65 ألف قضية فساد يا ظلمه

[se_ Elsyed]

تصريح لهيئة الرقابة الإدارية يقول بإنها تنظر الآن في 65 ألأف قضية فساد مالي وإداري في المحروسة

لا نملك إلا إننا نضرب كف على كف ونقولي " حسبنا الله ونعم الوكيل ... لهفي عليكي يا مصر )

مش ممكن يا جماعة تكون البلد دي فيها هذا الكم من الفساد والناس لاقيه هوا حتى تتنفسه ؟!!!!!

عصر إيه ده ؟

ورئيس إيه ده اللي قاعد فوق على تل من الفساد ؟ ده حتى مش كويس على حاسة الشم بتاعته ... ولا خلاص بقى يحكمنا وهو لابس كمامة عشان ما يشمش ؟

خلوا بالكم إن ده رقم رسمي ... يعني ما خفي كان أعظم ... وما تم الطرمخه عليه أعظم وأعظم ..

إيه في إيه .. هي الهيئات الرقابية زي الرقابة الإدارية ومباحث الأموال العامة والمدعى الإشتراكي والجهاز المركز للمحاسبات هدفها التحقيق فقط ؟ يعني منع وقوع تلك الجرائم في حق الشعب المصري شيء مُستبعد ؟

[إبن مصر]

معلش يا سى السيد انا هانظر للرقم بصوره مرعبه اكثر....

لو طبقنا معادله رياضيه بسيطه قياسا لتعداد مصر نجد ان نسبه الفساد الى تعداد مصر بالكامل ستجد انها 0.1% أى واحد فى الالف أى انه لكل الف شخص هناك قضيه فساد وليس شخص فاسد...

هذه النسبه المبدأيه مهوله... مهما كان تعريف قضيه الفساد عندهم...........

نسبه رهيبه.

وليس بالسهل ان نتناقش فيها فقط بل انها كارثه.

ولكن لا اعتقد ان الفساد الحكومى يسقط على الحكومه فقط فهؤلاء الفاسدين هم افراد الفرق انهم ينتموا الى الحكومه.......

والكارثه الاكبر ان هذه القضايا هى فقط ما تم الكشف عنه... وما خفى كان أعظم.

اعتقد ان الحل يكمن فى ان نستغنى عن الجيل الحالى والسابق وننظر الى الجيل القادم ونحاول ان نعلمه معنى الفساد وحلاوه النزاهه.... ربما يقل الرقم الى ...

لا أدرى

[أسد]

وإذا إفترضنا أن متوسط عدد أفراد الأسرة في مصر هو 6 أفراد وبحسب آخر إصاء أن المصريين أصبحوا 73 مليون .. فسنجد أن في مصر تقريباً 12 مليون أسرة

وبنفس الحسبة فسنجد أن النسبة هي أسرة واحدة من كل 200 أسرة لديهم شخص متهم بقضية فساد ..

أي أن في كل شارع من شوارع المحروسة أو حارة يوجد عدد لا بأس به متهم بقضايا فساد ..

ولنا أن نعرف أن نسبة ما يتم كشفه من تلك الجرائم هو حوالي 10% فقط .. في أحسن الأحوال .. فمعنى ذلك أن من لم يتم الإمساك به .. هو عدد آخر رهيب ...

[Hammer]

لا تكمن مشكلة في مصر في وجود أشخاص فاسدين , فالفساد موجود في كل بقاع الدنيا بلا إستثناء , بل تكمن في الأليات الهزيلة في متابعة و حساب الفاسدين .

فأنا واثق إن 99% من هذا الكم الرهيب من قضايا الفساد المعلن عنها هو لموظفين حكوميين من بتوع ( كل سنه و إنت طيب ) أو عسكري مرور من المبتدئين الي طموحهم بيكون في حدود العشرة أو العشرين جنيه .

بصراحه و واقعيه , من منا لم ( يظرف ) موظف أو حتي مدير بالمعلوم علشان حاله ما يقفش ؟؟

المشكله في مصر مركبة , فمن جهه متوسط الدخول مهينه , لا توفر أي حياه من الأصل للموظفين و العاملين في الهيئات الحكومية و العامة .

و المشكله الأخري هي قدسية الحيتان و أصحاب المناصب الرفيعة و التي تعطيهم حصانه تلقائيه ضد المسائلة و الحساب طالما هم فوق كراسيهم .

[se_ Elsyed]

يا جماعة الشعب المصري مالوش دعوة لا من قريب ولا من بعيد بالأرقام دي

لإن كل دي بتبقى تحقيقات مع موظفي الدولة بمختلف درجاتهم من الفاسدين والهليبة ..

ومستحيل طبعاً النيابة الإدارية أو هيئات الرقابة الإدارية تفتح ملف لواحد موظف أو امين شُرطة واخد 10 جنيه رشوة ...

فمعظم الضقايا اللي بيتحقق فيها دي بتبقى قضايا تقيلة .

طب تعالوا أضحككوا على حاجة لحد البُكاء

فاكرين سالم إكسبريس ؟

قافشين مراته ورئيس ميناء إسكندرية والنائب بتاعه وكمان واحد رجل أعمال باكستاني عشان غيروا معالم أحدى عبارات سالم إكسبريس المرهونة لأحد البنوك واللي كانت راسيه في مينا إسكندرية وباعوها للباكستاني بإتنين مليون دولار .. وكإن ده أمرٌ دُبر بليل وماحدش أخد باله .. وطظ في اموال بنوك الدولة ... وطظ في الكل كليلة .

[على عينه]

لا تكمن مشكلة في مصر في وجود أشخاص فاسدين , فالفساد موجود في كل بقاع الدنيا بلا إستثناء , بل تكمن في الأليات الهزيلة في متابعة و حساب الفاسدين .

فأنا واثق إن 99% من هذا الكم الرهيب من قضايا الفساد المعلن عنها هو لموظفين حكوميين من بتوع ( كل سنه و إنت طيب ) أو عسكري مرور من المبتدئين الي طموحهم بيكون في حدود العشرة أو العشرين جنيه .

بصراحه و واقعيه , من منا لم ( يظرف ) موظف أو حتي مدير بالمعلوم علشان حاله ما يقفش ؟؟

الاخ هامر

اعتقد انه هناك فارق كبير بين حامى ومرتشى موظفين الحكومة مرتشين عشرين جنية ولا حتى 100 جنيه اما الحرامية الكبار فهؤلاء يسرقون بالمليارات بص لواحد زى ابراهيم نافع كانت ثروته ثلاثة آلاف جنيه سنة78 انهاردة ثروته وصلت الى اربعة مليارات جنية مصرى الى جانب 70 مليون دولار تم تهريبها للخارج نحن نتكلم عن هؤلاء وليس موظفيى الحكومة والذين يتقاضون رشاوى عينى عينك والله حتى داخل اقسام البوليس والله وحتى بعض القضاة للاسف الشديد نقول انها حالات فردية ولكن سرقات المليارات هى التى تؤثر علينا وعلى اولادنا ... وعلى سمعة بلادنا والتى اصبح اسمها فى الحضيض فحسب هيئة الشفافية الدولية فان مصر من اسوأ الدول العربية سوء بمؤشر الفساد ...السيدة التى ماتت بانفلونزا الطيور كانت تخبأ دجاجاتها الستة تحت السرير فى غرفة نومها الفقر جعل من حياة البشر فى مصر جعل حياتهم رخيصة والبركة فى الفساد المستشرى فى البلاد اللهم عليك بحكامنا فانهم ظلموا شعبنا اشد الظلم