se_ Elsyed بتاريخ: 21 مارس 2006 تقديم بلاغ مشاركة بتاريخ: 21 مارس 2006 أولاً كلمة بيتوتي في سين سين الصحاح يعني الشخص الملتصق ببيته زيادة عن اللزوم وتلاقيه عايش لا له دعوه لا بده ولا بده ولا له أصحاب أصحاب .. يعني حياته من الباب للباب واللي بيزيد ويغطي تلاقي مالوش أي هواية .. يعني لا إنتماء سياسي ولا رياضي ولا حتى بيضارب في البورصة <_< شخص عايش عشان يصحى الصبح يغسل وشه ويلبش يروح الشغل ... يرجع العصر على البيت يتغدا وينام ويفضل مرابط في بيته مع عياله لحد ما يصلي العشا ويتفرج على نشرة 9 .. يتغم من الأخبار العكرة وبعدين ينام عشان يصحى الصبح يغسل وشه ويروح الشغل .. ودوخيني يا لمونه .. بذمتكو حد يستحمل العيشة دي ؟ يعني إحنا في الغربة مثلاً ... تلاقي مثلاً الواحد ما بين 8 إلى 10 شهور وشه في وش عياله .. ولما ينزلوا أجازة ينزلوا مع بعض وييجوا يرجعوا يرجعوا مع بعض .. طب فين التغيير ؟ ده حتى وحش على العقل الباطن وحاجة تقصر العمر .. محسوبكو بقى ليس بيتوتياً إطلاقاً مُطلقاً بتاتاً .. ولو إتبيتت فترة كده مُمكن أُصاب بالكساح لإن التغيير حلو برضوا - بس مش لدرجة تغيير الزوجة يعني ...آه من خاف سِلم عايزين نروح سُلام :huh: - لكن تلاقيني على الأقل يومين في الإسبوع لازم أهرب خارج البيت وأتغدا بره سواء غداء عمل أو شخصي .. وبرضوا كل فترة كده نهب هبه أنا واصدقاء - مش السوء ... سامعني هناك يابني - بالليل كده في المساء والسهرة ونطلع نشم هوا بعيداً عن القفص - الذهبي طبعاً ماقدرش أتكلم - وحتى في مصر فتلاقي العيال مأربزين في رقبة الواحد وعايزين يخرجوا كل يوم وكإن الواحد خلاص إنكتب عليه يتكتف طول العمر .. لكن على مين ؟ أي نعم ساعات الواحد بيضطر إنه يكذب كذب - أبيض - لكن كله عشان مصر :P والميزة بقى إن أخو زوجتي .. هو صاحبي في نفس الوقت .. فبنطبخها سوا وأنا أرميها عليه وهو يرمي الموضوع عليه .. وبتمشي يعني سين سين يتحجج إنه ....... خارج مشوار مع أخوكي يا ست هانم اللي قارفني كل شوية وكأني خلفته ونسيته ومصالحه ما يعرفش يقضيها بنفسه ولازم أكون معاه وهو بيتحجج إنه خارج مشوار مع زوج أخته حبيبته عشان مصالح برضوا .. وأهو كله في الأخر بيمشي ... وتحيا الحرية - المشروطة ( الأرض مقابل السلام ) الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
MZohairy بتاريخ: 22 مارس 2006 تقديم بلاغ مشاركة بتاريخ: 22 مارس 2006 بتقلب على روحك المواجع ليه بس؟ حتقوم كل ستات المنتدى عليك اللي قلته ده ضد المساواه بين الرجل والمرأه وحيهاجموك هجوم عنتري نووي كاسح اعقل و شيل الموضوع الله يهديك :wub: انا عن نفسي بيتوتي وبحاول اصاحب ناس كويسه و متجوزه ستات كويسه عشان يبقى فيه تكافؤ في العلاقه ويبقى في خروجات وتغيير جو أما تقولي تخرج عزبانجي و تسيب الوليه تضرب راسها في كل حيطان البيت :P ابدا ابدا أهو ده اللي مش ممكن ابدا :huh: Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
