محاورون في المنفى

[se_ Elsyed]

على وزن ( أمهات في المنفى )

- تعودنا دائماً نحن الشعب المصري بألا نجادل الحكومة في أي شيء

فهي الأم الرؤم التي ترى مصالح أولادها في أي إتجاه وبالتالي بتسوقهم وهما يمشوا رواها ...

- وهم الفراعين الذين يرونا ما يرون طالما الأنهار بتجري من تحتهم .

وبالتالي لما تفكر الحكومة في فوكيرة إغلاق موقع محاورات المصريين وشئون مصرية ، فنحن نثق ثقة عوراء .. قصدي عمياء بإنها شايفه مصلحتنا في كده :

فيمكن ( بأقول ) يمكن

- هاتبني لنا منتديات جديدة فيها مُكيفات وحمام لكل مُشترك وعربية خاصة تجيبه لما يحب يضيف موضوع أو يرد على موضوع ... وتروحه تاني لبيتهم لما يزهق ويخلص ويحب يرتاح ( ومونكن .. أنا بأقول مونكن .. العربية دي تكون بوكس شرطة ... لمزيدٍ من حماية الأعضاء :huh: )

- ويمكن هاتوزعنا على منتديات تانيه أو تعمل لنا مُنتديات إيواء مثلاً بدل اللي وقعت .. وتصرف لكل واحد مرتبة ومخده وبطانية ميري سودا مخرمه من بتاعت الجيش .. وتصرف لنا بقى وجبات سثخنه كل يوم وكده ( عدس وفول وخلافه ) ونبقى عايشين سفلقه على قفا الحكومة .

- ويمكن تطلع لنا بزابورتات فوشيه اللي هي بتاعت اللاجئين السياسيين وتسمح لنا نتظاهر قدام سفارات الدول النضيفة زي نيوزلندا وأستراليا والدنمارك :P عشان يدونا حق اللجوء الإنترنتاوي ( بس ممكن تعمل فينا زي ما عملت في السودانيين بتوع شارع جامعة الدول .. وبكده تبقى خلصت علينا في عملية نضيفة 100 % وإسمها عملت اللي عليها .

- ويمكن تصرف لنا تعويضات ... فأنا بأعتبر مواضيعي مثلاً هي شقى عمري اللي طلعت به من الدُنيا .. والحكومة كلها نظر .. فذي ما غرقت العبارة وصرفت لهم تعويضات .. فبالتالي هيكون عندها نفس النظر وتصرف تعويضات لأصحاب المواضيع

أنا بصراحة بأثق في حُسن نية الحكومة .. وعارف إنها ما بتعملش حاجة في غير صالح المواطنين .

[ابو خليل]

:P

أعتقد أن الحكومة لن تعمل علي غلق المنتدي كما تتخيل يا سي السيد

لأنها فكرة أثبتت خطأها

الحكومة هاتعمل انتخابات في المنتدي ..

يعني مثلا علي مقعد المشرف العام .. أو مشرفي الاقسام ..

ويوم التصويت في الإنتخابات ... هتعمل بروكسي علي المنتدي .. علشان محدش يعرف يدخله إلا اللي معاه رقم البروكسي من أحبابها .. ويمكن تبعث فيروسات للاشخاص الغير مرغوب فيهم علشان تدمر أجهزتهم .. ويمكن تقطع الكهرباء أساسا علي المنطقة التي يسكنون فيها أساسا ... فالحكومة هي اللي معاها مفاتيح الكهرباء ! ...

وعموما يجعله عامر ... :huh:

[لخبطه]

اللى يضحك أكتر ياسي السيد ان المحاورات من الناس الأكثر التزاما في نقدها يعني محترمه جدا وبدون عيب أو تجريح

لكن انا سمعت و العهده على الراوي ان الحكومه بتوفرفي النت في البلد يعني دي حمله للترشيد في استخدام النت بيقولك انه الحكومة هتركب جلد - على اساس انها حنفيه يعني - على كل كي بوورد علشان الكي بورد اللى بتنقط كلام مش بيعجب الحكومه واهو بردو توفير وترشيد دانا سمعت كمان انه بعض المناطق النائيه هتنقطع عنها النت يومين في الأسبوع ومش بعيد تفتح التلفزيون تلاقي إعلان توجيهي بالنص دا :-

من حكمدار بوليس العاصمة ( إلى السيد أحمد ابراهيم القاطن بدير النحاس) :huh:

إلى مستخدمي انترنت في مصر نعتذر عن قطع النت عن منطقة الوايلي وذلك لوجود اصلاحات في الماسورة الرئيسيه المؤديه إليها

[haivi]

الشيء الذي يسعدني يا سي السيد

إن حكومة جمهورية مصر العربيه (المباركه) بتقهم ف الكمبيوتر !!

وهذا إن دل على شيء فهو يدل على نضج و تفتح أمخخ الحكومه ..فمثلاً النهارده بيتصنطوا كأعضاء مسالمين مثلنا ولربما في الغد القريب نستطيع أن نجدد رخصة القياده ع النت مباشرة من الحكومه أو يعني مثلاً مثلاً تقدر تبعت برساله لا قدر الله إلى الوالي الحاكم بأمورنا نستوضحه حقيقة الأمر في ما يخص الحريه الزائده التي فرضها فرضاً على الشعب !

ونلفت نظر معاليه عن فرط كرمه وما قد يسبب من فساد وعدم الإلتزام بالحريه التي أنعم علينا وبسخاء حاكم مصرنا العظيمه .

ولكن ما يؤرقني وأرغب في الإستفسار عنه كمهاجر أكل عليه الزمان وشرب ,

يعني إيه حكومه ؟ :huh: