تشكيل حكومة ظل المحاورات

[Tafshan]

و انا كمان :D

انا عايز اي وزارة غير وزارة الثقافة عشان سمعة وزرائها وحشه :D

[عصفور طاير]

يا اخوانا أنا لم اتلق أي اتصالات حتى الآن بخصوص ترشيحي، إلا من المعلم حلاوة العنتبلي اللي رشحني كبير مفتشين بدرجة مدير عام في وزارة المالية، ودي ثقة أشكره عليها جزيل الشكر، لكن أحب أقول لكم إن امكانياتي اكبر من كده بكتييير، ولا أقبل إلا أن أشكل الوزارة (مؤقتا).. ولهذا أنا بجوار التليفون في انتظار الاتصال من الرئيس بتكليفي من أجل المصلحة الوطنية.. وأحب أقول له إن البلد مش ناقصة مشاكل وقلاقل وانشقاقات وتمردات لا سمح الله.. لكن على الجميع مراعاة التوازنات السياسية والتكتلات.. إحنا معشر العصافير قوة لا يجب الاستهانة بها، فأولا عندنا استعداد لأكل محاصيل الرز والقمح ونجوع الشعب خلال شهور بسيطة.. ثانيا: ممكن ننقل للناس انفلوانزا الطيور من أندونيسيا مباشرة.. وعندنا فرق من العصافير الانتحارية المستعدة للقيام بهذه العمليات فورا.. ثالثا: لو اتجمعت كل العصافير اللي في مصر في جنينة قصر السيد الرئيس وسوسونا كلنا في وقت واحد هنربي الخفيف لسيادته.. غير ان أصغر عصفور عندنا ممكن يخلي موقف الرئيس وحش جدا لو عملها على بدلته او نزلها على راسه مثلا في مقابلة رسمية في أي مكان بالدنيا.. وطبعا موضوع انه هايتكسي والكلام الشعبي ده مش هايحيب نتيجة معانا، لأنه ممكن كل ما يتكسي نعملها برضه على هدومه الجديدة.

عموما ده مش تهديد، ولا إملاءات.. ولكن هذه مواقفنا.. وأرجو أن تكون الرسالة قد وصلت مش بس للأستاذ س س والأخ طارق، ولكن حتى للاستاذ عادل أبو زيد شخصيا.

(عصفور طاير الجنبلاطي)

رئيس الحزب اليميني اليساري الديقراطي الشمولي

جبل ناعسه (بتاعة أيوب) ـ اسكندرية

تم تعديل 7 مارس 2006 بواسطة عصفور طاير

[مصريه بالكويت]

ياااااااااااااااااااا جماعه

انتوا لسه هتعملو وزاره لشئون الهجره طيب ليه بقا

مهو ف ظل الوزارات الميت فل دى مفيش مواطن هيتشحطط بره مصر

خلااااااص وراتب الواحد هيقفز من 200 جنيه (انا بتكلم عن نفسى كمدرسه ف مصر)هيبقا اان شاء الله 5 الاف لا خليهم 6 الاف جنيه :rolleyes:

وبعدين هو انا لسه هشتغل مدرسه mfb: مع انى بحب التدريس

ممكن لو سمحت تشوفلى اى وزارة صغننه امسكها ان شالله وزارة الماليه وهشوفك بقرشين متخافش بس انت زكينى عند الكبار ولك البقلاوق

ويجعله عامر :blink:

[الأفوكاتو]