احمد هادي بتاريخ: 22 مارس 2006 تقديم بلاغ مشاركة بتاريخ: 22 مارس 2006 انا عمري ما كنت بيتوتي يعني في مصر كان ممكن اخلص شغلي الساعة 11 -12 بالليل لكن كان مستحيل أروح لدرجة ان في اماكن معينه كنت بقعد أذاكر فيها أو اشتغل لما احب اعزل نفسي وانجز لحد ما يوقولي خلاص يا بيه شطبنا . وبقيت معروف عندهم بالاسم - زي الافلام العربي كده لما تلاقي واحد داخل مكان عام يسأل علي حد يقولوله مجاش النهارده أو بقاله كام يوم مبيجيش حتي لما جيت الامارات لاول مره ما كنتش بيتوتي انا لفيت أبو ظبي علي رجلي في شهر 5و 6 لمجرد الفرجه وعدم الرغبه في الرجوع للبيت وده كان سبب لاستغراب ناس كتيره لكن مع الوقت انتهت كل رغبه في الخروج وبقيت احس بالوحده أكتر واكتر بره البيت :huh: خصوصا انك لما بتخرج لوحدك في المدن الكبيره تحس بالغربه أكتر وبالذات بالليل واكتر مكان ينطبق عليه الوصف ده دبي كل ما تخرج ............تحس انك ماشي جوه سوبر ماركت كبير كل حاجه فيه ببتباع حتي البشر هنا ليهم اسواق يتباعوا فيها عشان كده انا اصبحت كائن بيتوتي جدا بل اصبحت لاآكل خارج البيت إلا مضطر واتعجب اني قضيت فتره طويله جدا كنت كل يوم اتغدي في مطعم مختلف بينما دلوقتي .... اصبحت أكبر خروجاتي ...........المشي علي البحر ساعة الغروب والفرجه علي السما والسحاب مش عارف ده من تأثيرات الغربه ؟ -_- ولا الملل ؟ -_- ولا ضغط الشغل ؟ -_- ولا انا اللي عجزت ؟ :wub: ولا عشان اصدقائي كلهم متجوزين ؟ :P ولا ايه تحياتي يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك رابط هذا التعليق شارك المزيد من خيارات المشاركة
se_ Elsyed بتاريخ: 22 مارس 2006 كاتب الموضوع تقديم بلاغ مشاركة بتاريخ: 22 مارس 2006 انا عمري ما كنت بيتوتي أولا : نسيت أقول إن الموضوع ده للمتزوجين فقط .. لذلك خد شنطتك وأتفضل من غير مطرود . ثانياً : لما كنا شباب ( من 35 سنة يا ليلى ) كنا زيك كده وبنرجع البيت على النوم وساعات ما بنرجعش خالص وننام على الرصيف .. لكن الجواز غير يا حبيبي ... فالزواج ...... إصلاح وتهذيب وتأديب .... شفت زهيري كلامه كان عامل إزاي ؟ ... زُهيري اللي كان زهرة شباب شُبرا .. زُهيري اللي كان مُلقب بإمبراطور السهر وليالي الاُنس والفرفشة ... تصور إنه دلوقت بينام من بعد المغرب ؟ .. وتصور إنه ما خرجش من البيت ولا شاف الشارع من أيام العدوان الثلاثي ؟ وتقولي إحنا وإحنا اللي وقفنا وما أتنحنحنا ثالثاً : هاخلي الموضوع ده مُثبت في باب الموضوعات الشخصية لمدة 13 سنة لحد ما تتجوز ونفرح فيك وأشوف كلامك بعد إسبوع واحد من الجواز الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
احمد هادي بتاريخ: 22 مارس 2006 تقديم بلاغ مشاركة بتاريخ: 22 مارس 2006 :huh: يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك رابط هذا التعليق شارك المزيد من خيارات المشاركة
MZohairy بتاريخ: 22 مارس 2006 تقديم بلاغ مشاركة بتاريخ: 22 مارس 2006 انا عمري ما كنت بيتوتي أولا : نسيت أقول إن الموضوع ده للمتزوجين فقط .. لذلك خد شنطتك وأتفضل من غير مطرود . شفت زهيري كلامه كان عامل إزاي ؟ ... زُهيري اللي كان زهرة شباب شُبرا .. زُهيري اللي كان مُلقب بإمبراطور السهر وليالي الاُنس والفرفشة ... تصور إنه دلوقت بينام من بعد المغرب ؟ .. وتصور إنه ما خرجش من البيت ولا شاف الشارع من أيام العدوان الثلاثي ؟ وتقولي إحنا وإحنا اللي وقفنا وما أتنحنحنا أولا مع كامل احترامي لأهل شبرا :P أنا زهرة شباب الزمالك -_- ثانيا كل اللي قلته غير كده كللللللللللله صح :huh: بس خرجت من البيت مره واحده بعد العدوان الثلاثي في مظاهرات العيش 1977 :wub: Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
nancy بتاريخ: 22 مارس 2006 تقديم بلاغ مشاركة بتاريخ: 22 مارس 2006 طيب ممكن الست تكون مش بيتوتية ازاى البيت والولاد والاتزام الخاص بيها فى البيت بيلزمها تكون بيتوتية فاموضوع دة شكلة خاص بالرجال المتزوجين وبعدين دة انت وقعتك بيضة يا س س انا حابعت جواب للمدام اقولها شوفى بيزوغ منك فين وبعدين انت شغال مع اقوى جهاز مخابرات انت بتقول من 35 سنة اذا كان حسب تاريخ الميلاد الى انت كتبة انت عندك 35 انت اية اتولدت اتجوزت ولا انت مغالط فى تاريخ ميلادك.. اعتف احسن لك ولا....... رابط هذا التعليق شارك المزيد من خيارات المشاركة
se_ Elsyed بتاريخ: 22 مارس 2006 كاتب الموضوع تقديم بلاغ مشاركة بتاريخ: 22 مارس 2006 وبعدين انت شغال مع اقوى جهاز مخابرات انت بتقول من 35 سنة اذا كان حسب تاريخ الميلاد الى انت كتبة انت عندك 35 انت اية اتولدت اتجوزت ولا انت مغالط فى تاريخ ميلادك.. اعتف احسن لك ولا....... يا مدام موساد :huh: قصدي يا مدام نانسي .. أنا كنت بأقتبس جُملة من بؤ عم يحي شاهين في فيلم " في بيتنا رِجل ) انا حابعت جواب للمدام اقولها شوفى بيزوغ منك فين مش إحنا يا ماما ده إحنا اللي دهننا الهواء زبدة كاكاو وركبنا للفراخ نص نعل وبعدين شوفي إسمي إيه وإنتي تعرفي الرُعب اللي بيقع في نفوس الأخرين لما يقرأوه ... وإن خس جسمي .. كفايه إسمي أنا ما بأخافش غيرمن ربنا بس ومراتي طبعاً ( أيوه يا بِس بِس ... سامعني هناك ) الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Mans بتاريخ: 23 مارس 2006 تقديم بلاغ مشاركة بتاريخ: 23 مارس 2006 (معدل) موضوع جميل يا سين سين بس انا خايف الاعترافات دي تودينا في داهية اخوكم متغرب بقاله 9 سنين تقريبا ، قضيت نص المدة في اشبيلية في اسبانيا و نصها التاني في دبي دار الحي و طول عمري ماليش في قعدة البيت خالص و طبعا دي مشكلة كبيرة مع المدام :) في اسبانيا زوجتي ما كانتش مبسوطة من العيشة في البلد ، فكانت بتقعد معايا شهرين و ترجع مصر شهرين في الشهرين اللي هي موجودة فيهم انا قاعد في البيت و مؤدب ، ولما ابقى لوحدي في الشهرين التانيين حدث ولا حرج :) انما في دار الحي بقى هي مبسوطة جدا ، فقدرنا نتوصل لمذكرة تفاهم اني اقابل ( الالاضيش ) اصحابي يوم الجمعة بعد الصلاة و يوم التلات بالليل و ده حل كويس باقترحه على الاخوة المتكلبشين ( المتزوجين ) انما بالتاكيد هايبقى في تضحيات مقابل الكام ساعة دول و كل واحد و شطارته في المفاوضات سؤال مهم ارجو منكم التفكير في اجابته : هو شبشب اتناشر بيترفع الساعة كام ؟؟ :o ؟؟ مع العلم ان شبشب اتناشر ما يسيبش علامات مميزة انما قبقاب واحدة ليه عواقب خطيرة تم تعديل 23 مارس 2006 بواسطة Mans بسـم الله بـدأت كلامــــي و صــــلاتي و ســـلامـي علـى المظــلل بالـغــمـام مـحـمـــد رســـــــول الله رابط هذا التعليق شارك المزيد من خيارات المشاركة
الباشمهندس ياسر بتاريخ: 10 يناير 2009 تقديم بلاغ مشاركة بتاريخ: 10 يناير 2009 سؤال مهم ارجو منكم التفكير في اجابته :هو شبشب اتناشر بيترفع الساعة كام ؟؟ ؟؟ مع العلم ان شبشب اتناشر ما يسيبش علامات مميزة انما قبقاب واحدة ليه عواقب خطيرة ابو ورده ده اختراع جااااااااااامد انا شمتاااااااان ف كل اللى اتجوزوا طبعا موضوع جامد وان مكنتش فاهم ليه متكملش انا راجل غير بيتوتى اطلاقا و معرفش السبب انى برج القوس ولا علشان انا طول عمرى غاوى سفر ولف و مقضيها فسح ودلع و حركات المهم الا انا خايف منه انى لما اتجوز البيت بقى والاطفال يكتفونى و يا سلام بقى لو مدام المستقبل ان كان فيه مدام يعنى تطلع مبتحبش كده وتكون بتحب الفوتيه تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
somayasaleh بتاريخ: 10 يناير 2009 تقديم بلاغ مشاركة بتاريخ: 10 يناير 2009 سؤال مهم ارجو منكم التفكير في اجابته :هو شبشب اتناشر بيترفع الساعة كام ؟؟ :lol: ؟؟ مع العلم ان شبشب اتناشر ما يسيبش علامات مميزة انما قبقاب واحدة ليه عواقب خطيرة ابو ورده ده اختراع جااااااااااامد انا شمتاااااااان ف كل اللى اتجوزوا طبعا موضوع جامد وان مكنتش فاهم ليه متكملش انا راجل غير بيتوتى اطلاقا و معرفش السبب انى برج القوس ولا علشان انا طول عمرى غاوى سفر ولف و مقضيها فسح ودلع و حركات المهم الا انا خايف منه انى لما اتجوز البيت بقى والاطفال يكتفونى و يا سلام بقى لو مدام المستقبل ان كان فيه مدام يعنى تطلع مبتحبش كده وتكون بتحب الفوتيه مين اللي صحي الميتيين اللي تحت........... الموضوع بقاله سنتين واكتر......... علي العموم هو موضوع ظريف ... ونشكر الباشمهندس ياسر ان فتحه تاني علشان نشوف ارزء الازواج الاعزاء بس علي شرط .... نتكلم بصراحه.... ولكم الامان يا رجااااااااااااااله :lol: لا تجبر الانسان و لا تخـــــــــيره ........ يكفيه ما فيه من عقل بيحيــــــره اللي النهارده بيطلبه و يشتهــــيه ........ هو اللي بكره ح يشتهي يغيـــــره معلومات تهم المسافر حديثا http://www.egyptiantalks.org/invb/?showtopic=76997&st=30 رابط هذا التعليق شارك المزيد من خيارات المشاركة
dongol بتاريخ: 10 يناير 2009 تقديم بلاغ مشاركة بتاريخ: 10 يناير 2009 السؤال بصراحه اللي بيطرح نفسه هو هل كل راجل ملزم ان كل ما يخرج لازم ياخد مراته معاه ولا هو تعذيب و خلاص زي ما يكون الواحده بتقول في عقلها انت يا مجنون اتجرأت و اتجوزتني ... اصبر عليه ان ما طهقتك في عيشتك و وريتك الويل و الثبور و عظائم الامور علشان العمله السوده دي انا مش عارف يعني قبل الجواز كانت الواحده من دول بتعمل ايه يعني كان ابوها اللي هو حمايا يعني كان بيروح لافحها علي كتفه كل ما يجي يخرج و لا كان سايبها زي ال.... و لا بلاش أحسن تكون مراتي بتقرا الموضوع ده و علي فكره قبقاب الساعه اتناشر ما بيوجع خالص ده زي شكه الدبوس بس بلاش تتضرب بيه كل يوم علشان المضاعفات بس ربي ان لم يكن بك علي غضب............. فلا أبالي غير أن عافيتك هي أوسع لي رابط هذا التعليق شارك المزيد من خيارات المشاركة
se_ Elsyed بتاريخ: 10 يناير 2009 كاتب الموضوع تقديم بلاغ مشاركة بتاريخ: 10 يناير 2009 السؤال بصراحه اللي بيطرح نفسه هو هل كل راجل ملزم ان كل ما يخرج لازم ياخد مراته معاه ولا هو تعذيب و خلاص دونجل حبيبي .. مانت لو كنت دبحت الكات من اول يوم .. ما كانش حصل اللي حصل واحد هايقول لي : وحياتك دبحت قطتين من اول يوم .. ومراتي من جبروتها قامت أكلتهم ... اعمل إيه يا س س وأعيش إزاي ؟ أقول لك : إنت هوبليس كيس يا حبيبي .. وأحسن لك تقصر الشر وتتعايش مع الوضع .. والأرض مقابل السلام ... دلوقت الدكتور تُهامي هايزعل مني ويقول لي : إيه القثوة دي يا س س .. بقى لوسي ولا سنتوسي الجميلة دي حد يدبحها إنت ما عندكش هارت ؟ هاقوله .. إبعد إنت يا دكتور الكلام مش موجه ليك ... إحنا ناس بتاكل لحوم البشر يا سيدي سيبنا في حالنا ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Diab بتاريخ: 10 يناير 2009 تقديم بلاغ مشاركة بتاريخ: 10 يناير 2009 مساء الخير انا في السعودية دلوقت بيتوتي غصب عني حنروح فين يعني :lol: حتي هوايتي االلي علي قدي وهي التصوير محروم منها لان التصوير ممنوع في الأماكن العامة عاوز تصور خليك في بيتكوا في مصر مكنتش بقعد في البيت تقريبا غي ع النوم بس برضه ان الواحد يستقر في البيت مش عيب ولا حرام حتي وقت الفتن الرسول قال إلزم بيتك هو في فتن أكتر من اللي في الشارع wst:: أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
الباشمهندس ياسر بتاريخ: 10 يناير 2009 تقديم بلاغ مشاركة بتاريخ: 10 يناير 2009 العفو و اى خدمة بصراحة قعدت ادور ف المواضيع القديمة لقيت كنووووووووووز صبركم عليا بس لما هطلعهالكم تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
redwany بتاريخ: 10 يناير 2009 تقديم بلاغ مشاركة بتاريخ: 10 يناير 2009 انا بيتوتى غصب عنى والله كل لما اخرج الاقى التليفون شغال انت فين ياحبيبى انا قلقانه عليك ياحبيبى انت هتاخر ياحبيبى وكلمة حبيبى نتتقال لما ابقى بره البيت نفسى ابقى مش بيتوتى نفسى اجى يوم وابات بره البيت فى مصر كانت الزوجه بتفرح لما تروح عند مامتها وانا اخد راحتى اسهر براحتى حتى فى الشقة كنت باخد راحتى انا فى الصالون ارمى اللبس براحتى الخبط الحاجات براحتى اما فى الغربه وشنا فى وش بعض شوفولى حل رابط هذا التعليق شارك المزيد من خيارات المشاركة
Mohamed Fayek بتاريخ: 10 يناير 2009 تقديم بلاغ مشاركة بتاريخ: 10 يناير 2009 ستات زمان كانت صحتهم مسعداهم وكانوا بيستخدوا اللى مايتسماش ( أبو وردة والقبقاب ) لكن الأيام دى الستات حاجة فافى خالص بس آخر إفترى وكل واحده فيهم معاها العصاية الكهربائية وهى خبطة واحدة وتلاقى جتة سعادتك على الأرض وهاتو ياعيال الحبل . لكن انا تعجبنى الست الذكية انا خارج ياحبيبتى عندى عشاء عمل حتتأخر ياحبيبى مش عارف ياروحى .. ليه عاوزة حاجة لا سلامتك .. بس خد كيس الزبالة وإنت نازل حاضر ياستى وسعادتك تنزل من هنا .. وتروح تسهر سهرتك ... ومنتش دارى بالمصيبة اللى مستخبيالك ...وطول الطريق بتسمع أغانى لعبد الحليم وتستعيد ذكريات زمان ... وتوصل البيت تركن سيارتك وتحط المفتاح فى الباب وتلاقى المفتاح مش عاوز يفتح الهانم سايبة المفتاح فى الباب ... تتصل على الموبايل بتاعها ماحدش بيرد وعلى التليفون الثابت مافيش صوت جرس يبقى مافيش غير أى فندق تنام فيه لحد الصبح ... لكن اللى يفرس بقى تسألك بكل برووووود لما ترجع الصبح إنت إتعشيت إيه ياحبيبى ؟ أكلت مقلب ياحياتى ... الله يا الله الله يا الله الله يا الله الله يا الله ياخالق الأكوان يارباه ياواحد لانرتجى إلا هو يامن تريح القلب إن ناداك أنت العظيم المستعان العالى وأنا الفقير إليك من أعمالى فإغفر ذنوبا تعتلينى يامن لايعفو عن تلك الذنوب سواه أعطيتنى والحمد يامعطيها نعما بشكرك لا ولن أحصيها فأمنن على بنعمة الإيمان وألهم فؤادى كى يزيد تقواه الله يا الله الله يا الله الله يا الله رابط هذا التعليق شارك المزيد من خيارات المشاركة
dongol بتاريخ: 11 يناير 2009 تقديم بلاغ مشاركة بتاريخ: 11 يناير 2009 دونجل حبيبي .. مانت لو كنت دبحت الكات من اول يوم .. ما كانش حصل اللي حصل و حياتك يا سين سين يا خويا كان عندي حته قطه مربيها علي الغالي طول عمرها في انتظار يوم الجواز ده لكن تعمل ايه بقي في جبروت الستات ولا قطيع قطط بحاله ينفع في موضوع الخروج ده و بصراحه انا شايف ان الحل الوحيد ان الراجل مننا يدور علي طاقيه الاخفاء علشان يقول لمراته انا داخل انام و بعد كده يروح نازل من غير هي ما تحس بحاجة و علي العموم انا برضه قادر استحمل موضوع القبقاب و اهي علقه تفوت و لا حد يموت في سبيل الحريه و القيم و المبادئ اللي الواحد اتربي عليها ... اقصدي اللي ما اترباش عليها ربي ان لم يكن بك علي غضب............. فلا أبالي غير أن عافيتك هي أوسع لي رابط هذا التعليق شارك المزيد من خيارات المشاركة
النيل حبيبي بتاريخ: 11 يناير 2009 تقديم بلاغ مشاركة بتاريخ: 11 يناير 2009 اين المفر الصراحه انا بيتوتي من قبل السفر صحيح المناسبات مابتأخرش لكن اغلب الوقت بالبيت لذلك اتعودت في السعوديه وطبعأيافرحتك ياعدلات انتِ والأولاد سبحان الله العظيم سبحان الله وبحمده رابط هذا التعليق شارك المزيد من خيارات المشاركة
moslem بتاريخ: 11 يناير 2009 تقديم بلاغ مشاركة بتاريخ: 11 يناير 2009 (معدل) السلام عليكم : انا بصراحة بيتوتي جدا ..لعدة اسباب - انا سعيد جدا في بيتي مع زوجتي و ابنتيّ " خلود وشهد " - لا احبذ مجالس المقاهي - ثم يا اخواني في مصر نحن في بلدي لا نستطيع الزواج بثانية ..فانعم الله علي بالبصيرة لكي احترم نفسي ..واحافظ على رضا زوجتي حفظها الله ..ولن اغادر البيت الا اذا طلبت مني صاحبة الجلالة ذلك :blink: تم تعديل 11 يناير 2009 بواسطة moslem بسم الله الرحمن الرحيم "وقضينا الى بني اسرائيل في الكتاب لتفسدنّ في الارض مرتين و لتعلنّ علوّا كبيرا * فإذا جاء وعد أولاهما بعثنا عليكم عبادا لنا أولي بأس شديد فجاسوا خلال الديار وكان وعدا مفعولا " صدق الله العظيم سورة الاسراء(الاية 4و5) رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان