اغنية احمد فؤاد نجم بمناسبة خطوبة رئيس مصر القادم

[الاسكندرنى]

وهذا نص الاغنية:

مبروك يا عريسنا

يا أبو شنه ورنه

يا واخدنا وراثه

أطلب واتمنى

وأخرج من جنه

أدخل على جنه

مش فارقة معانا

ولا هارية بدنا

ولا تاعبه قلوبنا

يا عريس الدولة

أفرح وأتهنى

ما أحناش كارهينك

لكن هارشينك

ح تكمل دينك

وتطلع دينا

[se_ Elsyed]

بجد نجم كتب الكلام ده ؟

أصلي مستغرب .. الراجل ده منذ أن تولى مبارك الحكم وهو واكل سد الحنك وكإن مبارك كاسر عينه .

مع إنه كان مُبدع أيام ناصر والسادات وكان لسانه عامل زي الفرقلة ( الكرباج يعني )

[الاسكندرنى]

اخى سين سين

الكلام ده وصلنى اليوم عن طريق التليفون مع احد اصدقائى فى الاسكندريه وهو يقول ان احمد فؤاد نجم

[لخبطه]

شديده جدا يااسكندراني وهيا سكة نجم على فكره ....طريقته واسلوبه

بس ممكن تكون مش له وحد بيصيت عليها باسمه

على أي حال هيا شديده جدا بستاذن منك ابعتها رساله موبايل للناس بقا لانها حلوه فعلا :)

[الاسكندرنى]

بستاذن منك

يا عم المال مالك اتفضل

[maxpayne_007]

مين قال الفاجومى متكلمش فى العهد المبارك ؟؟

طب خد دى عندك

عليا الحرنكش يا ريس مبارك

فى عصرمزركش ملون بنارك

لابايعك وأبايع حكومة حمارك

ملعون أبو اللى يقدريقاطع قرارك

نهاره مقندل وليله مبارك

فهمبك وهجص وطلع فى ديننا

أكيد هو طالع يشاهد جمالك

جمالك مبارك سوزانك سوزاننا

يا محلا حصارك لمصر اللى جالنا

نسيمها فى عصرك بيشوى ف بدنا

أؤيد وأبايع فخامة جلالتك

XXXXXXXX

XXXXXXX

XXXXXXX

XXXXXXX

XXXXXXX

XXXXXXX

على تل مصر ياريتك تهيص

خرابة فسيحة عليها تمتيس

وأأمر تطاع فشعبك مفيص

معلش هوا احيانا بيخرج عن السياق

[White heart]

فهمبك وهجص وطلع فى ديننا

جمالك مبارك سوزانك سوزاننا

XXXXXX

XXXXXX

XXXXXX

XXXXXX

XXXXXX

XXXXXX

خرابة فسيحة عليها تمتيس

يمكن إدراج الأغنيتين تحت بند النقد الساخر اللاذع جدا :blink:

و لكن هذه الأبيات لا أراها كذلك بالمرة :D

[Mans]

شديده جدا يااسكندراني وهيا سكة نجم على فكره ....طريقته واسلوبه

بس ممكن تكون مش له وحد بيصيت عليها باسمه

على أي حال هيا شديده جدا بستاذن منك ابعتها رساله موبايل للناس بقا لانها حلوه فعلا :huh:

فعلا احمد فؤاد نجم اللي كاتبها و عندي بصوته

[الاسكندرنى]

طيب ياعم ماتضيف المقطع اللى معك

اف نسيت ارحب بيك فى المحاورات

اهلا وسهلا حللت اهلا و نزلت سهلا برده

مرحبا فى ارض مطار محاورات المصريين :huh:

[المغترب]

برافو ياعم اسكندراني 00 شديدة شوية 00 لكن فعلا احمد فؤاد نجم هبط السنوات الأخيرة وأدوله برنامج يرنامج تلفيزيوني يرمح فيه 00 لكن علينا التهنئة وخلينا نبارك ولانحسد وهذا يفكرني بالعم بيرم التونسي

00 يائع الفجل بامليم واحدة 00 كم للعيال وكم للمجلس البلـــــدي

كأن أمي بل الله تربتها 000 أوصت فقا لت أخوك المجلس البلدي

وتحياتي 000 ياعم اسكندراني

[here _iam]

رغم انه بها بعض الكلام اللى مينفعش يتقال بس مقتدرش غير اقول جمددده

[nemr111]

مبروك يا عم جمال

تغلبها بالمال تغلبك بالعيال

و قالوا زمان يا واخد القرد على ماله

يروح المال و يبقي القرد على حاله

و انت مشا الله حالك له شنة و رنة

اصلك وارث مصر ام الدنيا

و ربي لو انا منك اخطب واحدة تانية

ما الخير كتير و العرايس ماليا الدنيا

اوعى تجيب عيل و تقول استكفينا

دا نت املاكك كتير يا افندينا

و اكتب لكل واد منهم حتة وزارة

زي ما ابوك ساب لك دولة و امارة

برتع فيها يا عم و بين الشطارة

و إن عجز الطب مصر كلها عطارة

[nancy]

لاقيتها اخيرا

الفجومى صعب يسكت للابد احنا فى زمن حريه......حرية الصياح ... مشين بنظام ان الكلام زى الشتيمة مش بيلزق

[abdo_bek]

Friday, March 03, 2006

تحية من فؤاد نجم لجمال مبارك في يوم خطوبته

مبروك يا عريسنا

يا أبو شنه ورنه

يا واخدنا وراثه

أطلب واتمنى

وأخرج من جنه

أدخل على جنه

مش فارقة معانا

ولا هارية بدنا

ولا تاعبه قلوبنا

ولا *********

يا عريس الدولة

أفرح وأتهنى

ما أحناش كارهينك

لكن هارشينك

ح تكمل دينك

*********

القصيدة منشورة على موقع كفاية

القصيدة ألقاها شاعر الشعب(احمد فؤاد نجم) بميدان طلعت حرب مساء اليوم الخميس، في أمسية نظمتها حركة أدباء وفنانون ردا على منع النظام حفل غنائي الجمعة الماضية بحديقة الخالدين مخصص لأغاني الثنائي (إمام ونجم).

تم تعديل 27 أبريل 2006 بواسطة عصام شوقى

[Guest النسر المصري]

الأخ ابو بيك....الرجاء انتقاء الاشعار التي لايوجد بها كلمات بذيئة

.فاي كلام هذا يقال في منتدنا بهذا الاسلوب وهناك نساء محترمات تقرأ ما يقال

هذا عوضاً عن أن هذا الشعر تكرر هنا في المنتدى

وشكرا للاهتمام

[nemr111]

الاخ ابو البيك هى فعلا حاجة تفقع ( ) و غصب عننا ممكن ننطقها فى كل وقت لكن فى النشر عادى جدا ما هو قالها فى قناة الجزيرة بالكامل .. يمكن عشان كده حطو حسين فى السجن .. و لا احمد فؤاد نجم .. يخافوا يقبضوا عليه.. يروح فاضحهم كمان و كمان