing) وكانت مادة سخيفة و دمها تقيل .. لكن كنا كلنا بنموت فى الدكتورة فاطمة ... وابتسامتها الرقيقة ... و كانت بتحسس كل طالب و طالبة فى القاعة انها بتشرحله لوحده ... وكان فى خناقات فى آخر سنة على مين المجموعة اللى الدكتورة فاطمة هتشرف عليها فى المشروع ...

[Guest النسر المصري]

معليش يا عمرو .. الفكرة موصلتش اوي ...

يعني هل أنت تؤيد الهدية والا لا ؟؟

مثلا في حكاية المعيد اللي تكلمت عنه .. صحيح هو من حقه يقبل أو يرفض ..

بس انا شايفه في الحالة دي .. انه مفيش اي مبرر لرفض الهدية ..

اللي فهمته انها اخر سنة يعني مفيش مصلحة ويمكن الهدية تعتبر رشوة ..

وبرضه يعني الهدية من شباب مش بنات يعني .. في حالة فكر المعيد انه يمكن البنت دي بتحبه ..

او انه نفسه مش عايز يقبل هدية من بنات ..او انه مش عايز يكون فيه اي كلام على علاقة بينه وبين البنت ..

والرسول صلى الله عليه وسلم قبل الهدية ..

وموضع الشك اللي ممكن احط نفسي فيه ..

صحيح الواحد لازم يبتعد عن مواضع الشك ..

بس في حالتي انا .. أول حاجه ان الهدية هتبقى في اخر السنة .. وخلاص انا مش هاشوف الدكتور بعدها تاني .. يعني مش قصدي رشوة واستمالة قلب عشان يخلي باله مني وهو بيصحح لي مثلا ..

ثاني حاجه انا قلت ان الهدية هأقدمها باسم جروب المشروع كله .. يعني مفيش مجال لاحتمال وجود اي علاقة بيني وبينه شخصيا .. وبرضه زي ما قلت الدكتور بعتبره في مقام والدي بالضبط ..

يعني مش حاسه انه فيه اي مجال لاي شبهه ..

لا انا مش مجبرة ولا حاجه على الهدية بس انا خدتها من باب رد جزء من الجميل ..

صحيح الدكتور مش بيستنى حاجه على العلم اللي بيقدمه لنا وبيشرحه لنا ..

بس برضه هيفرح من جوا ويحس ان حد عبره لو احنا شكرناه بهدية ..

وبرضه ايه الفرق بين الشوكولاته والكتاب ..!!

والا ايه رأيك ؟؟!!..

ياجيجي يعني انا وضحت وجهت نظري بكل قوة ومع ذلك انت عايزة تنفذي رغباتك بدون الاخذ بآراءنا

انا بقول انه نبعد عن الشبهات والشك وانت توافقي عليه وتقولي انه صحيح انه لازم ابعد عن الشبهات...وبعدين في نفس السطر بتقولي بس انا شايفه ان مافيهاش حاجة....

يبقى احنا اللي مش فاهميين اذا كنت موافقه على وجهة نظرنا ولا لأ لانك وافقت ثم اعترضت

وقلت انك مش عارفة اذا كنت مواقق على الهدية ولا لأ وفي نفس الرد قلتي انه ايه الفرق بين هدية كتاب وساعة؟؟!!

فانا مبصراحة متأكد انك مش متأكدة انك عاوزه تسمعي آراءنا ...إنما انت عاوزة مؤيد فقط لفكرتك

اذا كانت الهديه مجرد نوع من رد الجميل (مش عشان نوع مساعدة(لانه اكيد لابس ساعة)) يبقى التقيم دة بقيمة الهديه المادية ولا المعنوية

وهل الساعة يا جماعة أقيم فعلا في زمنا دة من الكتاب(وهو خير جليس للصديق)!!!؟؟؟ لانك بردو سألت بغرابة عن اية الفرق بين كتاب وساعة...واللي هو مفيش وجه تشابه بين قيمة الاثنين المعنوية

الكتاب وبيتين الشعر أو كلمة الشكر اللي مكتوبة على جلدة الكتاب القيم هي هدية طبيعية للمدرس او الاستاذ من الطالب او العكس ...(مش ساعة) زي لما احب اروح اهدي دكتورتي هدية اقوم جايبلها خاتم او إسوره دهب مثلا....؟؟!!!!!

(في حين ان فيه كتب أغلى من الساعة وفي كلتا الأحوال الكتاب أقيم)

اذا كنت عاوزة تقدمي الهدية بقيمتها المادية دي لاستاذك عن قناعة تامة ما بداخلك من أحاسيس ومشاعر يبقى اتكلي على الله ولا تلومينا على محاولة مساعدتك

فانت عضوه محبوبة لنا هنا جميعا ويهمنا مصلحتك..وأعتقد ان الجميع يشعروا معي في ذلك...

عموما أنا لا اتمنى لك إلا كل الخير...وبالنجاح والتوفيق المبهر انشاء الله

تحياتي الخاصة لك :blush:

[se_ Elsyed]

أقولك على موضة تغليف الهدايا اليومين دول ..

تجيب صندوق خشب صوغنن كده .. وتفرشه ورد مجفف وشموع صوغننة ..

بعدين تحط الهدية جواه وتغلفه بقماش اورجانزا :blush:

وحاجات التغليف بتبقى اغلى من الهدية نفسها -_-

أنا لو كنت دكتور أو حتى تومرجي وواحده جابتلي هدية زي دي ..

هاروح مسبل عين ومنفجل التانية وأروح قايل لها بصوت حالم زي عبد الحميد حافظ في فيلم إنت عُمري

" بتحبيني يا سُعاد ؟ .. وكتمه كل ده في قلبك وسايباني أتلوع طول الأربع سنين بتوع الدراسة وحتى السنة اللي دبلرتي فيها أهم بقوا خمسة ؟ على العموم - برضوا بنفس التون بتاع الصوت الناعم - الصندوق ده أنا هافضل محتفظ به لحد ما أموت .. وبدل ما يشتروا لي صندوق بالشيء الفلاني عشان يدفنوني فيه .. هاكتب في وصيتي إنهم يدفنوني في صندوق سُعاد ...

سُعاد - نقلب بقى على التون بتاع عُمر الشريف في فيلم في بيتنا رِجل ... إخبطيني بالشومه على دماغي عشان أتأكد إنك بتحبيني لشخصي أو إخزقي لي عيني الشمال عشان أتأكد إنك مش طمعانه في القرشين اللي حيلتي أو في مرتب الحكومة اللي ما بيكفنيش لحد يوم خمسه في الشهر أو تكوني طمعانه في النوكيا 5500 اللي معايا أبو خط مش كرت .. مانتي عارفاه ؟

معليش دي مداخلة كده على الطاير بمناسبة الصندوق أبو تيرتر ...

صحيح ..

ناس لها حظ

وناس لها تيرتر

---

إلى الأخوة اللي مستغربين على المايك والدوائر الإلكترونية الحساسة

أومال إنتوا فاكرين إنه قاعد معاهم في نفس القاعة سون فاسو كده ؟

ده عشان جيم جيم تديلوا الهدية فيها قصة وموال ... خدوا السيماريو اللي جاي ده :

جيم جيم تُمسك المايك وتتحدث : من جيم جيم القاطنة في شارع حلة الجصمان إلى الدكتور بُرعي المستخبي في الأوضة التانية ..... حول

د/ بُرعي : عُلم يا جيم جيم ... عايزه إيه ؟

ج ج : كل من في القاعة يهُدوك السلام وبيقلوا لك شكراً على وقفة الرجولة اللي إنت وقفتها معانا من ورا الشباك طول الأربع سنين العجاف اللي فاتوا ... حول .

د / بُرعي : عُلم يا جيم جيم أنا ما عملتش غير الواجب يا بنتي وإنتوا زي ولادي اللي ما خلفتهمش .. وبعدين أنا باخد مرتب على كده لا مؤخذه .

ج ج : بعد إذنك طال عمرك .. أنا والبنات بتوع الدفعة أقطتعنا من قوتنا طول الأربع سنين لحد ما حوشنا 1200 ريال وكنا خلال تلك الفترة بنستخسر حتى بِنس الشعر نشتريها لنفسنا .. كل ده عشان نشتري لك هدية ( ياكش تطمر فيك وتدينا تقديرات كويسه ) ... حول .

د / بُرعي : والله مالوش داعي يا جيم جيم أنا كفاية عليه تبقوا راضيين عني وتدوني فيزا حُره إن شالله حتى لو حارس إستراحة بعد ما طلع معاش .. إوعي تفتكري إني عايز أرجع تاني .. لأ ، ده أنا هاخد الفيزا أبيعها وأستفيد من فلوسها ... والـ 1200 ريال بدل ما كنتوا تشتروا بها هدية فكنتوا إدوهاني كاش ... يالله اللي يجي من الصعايدة فايدة .. ويا ترى جبتوا لي إيه ؟فيديون .. ولا تي في تي .. ولا نوكيا الدمعة ؟

ج ج : إحنا جيبنا لك صندوق ؟ حول

د /برعي : إخص عليكي يا جيم جيم ... بتفولي عليه وبتتمني موتي عشان تبعتوني في صندوق ... ماكنش العشم يابنت الشيوخ يا أصيلة ؟

ج ج : لأ ما تفمنيش غلط إحنا جيبنا لك صندوق مفروش ورد ناشف عل حتة قماش صوف العسكري تنفع تفصلها منطلون .. وفيه برضوا فضلة خيرك شوية فطير على عسل نحل على شوية تمر سُكري من بتاع القصيم .. حول .

د / برعي : يابنتي مالوش لازمه ده كله ... أنا ما بقاش فيه شنان لده كله .. فطير إيه وبلح إيه بس .. والله مالو داعي .

ج ج : طيب إحنا ممكن ننزل الحراج نبيع الصندوق باللي فيه .. ونديلك الـ 1200 ريال ... حولهم .

د/ برعي : طب حطيهم في ظرف وسبيهم على باب أوضة الفيران اللي محبوس فيها بقى لي أربع سنين .. وأول ما تمشوا هالف وأخدهم ... كثر خيرك ويجعله عامر ..

[مصرية الهوى]

ايوى يا مهيب مش بأهزر ولا حاجه والله ...

عشان احنا في اغلب الجامعات مفيش اختلاط .. يعني كليتنا بنات خالص .. وتلاقينا ماشيين في الكلية زي ما نكون ماشيين في بيتنا من غير حجاب ولا حاجه .. فصعب انه كل ما يبقى عندنا دكتور راجل الكلية كلها هتلبس النقاب عشان الدكتور يدخل .. فالطريقة دي اسهل ..

واحيانا بيبقى يشرح عند الشباب والبنات بيشوفوا المحاضرة في نفس الوقت ...

وعادي جدا فيه تفاعل بيننا وبين الدكتور .. يبضحك معانا ويسألنا اسئلة مفاجئة .. و انتي يافلانة جاوبي ..

انت فاكر ان لو حد اتكلم الدكتور هيسكت او لو شوشرة حصلت في القاعة الدكتور مش هيزعق لنا ...

لا ده ضابط القاعة اكنه موجود في وسطنا ..عادي جدا..

يعني مفيش فرق بينه وبين الدكتورة اللي تبقى واقفة فوق دماغنا ...

بس خلي بالك الاعداد عندنا قليلة يعني دفعتي انا 57 طالبة بس ..

وحكاية النت دي .. كتير من الكليات تعملها .. الدكتور بيبقى قاعد في الرياض مثلا ويلقي محاضرة ينقلوها لـ 6 والا 7 مناطق في حتت مختلفة في السعودية ..

ياجيجي يعني انا وضحت وجهت نظري بكل قوة ومع ذلك انت عايزة تنفذي رغباتك بدون الاخذ بآراءنا

لا يا عمرو الله يهديك متقولش كده -_-

والله العظيم رايكم يهمني .. ولو مش بيهمني مكنتش كتبت الموضوع اساسا ..

بس ان جيت للحق .. انا كنت عايزه حد يشجعني ..

لاني كنت مقتنعة بالموضوع مية المية بس اترددت شويا .. فكنت عايزه حد يشجعني وده اللي حصل ..

انا كنت بس باتناقش معاك عن وجهة نظرك في الموضوع ..

بس شكلنا كده محدش فاهم التاني :blush:

اذا كنت عاوزة تقدمي الهدية بقيمتها المادية دي لاستاذك عن قناعة تامة ما بداخلك من أحاسيس ومشاعر يبقى اتكلي على الله ولا تلومينا على محاولة مساعدتك

لا بقى انت كده طلعتني بأدوب في دباديبه :P

الله يخرب بيت عقلك يا س س .. ده انا شرقت من كتر الضحك ..

كنت هأروح فيها .. وساعتها مش هأدي لبرعي هدية :P ...

بس يا خوفي لا يكون بيقرا المحاورات وبعدين لما بقوله يا دكتور انا هأديلك هدية ..

يقوم مديلي نسخة من الموضوع ده :wub: ..

[nancy]

جيجي بصى اديلة الهدية وخلصى نفسك بالا ترتر بلا دياولوا بس خليها كتب بلاش ساعة الله يخليكى

وعلى فكرة يا جيجي

لو عزتى حاجة فى المشروع انا خريجت فنون جميلة ديكور واعتقد دة تخصصك برضة فلو عزتى حاجة ابعتيلى على الخاص او العام واسعدك فى اى حاجة تقف معاكى فى مشروعك وربنا يوفقط يا جيجي

بالنسبة لسى السد انا حسميك جحا المصرى على النت مش ممكن سرعة البدية دى فى تاليف المواقف الكوميدية ما شاء الله عليك

كلامك يموت من الضحك

[sendrella119]

ما تتصرفيش تصرف ............يحتمل تفسيرين !!!!!!!!!!!!

نصيحتي ليكي ..لا طبعا

بس انا عارفة اخر التردد ده ايه..................

العقل يحتاج الى التجارب .

السؤدد محتاج الى الامن.

الحــــب محتاج الى الادب.

[se_ Elsyed]

الحمد لله إني لحقت سندريلا قبل الساعة 12 عشان اسألها

سندي .. سندي

يعني إيه سؤدد يحتاج إلى أمن ؟

السؤدد محتاج الى الامن

[مهيب]

المشكلة يا جيجى انك بتتكلمى عادى جدا .. زى ما يكون اللى بتقوليه ده المنطق ... ما علينا .. بس انتى بقى مغلبة نفسك ليه كده ... أدام الدكتور لا شافك و لا هيشوفك ولا يعرفك من الأصل ... اديله الهدية باسم الدفعة ووحياتك عندى لا هيفهم غلط ولا صح حتى ... مش هيفهم أى حاجة من الأساس ...

وبعدين دفعتك مش صغيرة قوى يعنى ... احنا أيام الكلية كنا 60 طالب و طالبة فى قسم حاسبات .. و حوالى 80 فى تحكم و 100 فى اتصالات ..

على العموم ربنا معاكم ... وبالمناسبة دى .. انتى عارفة انى بحب دايما أستغلك علشان تحكيلى عن أسرار الصندوق الأسود اللى اسمه المملكة العربية السعودية بما انى عايش فيها .. وبيبقى شكلى وحش لما بارجع بلدى و يسألونى فأقولهم معرفش ... الكليات العملية بقى بيبقى النظام فيها ازاى ؟؟ انتو أكيد عندكم كلية طب .. بيبقى ايه النظام فى المشرحة مثلا أو فى الكلينيك أو حتى لو فى هندسة ايه نظام السكاشن و تجارب المعمل وكده ؟؟وأعداد الدفعات دى بتبقى كام على مستوى الدولة ..

مهيب

[مصرية الهوى]

مش عارفه حسيت اني اتلبست تهمة ...

مش عارفه اقول ايه والله

خلاص ماشي مش مشكلة :blink:

لو عزتى حاجة فى المشروع انا خريجت فنون جميلة ديكور واعتقد دة تخصصك برضة فلو عزتى حاجة ابعتيلى على الخاص او العام واسعدك فى اى حاجة تقف معاكى فى مشروعك وربنا يوفقط يا جيجي

ربنا يخليكي يا روح قلبي ..

انا مش هندسة ديكور انا تربية علوم حاسب ..

شكلك فهمت الموضوع غلط .. هندسة الديكور بحبها كهواية :wub:

سندريلا ..

الله يخليكي يا سندريلا بس مفهمتش كل حاجه تقصديها :ph34r:

المشكلة يا جيجى انك بتتكلمى عادى جدا .. زى ما يكون اللى بتقوليه ده المنطق ... ما علينا .. بس انتى بقى مغلبة نفسك ليه كده ... أدام الدكتور لا شافك و لا هيشوفك ولا يعرفك من الأصل ... اديله الهدية باسم الدفعة ووحياتك عندى لا هيفهم غلط ولا صح حتى ... مش هيفهم أى حاجة من الأساس ...

وبعدين دفعتك مش صغيرة قوى يعنى ... احنا أيام الكلية كنا 60 طالب و طالبة فى قسم حاسبات .. و حوالى 80 فى تحكم و 100 فى اتصالات ..

على العموم ربنا معاكم ... وبالمناسبة دى .. انتى عارفة انى بحب دايما أستغلك علشان تحكيلى عن أسرار الصندوق الأسود اللى اسمه المملكة العربية السعودية بما انى عايش فيها .. وبيبقى شكلى وحش لما بارجع بلدى و يسألونى فأقولهم معرفش ... الكليات العملية بقى بيبقى النظام فيها ازاى ؟؟ انتو أكيد عندكم كلية طب .. بيبقى ايه النظام فى المشرحة مثلا أو فى الكلينيك أو حتى لو فى هندسة ايه نظام السكاشن و تجارب المعمل وكده ؟؟وأعداد الدفعات دى بتبقى كام على مستوى الدولة ..

مهيب

المشكلة يا جيجى انك بتتكلمى عادى جدا .. زى ما يكون اللى بتقوليه ده المنطق ... ما علينا ..

لا يامهيب استنى ارجوك ..

ممكن تشرح لي انا مش فاهمة اللي بتقوله .. يعني ايه عادي جدا ومنطق والكلام الكبير ده ..

عشان انا مش فاهمه بصراحة ..

يعني لازم الدكتور يشوفني واشوفه ونتقابل ونخرج سواعشان اقدر اهديه هدية مني !!!!

ولو على المعرفة الدكتور بيعرفني اوي ..

كلية الطب والهندسة بعيدين عننا اوي مش في نفس المكان ..

بس دايما مقاعد الكليات العلمية بتبقى محدودة اعتقد مش اكتر من مية في كل جامعة ..

وطبعا الكليات الطبية في المعامل والتدريب والكلام ده بيبقوا شباب وبنات ..

مش زي الكليات التانية منفصلة ..

يلا بقى اعذروني انا نفسيتي زفت

وفشت الخلق طلعت فيكم

:blink: :excl: :sad:

[wael_107]

مش عارفه حسيت اني اتلبست تهمة ...

مش عارفه اقول ايه والله

خلاص ماشي مش مشكلة :unsure:

الموضوع ياجيجى ليس مجرد هديه

انا متابع الموضوع من يوم ما كتبتيه بس كنت حابب اعرف رأى الناس

وزى ما شفتى

نظرة المجتمع هى الفاصل فى حياتنا كلنا (ده سلوك مجتمع)

اعملى اللى انتى شايفاه صح ومتزعليش نغسك

وانا رأيي ان ده شىء حضارى واسلوب جميل للتعبير عن شعورك

وبعدين (من علمنى حرفا صرت له عبدا)

مش كده ولا إيه

[مهيب]

يعني لازم الدكتور يشوفني واشوفه ونتقابل ونخرج سواعشان اقدر اهديه هدية مني !!!!

أنا مقلتش كده ... ولا هو معنى ان الدكتور يشوفك و تشوفيه يا جيجى يبقى على طول بعدها هتخرجوا سوا و تدخلوا السيما ... والله احنا كانت بتدرسلنا فى الكلية معيدات ممكن تكون الواحدة منهم أكبر منى بسنة أو اتنين بس .. و آنسة مش متجوزة يعنى .. و أقولك على حاجة (بس امسكى أعصابك) كنت بشوفها و تشوفنى وكانت بتقف تشرح كده قدامنا على البورد من غير حواجز .. آه والله .. لكننا عمرنا لا اتقابلنا ولا خرجنا ولا قعدنا فى كازينو ... بل انى - وده رأيى الشخصى - شايفهم كانوا أكثر احتراما و تدينا و خلقا و شخصية و التزاما من بنات كتير من لابسات السواد.

مسألة الحاق (يشوفنى و أشوفه) بـ (نتقابل و نخرج سوا) فيها بعض التلميحات الـ .. خلينى أقول اللى مش ظريفة عن الأخريات و الآخرين ممن (بيشوفونا و نشوفهم) وكأن الأسلوب الوحيد لردع الذئب الأرقط اللى هو الدكتور من الاستفراد بطالباته و الخروج معهم ليلا و الذهاب الى الحانات هو ببساطة منعهم من رؤيتهم و من لا يطبق هذا فبالطبع علينا أن نستنتج بشكل أو بآخر من أنه فى الغالب مفسدة و فتنة فى الأرض ..

وطبعا الكليات الطبية في المعامل والتدريب والكلام ده بيبقوا شباب وبنات ..

مش زي الكليات التانية منفصلة ..

بالمناسبة معنى كده ان فى الكليات العملية بيتقابلوا و يخرجوا سوا علشان طبعا (مش منفصلة)

أنا آسف مقدرتش أمنع لسانى الطويل يا جيجى ... و عارف ان الحالة النفسية عندك مش ولابد .. بس معلش .. كلنا هذا الرجـ .. قصدى هذه الفتاة ... المهم بس انتى ابقى طمنينا على نتايج امتحاناتك ..

أما فى موضوع الهدية .. فياستى اعلمى اللى بتمليه عليكى مفردات مجتمعك أيا كانت ... لو عادى انك تجيبى هدية هاتى .. لو مش عادى متجيبيش ... أو لو الموضوع محيرك قوى ... هاتيله هدية و خللى والدك مثلا يقدمهاله على أساس انه راجل زيه و فى تفس سنه .. و يقوله دى تعبير بسيط على المجهود اللى بذلته مع بنتى و يا دار ما دخلك شر .. ساعتها حتى الدكتور ممكن يفرح أكتر لما يشوف راجل كبارة بيقدمله هدية

وروقى كده .. عاوزينك ترجعى فورا سريعا تنشرى عطورك و كلماتك العسل فى المنتدى

مهيب

[yacho]

انا نفسسسسسسسسسسسسسسسسسسى اعرف :ph34r:

انت بتالف الكلام دة ازاي ..يا سى السيد

تحححححححححححححفه .. بجد :unsure:

[se_ Elsyed]

انا نفسسسسسسسسسسسسسسسسسسى اعرف :sad:

انت بتالف الكلام دة ازاي ..يا سى السيد

تحححححححححححححفه .. بجد <_<

أخجلتم تواضعنا يا فندم

كل ما في الأمر إني بأبقى قاعد في حالي ولو سمعت خبر أو قرات جُمله مُعينة .. بتروح نكشاني على طول .. ووحل التأليف ينزل على دماغي وأروح مألف طوالي ...

وما تقوليليش إن كلمه زي صندوق وفيه ورد ناشف وشموع سوداء وقماش تيل نادية ممكن تعدي بسهولة ....

تحياتي ،،،،

[مصرية الهوى]

الله يخليك يا وائل .. وجهة نظر حلوة ..

الحكاية كلها انا جيبها من باب التقدير لا اكثر ولا اقل ..

- - - - - - - - - - - - - - - - - - - - -

بص يا مهيب .. انا هأجي اخنقك <_<

يا عم انت هتجيبلي الضغط والسكر وتموتني ناقصة عمر :wub: ..

ايه التفسيرات الغريبة والافكار الغريبة دي اللي مجتش على بالي اساسا ..... أنت بتفكر ازاي؟؟؟!!!!!!!

ركز معايا الله يهديك .. بلاش تفترض سوء الظن بالاخر بالشكل ده ..

وتاخد الامر بطريقة عدائية ... واكتر احتراما وتدينا ووووو ,,,

انت قلت :

بس انتى بقى مغلبة نفسك ليه كده ... أدام الدكتور لا شافك و لا هيشوفك ولا يعرفك من الأصل ... اديله الهدية باسم الدفعة ووحياتك عندى لا هيفهم غلط ولا صح حتى ... مش هيفهم أى حاجة من الأساس ...

فأنا قلتلك يعني لازم يشوفني ( يتحقق عنصر المقابلة الشخصية وجها لوجه وتكون فيه علاقة خاصة بس انا عبرت عنها بالخروج كناية بس .. قصدي اكون عنده مش زي كل البنات ) عشان اديله هدية خاصة مني ... مع ان الموضوع ده اللي مر على بالي فترة وشلته من دماغي خلاص .. وقررت الهدية تكون من جروب المشروع كله .. وخلاص انتهينا !!!!!!!

بس بصراحة اتغظت فعلا من كلامك الغريب ... اتهمتني اتهامات فظييييييييعة ..

انا مش كده خالص يا مهيب ... انا لا يمكن افكر بالطريقة دي .. انا لا يمكن بأي حال من الاحوال اشوف انا اللي عندي هو الصح الخالص وان اللي عند غيري هو الخطأ الخالص ... الدنيا الوان يا مهيب ..الوان مختلفة ..ربنا خلقها كده مختلفة ..

مش معنى اني بحب الاحمر وغيري بيحب الازرق يعني انا الصح وهو الغلط ....

وبعدين البنات اللي تتكلم عليهم وتشوفهم ويشوفوك دول صحباتي .. بجد والله ..

ويشوفني واشوفه ... لا تلميحات ولا حاجه .. ده يحصل عندنا برضه .. انا ليا صحبات في طب وعلوم طبية بيقابلوا الدكاترة عادي جدا... انت زعلتني جدا والله .. ايه الذئاب والفتنة والفساد في الارض ...الحكاية كانت ابسط من كده بكتير ..

يعني بالمختصر المفيد انا طلعت من منسوبي القاعدة والا التكفير والهجرة :wub:

انا مصدوووووومة فعلا ... :wub:

وما تقوليليش إن كلمه زي صندوق وفيه ورد ناشف وشموع سوداء وقماش تيل نادية ممكن تعدي بسهولة ....

الله يخليك يا س س ..

اكيد الشموع السوداء دي بتفتق (مشوها كده :sad: ) الافكار الجميلة ..

بقولك ايه .. مرة انا قاعدة قدام الكمبيوتر وبأضحك .. فبصت لي بنت خالتي وقالتي : اكيد تقري حاجه لـ س س ..

ابسط يا عم دي شهرتك بقت على نطاق دولي :) .. ( الرياض والقصيم وضواحيها )

عقبال ما توصل جيزان ونجران وتوابعها :)

[مهيب]

أولا أنا مقولتش أى كلام فى مشاركتى فى تعدى أو تخطى حدود ...

ثانيا أنا لم أتهمك بأى شيء أنا رددت على ما فهمته من مشاركتك اللى فى رأيى لا زالت واضحة و مش محتاجة تفسير

ثالثا بصراحة يا جيجى أنا مكنش قصدى انى أصدمك أو أقول انك بتنتمى لأى طائفة ... لكنى للأسف ملاحظ ان المصريين بقوا عندهم هواية جلد الذات و مابيصدقوا حد يبدأ ينتقدهم فيكملوا هم القصايد و فى المقابل نلاقى الآخرين مابيتقبلوش أى نوع من أنواع النقد من الأساس .. ولما حاولت أستغرب (وده حقى) من سلوك معين لقيت ان انتى بتدافعى على اعتبار اننا لا ولم و لن نكون أبدا خطأ بأى حال من الأحوال لكنك فقط لا تفهم الأمر جيدا ...

ورابعا .. يشهد الله انى بجد اجتهدت فى كل ردودى فى المنتدى ده بالذات من ساعة مابدأ فيه اشتراكى ان محدش يزعل أو يتصدم منى بأى حال من الأحوال .. و يشهد الله انى حاولت بكل جهدى بجد انى ماستحقش كلام من نوعية (انت بتفكر ازاى؟؟) أو (تاخد الأمر بطريقة عدائية) أو كده .. لكن من الواضح ان مجرد المجهود و المحاولة لا يكفى ... و أنا مش عارف ايه اللى صدمك أو حسسك انى واخد الموضوع بأى نوع من العدائية ...

على العموم ليس بالضرورى أن يكون من اعتقدت أنه يفهمك جيدا تجده حقا كذلك ... لم أقصد أن أخطئك أو أخطىء أحدا .. أو أرفع الضغط أو أجعل أحدا يحنق على بأى شكل ...

خلاصة الأمر ... اذا كان هناك ما أغضبك فى كلامى فتستطيعى أن تنسيه برمته .. و أنا آسف يا ستى ... مش عارف على ايه ... بس آسف .. رغم انى لسه مقتنع بكل كلمة قلتها ... لكن أقولك ... أنا آسف على قناعاتى و نظرتى للأمور

مهيب

[مصرية الهوى]

منه لله اللي كان السبب

وخلى مهيب يزعل مني بالشكل ده :wub:

بجد يا مهيب انا آسفة جدا على اللي حصل ..

وانت عارف انه مكانش قصدي ان ده يحصل ابدا ..

[مهيب]

هو الدكتور السبب ... قدميله بقى هدية ازازة حمض كبريتيك مركز و قوليله دى من مهيب ... قوليله انها لوسيون حلاقة علشان نقضى عليه خالص ... يابنتى .. أتحداكى أصلا انك تجيبى حد يعرف يزعل منك هنا أساسا ...

وكفاية كده .. علشان لو كملت .. هاكتب فيكى قصيدة بجد ..

مهيب

[Guest النسر المصري]

نقطة نظااام يا حضراات

أقسم بالله العظيم ...أني لطالما أحببت ذلك الاستاذ العظيم...الاستاذ مهيب....هذا الرجل الخلوق فوق العادة...بارك الله فيك وفي أخلاقك يا أستاذنا العظيم

تانيا

جي جي....هو احنا كلنا هنا لسة عارفين بعض....انت يابنتي من أحب الأعضاء عندي ...وعلى رأي الاستاذ مهيب...اتحداك تجيبي لنا حد زعل منك

مستحيل

نووو واااي

ذات ايز ايميسيبول

ويل كوم اني تايم ماي فريند.....وويل نص كوم وربع كوم كمان

وروقوا ياجماعة

حاجة ساقعة بيبس ...مين عايز حاجة ساقعة بيبس....ايوة يافندي ..ايوة يامدام....ايوة ياآنسة....كلوا موجووود عندنا

[tarek_almeghallawy]

منه لله اللي كان السبب

وخلى مهيب يزعل مني بالشكل ده ..

أنت مش آخده بالك يا جيجي

من ساعة ما حطيتي صورة البنت أم شعر منكوش دي

والناس بتشخط فيكي

طبعاً هي السبب

بتستفزهم فيقوموا يخلصوا تارهم معاكي

شليها كده وجربي

ها تلاقي الأعصاب هدت

وكل حاجة رجعت مكانها

[مصرية الهوى]

هو الدكتور السبب ... قدميله بقى هدية ازازة حمض كبريتيك مركز و قوليله دى من مهيب ... قوليله انها لوسيون حلاقة علشان نقضى عليه خالص ... يابنتى .. أتحداكى أصلا انك تجيبى حد يعرف يزعل منك هنا أساسا ...

وكفاية كده .. علشان لو كملت .. هاكتب فيكى قصيدة بجد ..

مهيب

آه فعلا .. منه لله ..

انا هانتقم منه :wub: ...

بس مليش دعوى انا مستنية القصيدة :P

بس ايه .. اوعى الصورة بتاعتي هي اللي تكون ملهمتك .. احسن يكون مطلع القصيدة ..

انت يا بت ( الحقوق محفوظة لللمبي :D )

يا ام شوشة منكوشة .. :)

نقطة نظااام يا حضراات

أقسم بالله العظيم ...أني لطالما أحببت ذلك الاستاذ العظيم...الاستاذ مهيب....هذا الرجل الخلوق فوق العادة...بارك الله فيك وفي أخلاقك يا أستاذنا العظيم

تانيا

جي جي....هو احنا كلنا هنا لسة عارفين بعض....انت يابنتي من أحب الأعضاء عندي ...وعلى رأي الاستاذ مهيب...اتحداك تجيبي لنا حد زعل منك

مستحيل

نووو واااي

ذات ايز ايميسيبول

ويل كوم اني تايم ماي فريند.....وويل نص كوم وربع كوم كمان

وروقوا ياجماعة

حاجة ساقعة بيبس ...مين عايز حاجة ساقعة بيبس....ايوة يافندي ..ايوة يامدام....ايوة ياآنسة....كلوا موجووود عندنا

الله يخليك ده من زوئك والله ياعمرو .. شعور متبادل ..

بس انت كسفتني بجد انا مستهلش كل ده :lol:

و معاك حق .. مهيب مش استاذ بس ده بروفيسور :P

بس باقولكو ايه .. اوعوا تكونوا بتشتغلوني ..

احسن " الغواني يغرهن الثناء " -_-

واحنا روقنا خلاص .. شدينا في شعر بعض شويا وخلاص ..

رجعنا احلى من الاول .. زي العيال عادي :P

منه لله اللي كان السبب

وخلى مهيب يزعل مني بالشكل ده ..

أنت مش آخده بالك يا جيجي

من ساعة ما حطيتي صورة البنت أم شعر منكوش دي

والناس بتشخط فيكي

طبعاً هي السبب

بتستفزهم فيقوموا يخلصوا تارهم معاكي

شليها كده وجربي

ها تلاقي الأعصاب هدت

وكل حاجة رجعت مكانها

طارق ..

تفتكر ده بجد ..

طيب والله لانا مغيراها ... تغور في ستين داهية اللي جابتلي المصايب ( انتي اللي جبتي لنفسك :blush: )

هأدورلكو على وحده كده .. مسرحة شعرها ومتظبطة وعلى سنجة عشرة :P