يا اخوانا أنا لم اتلق أي اتصالات حتى الآن بخصوص ترشيحي، إلا من المعلم حلاوة العنتبلي اللي رشحني كبير مفتشين بدرجة مدير عام في وزارة المالية، ودي ثقة أشكره عليها جزيل الشكر، لكن أحب أقول لكم إن امكانياتي اكبر من كده بكتييير، ولا أقبل إلا أن أشكل الوزارة (مؤقتا).. ولهذا أنا بجوار التليفون في انتظار الاتصال من الرئيس بتكليفي من أجل المصلحة الوطنية.. وأحب أقول له إن البلد مش ناقصة مشاكل وقلاقل وانشقاقات وتمردات لا سمح الله.. لكن على الجميع مراعاة التوازنات السياسية والتكتلات.. إحنا معشر العصافير قوة لا يجب الاستهانة بها، فأولا عندنا استعداد لأكل محاصيل الرز والقمح ونجوع الشعب خلال شهور بسيطة.. ثانيا: ممكن ننقل للناس انفلوانزا الطيور من أندونيسيا مباشرة.. وعندنا فرق من العصافير الانتحارية المستعدة للقيام بهذه العمليات فورا.. ثالثا: لو اتجمعت كل العصافير اللي في مصر في جنينة قصر السيد الرئيس وسوسونا كلنا في وقت واحد هنربي الخفيف لسيادته.. غير ان أصغر عصفور عندنا ممكن يخلي موقف الرئيس وحش جدا لو عملها على بدلته او نزلها على راسه مثلا في مقابلة رسمية في أي مكان بالدنيا.. وطبعا موضوع انه هايتكسي والكلام الشعبي ده مش هايحيب نتيجة معانا، لأنه ممكن كل ما يتكسي نعملها برضه على هدومه الجديدة.

عموما ده مش تهديد، ولا إملاءات.. ولكن هذه مواقفنا.. وأرجو أن تكون الرسالة قد وصلت مش بس للأستاذ س س والأخ طارق، ولكن حتى للاستاذ عادل أبو زيد شخصيا.

(عصفور طاير الجنبلاطي)

رئيس الحزب اليميني اليساري الديقراطي الشمولي

جبل ناعسه (بتاعة أيوب) ـ اسكندرية

ما رأيك فى وزارة " الطيران"؟حيث أنك" عصفور طائر"

تم تعديل 7 مارس 2006 بواسطة الأفوكاتو

[Eng_Willo]

فين الديمقراطية؟؟؟ فين حقوق المواطنة؟؟؟؟ فين حق الشعب؟؟؟؟؟

<{POST_SNAPBACK}>

ولا يهمك يا بشمهندس وائل أنا هأعينك وكيل الوزارة ، بس من دلوقتي أقولك اهوه .. واللي أوله شرط آخره لمبة ..آه .. شعارنا .. لا أسمع لا أرى لا أتكلم ,,

مش تقعد تعمللي فيها واد نضيف وشعارات ومدينة فاضلة وبتاع ..

اعمل شغلك وانت ساكت .. ومتقلقش لو هتمشي معايا تمام تمام ..

هينوبك من الحب جانب :P

وكيل وزارة مرة واحدة......يا سلام هى دى الوزرا ولا بلاش....يا بشمهندسة انتى تأمرى و انا انفذ و ما تخافيش انا ابو المفهومية و بعرف اطبخ اى موضوع و بحب الكوسة زى عينيا...و ما تقلقيش انا اعمى يعنى مابتكلمش.

ياااااااااااااااااااا جماعه

انتوا لسه هتعملو وزاره لشئون الهجره طيب ليه بقا

مهو ف ظل الوزارات الميت فل دى مفيش مواطن هيتشحطط بره مصر

خلااااااص وراتب الواحد هيقفز من 200 جنيه (انا بتكلم عن نفسى كمدرسه ف مصر)هيبقا اان شاء الله 5 الاف لا خليهم 6 الاف جنيه :blink:

وبعدين هو انا لسه هشتغل مدرسه :P مع انى بحب التدريس

ممكن لو سمحت تشوفلى اى وزارة صغننه امسكها ان شالله وزارة الماليه وهشوفك بقرشين متخافش بس انت زكينى عند الكبار ولك البقلاوق

ويجعله عامر mfb:

بالعكس دى وزارة الهجرة دى من اهم الوزارات....المشكلة ان حضرتك مغتربة و متعرفيش الدولار عامل ايه فى السوق المصرى...الدولار دلوقتى ب 6 جنيه و ال200 لحلوح دوول مابيكفوش عيش حاف نص شهر دلوقتى اما لما الوزارة الكريمة دى تمسك الحكم الدولارهيبقى ب 500 جنيه :P يعنى الشباب هيفضل طول عمره متشحطط برة.

ياريت حد يشوفلى عروسة اجنبية غنية عشان اتجوزها و اخد الجنسية و اعيش سفلقة عليها :rolleyes:

[Guest النسر المصري]

معلش ياريس س س

ماتآخدنيش يمكن ردي ماعجبكش

لكن المهاجرين والعلمانيين مالهومش مكان عندنا في الوزارة

يبقى وزارة البيئة تسند لناس افاضل زي بنت مصرية مثلا

[tarek_almeghallawy]

بعد انضمام الهايدباركيين

وأعضاء نشطين جدد

قررنا عمل تغير وزاري محاوراتي

وفتح الباب لتمثيل كل القوى والتيارات

في تشكيل يناسب طبيعة المرحلة

مين يحب يشكل الوزارة الجديدة

[se_ Elsyed]

بعد انضمام الهايدباركيين

وأعضاء نشطين جدد

قررنا عمل تغير وزاري محاوراتي

وفتح الباب لتمثيل كل القوى والتيارات

في تشكيل يناسب طبيعة المرحلة

مين يحب يشكل الوزارة الجديدة

أنا بأحذرك يا طارق

إنت كده بتضرب إستقرار البلد على قفاه

عمرك سمعت عن وزارة مالحقتش تربعن ( تكمل أرعين يوم ) وراحوا شايلينها ؟

اللهم إلا إذا كان في إنقلاب

يا راجل ده الوزرا مالحقوش يجيبوا ثمن البِدل الجديدة ...

فأرجو من معاليكم منح فرصة للوزراء اللي لسه أساميهم بالقلم الرصاص إنهم يثبتوا نفسهم ( ويلحقوا يقلبوا لهم قرشين )

[ATHENA]

مفيش وزراة فاضية لو سمحتم؟

لو مفيش ممكن نعمل وزراة المغتربيين الباركيين..و أنا ممكن أتطوع و كله لخدمتك يا مصر و يا غلبك يا مصر...

تم تعديل 10 أبريل 2006 بواسطة ATHENA

[yasovinas]

:closedeyes: لانها وزارة ظل والمفروض ان وزارة الظل هي ظل الوزارة الحقيقية ولان رئيس الوزارة الحقيقية نظيف فيبقى المفروض رئيس وزارة الظل يبقى رابسو الي هو موديست في زمانا الحالي

ايضا لان رئيس وزارة النور طوووويييييل يبقى المفروض رئيس وزارة الظل اطول منه فيبقى الرئيس المرشح كليو <_<

اما الوزراء فيجب ان يكون لكل وزير علني وزير في الظل وطبعا المشكله كما قال طفشان في وزير الثقافه

بالنسبة لوزيرة العمل ارشح مقابلها اثينا اهم الاتنين يا دوب كملوا الابتدائية وربنا يستر على ولايانا

بالنسبة لوزير الماليه انا شايف ان س س يقوم بيها ويشيل الليله بالنسبة لوزير الاوقاف انا برشح لها ناصر الاول

وزارة الزراعه كان في واحد صاحبي زمان اسمه ماجد فاكرينه الجدع دا حداه فدانين رمله (مش طين) في التحرير بيزرعهم كل سنه قمر الدين والعمليه ماشية معاه ممكن يبقى وزير زراعه حلو

طبعا وزارة الاعلام الاستاذ خلص الكلام

وزارة الصناعه عصام شوقي اسو الراجل بيفهم في البيجو وبيعرف يوقفها فيبقى مش اقل من وزارة الصناعه

وزارة الثقافه انا عارف ان الرجاله كلهم هيزعلوا لو رشحتهم فاية رايكم في بنت مصريه اهي بتاعة شعر وادب وبترسم كمان واهي سبوبة تمشي بيها الحال

وزارة العدل انا ارفض ان يتولاها عمنا الافوكاتو لان الراجل ده عنده ضمير قوي اقول لكم سيبوها لي وانا هتصرف

وزارة الداخليه عمنا ابو زيد كان بيلعب رياضات عنيفة وبعدين بيكره بن لادن وصبيانه قوي يعني يصد في المكان دا كويس

اما وزارة الهجرة والمهاجرين فطبعا مافيش اي حد ينفع لها غير سكوب ابو جونيور ربنا يفك رباط جزمته

الخارجيه حد عنده بدلة سموكن جديده

الاقتصاد ما فيش اجدع من هومر الجدع دا مليان كده وشكله باين عليه ابن عز يعني يفهم في الاقتصاد كويس

وزارة السياحه حد بيتكلم انجليزي كويس ممكن برضه نخلي فيها كليو

وزارة التموين ما فيش انجح من عمنا كفايه بيفهم في التومين والزيت وحتى السوبيا

حشيش وزيرا لشؤون مجلسي الشعب والشورى واهو استاذ في ايجاد قصص وحكايات لتبرير بلاوينا كلها

[ATHENA]

بالنسبة لوزيرة العمل ارشح مقابلها اثينا اهم الاتنين يا دوب كملوا الابتدائية وربنا يستر على ولايانا

الهي يسترك يا بيه و ينصرك على من يعاديك يا ياسو يا نصير الغلابة المقرب من الشعب أيوه كده نحس إننا من حكومتنا و حكومتنا مننا

إخترناااااك إخترناااااك

[Set_Amina]

:closedeyes: لانها وزارة ظل والمفروض ان وزارة الظل هي ظل الوزارة الحقيقية ولان رئيس الوزارة الحقيقية نظيف فيبقى المفروض رئيس وزارة الظل يبقى رابسو الي هو موديست في زمانا الحالي

ايضا لان رئيس وزارة النور طوووويييييل يبقى المفروض رئيس وزارة الظل اطول منه فيبقى الرئيس المرشح كليو <_<

اما الوزراء فيجب ان يكون لكل وزير علني وزير في الظل وطبعا المشكله كما قال طفشان في وزير الثقافه

بالنسبة لوزيرة العمل ارشح مقابلها اثينا اهم الاتنين يا دوب كملوا الابتدائية وربنا يستر على ولايانا

بالنسبة لوزير الماليه انا شايف ان س س يقوم بيها ويشيل الليله بالنسبة لوزير الاوقاف انا برشح لها ناصر الاول

وزارة الزراعه كان في واحد صاحبي زمان اسمه ماجد فاكرينه الجدع دا حداه فدانين رمله (مش طين) في التحرير بيزرعهم كل سنه قمر الدين والعمليه ماشية معاه ممكن يبقى وزير زراعه حلو

طبعا وزارة الاعلام الاستاذ خلص الكلام

وزارة الصناعه عصام شوقي اسو الراجل بيفهم في البيجو وبيعرف يوقفها فيبقى مش اقل من وزارة الصناعه

وزارة الثقافه انا عارف ان الرجاله كلهم هيزعلوا لو رشحتهم فاية رايكم في بنت مصريه اهي بتاعة شعر وادب وبترسم كمان واهي سبوبة تمشي بيها الحال

وزارة العدل انا ارفض ان يتولاها عمنا الافوكاتو لان الراجل ده عنده ضمير قوي اقول لكم سيبوها لي وانا هتصرف

وزارة الداخليه عمنا ابو زيد كان بيلعب رياضات عنيفة وبعدين بيكره بن لادن وصبيانه قوي يعني يصد في المكان دا كويس

اما وزارة الهجرة والمهاجرين فطبعا مافيش اي حد ينفع لها غير سكوب ابو جونيور ربنا يفك رباط جزمته

الخارجيه حد عنده بدلة سموكن جديده

الاقتصاد ما فيش اجدع من هومر الجدع دا مليان كده وشكله باين عليه ابن عز يعني يفهم في الاقتصاد كويس

وزارة السياحه حد بيتكلم انجليزي كويس ممكن برضه نخلي فيها كليو

وزارة التموين ما فيش انجح من عمنا كفايه بيفهم في التومين والزيت وحتى السوبيا

حشيش وزيرا لشؤون مجلسي الشعب والشورى واهو استاذ في ايجاد قصص وحكايات لتبرير بلاوينا كلها

والنبي يابني الله لا يسيئك شوفي لي معاك حتة وزارة امسكها في التنظيم الجديد قبل ما تقفلوا باب الترشيحات

ويجعله عامر

هاشوفك برضه لما امسك المنصب الجديد واهو كله بثوابه

[yasovinas]

يا نهار ابيض بشراشيب فوشيا وعليها فيونكات بيستاج (نفسي اعرف ايه هو البيستاج دا :closedeyes: )

الست امينه هنا وانا ما اعرفش

ك\طيب ورحمة خالتي نزاكة انا لو اعرف كنت عملتلك وزارة لوحدك

يا سلام هو احنا عندنا كام ست امينه يعني غير ست امينه بتاعه نجيب محفوظ وست امينة رزق وامينه هانم بتاعة الافلام القديمه وامينه شكري وامينة المكتية ودول يعني

المهم مادام الست امينه شرفتنا فانا طبعا ما اقدرش اتاخر عليها تسمحي يا ست امينه توافقى وتتنازلي وتقبلي وزارة العلاقات الخارجية وشؤون المطبخ - ايه بتقول ايه يا س س انا سامعك ايه جاب دي لدي - والله يا بني ما لهمش صله لكن يعني الست امينه غاليه علينا وهي بتعة علاقات خارجية ودبلوماسية وكده وبرضه استاذه في المطبخ فحبيت استغل كل مواهبها

اخم حاجه يا شباب فين البرامج كل وزير يقب بالبرنامج بتاعه وبسرعه الله لا يسيأكم عايزين نلحق نركب علىالكرسي قبل س س ووزارته ما تصحى من النوم

[yacho]

يا جماعه انتم غلبتم الحكومه .. كلكم اصحاب منكم فيكم .. وبتطبخوا الوزاره كده بنظام

اللى ننام فيه نصبح فيه .. والاعضاء القدام عمالين ينقوا من معارفهم ومحاسيبهم اللى فى

المنتدى .. نظره عطف للدم الجديد ..والعين برضه عمرها ما حتعلى عن الحاجب ..و انتو

برضه حتفضلوا الخير والبركه

طمعانين فى عطف معاليكم فكرسى صغير فالوزاره .. :closedeyes: وبعدين الستات عددهم مش كفايه

فالوزارات اللى فاتت بصراحه..

[yasovinas]

يا سلام يا ياكو يا ام اسكندر عليه النعمة ما انا مزعلك خلاص حضرتك وزيرة المواصلات والمواتيء البحرية بس خللي بالك الله يكرمك من العبارات اياها دي الله يخليكي

[yacho]

يا سلام يا ياكو يا ام اسكندر عليه النعمة ما انا مزعلك خلاص حضرتك وزيرة المواصلات والمواتيء البحرية بس خللي بالك الله يكرمك من العبارات اياها دي الله يخليكي

بس هو ده .. ربنا يباركلنا فيك يا باشا يا اسكندرانى يا مجدع .. يا زين ما خترت معاليك

انشاء الله حنرفع رقبه سعادتك بعون الله

البرنامج ..... ربنا يسهل :closedeyes:

[yacho]

يا نهار ابيض بشراشيب فوشيا وعليها فيونكات بيستاج (نفسي اعرف ايه هو البيستاج دا <_< )

الست امينه هنا وانا ما اعرفش

ك\طيب ورحمة خالتي نزاكة انا لو اعرف كنت عملتلك وزارة لوحدك

يا سلام هو احنا عندنا كام ست امينه يعني غير ست امينه بتاعه نجيب محفوظ وست امينة رزق وامينه هانم بتاعة الافلام القديمه وامينه شكري وامينة المكتية ودول يعني

المهم مادام الست امينه شرفتنا فانا طبعا ما اقدرش اتاخر عليها تسمحي يا ست امينه توافقى وتتنازلي وتقبلي وزارة العلاقات الخارجية وشؤون المطبخ - ايه بتقول ايه يا س س انا سامعك ايه جاب دي لدي - والله يا بني ما لهمش صله لكن يعني الست امينه غاليه علينا وهي بتعة علاقات خارجية ودبلوماسية وكده وبرضه استاذه في المطبخ فحبيت استغل كل مواهبها

اخم حاجه يا شباب فين البرامج كل وزير يقب بالبرنامج بتاعه وبسرعه الله لا يسيأكم عايزين نلحق نركب علىالكرسي قبل س س ووزارته ما تصحى من النوم

البستاج هو لون قلب الفستق تلاقيه اخضر فاتح حضرتك .. وهى كلمه مشتقه

من اسم الفستق باللغه الفرنسيه اللى بتتكتب PISTACHE ولو نطقت الكلمتين

مش حيختلفوا كتير عن بعض .. لكن حصل تحوير فى النطق طبعا عندنا :closedeyes:

وهذا الموقف بيذكرنى بالقول الشهير

لغتنا العربيه يسر لا عسر ونحن نملكها كما كان القدماء يملكونها ... ولنا ان نضيف اليها ما نحتاج اليه

من الفاظ لم تكن مستعملة فى العصر الحديث .

طه حسين

[tarek_almeghallawy]

بعد انضمام الهايدباركيين

وأعضاء نشطين جدد

قررنا عمل تغير وزاري محاوراتي

وفتح الباب لتمثيل كل القوى والتيارات

في تشكيل يناسب طبيعة المرحلة

مين يحب يشكل الوزارة الجديدة

أنا بأحذرك يا طارق

إنت كده بتضرب إستقرار البلد على قفاه

عمرك سمعت عن وزارة مالحقتش تربعن ( تكمل أرعين يوم ) وراحوا شايلينها ؟

اللهم إلا إذا كان في إنقلاب

يا راجل ده الوزرا مالحقوش يجيبوا ثمن البِدل الجديدة ...

فأرجو من معاليكم منح فرصة للوزراء اللي لسه أساميهم بالقلم الرصاص إنهم يثبتوا نفسهم ( ويلحقوا يقلبوا لهم قرشين )

يا راجل دا الوزرا بتوعك قطعوا هدوم بعض وضربوا بعض بكراسي الوزارة

وكان في وزرا ها يرموا نفسهم من الشباك

وبعدين االوزراهم اللي غيروا أساميهم

عايزين وزارة رايقة مروقة

وكله عشان الصالح العام

تم تعديل 10 أبريل 2006 بواسطة tarek_almeghallawy

[yasovinas]

لغتنا العربيه يسر لا عسر ونحن نملكها كما كان القدماء يملكونها ... ولنا ان نضيف اليها ما نحتاج اليه

من الفاظ لم تكن مستعملة فى العصر الحديث .

طه حسين

هذه المقوله الجميلة كانت مقدمة لبرنامج اذاعي قديم اسمه لغتنا الجميله والله يا ياكو هانم انت كده بتزيدي من حيرتي ممكن حضرتك تتكرمي وتقبلي وزارة التعليم مع وزارة النقل البحري

عقلي الباطن

يا خوفي لا تقولي كلمتين على حسن شحاته ولا على الكابتن شحتة الاسكندراني ولا تيجي على الجرح وتجيب لي سيرة عرابي اقوم امسكها وزارة الرياضه كمان

[se_ Elsyed]

المعلم ياسو عمال يفرق في الوزارات وكإنه بيفرق حلاوة مولد النبي

ياسو

قسمه .. وتيفتي تيفتي .. خلي بالك أنا رئيس وزراء سابق